TITUS
Ulrich von Eschenbach, Alexander
Part No. 5
Previous part

Chapter: 9  
Über Darius


Verse: 863       Wir finden ouch geschriben daʒ,
Verse: 864    daʒ ein hôher künec besaʒ

Verse: 865    gar gewalticlîche
Verse: 866    daʒ man dâ heiʒet daʒ rîche.

Verse: 867    er lebte bî den gezîten
Verse: 868    sîn gewalt der was wîten

Verse: 869    in allen landen kreftic gar.
Verse: 870    eʒ nâmen sîns gebotes war

Verse: 871    juden, heiden, Philisten.
Verse: 872    nieman sich gefristen

Verse: 873    vor sîme gewalde kunde,
Verse: 874    wan dem ers wol gunde.

Verse: 875    Daʒ rîche gebirge Kaucasas
Verse: 876    den keiser an geerbet was,

Verse: 877    daʒ sîn hant lîhen solde
Verse: 878    dem ers gunnen wolde.

Verse: 879    die von der Fontange
Verse: 880    und von Katervlange

Verse: 881    sam die von Trîbalibôt
Verse: 882    muosten stên ze sîme gebot.

Verse: 883    die innen und die ûʒen
Verse: 884    muosten vor im lûʒen.

Verse: 885    der künec von Samargône
Verse: 886    enphienc von im sîn crône,

Verse: 887    als muosten ander künge vil,
Verse: 888    der ich nû niht nennen wil.

Verse: 889    der künec ûʒ Kriechen lande
Verse: 890    zins dem hêrren sande,

Verse: 891    als im was bescheiden.
Verse: 892    eʒ was der rîche heiden

Verse: 893    von der gote geslehte geborn,
Verse: 894    ze dem gewalt was er erkorn

Verse: 895    (er was von des grôʒen Bêlî art)
Verse: 896    mit rehter geburt wol bewart.

Verse: 897    eʒ dienten dem edlen fürsten hêr
Verse: 898    beide lant und daʒ mer,

Verse: 899    dar zuo aller fürsten lant
Verse: 900    wârn zuo zinse im benant.

Verse: 901    so grôʒes rîchtuomes er phlac,
Verse: 902    daʒ ich: niht halp gesagen mac.

Verse: 903    mir sagt die âventiure alsus
Verse: 904    der keiser hieʒe Darîus.

Verse: 905    umb sînen grôʒen gewalt
Verse: 906    wart manic mensche tôt gevalt.

Verse: 907    wær er bî mâʒe gewesen,
Verse: 908    er wære deste baʒ genesen

Verse: 909    mit den, die durch in schaden kurn
Verse: 910    und mit im den lîp verlurn.

Verse: 911    den selben gewalt hete dâ vor
Verse: 912    künec Nabuchodonosor.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.