TITUS
Alexanderroman (Johann Hartlieb)
Part No. 14
Previous part

Chapter: 8a  
Paragraph: 13  
Phylippus kehrt zurück

Line: 384   Wie Phylippus wider haim kom vnd seinen gemahel gross schwanger fand. XIII


Line: 385     Da daz vernam die kunigin Olimpiades, sy fuer im entgegen mitt großer kost
Line: 386     vnd hett ain schwarmuettiges hercz, wann sy was gross schwanger vnd der
Line: 387     genyst gar nachendt, vnd wär der prophett Nectanabus mitt seinen listen nichtt
Line: 388     gewesen, so hiett man sy von stundt verpranntt. Doch so kam er ir wol zu
Line: 389     statten. Sy emphieng den kunig Phylippum. Er nachent sich zu ir vnd kchust
Line: 390     sy an iren mundt. Phylippus der sah sy an vnd sprach zu ir: 'Kunigin Olimpiades,
Page: 108  Line: 391     vnnder wen hast du dich gegeben, mitt wem hast du gesundett? Wiss aber,
Line: 392     daz du nichtt gesundet hast, wann du magst dem gewaltt vnd der sterkch der
Line: 393     gotter nicht widersteenn. Was dier geschechen ist, daz ist gethan von Amonn,
Line: 394     dem mochttigen gott. Ich hab die ding alle in dem schlaffew gesechen, darumb
Line: 395     pist du vngestrafft von mier vnd aller manigcleichen'. Was frewd die frawe
Line: 396     emphieng von des kunigs wortten, daz ist vnsagleich. Sy danckett mitt allem
Line: 397     fleyss Nectanabo vnd richtt sich in allen sachenn nach seinem ratt. Phylippus
Line: 398     liess sy pis her kainer sach entgeltten.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.