TITUS
Aegidius Romanus, De regimine principum
Part No. 19
Previous part

Chapter: III 
Capitulum III


Sentence: 416    Is syn dryerleie gute.
Sentence: 417    Eyns ist gut der selin, als dogunde unde gute seten.
Sentence: 418    Die andern heißen gute der lichenamen, als schonde, rischeit, gesuntheit unde des glich.
Sentence: 419    Is sin auch etczliche ussere gute, als adel, menyged der frunde unde richtum, als Aristotiles spricht primo rethoricorum.
Sentence: 420    Wenne eyn furste wil zcu der ehe griffen, so sal her dar uff achtunge habin, das die persona, die her zcu der ehe nemen wil, mit dissen dryerleie gute begabit sy.
Sentence: 421    Dach sal her zcu forderste sehen, das sie edel sy unde vil frunde habe, unde dar nach, das sie auch riche sy.
Sentence: 422    Wenne die ehe ist geschicket zcu ordentlicher geselschaft, zcu fredelichim lebin unde auch zcu gnugsamikeit des lebins.
Sentence: 423    Czu dem ersten gehort das adel.
Sentence: 424    Wenne also wirt eyn ordenliche geselleschaft, wenne eyn edel man komit in elicher zcufugunge zcu eynem edeln wybe.
Sentence: 425    Czu dem anderen gehorn vil frunde, wenne die mogen frede machin unde mit ire macht unfreden storen.
Sentence: 426    Czu dem dritten gehoret richtum, da mete mag man usrichten, wes zcu dem lebin not ist.
Sentence: 427    Sint dem mal nu eyn itczlich furste der dryer wol bedarff unde forder wenne eyn ander, das ist, das her mit synem elichin wibe geselliclich unde fruntlich lebe unde yn synem lande frede habe unde auch sich unde die synen erlich unde furstlich uß halde, so fuget ym wol, das her sich zcu eyner geselle, die edel sy unde vil mechtiger frunde habe unde auch rich sy.
Sentence: 428    Dach sal her die ersten czwey mehe an sehen wenne das richtum.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.