TITUS
Ulrich von Eschenbach, Alexander
Part No. 19
Previous part

Chapter: 27  
Alexander übernimmt die Herrschaft in Makedonien


Verse: 2129       Ein hêrre hieʒ Permêniô,
Verse: 2130    der kunde sînen junghêrren dô

Verse: 2131    wol mit trôste von clage nemen.
Verse: 2132    er sprach 'lât iuwer zuht des zemen,

Verse: 2133    habet menlîche site!
Verse: 2134    ir untrœstet daʒ volc dâ mite.

Verse: 2135    welt ir verderben nû den lîp
Verse: 2136    und immer clagen als ein wîp?

Verse: 2137    die clage ist alsô guot verborn,
Verse: 2138    wir haben doch den künec verlorn:

Verse: 2139    wie vil man iuch in jâmer siht,
Verse: 2140    er komt dar umb her wider niht.

Verse: 2141    welt ir rehter site phlegen,
Verse: 2142    sô lât diz clagen under wegen.

Verse: 2143    gêt daʒ werde wîp sehen,
Verse: 2144    iwer muoter, der leide ist geschehen,

Verse: 2145    der herze ist ganzes jâmers vol.
Verse: 2146    trœstent sie, daʒ zimt iuch wol.

Verse: 2147    ir sult ouch trôst dem volke geben.
Verse: 2148    bit sie vrœlîchen leben,

Verse: 2149    benemt in ir swæren muot.
Verse: 2150    dar an ir wirdiclîche tuot.'

Verse: 2151    sîn meister ouch grôʒen jâmer treip,
Verse: 2152    ân des rât er niht bleip.

Verse: 2153       Dar nâch niht lang an eime tage
Verse: 2154    geschach daʒ, als ich iu sage,

Verse: 2155    daʒ der hêrre von dem lande
Verse: 2156    sîn volc gar besande.

Verse: 2157    sie wâren dannoch dâ beliben,
Verse: 2158    die umb den alten jâmer triben.

Verse: 2159    man gebôt al gelîche
Verse: 2160    arm unde rîche

Verse: 2161    daʒ sie vernæmen die mære,
Verse: 2162    waʒ des jungen wille wære.

Verse: 2163    ûf daʒ palas man den hof sprach,
Verse: 2164    dâ daʒ mortlich mort geschach.

Verse: 2165    dô die hêrren kâmen dar,
Verse: 2166    er bat sie nemen sîner worte war.

Verse: 2167    des herze in sorgen was verwunt,
Verse: 2168    der junge under den hêrren stunt.

Verse: 2169    er sprach 'ir hêrren, eʒ ist mir komen
Verse: 2170    (als ir leider habt vernomen),

Verse: 2171    daʒ ich des vater bin verhert.
Verse: 2172    ich wil daʒ ir mir hulde swert.

Verse: 2173    lât iuwer triuwe des niht verdrieʒen,
Verse: 2174    irn lâts mich genieʒen

Verse: 2175    daʒ iu der werde man,
Verse: 2176    mîn vater, hât triuwen vil getân.

Verse: 2177    ir sult mir rât und helfe geben:
Verse: 2178    ich wil lîp unde leben

Verse: 2179    durch iuch setzen in wâge.
Verse: 2180    iuwer deheinen des betrâge,

Verse: 2181    der mir ze dienste solle sîn,
Verse: 2182    ern tuo triuwe gegen mir schîn.

Verse: 2183    lât mich der jugent entgelten niht:
Verse: 2184    in iuwerm râte man mich siht,

Verse: 2185    dâ von ich niht scheide.
Verse: 2186    liep unde leide

Verse: 2187    der deheines ich iu abe gê.
Verse: 2188    waʒ sol lange rede mê ?

Verse: 2189    Her Darîus uns hât vür eigen,
Verse: 2190    ich wil im daʒ erzeigen

Verse: 2191    daʒ wir vrî wellen leben
Verse: 2192    und vürbaʒ deheinen zins geben.'

Verse: 2193    nû jâhen sie des alle
Verse: 2194    mit gelîchem schalle

Verse: 2195    sie wolden in gerne ze hêrren hân
Verse: 2196    und williclîchen bî gestân.

Verse: 2197       im wart hulde dô gesworn
Verse: 2198    und ze hêrren aldô erkorn.

Verse: 2199    daʒ volc wart nâch leide frô.
Verse: 2200    er wart ze ritter aldô,

Verse: 2201    dar nâch bleip ungespart
Verse: 2202    zehant er gekrœnet wart.

Verse: 2203    man sach in sitzen schône
Verse: 2204    mit zepter und mit krône.

Verse: 2205    daʒ reht hât noch Corinthiâ
Verse: 2206    daʒ man die künge krœnet dâ:

Verse: 2207    sô sie ab lîbe werden,
Verse: 2208    man bevilhet sie ouch der erden.

Verse: 2209    er gebârte fürsteclîche.
Verse: 2210    eʒ kunde der tugent rîche

Verse: 2211    solichen trôst den liuten geben,
Verse: 2212    daʒ sie vrœlîchen muosten leben.

Verse: 2213    wer in vremder hete gesehen
Verse: 2214    ân crône, der müeste doch jehen

Verse: 2215    daʒ er künic wære
Verse: 2216    (geloubent mir der mære)

Verse: 2217    unde daʒ er hete gewalt:
Verse: 2218    alsô fürsteclich was er gestalt.

Verse: 2219    sîn herze nâch rehter wirde ranc.
Verse: 2220    alsô stunt aller sîn gedanc,

Verse: 2221    wie er daʒ kunde werben,
Verse: 2222    daʒ er mohte verterben

Verse: 2223    sîne vînde und sich gerechen.
Verse: 2224    die im daʒ hulfen zechen

Verse: 2225    daʒ im geschæhe die êre,
Verse: 2226    die wolte er immer mêre

Verse: 2227    hœhen unde rîchen
Verse: 2228    und nihtes in geswîchen.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.