TITUS
Konrad von Megenburg, Buch der Natur
Part No. 6
Previous part

Book: IIID     III.
Line: 12    
Line: 13    D.

Line: 14    VON DEN VISCHEN.



Line: 15    Hie schüll wir sagen von den vischen und des êrsten
Line: 16    in ainer gemain. Aristotiles spricht, daz kain visch ainen
Line: 17    hals hab noch ain mansruoten noch mansgezeugel noch
Line: 18    tütel oder prüstel. iedoch habent etleicheu merwunder
Line: 19    diu vorgenanten dinch, als vor geschriben ist, wan diu
Line: 20    gepernt in ir geleichs. ich wæn auch, daz der walvisch   20
Line: 21    under der gemain niht lig, wan der unkäuscht mit seinr
Line: 22    frawen, als her nâch kunt wirt. all visch und alliu tier,
Line: 23    diu linder häut sint, diu slâfent wênich, und wenn die
Line: 24    visch slâfent, sô rüerent si nicht wan die zägel gar ain
Line: 25    klain. ez sprechent etleich, daz die visch von ainr ma\nung   25
Line: 26    irr aigen nâtûr vor auz dem land fliehen, dâ daz
Line: 27    volk inne sterben schüll oder auz dem die läut vertriben
Line: 28    schüllen werden. die visch habent die art, daz si niht
Line: 29    laichent mit fremden vischen, die auz ir art sint, noch
Line: 30    mit fremden tiern, sam ain hecht laicht neur mit ainem   30
Line: 31    hecht und ain slei mit ainem sleien. aber daz vælt an
Line: 32    der murên, diu laicht mit ainer slangen, und sprechent
Line: 33    etleich, der æl tuo daz selb. all visch ezzent anander in

Page: 243  
Line: 1    dem mer, ân ain tier, daz haizt Aristotiles fascaleon, daz
Line: 2    izt niht flaisches. kain mertier izt seineu kint unz si
Line: 3    grôz werdent und den alten gleich. der mervisch flaisch
Line: 4    ist sterker und gesünder die pei dem gestat wonent, aber
Line: 5    die visch, die in der tiefen gênt, die habent waicher flaisch   5
Line: 6    und sint niht sô gesunt. all stainvisch sint gern vaizt
Line: 7    und aller visch her hât ainen maister und ainen laiter.
Line: 8    ain iegleich visch, der des raubs lebt, der swimt gesellic\leich,
Line: 9    sam der hecht und sämleich visch. all visch, die
Line: 10    nâch der praiten swimment, die werdent vaizt wenn der   10
Line: 11    sudenwint wæt von mittem tag, als die prähsem tuont und
Line: 12    die halbvisch und die den geleichent. aber die sich nâch
Line: 13    der leng streckent wenn sie swimment, sam der hecht
Line: 14    tuot, die werdent vaizt sô der nordenwint wæt, der ze
Line: 15    latein aquilo haizt. der visch weibel sint grœzer wan die   15
Line: 16    mändel, wan die rogner werdent grœzer denn die milcher.
Line: 17    der vischvanch ist allerpest des morgens ê diu sunn auf
Line: 18    gêt, wan sô ist ir gesiht gar betrieglich. si sehent auch
Line: 19    des nahtes reht als an dem tag. si sterbent von öltrinken.
Line: 20    daz mêrer tail der vischair verderbent, wenn der rognær   20
Line: 21    diu air læzt in seim gang hin und her. etleich visch ge\pernt
Line: 22    von in selber ân allez laichen, und etleich von dem
Line: 23    ertreich anderr visch, dâ si geruot habent, etleich von
Line: 24    ainvaltiger erden, etleich von fauler zerprochner fäuhten,
Line: 25    die man auf dem wazzer siht swimmen sam daz öl. die   25
Line: 26    visch habent die art, daz si hin und her swimment und
Line: 27    spazierent, ê si gepernt oder ê si mitenander laichent.
Line: 28    etleich visch werdent krank wenn si gepernt oder rogen
Line: 29    lâzent, und dar umb væht man si denn leihticleicher denn
Line: 30    ander zeit. dürrein schat den vischen sêr, wan si wer\dent   30
Line: 31    gemaincleich vaizt wenn regenzeit ist, und ist in diu
Line: 32    regenzeit kreftig, reht als den pflanzen, die auz der erden
Line: 33    wahsent, und dar umb swimment si ob, sô ez regent, als
Line: 34    ob si sich des regens fräwen. ist daz man ain holz reibt
Line: 35    mit ains mervisches lebern, daz print reht als öl, und   35
Line: 36    dar umb spricht ain vorscher, daz man auz etleicher mer\visch

