TITUS
Ulrich von Eschenbach, Alexander
Part No. 14
Previous part

Chapter: 45  
1. Briefwechsel Darius-Alexander


Verse: 1837       Ander boten er sante,
Verse: 1838    als in der zorn ermante.

Verse: 1839    die hieʒ er gâhen der verte.
Verse: 1840    ein schîbe, ein krumme gerte,

Verse: 1841    ein guldîne kanne
Verse: 1842    sante er dem jungen manne.

Verse: 1843    durch hôchvart er im die geben hieʒ.
Verse: 1844    strenge brieve er schrîben lieʒ.

Verse: 1845    der titulus het alsô
Verse: 1846    'hie schrîbet Alexandrô

Verse: 1847    fröude sîme knehte
Verse: 1848    von geburt und von rehte

Verse: 1849    hêrre ich aller künge bin,
Verse: 1850    ouch giht mir sippe der sunnen schîn,

Verse: 1851    und waʒ der hœhsten gote sîn,
Verse: 1852    die jehen alle ze mâge mîn.'

Verse: 1853    dar nâch er im bescheinete
Verse: 1854    waʒ die sendunge meinete

Verse: 1855    und waʒ sîn wille gegen im was.
Verse: 1856    Alexander die brieve selber las

Verse: 1857    vor den fürsten allen
Verse: 1858    und sînem vater. des keisers schallen

Verse: 1859    und der brieve herte mære
Verse: 1860    brâhten den Kriechen swære.

Verse: 1861    der junge Alexander sprach,
Verse: 1862    dô er die hêrren trûric sach

Verse: 1863    und alzemâle sînen vater;
Verse: 1864    vlîʒeclich den bater

Verse: 1865    und die hêrren al gelîche
Verse: 1866    daʒ sie wærn irs muotes rîche

Verse: 1867    und daʒ sie wolden wesen frô.
Verse: 1868    er sprach 'vil bellender hunde drô

Verse: 1869    schadet harte cleine,
Verse: 1870    sunder daʒ aleine

Verse: 1871    daʒ sie von ir bellen
Verse: 1872    von slegen dicke ergellen.'

Verse: 1873       Er bat die boten vâhen
Verse: 1874    und den die houbt ab slâhen.

Verse: 1875    die sprâchen 'wes entgelten wir?
Verse: 1876    waʒ der keiser schrîbet dir,

Verse: 1877    daʒ ist cleine unser schult.
Verse: 1878    habe gegen uns guot gedult,

Verse: 1879    dar umbe man dich loben sol
Verse: 1880    und zimt dîner jugent wol.'

Verse: 1881    sus antwurt in der vreche
Verse: 1882    'ob ich an iu breche

Verse: 1883    mîn zuht und dar an missetuo,
Verse: 1884    dâ bringet mich dise rede zuo,

Verse: 1885    die iuwer hêrre, der admirât,
Verse: 1886    mîm vater und mir enboten hât.'

Verse: 1887    sie sprâchen 'hêrre, daʒ ist uns leit.
Verse: 1888    wester iuwer wirdekeit,

Verse: 1889    dise botschaft wære beliben.
Verse: 1890    er hæte alsô niht hergeschriben.

Verse: 1891    dô sprach er 'vater, sô lât sie leben!
Verse: 1892    ir solt der vreise sie begeben.'

Verse: 1893    er hieʒ sie vüeren dâ in geschach
Verse: 1894    vil wirde unde guot gemach.

Verse: 1895    Alexander sprach 'lieber vater mîn,
Verse: 1896    lât mir die sach bevolhen sîn,

Verse: 1897    die der keiser gegen uns hât,
Verse: 1898    ich schaffe iu sînes twingens rât '

Verse: 1899    der künec Philip sprach 'lieber suon,
Verse: 1900    daʒ wil ich vil gerne tuon.'

Verse: 1901       Dar nâch an dem næhsten tage
Verse: 1902    Alexander (als ich iu sage)

Verse: 1903    dem keiser botschaft rihte
Verse: 1904    mit sus getânem tihte,

Verse: 1905    dâ mit hieʒ er die boten varn:
Verse: 1906    'ûʒ Kriechen lande des künges barn,

Verse: 1907    des edlen werden Philippis
Verse: 1908    und der künegîn Olimpiadis,

Verse: 1909    dem næhsten mâge der sunnen,
Verse: 1910    dem die gote sælden gunnen,

Verse: 1911    ouch jehen sie dîn ze künne:
Verse: 1912    fröide unde wünne

Verse: 1913    enbiute ich dir und noch mêr,
Verse: 1914    du künec ob allen küngen hêr.

Verse: 1915    dîner keiserlîchen gâbe
Verse: 1916    ich mich reht verstanden habe.

Verse: 1917    du bewîsest mich des guoten
Verse: 1918    bî der krummen ruoten:

Verse: 1919    alsô verstêt sich des mîn sin
Verse: 1920    daʒ noch von dem getwange mîn

Verse: 1921    ir knie müeʒen biegen
Verse: 1922    alle künge und sich smiegen.

Verse: 1923    die schîbe mir bediutet
Verse: 1924    daʒ mich frou Sælde triutet.

Verse: 1925    ouch bewiset mich dîn golt,
Verse: 1926    mir ist des siges frouwe holt,

Verse: 1927    ich hân die gunst ouch von den goten.'
Verse: 1928    die brieve gap er des keisers boten;

Verse: 1929    baʒ sie der junge von im lieʒ,
Verse: 1930    danne er in dâ vor gehieʒ.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.