TITUS
Aegidius Romanus, De regimine principum
Part No. 41
Previous part

Chapter: V 
Capitulum V


Sentence: 769    Aristotiles quinto politicorum setczet eczliche ding, die eynen fursten enthalden in synem furstethum unde enthalden auch eyne gute ordenunge under den, die yn dem furstethum wonen.
Sentence: 770    Das erste ist, daz der furste nicht gestat keynerleie obirdretunge, wie kleyne sie sya, in synem lande.
Sentence: 771    Wenne vil kleyner obirdretunge machin eyne grosse, unde wan man eynem gestatet eyn kleynee obirdretunge, so kompt her zcu eyner grosseren.
Sentence: 772    Das ander ist, das der furste gutlich du den, die in synem furstethum wonen, unde du yn keyn unrecht.
Sentence: 773    Das dritte ist, das her sich fochtsame mache den uswennygen unde den sterkelich weder stehe, ab sie syn land adder die synen beleidigen wollen.
Sentence: 774    Unde die wile der furste unde syn volk mit den uswendigen zcu schicken hatg, die wile ist eyndracht unde frede under dem volke.
Sentence: 775    Des mag man nemen eyn bilde an den Romeren.
Sentence: 776    Da die nicht meher streten mit den fromden, da streten sie under yn selbir unde worden czweydrachtig.
Sentence: 777    Das virde, das der furste nicht gestate keyner kryge adder czweydracht nemelich under den edelen.
Sentence: 778    Das funffte, das her achtunge habe uff die, den her ammecht bevalen hat, wenne das behelt eyn furstethum.
Sentence: 779    Dar ummek sal her alleyne frome, doguntsame manne zcu amptluden machen.
Sentence: 780    Das sechste, das her liebe unde lust habe zcu dem furstethume unde auch zcu dem volke, das is wol unde erlich stehe, wenne so wirt her flissig unde fochtig alleezijt, das dem furstethum unde dem volke, daz her lib hat, icht obils weder fare.
Sentence: 781    Unde durch sulche fochte suchet her rate ozcu deno wisen.
Sentence: 782    Wo denne vil ratis ist, da ist auch vil heilis.
Sentence: 783    Das sebinde, das eyn furstethum unde den fursten allirmeist uff heldet, das ist, das eyn furste sy doguntsame, gutig unde gerecht, wenne yn eynem hutter des landis unde der stede gehor mehers dogunt twenne in eynem furer des herist, als Aristotiles spricht politicorum.
Sentence: 784    Wenne eynem furer des heris gebort, das her erfarne sy, abir in eynem bewarer der stede unde der lande, als eyn furste ist, sal syn dogunt unde gute.
Sentence: 785    Unde als her die andern oberdret an wirdikeit unde an macht, also sal her siex obirdreten an dogunt unde an gute.
Sentence: 786    Das achte ist, das der furste wisse, wie die ordenunge sy des landis unde der lude, obir die her hirschet, unde wo rnete die selbe ordenunge moge enthalden adder undergedrucket werden.
Sentence: 787    Unde das mag her wissen van erforschunge, wenne wo eyner lange cziit er farn hat die geschefftey eynis furstethums, da mag her lichtlichen wissen, was dem furstethum unde dem volk mag fromlich gesin adder scheidelich.
Sentence: 788    Dar umme sal eyn furste in synem gedechtnisse habin vorgangene ding, die yn synem furstethum gescheen sint, unde wie die usgerichtet sin unde wo mete daz furstethum in vergangen cziten ist am auerbestin enthaldin unde wol vorgestanden, als das her kunne irkennen, wie her hirschen sulle unde wol vor gestehen.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.