TITUS
Ulrich von Eschenbach, Alexander
Part No. 22
Previous part

Chapter: 42  
Unterwerfung Athens


Verse: 2477    dannoch wâren zwei lant,
Verse: 2478    die im ze dienste wârn benant:

Verse: 2479    daʒ eine hieʒ Athêniâ,
Verse: 2480    daʒ hielt der fürste Dêmosthenâ.

Verse: 2481    der sazte sich dem hêrren wider,
Verse: 2482    daʒ in berou sêre sider.

Verse: 2483       Dô Alexander die mære vernam
Verse: 2484    und im die wâre botschaft kam,

Verse: 2485    er sprach 'ir hêrren, waʒ râtent ir?
Verse: 2486    die liute hânt widersaget mir.

Verse: 2487    die mich solden vlêhen,
Verse: 2488    die wellen mich nû vêhen.

Verse: 2489    nû wol ûf an die vart.'
Verse: 2490    eʒ enwart lenger niht gespart.

Verse: 2491    der fürste mit kreftiger schar
Verse: 2492    huop sich des endes dar.

Verse: 2493    sô gâhes kam er dar gerant.
Verse: 2494    daʒ er sie âne wer vant,

Verse: 2495    daʒ in doch kam ze guote,
Verse: 2496    wann er was in dem muote

Verse: 2497    und hete sich des gegen in bewegen,
Verse: 2498    solt er strîtes mit in phlegen,

Verse: 2499    er wolt daʒ lant verterben
Verse: 2500    und daʒ volc ersterben.

Verse: 2501    dô sie daʒ gesâhen
Verse: 2502    daʒ in daʒ her begunde nâhen,

Verse: 2503    ir snelheit sie genuʒʒen,
Verse: 2504    daʒ sie die stat besluʒʒen.

Verse: 2505       Dô er die stat besloʒʒen vant,
Verse: 2506    sînem volc gebôt er ze hant

Verse: 2507    daʒ sie die mûre bræchen,
Verse: 2508    die untriuwe an in ræchen.

Verse: 2509    die stat sie umbe lâgen,
Verse: 2510    sturmes sie sich bewâgen.

Verse: 2511    sie heten eben sich geleit.
Verse: 2512    gâhes wurden dô bereit

Verse: 2513    trîbocken, pheterære,
Verse: 2514    (daʒ was den innern swære)

Verse: 2515    eben hœhe, mangen, katzen
Verse: 2516    mit kîlhouwen und mit kratzen.

Verse: 2517    der künic die vuoʒgenger bat
Verse: 2518    vaste suochen an die stat.

Verse: 2519    sie wârn vor würfen wol bewart
Verse: 2520    mit breiten tarschen, die wârn hart,

Verse: 2521    der man in sturme wol bedarf.
Verse: 2522    swinde man in die stat warf.

Verse: 2523    man sach die ûʒern in unsiten.
Verse: 2524    die innern begunden frides biten.

Verse: 2525    dô daʒ alsô geschach
Verse: 2526    der künec ze sîme râte sprach

Verse: 2527    'wartet, ir hêrren, waʒ ir
Verse: 2528    ze disen dingen râtent mir:

Verse: 2529    sît daʒ die liute frides gern,
Verse: 2530    ob wir in mügen frides wern.'

Verse: 2531       Man hieʒ daʒ stürmen mâʒen
Verse: 2532    und ouch die würfe lâʒen.

Verse: 2533    der werde Permêniô verjach
Verse: 2534    (vür den nieman niht ensprach)

Verse: 2535    'hêrre, vernemt ire wort.
Verse: 2536    ir habt schiere gehôrt,

Verse: 2537    wes sie sich gegen iu haben bewegen
Verse: 2538    und welhes willen sie phlegen.

Verse: 2539    sint sie frides von iu gern,
Verse: 2540    des solt ir sie niht entwern.

Verse: 2541    lât die besten vür iuch komen.
Verse: 2542    sô ir ir rede habt vernomen,

Verse: 2543    waʒ iuch danne dunket guot,
Verse: 2544    dar nâch rihtent iuwern muot.'