Page: 244  
Line: 1    lebern öl mach. etleich visch berüernt daz vaz
Line: 2    nümmer dâ mit man si væht, ez sei dann frisch. der
Line: 3    visch weibel sint lenger wan die männel und sint herter
Line: 4    an dem flaisch. die visch habent auch die art, daz si
Line: 5    gern widerkêrent an die stat, dâ si geporn werdent, wâ   5
Line: 6    si hin koment, ez sei über sich oder under sich, und dar
Line: 7    umb nement si dick schaden. der grôz maister Basilius
Line: 8    spricht: schaw, wie iesleich gesläht der visch sein besunder
Line: 9    lant hât und sein gegent, und nimt ainr dem andern sein
Line: 10    wonung niht: ez genüegt ain iegsleich gesläht der visch   10
Line: 11    an seiner wonung.



Chapter / Strophe: 1     1.
Line: 12    
Line: 13    VON DEM ÆL.



Line: 14    Angwilla haizt ain æl. der visch ist ainr slangen
Line: 15    geleich und dâ von hât er den namen ze latein, wan an\gwis   15
Line: 16    haizt ain slang, dannen kümt angwilla. sô dû den
Line: 17    visch ie vester druckest zwischen den henden, sô er ie
Line: 18    leihticleicher durch die hant slingt. er ist gar übel ze
Line: 19    straufen. Plinius spricht, aintweder under den æln ist
Line: 20    kain man oder kain weip. wer ainen æl tœtt in wein und   20
Line: 21    trinkt dar nâch des selben weins, dem wirt wein wider\zæm,
Line: 22    sam Isidorus spricht. des âls vaizten ist ain erznei
Line: 23    den siechen ôrn. er hât gar ain swæren tôt, wan sô er
Line: 24    schôn gestrauft ist, dannoch lebt er. man muoz in paz
Line: 25    kochen pei dem feur dann ainen andern visch, er wær   25
Line: 26    anders gar schad und ungesunt, und dar umb schol man
Line: 27    in prâten, sô ist er gesünder denn gesoten, wan die pœ\sen
Line: 28    fäuhten dünst gênt auz im, sô man in præt. nu prât
Line: 29    in alsô. zeuch im die haut ab und stuck in denn in gan\zeu
Line: 30    stuck nâch der leng und stüpp diu stuck mit guoten   30
Line: 31    edeln würzen klain gestôzen, und dar nâch zeuch die haut
Line: 32    wider über diu stuck nâch der leng und stopf mit ainem
Line: 33    scharpfen mezzer die haut über al, daz der trôr herdurch
Line: 34    müg, und leg in dann in ain clamer spiz, daz ist ain

Page: 245  
Line: 1    clainr eiseneinr spiz gespalten und gênt die zwai cle\mern
Line: 2    oben und unden zesamen und habent ringel, dâ mit
Line: 3    man si zuo enander twingt. alsô prât in schôn und lank\saim,
Line: 4    sô wirt er ain herrenezzen. Albertus spricht, daz
Line: 5    in dem wazzer, daz Ganges haizt, æl gên, die sein drei\zig   5
Line: 6    elnpogen lang.



Chapter / Strophe: 2     2.
Line: 7    
Line: 8    VON DFM HÄRING.



Line: 9    Allec haizt ain härinch. der visch hât allain die art
Line: 10    vil nâhen under allen andern vischen, daz er neur des   10
Line: 11    wazzers lebt und mag auz dem wazzer ain stunt niht ge\leben,
Line: 12    wan er stirbt zehant wenne er über daz wazzer
Line: 13    kümt. sein augen scheinent des nahtes in dem mer reht
Line: 14    sam ain lieht, aber diu kraft der augen stirbt mit dem
Line: 15    visch. wâ die häring in dem mer ain lieht sehent ob   15
Line: 16    dem wazzer, dâ samnent si sich hin in grôzen scharn,
Line: 17    und mit der kündichait pringt man si in die netz. die
Line: 18    pesten häring gênt pei Schottenlant und die aller pœsten
Line: 19    pei däutschen landen.



Chapter / Strophe: 3     3.
Line: 20    
Line: 21    VON DER GOLTWOLLEN.



