TITUS
Aegidius Romanus, De regimine principum
Part No. 31
Previous part

Chapter: XVI 
Capitulum XVI


Sentence: 592    Wie wol man die jare der jungen pfleget in dry sebin jar zcu deylin, als das man zcum ersten rechene sebin jar, dar nach czweer sebin als virczeen, dar nach dryd sebin, als eynundeczwenczig, dach mag man die czal kurczen adder lengene dar nach, als die kinder syn geschicket.
Sentence: 593    Wenne etczliche syn stercker an dem czwelfften jare wenne die andern in virczeen.
Sentence: 594    Van der czijt als eyn kint ist sebin jar alt worden bys uff das virczeende jar sint dry ding zcu mercken by den kyndern.
Sentence: 595    Das erste ruret an den lichenam, die andern czwey die sele.
Sentence: 596    Das erste ist, das man die kinder, dar nach als sie sin sebin jar alt worden bis uff das virczeende jar, haldin sal zcu grosser erbeit unde stercker ubunge wenne yn den ersten sebin jaren.
Sentence: 597    Dach sal man das also messigen, das yn das an yrem zcunemen nicht schadin brenge.
Sentence: 598    Czum andern male sie dar zcu halden, das sie haben eynen guten willen, der czu dogunden unde zcu guten dingen geneyget ist.
Sentence: 599    Unde man sal dar uff mer besorget syn, das eyn kynt habe eynen ordenlichin guten willen, als das her nicht geneyget sy zcu undogunt unde zcu bosen dingen, wenne das man sie halde zcu der lernunge.
Sentence: 600    Wenne eyn reyner, geordenter wille geet vor alle kunst.
Sentence: 601    Abir eynen sulchen geordenten willen mag das kint nicht gehabin, is habe denne ordenliche gute begerunge, wenne von unreyner, ungeordenter begerunge liplicher lust kompt eyn unreyner, ungeordenter wille.
Sentence: 602    Unde dar umme sal man dar zcu guten fliß habin, das man das kint halde zcu guten begerungen, unde sal mircken, in welchin dingen is allermeist obirdreit unde zcu wilchir undogunt is allermeist geneiget ist, das man is da van czihe.
Sentence: 603    Wenne is ist gar scheidelich unde bose, das man die kinder nicht helt zcu dogunden unde zcu guten dingen.
Sentence: 604    Unde dar umme sal man zcum erstens denckin unde mit fliß dar nach syn, das eyn kint habe gute begerunge unde eynen wol geschickten willen, eer wen man is zcu der lernunge schicket.
Sentence: 605    Czum dritten mal sal man is haldin zcu der lernunge, als zcu lesin unde zcu latin sprechin unde zcu den kunsten, die man nennet gramatica, unde zcu sulchin lichten kunsten, wenne in eym sulchin alder kunnen die kinder nach nicht swere ding begriffin.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.