Verse: 2545    'ich tuon alleʒ daʒ ich sol.
Verse: 2546    sît eʒ iu gevellet wol,

Verse: 2547    so rîte der herzoge Dîmus dar.
Verse: 2548    ich gib in fride ân allen vâr.'

Verse: 2549    von in zehant daʒ geschach.
Verse: 2550    er reit gerne war er sprach.

Verse: 2551       die innern wârn in sorgen,
Verse: 2552    ir vröide was verborgen.

Verse: 2553    sie sâhen bedecket daʒ velt
Verse: 2554    mit mangem rîchen gezelt

Verse: 2555    und mit rittern gar beströut.
Verse: 2556    die herschaft sie lützel fröut.

Verse: 2557    sie sâhen daʒ velt glanzen
Verse: 2558    von niuwen schilden ganzen

Verse: 2559    und von harnasche glîsen.
Verse: 2560    nû begunden sie verwîsen

Verse: 2561    irem herzogen die tât.
Verse: 2562    sie sprâchen 'iwer unwîser rât,

Verse: 2563    den ir uns tôrlich habt gegeben,
Verse: 2564    mac uns scheiden von dem leben.'

Verse: 2565       Dô sprach der burggrâve Eschinus
Verse: 2566    'wer solde sîme hêrren sus

Verse: 2567    vîntlîche mite varn?
Verse: 2568    daʒ er uns kan sô lange sparn,

Verse: 2569    wir genieʒen sîner triuwen.
Verse: 2570    es sol uns billich riuwen:

Verse: 2571    wir haben gegen im missetân,
Verse: 2572    daʒ sol wir an sîn gnâde lân.

Verse: 2573    wel wir uns wider setzen,
Verse: 2574    er beginnet uns alsô letzen

Verse: 2575    daʒ wir sîn solichen schaden enphân,
Verse: 2576    den wir müegen immer hân.

Verse: 2577    wartent ir, waʒ iuwer wille sî:
Verse: 2578    ich wil dem künge wesen bî

Verse: 2579    mit triuwen, sô ich beste kan.
Verse: 2580    durch nieman ich daʒ wil lân.'

Verse: 2581    sie hete sîn kunft erværet
Verse: 2582    und alsô sêre beswæret,

Verse: 2583    daʒ sie volgten sînen worten,
Verse: 2584    die sie von im hôrten.

Verse: 2585       Sie sprâchen 'kan iuch des gezemen,
Verse: 2586    geturret ir fride von im nemen,

Verse: 2587    wir komen nâch unsern schulden
Verse: 2588    gerne ze sînen hulden.

Verse: 2589    daʒ lobe wir iu gemeine.'
Verse: 2590    er sprach 'lât mich aleine

Verse: 2591    ze der porten rîten.
Verse: 2592    ir sult mîn hinne bîten.

Verse: 2593    sît bî guotem muote.
Verse: 2594    ich bring eʒ wol ze guote.'

Verse: 2595    dô er kam vür daʒ tor,
Verse: 2596    er vant den herzogen dâ vor,

Verse: 2597    ze dem er mit fride reit,
Verse: 2598    gegen dem er rede niht vermeit.

Verse: 2599    'hêrre, ich wil iuch frâgen,
Verse: 2600    wie ir daʒ turrent wâgen,

Verse: 2601    war umbe ir des geruochet
Verse: 2602    daʒ ir sô nâhe her suochet.'

Verse: 2603    'mich dunket eʒ sî durch guot getân,
Verse: 2604    (mit zühten sprach der wîse man)

Verse: 2605    Daʒ ir mich seht vor der stat.
Verse: 2606    mînen hern man frides bat:

Verse: 2607    dar umbe bin ich komen her,
Verse: 2608    an sîner stat ich frides wer.

Verse: 2609    wer des râtes êrst began,
Verse: 2610    der was niht ein wîser man,

Verse: 2611    der iuch sust hât verkêret
Verse: 2612    und solich unzuht gelêret,

Verse: 2613    der ir moht schaden gewinnen.
Verse: 2614    er kunde sich niht baʒ versinnen.

Verse: 2615    er ist niht ein nützer man,
Verse: 2616    der solich untât prüeven kan.

Verse: 2617    ir wæret zwâre gar verlorn,
Verse: 2618    wann daʒ mîn hêrre sînen zorn

Verse: 2619    durch unser bet hât gelâʒen.
Verse: 2620    ir sult iuch der tôrheit mâʒen.

