TITUS
Lamprecht, Alexander (Strassburger Bearbeitung)
Part No. 25
Previous part

Chapter: 55  
Alexander erobert Phrygia


Verse: 1905       Des wart Alexander vile balt:

Verse: 1906    al dâ bleib er mit gewalt
Verse: 1907    biz zô den stunden,

Verse: 1908    daz ime geheileten sîne wunden.
Verse: 1909    er nâhete sih Dario baz.

Verse: 1910    eine burh er ime besaz,
Verse: 1911    di was Sardis genant.

Verse: 1912    schîre wart si verbrant.
Verse: 1913    dô er si gwan,

Verse: 1914    der hêre dar ûf nam
Verse: 1915    michil silber unde golt

Verse: 1916    und machete ime sîne helede holt.
Verse: 1917    di burh di heizet Sardis,

Verse: 1918    von ir saget Apocalipsis,
Verse: 1919    daz si der siben burge ein wêre,

Verse: 1920    di unser heilêre
Verse: 1921    in den himelrîche nante

Verse: 1922    und dâ er ze boten sante
Verse: 1923    Iohannem den heiligen man

Verse: 1924    apostolum et evangelistam.



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.