Line: 22    Aureum vellus haizt goltwoll. die zeuht und speist
Line: 23    daz mer, sam Ambrosius spricht, und daz gestat pei dem
Line: 24    mer gepirt die wollen, nâch dem gold etswie vil gepildet,
Line: 25    und dar umb haizt si auch goltwoll. der wollen varb kunt   25
Line: 26    noch nie kain maister an ander wollen pringen noch mit
Line: 27    künsten gemachen, wie guot er ie wart in der verberkunst.
Line: 28    ez sprechent auch etleich, daz diu woll derlai sei gewesen,
Line: 29    dar umb vil und vil tausent menschen hie vor erslagen
Line: 30    wurden in der Troier lant.   30
Line: 31    Pei der guldeinn wollen verstên ich die himlischen
Line: 32    goltpluomen, ich main die muoter der parmherzichait
Line: 33    Mariam gotes muoter, in der schôz daz götleich himel\taw

Page: 246  
Line: 1    her ab tawet mit den gâben des hailigen gaistes und
Line: 2    prâht uns gotes aingepornen sun in den umbvanch der
Line: 3    käuschen clausen Marien. der varb (daz ist ir tugent
Line: 4    und ir hailichait) moht noch nie kain maister volpilden
Line: 5    mit geschrift und mit getiht. ach, obersteu kaiserinne, vol   5
Line: 6    der gnâden, neig dich neur ain klain, diu zeit ist hie.
Line: 7    gedenke, daz dû pist aller sünder hoffnung und zuofluht.



Chapter / Strophe: 4     4.
Line: 8    
Line: 9    VON DEM KLAINEN VISCHL.



Line: 10    Afforus mag ain klain vischel haizen, wan sam Isi\dorus   10
Line: 11    spricht, daz vischel ist sô klain, daz man ez mit
Line: 12    kainem hamen gevâhen mag. Dâ pei verstêt man die
Line: 13    diemüetichait unser frawen, wan diemüetichait mag niht
Line: 14    gevallen, diemüetichait ist ain ursprinch aller tugent.



Chapter / Strophe: 5     5.
Line: 15    
Line: 16    VON DER MERSPINNEN.



Line: 17    Aranea maris haizt ain merspinn. daz ist ain mer\visch,
Line: 18    sam Isidorus spricht, der hât spitzling in den ôrn,
Line: 19    dâ mit sticht er die im ze nâhen koment. iedoch ist er
Line: 20    ain zeitleich guot ezzen. Pei dem visch verstêt man die   20
Line: 21    läut, die leihticleich ir ôren naigent zuo pœsem sagen von
Line: 22    dem næhsten und verwundent die selben oft mit nâchred
Line: 23    oder mit schaden in rehter unschult. daz ist unreht.
Line: 24    man scholt ainz vor ze red setzen, unz man die wârhait
Line: 25    bevindet. dar umb spricht diu geschrift: dû scholt dein   25
Line: 26    ôrn umbzäunen mit dornen, daz ist, dû scholt niht leih\ticleich
Line: 27    allen redærn und sagern gelauben.



Chapter / Strophe: 6     6.
Line: 28    
Line: 29    VON DEM REGENVISCH.



Line: 30    Bocha haizt ze latein auch piscis pluvialis, daz haizt   30
Line: 31    ze däutsch ain regenvisch, dar umb, daz der visch sun\derleich

Page: 247  
Line: 1    zuo nimt in dem regen. die visch swimment
Line: 2    neur nâch der praiten, wan si sint gar dünn visch und
Line: 3    gar prait. si habent auch flozzen umb und umb nâch
Line: 4    der praiten. sô die vischær den visch wellent vâhen, sô
Line: 5    senket er sich an den grunt und betrüebt daz wazzer ob   5
Line: 6    im, dar umb, daz man in iht gesehen müg, wan sô er
Line: 7    sich nâch der praiten an daz ertreich smucket, sô ist er
Line: 8    oben auf dem ruck erdvar.



Chapter / Strophe: 7     7.
Line: 9    
Line: 10    VON DEM WALVISCH.



