TITUS
Ulrich von Eschenbach, Alexander
Part No. 26
Previous part

Chapter: 41a  
Erzählerexkurs: Über die Minne


Verse: 3885       Mit urloube ich sprechen wil:
Verse: 3886    swâ süeʒer munt hât sô vil

Verse: 3887    fröiden unde werdikeit,
Verse: 3888    als hie die frouwen niht vermeit;

Verse: 3889    im brâhte daʒ gelücke heil,
Verse: 3890    dô im wart der ander teil,

Verse: 3891    den man an ir arme sach,
Verse: 3892    und im ir kiusche minne jach.

Verse: 3893    ich verstê mich an dem mære,
Verse: 3894    daʒ die frouwe gar ir swære

Verse: 3895    durch Jôram vergæʒe
Verse: 3896    und fröide ir herze besæʒe.

Verse: 3897    man sagt uns von des meien süeʒen
Verse: 3898    waʒ die sorgen kunnen büeʒen:

Verse: 3899    niht gelîchet sich werden wîben.
Verse: 3900    der zuht mit süeʒe kan leit vertrîben.

Verse: 3901    wîplich lîp mit minnen güete
Verse: 3902    fröuwet baʒ dann des meien blüete.

Verse: 3903    lieplich wîp in reinem gemüete,
Verse: 3904    ich bite daʒ mich der kiusche behüete:

Verse: 3905    der bevilh ich mich besunder.
Verse: 3906    reineʒ wîp gît fröiden wunder.

Verse: 3907    wol im, er ist ein sælic man,
Verse: 3908    dem ir süeʒe minne gan.

Verse: 3909    waʒ minne gnâde an im begât,
Verse: 3910    den sie mit süeʒer minne enphât

Verse: 3911    und sîn herze mit liebe erslîchet,
Verse: 3912    der ist sælden immer gerîchet.

Verse: 3913    süeʒe minne mit minnen sinne,
Verse: 3914    wâ die süeʒe minne mit sinnen minne,

Verse: 3915    daʒ kan minneclîchen fröuwen
Verse: 3916    und hôchgemüete in herze ströuwen.

Verse: 3917    lieplich kus von rôtem munde,
Verse: 3918    der kan ûʒ senedes hetzen grunde

Verse: 3919    fröide in hôhe wirde rucken,
Verse: 3920    trûren swære hin hinder drucken:

Verse: 3921    rôter munt gît süeʒe vil,
Verse: 3922    sô fröwet ouch wol ein ander spil.

Verse: 3923       Alexander durch die frouwen
Verse: 3924    wolt sîn milde lâʒen schouwen.

Verse: 3925    nû habt ir wol gehôrt
Verse: 3926    wie die stat was zerstôrt.

Verse: 3927    in was der hiuser gar verzigen,
Verse: 3928    des muosen sie ûf dem velde ligen.

Verse: 3929    soliche hôchzît tet der werde,
Verse: 3930    daz bî sînen zîten ûf der erde

Verse: 3931    grœʒerer nie was geschehen.
Verse: 3932    als mir der meister hât verjehen,

Verse: 3933    dô man der hôchzît verphlac,
Verse: 3934    Alexander sich bewac

Verse: 3935    durch die wunden wolt er blîben,
Verse: 3936    die zît dâ baʒ vertrîben.

Verse: 3937    Phocîdes und Dechlôn,
Verse: 3938    die vorhten sie solden tôdes lôn

Verse: 3939    von Alexander enphâhen.
Verse: 3940    mit dienste begunden sie im nâhen

Verse: 3941    allenthalben von dem lande.
Verse: 3942    vil dienstes man im sande,

Verse: 3943    daʒ der wol gemuote
Verse: 3944    alleʒ enphienc in guote.

Verse: 3945    hæten die von Thêbas im sam verjehen,
Verse: 3946    sô wær des mordes dâ niht geschehen.

Verse: 3947    wer dem rehten wider ist,
Verse: 3948    daʒ enwert niht ze stæter frist:

Verse: 3949    dar umbe sol ein ieslich man
Verse: 3950    gerne an daʒ reht sich lân.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.