Verse: 2621    daʒ ich iu râte des volgent mir.'
Verse: 2622    er sprach 'hêrre, wie heiʒent ir'?

Verse: 2623    'ich binʒ der herzoge Dîmus.
Verse: 2624    ich râte mit ganzen triuwen sus,

Verse: 2625    daʒ ir iuch bî zîte ergebt
Verse: 2626    und nâch des künges hulden lebt.

Verse: 2627    des râtes wil ich mich niht schamen.
Verse: 2628    lât mich ouch wiʒʒen iuwern namen.'

Verse: 2629       'Ich binʒ der burggrâve von dem hûs.
Verse: 2630    mîn name heiʒet Eschinus.

Verse: 2631    mir ist liep iuwer komen,
Verse: 2632    ich hân iuch gerne vernomen.

Verse: 2633    ir mugt uns wol guot gesîn.
Verse: 2634    hêrre, vernemt die rede mîn.

Verse: 2635    sol ich der wârheit jehen,
Verse: 2636    uns ist tôrlich geschehen.

Verse: 2637    affenheit hât uns dar zuo brâht,
Verse: 2638    daʒ wir uns haben überdâht.

Verse: 2639    dar zuo gebt uns selbe rât.'
Verse: 2640    'sô heiʒent offenen die stat,

Verse: 2641    ob diz ist iwer geverten wort,
Verse: 2642    daʒ ich von iu hân gehôrt:

Verse: 2643    als ich daʒ hân vernomen,
Verse: 2644    sô sol eʒ wol ze guote komen.

Verse: 2645    ich gib iu des gewisheit,
Verse: 2646    daʒ ir sîn belîbet âne leit.

Verse: 2647    des sult ir iuch ze mir verlân.'
Verse: 2648    er sprach 'hêrre, daʒ sî getân.'

Verse: 2649       zehant daʒ geschach,
Verse: 2650    daz man die stat geoffent sach

Verse: 2651    dô sie den fride heten vernomen,
Verse: 2652    man sach daʒ volc zer porten komen,

Verse: 2653    ietslîchen dar gâhen
Verse: 2654    den herzogen enphâhen.

Verse: 2655    die innern des gedâhten,
Verse: 2656    cleinôte sie im brâhten

Verse: 2657    von gesteine und von golde,
Verse: 2658    daʒ er in helfen wolde.

Verse: 2659       Er jach 'ich bin iu des bereit,
Verse: 2660    als mir der burggrâve hât geseit,

Verse: 2661    welt ir des gelîche jehen,
Verse: 2662    man sol iuch schiere in hulden sehen.'

Verse: 2663    sie jâhn eʒ wær ir aller wort,
Verse: 2664    daʒ er von im hæte gehôrt.

Verse: 2665    eʒ wart niht lenger dâ gebiten,
Verse: 2666    mit im sie vür den künic riten.

Verse: 2667    zehant dô er sie ane sach,
Verse: 2668    mit senftem muote er sprach

Verse: 2669    'her Demosthenes,
Verse: 2670    welich nôt twanc iuch des

Verse: 2671    daʒ ir die untriwe hânt getân?
Verse: 2672    ich wæne ichs niht verdienet hân.

Verse: 2673    die andern die mit iu hie stên,
Verse: 2674    die wil ich nimmer dar umbe gevên.

Verse: 2675    die hætens selber niht erdâht,
Verse: 2676    hætir sieʒ niht ane brâht

Verse: 2677    ir wârt gewaltic über sie.
Verse: 2678    dô iuch untriwe des niht erlie,

Verse: 2679    ir wolt mir sîn erbolgen,
Verse: 2680    dô muosten sie iu volgen

Verse: 2681    und iuwers willen vlîʒen.
Verse: 2682    ich mac in niht mêr gewîʒen

Verse: 2683    dan daʒ sie mirʒ haben verborgen.'
Verse: 2684       der herzoge stunt in sorgen,

Verse: 2685    dô er imʒ aleine weiʒ.
Verse: 2686    in begunde netzen der sweiʒ,

Verse: 2687    er was in micheler nôt.
Verse: 2688    er wânte kiesen den tôt

Verse: 2689    oder sus lîden ungemach.
Verse: 2690    mit grôʒen vorhten er sprach

Verse: 2691    'Hêrre, ich hân missetân.
Verse: 2692    êrent iuch an mir armen man.

