TITUS
Alexanderroman (Wernigeroder Handschrift)
Part No. 38
Previous part

Chapter: 53  
Alexander besiegt Amonta (Granicus?)


Verse: 1372    Da köm im ain pot vein,

Verse: 1373    
Der sagt im daz Amonta,
Verse: 1374    
Ain fürst auz Persia,

Verse: 1375    
Wer durch vechten auz kömen.
Verse: 1376    
Do Allexander vernomen

Verse: 1377    
Hat die lieben mër,
Verse: 1378    
Do sprach der gewër:

Verse: 1379    
'Wol auf, ir helden wol gemüt,
Verse: 1380    
Heut sull wir er und güt

Verse: 1381    
Gewinen und preyß vil:
Verse: 1382    
Ez leit reht an dem zil

Verse: 1383    
Daz wir Dario sein her
Verse: 1384    
Slahen wend on alle wër.'

Verse: 1385    
Zu samen sie da zugent,
Verse: 1386    
Die panyer her flügent.

Verse: 1387    
Da hub sich ain solher streit
Verse: 1388    
Da von manig wund weit

Verse: 1389    
Ward ritterlich geslagen.
Verse: 1390    
Ez wart drey tagen

Verse: 1391    
Gefochten, daz manig held starb
Verse: 1392    
Amonta volk daz gieng ab

Verse: 1393    
Von stichen und von slegen,
Verse: 1394    
Die in die werden degen

Verse: 1395    
Von Macedon da taten.
Verse: 1396    
In dem plüt sie waten

Verse: 1397    
Recht als ain pach flüzz,
Verse: 1398    
Der aüz ainem perge düzz.

Verse: 1399    
Zu abent an dem dritten tag
Verse: 1400    
Der von Persia gelag

Verse: 1401    
Totter mer dann yeman
Verse: 1402    
Zellen noch gereden kan:

Verse: 1403    
Von ainem klainen her
Verse: 1404    
Sie warn gar on wer.




Next part



This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.