TITUS
Alexanderroman (Wernigeroder Handschrift)
Part No. 37
Previous part

Chapter: 51  
Alexanders 2. Antwort an Darius


Verse: 1332    Allexander bevand

Verse: 1333    Vil laidige mer,
Verse: 1334    Wie daz sein müter wer

Verse: 1335    Krank, Olimpiadis.
Verse: 1336    Dario schraib er vil gewiß:

Verse: 1337    'Allexander, Philippen kind,
Verse: 1338    Enbewt Dario vil geswind,

Verse: 1339    Der sich nennt von Persia.
Verse: 1340    Du schreibst mir dra

Verse: 1341    Und red die uppig sind:
Verse: 1342    Da gen wil dir daz kind

Verse: 1343    Die werk manlich erczaigen.
Verse: 1344    Ez ist ain art der faygen

Verse: 1345    Zu erschrecken ab der dra.
Verse: 1346    Da von du red la

Verse: 1347    Und tu mit wercken waz du mäht.
Verse: 1348    Wiß daz all mein geträht

Verse: 1349    Ist wie ich dein hoffart
Verse: 1350    Nick mit meiner art.

Verse: 1351    Du host in hoffart mir
Verse: 1352    Gesant, als ich spür,

Verse: 1353    Den samen der kain tugent
Verse: 1354    Hat: dor an mein jugent

Verse: 1355    Ist spürent und merckent
Verse: 1356    Daz du kain stercken

Verse: 1357    Und dein volk nit enhänd.
Verse: 1358    Da von von streite land

Verse: 1359    Und gib in mein gewalt dich!
Verse: 1360    Doch sag ich dir sicherlich,

Verse: 1361    Daz ich von dir zeüch,
Verse: 1362    Daz ich dar umb nit fleuch:

Verse: 1363    Daz solt du gelauben mir
Verse: 1364    Daz ich kurczlich zu dir

Verse: 1365    Köm mit solher ritterschaft
Verse: 1366    Und mit also großer kraft

Verse: 1367    Der du an gesichen nicht
Verse: 1368    Maht.' also beriht

Verse: 1369    Sich Allexander zu hant
Verse: 1370    Und wolt haben sich gewant

Verse: 1371    Zu der müter sein.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.