Verse: 2693    eʒ ist mir mit triuwen leit.
Verse: 2694    lât mich iuwer wirdikeit,

Verse: 2695    edeler künec, genieʒen';
Verse: 2696    lât iuch des niht verdrieʒen

Verse: 2697    irn wellet mîn genâde hân.
Verse: 2698    waʒ ich gegen iu hân getân,

Verse: 2699    daʒ geschiht mir mê nimmer.
Verse: 2700    hêrre, ich wil mêr immer

Verse: 2701    nâch iwerm gebote gerne leben.
Verse: 2702    geruochent mir dise schult vergeben.

Verse: 2703    durch iuwer wirdiclîche jugent
Verse: 2704    sterkent an mir iuwer tugent.'

Verse: 2705    er sprach mit vorhtlîchen siten
Verse: 2706    'ir hêrren, helft mir alle biten,

Verse: 2707    daʒ hiute mînes hêrren zorn
Verse: 2708    werde ûf mich alhie verkorn.'

Verse: 2709    die hêrren al gelîche
Verse: 2710    bâten getriuwelîche,

Verse: 2711    daʒ er verkür die schulde
Verse: 2712    und gæb im sîne hulde.

Verse: 2713       Daʒ volc man in riuwen sach.
Verse: 2714    vil güetlich der künic sprach

Verse: 2715    'ich wil eʒ gerne lâʒen.
Verse: 2716    daʒ sie sich vürbaʒ mâʒen

Verse: 2717    alsô grôʒer tôrheit,
Verse: 2718    des wil ich gewisheit

Verse: 2719    mit gîseln von in hân.
Verse: 2720    alsô daʒ wirt getân,

Verse: 2721    sô sag ich iu in kurzer frist
Verse: 2722    mêr waʒ mînes willen ist.'

Verse: 2723    alleʒ des der künec verjach,
Verse: 2724    von dem volke daʒ geschach:

Verse: 2725    sie wolden nâch sîme gebote leben
Verse: 2726    und hundert kint ze gîsel geben

Verse: 2727    dar nâch sie zuo vuoren,
Verse: 2728    dem künec sie alle swuoren

Verse: 2729    und tâten im des sicherheit,
Verse: 2730    daʒ sie im immer wærn bereit.

Verse: 2731    dar nâch sie des gedâhten,
Verse: 2732    rîche cleinôt sie im brâhten

Verse: 2733    und erbuten im soliche êre,
Verse: 2734    daʒ nie fürsten mêre

Verse: 2735    in mangen zîten geschach,
Verse: 2736    als mir die âventIure jach.

Verse: 2737       Dô diz alleʒ ergienc
Verse: 2738    daʒ man die gîsel enphienc,

Verse: 2739    die werden Cycropides
Verse: 2740    die versunnen sich des,

Verse: 2741    den hêrren vrâgten sie mære,
Verse: 2742    waʒ sîn wille gegen in wære,

Verse: 2743    ob er in iht wolde gebieten.
Verse: 2744    die hêrren im sô rieten

Verse: 2745    'heiʒent sie sich berihten
Verse: 2746    mit uns die hervart phlihten.'

Verse: 2747    er sprach 'ir hêrren, wolt ir
Verse: 2748    ze dirre vart helfen mir,

Verse: 2749    sô sî iu daʒ geseit,
Verse: 2750    daʒ ir zehant sît bereit.

Verse: 2751    ir solt mich daʒ wiʒʒen lân,
Verse: 2752    waʒ ir liute mugent hân.'

Verse: 2753    'hêrre, wir wellen iu bî gestân
Verse: 2754    mit tûsent wol berihter man,

Verse: 2755    die wol kunnen mit den spern
Verse: 2756    und ouch in strîte helfe wern,

Verse: 2757    und mit tûsent, die füerent bogen.'
Verse: 2758    in neic der fürste wol gezogen.

Verse: 2759    die kint, die wârn ze phande,
Verse: 2760    sîner muoter er die sande.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.