TITUS
Alexanderroman (Johann Hartlieb)
Part No. 17
Previous part

Chapter: 12  
Paragraph: 15a  
Alexanders Geburt

Line: 433   Von der gepurd Allexanders.



Line: 434     Darnach was nachentt die gepurde des kchindes vnd die kunigin Olimpiades
Line: 435     wardt vast beschwartt in irem leibe, wann ir pawch thett ir grozzenn zwangk,
Line: 436     des sy vor nichtt gewon was. Sy thett berueffen Nectanabum den weyssagen
Line: 437     vnd patt in, trewleich zu ratten. Der weys prophett hueb an sein rechnung mitt
Line: 438     allem fleyss vnd kam zu der kunigin vnd sprach: 'Kunigin, erheb dich ain
Line: 439     klainew weyl vnd gee von dem sal vnd gee in ain gehaim, wann in dißer stundt
Line: 440     so wierdt die sunne alle elementt betrueben'. Vnd darnach in ainer klainenn
Line: 441     weyl da gepar Olimpiades. Da geschachen gross czaychen, wann der himel
Line: 442     begundt grawsamleich pliczen, daz gewulcken wardt vast doneren. Darnach
Line: 443     geschachenn großew erdtpidem, daz sich alles erdtreich grawßamleichen
Line: 444     bewegtt. Es vielen auch von den himeln angstleich strammen des fewrs vnd
Line: 445     geschachen soleiche czaichen, daz mänigcleich darab gross wunder nam.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.