TITUS
Ulrich von Eschenbach, Alexander
Part No. 15
Previous part

Chapter: 50  
2. Briefwechsel Darius-Alexander


Verse: 1931       Dô der keiser hete gehôrt
Verse: 1932    die brieve und Alexanders wort,

Verse: 1933    dô begunde der hêre
Verse: 1934    an dem jungen zürnen sêre.

Verse: 1935    sîn hôchvart gienc im nâhen.
Verse: 1936    ein maʒ volleʒ mâhen

Verse: 1937    Alexandrô er wider sante,
Verse: 1938    und brieve, daʒ er erkante,

Verse: 1939    als der mâhe wære unzalhaft,
Verse: 1940    alsô wær sîner here kraft.

Verse: 1941    dô der mâhe vür in kam,
Verse: 1942    in den munt er des ein wênic nam,

Verse: 1943    zwischen den zenen er den beiʒ.
Verse: 1944    er sprach 'vil wol ich daʒ weiʒ

Verse: 1945    und geloube daʒ sunder twâl
Verse: 1946    daʒ er hât liute âne zal.'

Verse: 1947    er lieʒ die boten von im wol.
Verse: 1948    pheffers ein goufen vol

Verse: 1949    sant er dem keiser Darîô
Verse: 1950    und schreip im wider alsô

Verse: 1951    'der mâhe, den du mir hâst gesant,
Verse: 1952    mich dîner liute zagheit mant.

Verse: 1953    sô wesen unser ritter
Verse: 1954    als der pheffer bitter.

Verse: 1955    alsô sint alle die mîne,
Verse: 1956    daʒ bevindent noch die dîne.'




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.