TITUS
Ulrich von Eschenbach, Alexander
Part No. 17
Previous part

Chapter: 24a  
Erzählerexkurs: Der Tod


Verse: 1985       Wir haben mit eim gesellen phliht
Verse: 1986    der uns des erlæʒet niht,

Verse: 1987    swann er nâch gelte zuo uns komet,
Verse: 1988    kein list uns gegen im fromet:

Verse: 1989    wir müeʒen im ze phlihte stên
Verse: 1990    und mit im vür den rihter gên;

Verse: 1991    wir müeʒen im ze gewinne geben
Verse: 1992    an disem lîbe unser leben.

Verse: 1993    des mac nieman überic sîn,
Verse: 1994    ern breche im den liebsten schrîn,

Verse: 1995    dâ er in gehürtet hât.
Verse: 1996    des gewaltes er nieman erlât:

Verse: 1997    sô sîn wille alsô ergât,
Verse: 1998    daʒ houbtguot uns hie bestât,

Verse: 1999    den gewin er mit im füeret hin.
Verse: 2000    sô er zebrochen hât den schrîn,

Verse: 2001    dâ wirt anders niht verlorn:
Verse: 2002    wir wurden alle nacket geborn.

Verse: 2003    der schrîn ist daʒ bœse âs,
Verse: 2004    des der mensche sô vlîʒic was,

Verse: 2005    daʒ er eʒ alleʒ drin verbarc,
Verse: 2006    eʒ wære phenninc oder marc.

Verse: 2007    unser geselle der tôt komt gevarn,
Verse: 2008    der unser keinen hie wil sparn.

Verse: 2009    got ist der rihtære,
Verse: 2010    sîn gerihte wirt vil swære

Verse: 2011    über die in sünde ersterben.
Verse: 2012    wê in die sô gewerben.

Verse: 2013       Merkent alle besunder
Verse: 2014    über alle dinc ein wunder,

Verse: 2015    daʒ von des engels worte kraft
Verse: 2016    ein reine magt wart berhaft.

Verse: 2017    ir kiusche scham ein kint enphienc.
Verse: 2018    der die wunder an ir begienc,

Verse: 2019    der müeʒ uns behüeten alle
Verse: 2020    vor des êwigen tôdes valle.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.