TITUS
Alexanderroman (Johann Hartlieb)
Part No. 16
Previous part

Chapter: 11  
Paragraph: 15  
Vogel, Ei und Drache

Line: 413   Wie ain vogel kunig Phylippo ain ay in sein schoß legt. Inn dem XV


Line: 414     Nach luczel tagen darnach da sazz kunig Phylippus allain in ainem sal vnd was
Line: 415     betrachttendt diee wunderleichen sach geschechen mitt seinem gemachel. Da
Line: 416     kam ain klaines vogelein geflogen in sein schoss. Daz selb vogelein legtt ain ay
Line: 417     in die schoss des kunigs. Das ay viel auss der schoss vnd czerprach enmitten
Line: 418     enczway. Aus dem ay kroch ain kchlainer lindtwuerm vnd kroch alles vmb
Line: 419     vnd vmb daz ay vnd woltt wider darinn krochen sein. Vnd ee der wuerm sein
Line: 420     hawbtt gethan hett in die schallen, darauss er vor krochen was, da lag er tode.
Page: 109  Line: 421     Da daz ersah Phylippus, der macedoni kunig, er wardt vast betruebtt vnd thett
Line: 422     paldt besendten seinen sternsecher, der auch ain maister was in der kchunst
Line: 423     warsagens vnd sagtt im alles, daz er von dem vogel ay vnd lindtwuerm
Line: 424     gesechen hett vnd patt in, daz auss zulegen, was daz bedäwtten wär. Der
Line: 425     maister nam im czeitt zeratten vnd er fragtt die sach gar aigentleich vnd wol,
Line: 426     als in dann sein kchunst lernnett vnd kam schier wider zu Phylippo vnd sprach
Line: 427     zu im: 'Herr, nach dem, als dier erschinen vnd kchundt gethan ist, so sag ich
Line: 428     dier in rechtter warhaitt, daz dier geporen wierdt ain sun, der wierdt vmbfaren
Line: 429     die ganczen werltt vnd wierdt die mitt kreftten vnd krefftigem heere vnd
Line: 430     großem syg alle beczwingen. Vnd wann er alle werlt also im vnderthan
Line: 431     gemachtt hatt, so wil er wider haym in dein lanndt koͮmen vnd er wierdt ee
Line: 432     sterben in seinenn iungen iaren'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.