TITUS
Aegidius Romanus, De regimine principum
Part No. 36
Previous part

Chapter: XXI 
Capitulum XXI


Sentence: 656    Der fursten dyner sullen haben edele unde hofeliche seten, als das sie behalden die czirheit des hofis unde eyn erlich wesin.
Sentence: 657    Dar umme sal sich auch der furste gegin yn czemelich halden.
Sentence: 658    Unde daz stehet an funff dingen.
Sentence: 659    Czum ersten, das man iczlichim eyn ampt befele, als ym angehort, wenne also vil mehir man an eym irfunden hat druwe unde klugheit, also vil mehir sal man ym eyn hoer ammecht befelen.
Sentence: 660    Czum andern mal sal man by den dynern fliß unde achtunge haben, das sie iren ammechtin wol vorstehen.
Sentence: 661    Unde das sal der furste nicht selbir dun, wenne her sal sich mit sulchen cleynen dingen nicht bekummer, sundern her sal das denk synen befelen.
Sentence: 662    Was abir eynen gemeynen nucz des landis unde der lude anlanget, das gebort eynem fursten zcu vorwesen unde us zcu richten.
Sentence: 663    Czum dritten mal ist zcu mercken, wie man mit den dynern sall umme gehen.
Sentence: 664    Das leret Aristotiles tertio politicorum, da her spricht, das den grosmutigen wol czeme das sie sich gegen den slechten messiclich haldin, abir gegen den geweldigen sullen sie sich gros stellen.
Sentence: 665    Sint dem mal nu eyn furste sal grosmutig syn, als hie vor gesayt ist, so sal her sich gegen synen dynern messig stellen unde nicht alczu homuticlich adder alczu gros, wenne das were den dynern swere unde were auch nicht doguntlich.
Sentence: 666    Dar umme sal hers yn dem mittel unde in der masse bliben, wenne die persona des fursten sal nicht irschynen alczu ernst, sunder erber unde gutig.
Sentence: 667    Dach sal her sich synen dynern alczu heymelich adder gemeynen nicht machin, als das er icht vorsmelich werde, sunder sal is also remen, das sie yn in wirden halden.
Sentence: 668    Auch sal her sich nicht also hoch machin, das her grusam ader czornyg gestalt sy, sunder sich halde zcu mitteler maße.
Sentence: 669    Dach ist eczliche heyimelichkeit adder gemeynschafft zcu laben an eynem ritter adder an eynem burger, die an eynem fursten nicht zcu laben wer.
Sentence: 670    Wenne eyn furste sal mynnere gemeyne unde heymelich syn wen eyn ander, sunder her sal sich sweer unde erwirdig irczeigen nicht van hochfart adder durch rum, sunder dar umme, das syne fursteliche wirdekeit icht ungeach tet unde vorsmehet werde.
Sentence: 671    Czum virden mal sullen die fursten iren rad unde heymelichkeit iren dynern nicht offenbaren, nemelich den, die van naturen, van gesecze adder umme lon dynen unde knecht syn, van den hie vor geseyt ist.
Sentence: 672    Ader die van liebe unde durch dogunt dynen, an den eyn furste van langer czijt irkant hat druwe, klugheit , unde vorswigenheit, mag her by wilen wol syn heymelichkeitag offenbaren vil adder wenyng, dar nach her an yn hat fromykeit adder wisheit irfunden.
Sentence: 673    Czum funfften mal, wie man den dyneren umme ir dinst unde erbeyt lonen sal, das ist us dissen vordern dingen lichtlichin zcu nemen, wenne die fursten sullen yn ir lon, das sie vordynet haben, nicht vor halden, sunder sie bedencken unde lonen, nach dem, als sie vordynet habin, yderman nach synen wirden.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.