TITUS
Ulrich von Eschenbach, Alexander
Part No. 16
Previous part

Chapter: 50a  
Beratung bei Darius


Verse: 1957       Dô sprach der keiser zuo den boten
Verse: 1958    'ich beswer iuch hêrren bî den goten,

Verse: 1959    wes Alexander jæhe,
Verse: 1960    dô er den mâhen sæhe.'

Verse: 1961    ir einer zuo dem keiser sprach
Verse: 1962    'als er den mâhen an gesach

Verse: 1963    und die brieve hete gehôrt,
Verse: 1964    er beiʒ den mâhen und dise wort

Verse: 1965    mit lachendem munde
Verse: 1966    sprach er an der stunde

Verse: 1967    smæhlîchen und unverzagt
Verse: 1968    als iu die schrift sagt.

Verse: 1969       Dô sant der keiser alzehant
Verse: 1970    brieve mit boten in die lant

Verse: 1971    ze mangem künge rîche,
Verse: 1972    den besten al gelîche,

Verse: 1973    daʒ sie zuo im kæmen
Verse: 1974    und sîn gebot vernæmen.

Verse: 1975    dô wart der hof gesuochet,
Verse: 1976    als des manic fürste ruochet

Verse: 1977    und dar zuo manic heiden,
Verse: 1978    der von zagheit was gescheiden.

Verse: 1979    er sprach 'hêrren, waʒ râtent ir?
Verse: 1980    diz enbiutet Alexander mir.'

Verse: 1981    als er der rede in gar verjach,
Verse: 1982    Ocsiater sîn bruoder sprach

Verse: 1983    'ir sult im noch boten senden
Verse: 1984    und in von tôrheit wenden.'




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.