TITUS
Aegidius Romanus, De regimine principum
Part No. 37
Previous part

Treatise: III 
Tractatus III


Chapter: I 
Capitulum I


Sentence: 674    In dem dritten deyl disses buchis ist zcu sagin, wie eyn furste syn furstethum, syn lant unde undertanen sulle regiren unde vorwesen.
Sentence: 675    Hie by ist zcu mercken, das sechserleie furstethum synd.
Sentence: 676    Daz erste ist, wo eyn doguntlicher furste alleyne hirschet, der nicht suchet synen sunderlichin eygen nucz sunder des landis unde der ganczen gemeyne.
Sentence: 677    Das ander ist, wo meher wenne eyner unde dach wenyg fromer unde guter lude hirschen unde regiren unde stehen nicht nach irem eygenen, sunder nach eynem gemeynen nucze.
Sentence: 678    Also pflagen eczwan die Romer zcu kysen zwelff frome, bewerten manne unde nanten sie die czwelff guten manne.
Sentence: 679    Die selbin re irten unde verwesten die ganczen stad so lange,bis ein senatus gekorn wart.
Sentence: 680    Da van kompt is, das man die, die eyn stad regiren, unde der vor steet , die besten nennet, wenne sie sullen van recht die besten syn, die eyn stad adder gemeyn regiren sullen adder eyner andern gemeyne vorsteen.
Sentence: 681    Das dritte ist, wo vil doguntsamer man regiren, die nach eynem gemeynen fromen steen mit allim fliß unde allin sunderlichin eygen nucz us slahen.
Sentence: 682    Unde diese dry heissen gude furstethum adder hirsschaft.
Sentence: 683    Nach syn ander dry bose.
Sentence: 684    Das eyn ist, wo eyn boser, undoguntsamer alleyn hirsschet, der eyn hynderer unde eyn, underdrucker des volkis ist unde suchet mehr synen eygenen nucz wenne eynen gemeynen fromen.
Sentence: 685    Das ander ist, wo meher wenne eyner unde dach nicht vil boser regiren, die nach irem eygenen gewynne unde fromen steen unde nicht nach eynem gemeynen nucz.
Sentence: 686    Das dritte ist, wo vil boser unde undoguntsamir hirschen, die iren eygenen, unde sunderlichin fromen auch meher suchen wen eynen gemeinen nucz unde, vordringen, beleidigen unde underdrucken die andern mit unrecht unde mit gewalt.
Sentence: 687    Is syn dry sachin, war umme ys besser ist, das eyner alleyne vorwese eyn furstethum wen vil.
Sentence: 688    Die erste ist durch des willen, das eyndracht sy unde eyn wille unde keyn czweydracht kome under die, die regiren sullen.
Sentence: 689    Das ist denne, wenne eyner alleyne regiret.
Sentence: 690    Wo abir meher wenne eyner hirsschen, da kompt dicke czweydracgt, is sy denne, das sie under enander wollen eyndrechtig sin.
Sentence: 691    Die ander ist dar umme, das die macht grosser ist, wo eyner regiret, dem selbin macht gar not ist, wo man eyn lant wol regiren sal unde yn frede behalden.
Sentence: 692    Wenne abir der fursten meher ist wenne eyner, die wollen alle glich macht habin.
Sentence: 693    So stehet is nicht wol, wenne die werden selden eyns, als hie vor gesayt ist, unde ir macht wirt also vil krencker, das nicht were, wen eyner alleyne macht hette zcu regiren, der heissen unde gebeten mag an der anderen volbort.
Sentence: 694    Wenne eyn iczliche voreynte craft ist sterker wenne die zeustrauwete, als die meister segen.
Sentence: 695    Unde dar umme setczen keyserliche rechte, das konygriche unde furstethum sulle ungeteilt unde unczurissen bliben, sunder der eldeste under den brudern sal alleyne regiren, hirschen unde vorstehen unde macht haben, zcu thun unde zcu lassin, dach als das her dye andern syne bruder nach irem wesen williclich besorge.
Sentence: 696    Die dritte sache nemyt man van den dingen, die nattirlich syn.
Sentence: 697    Wenne wir sehen, das alle gledemisser des lichnams, wie mancherleie ammecht sie habin, so sehen sie dach alle uff das gledemisse, das yn dem lichenam das forderst ist, als das hereze.
Sentence: 698    Also ist auch eyn oberster furste alleyne, der hymmel unde erde regiret.
Sentence: 699    Also seyt man auch an vogelen unde an andern dyren, das sie under yn eynen haben, dem sie alle fulgen.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.