TITUS
Aegidius Romanus, De regimine principum
Part No. 25
Previous part

Chapter: IX 
Capitulum IX


Sentence: 484    Die elderen sullen zcu iren kinderen fliß habin, wenne die kinder habin ir wesin von den elderen.
Sentence: 485    Also habin alle dir auch fliße zcu iren iungen unde syn dar an nach alle irem vormogen, wie sie yn ire nerunge schicken unde sie irczehen, das sie by dem lebin bliben.
Sentence: 486    Also sullen auch die elderen flissig unde besorget syn, wie sie is also schickin, das ir kinder mogin wol lebin unde an irem wesin wol enthaldin werdin.
Sentence: 487    Dar zcu twinget auch die naturliche liebe, die under den eldern unde under den kindern ist, wenne das gehort die liebe an, das sie flißig sy by dem, das sie lib hat.
Sentence: 488    Unde dar umme sullen die vetere achtunge habin uff ire kinder van der libe wegin, die sie naturlich zcu yn habin.
Sentence: 489    nde nemelich so czemit das fursten durch dryeg sachin.
Sentence: 490    Die erste ist von der vornunft unde wisheit wegin, die fursten an gehort zcu habin, als hie vor geseyt ist.
Sentence: 491    Ja kluger nu eyn men sche ist unde y mer is nu irkent syne werck, y myt grosserem fliße unde liebe wirt is dar zcu beweget.
Sentence: 492    Sint dem mal nu eyn furste sal an wisheit unde an vor nunft ander luten obirtretin, so sal hero auch zcu synen kindern mehe flißis habin.
Sentence: 493    Die andere sache ist van der kynder wegin, wenne der fursten kinder sullen besser unde doguntsamer syn wenne die anderen dar umme, das sie syn yn hoer wirdikeit.
Sentence: 494    Is czemit auch wol, das die vorweser ander lute also wyse unde frome syn, das die undertanen van yn mogen nemen eyn gut bilde, wol zcur lebin.
Sentence: 495    Sint dem mal nu der fursten kint syn yn sulche wirdikeit gesaczt, als das sie iren undertanen sullen vor syn, so ist is not, das sie klug unde frome syn.
Sentence: 496    Unde dar umme sullen die fursten also vil flyssiger syn by iren kindern, also vil meher sie klugheit unde fromikeit sie bedurften.
Sentence: 497    Die dritte sache ist von des landis adder fursthetumis an der gute der, die yn dem furstethum syn, als die gesuntheit des lichenamis stehet an der gesuntheit der gledemisser, dar an das lebin hanget.
Sentence: 498    Also stehet auch die gute des furstethums an den, die yn dem furstethum wanen, unde nemelich der, die das vorwesin unde dar ynne hirschin unde regeren.




Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.