TITUS
Ulrich von Eschenbach, Alexander
Part No. 13
Previous part

Chapter: 23  
Alexander und Darius' Zinsboten


Verse: 1813       Nû kâmen boten zuo geriten
Verse: 1814    gevaʒʒet wol nâch rîchen siten,

Verse: 1815    die dar der keiser hete gesant.
Verse: 1816    zinses er den alten mant,

Verse: 1817    den er von sînem lande
Verse: 1818    im über mer dar sande.

Verse: 1819    als die botschaft wart vernomen,
Verse: 1820    nû was dar Alexander komen,

Verse: 1821    den boten antwurt er alsô:
Verse: 1822    'dô der künec von Macedô,

Verse: 1823    mîn vater, niht sunes het,
Verse: 1824    dem keiser er vil dienstes tet,

Verse: 1825    dar zuo muost er in zinses wern.
Verse: 1826    man sach ê goldîn eiger bern

Verse: 1827    des künec Philippus henne.
Verse: 1828    daʒ waʒ eteswenne:

Verse: 1829    nû bern im die hüener niht.
Verse: 1830    sît man dem künge sunes giht,

Verse: 1831    zins und dienst wirt mê gelân.'
Verse: 1832    dâ mit die boten riten dan,

Verse: 1833    gegen dem keiser sie gâhten,
Verse: 1834    die rede sie vür in brâhten.

Verse: 1835    die vuogte dem werden ungemach.
Verse: 1836    Alexanders leit er sprach.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.