TITUS
Alexanderroman (Johann Hartlieb)
Part No. 15
Previous part

Chapter: 10  
Paragraph: 14  
Nectanabus verwandelt sich in einen Drachen

Line: 399   Wie Nectanabus sich in in ainen tracken verwandelt vnd für Phylippum
Line: 400   den kunig gieng. XIIII


Line: 401     Zu ainer czeitt hett kunig Phylippus ain gross vest mitt seinen lanndtherren
Line: 402     vnd sazz zu tisch in seinem reichen sal vnd was vast froleichen. Da pflag aber
Line: 403     Nectanabus seiner zawberlist vnd verwandelt sich in ain gestaltt aines grawßamen
Line: 404     tracken vnd gieng mitten durch den sal, darinne was zu tisch gesezzen
Line: 405     Phylippus der kunig. Er wischpeltt gar vast vnd erschracken alle, die da zu
Line: 406     tisch sazzen. Er nachnett sich zu Olimpiades der kunigin vnd legtt sein hawbtt
Line: 407     in ir schoss vnd thett sy frewntleich kchußen. Da daz ersach Phylippus, do
Line: 408     sprach er zu der kunigin Olimpiades: 'Ich sag dier vnd allen, die mitt vns
Line: 409     zetisch siczen, daz ich dißen tracken gesechen hann, da ich straytt mitt meinen
Line: 410     veindten vnd er hatt mier geholffen, daz ich all mein veindt beczwungenn hab'.
Line: 411     Des worttes frewett sich die kunigin gar seer vnd verstuendt wol, daz es
Line: 412     Nectanabus der prophett, ir getrewer frewndt, zu irem hayl gemachtt hett.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.