Line: 11    Cete haizt ain walvisch. der ist der grœst visch ob
Line: 12    allen vischen, sam Isidorus spricht. er hât in der jugent
Line: 13    swarz zend, die werdent im weiz in dem alter, und hât
Line: 14    ain pain an der stirn. etleich walvisch sint sô grôz, daz si
Line: 15    inseln dunkent oder wäld, wâ man si verr siht, oder schei\nent   15
Line: 16    als die grôzen perg. die walvisch nement dick sant
Line: 17    auf den ruck, und sô die schefläut von nôt auf den sant
Line: 18    getriben werdent von ungewiter, sô wænent si, ez sei ain
Line: 19    insel und si haben lant funden. des fräwent si sich und
Line: 20    lâzent ir segel nider und senkent ir anker in daz mer   20
Line: 21    und slahent feur auf den sant und wellent ruoen. sô
Line: 22    denn der walvisch des feurs enpfint, sô wirt er gar er\zürnt
Line: 23    und senket sich under daz wazzer und zeuht mit
Line: 24    im paideu schef und läut under daz wazzer an den grunt.
Line: 25    wie auch daz sei, daz er der grœst sei ob allen vischen,   25
Line: 26    iedoch hât er ainen klainen slunt, und dar umb verslint
Line: 27    er neur die klainen visch. die locket er zuo im mit sei\nem
Line: 28    süezen âtem, der im auz dem hals gêt, unz daz er
Line: 29    si verslicht. wenn dû die walvisch mit enander sæhest
Line: 30    gên, dû wæntest verrlingen, daz ain grôz güzzwazzer dâ   30
Line: 31    flüzz und gar snell flüzz. Isidorus spricht: ich hân daz
Line: 32    selb beschawet und hân gewundert an gotes weishait.
Line: 33    wenn der walvisch über dreu jâr kümt, sô unkäuscht er
Line: 34    mit seim weib, diu haizt ze latein balena, und ân under\lâz

Page: 248  
Line: 1    in ainer kurzen stunt. in der unkäusch wirt er be\raubt
Line: 2    der kraft fürpaz mêr ze unkäuschen, alsô daz sein
Line: 3    mansruot ân nutz wirt. und dar umb gêt er dan in daz
Line: 4    gar tief mer und wehset alsô grôz, daz man in mit kains
Line: 5    menschen künsten noch listen gevâhen mag, und scheint   5
Line: 6    sô grôz, sæhest dû in, dû wændest, ez wær ain grôzer
Line: 7    perg: alsô erhebt er sich dick über daz wazzer mit seiner
Line: 8    unmæzigen grœzen. und dar umb mag man in niht ge\vâhen
Line: 9    denn sô er under drein jâren ist. wan sô er hœrt
Line: 10    schalmeien und ander süez gedœn, sô næhent er zuo den   10
Line: 11    läuten und alsô væht man in. des visches sâm wirt ge\vangen
Line: 12    oben auf dem wazzer, wan sô er geunkäuscht hât,
Line: 13    sô swimt der sâm oben, den er gelâzen hât, den væht
Line: 14    man denn und tuot in in klaineu fläschel, als triakers
Line: 15    fläschel sint, und den walrâm trinkt man nüehtern, wan   15
Line: 16    er sterkt als gar wol und kreftigt vast, und dar umb ist
Line: 17    er gar schatzpær und teur.



Chapter / Strophe: 8     8.
Line: 18    
Line: 19    VON DEM KREBZ.



Line: 20    Cancer haizt ain krebz. der hât ainen herten ruck,   20
Line: 21    reht sam die kütschdrillen habent. der krebz hât aht
Line: 22    füez und arm und hât schær an der hende stat. er gêt
Line: 23    hinder sich, und spricht Adelînus, daz er nümmer nâch
Line: 24    seinem antlütz gê. iedoch hân ich den krebz für sich
Line: 25    sehen gên gar sain und trægleichen. wenn er alt wirt,   25
Line: 26    sô vint man zwên weiz stain in seim haupt, dâ ist rôt ein
Line: 27    gemischt. etleich sprechent, daz die stain sô grôz kraft
Line: 28    haben, wer si in trank nem, si vertreiben im den herz\stechen,
Line: 29    und daz ist gar geläupleich, wan, als Galiênus
Line: 30    spricht, daz herz wirt gar vast gesterkt von den herten   30
Line: 31    stainen, als die saphir sint und die margariten oder die
Line: 32    veinn perl und die jâchant und ander sämleich stain. die
Line: 33    krebz sint langs lebens. daz weip hât den êrsten fuoz
Line: 34    gespalten und der man hât in ainvaltig und ungespalten,

Page: 249  
Line: 1    der reht arm ist vil nâhen allen krebzen grœzer denne
Line: 2    der denk. deu männel habent zwên dorn zwischen dem
Line: 3    leib und dem swanz, der diu weibel niht habent. wenn
Line: 4    die krebz air habent in dem leib, sô sint si ain erznei
Line: 5    wider der slangen hecken. wenn der krebz getrenket ist   5
Line: 6    mit milich ân wazzer, sô lebt er vil tag. des krebzs därm\lein
Line: 7    strecket sich von dem leib unz an daz end seins
Line: 8    swanzes. wenn daz swarz ist und vol, sô ist der krebz
Line: 9    guot; ist aber ez eitel und weiz, sô ist der krebz erhun\gert
Line: 10    und ist ain schedleich ezzen.   10



Chapter / Strophe: 9     9.
Line: 11    
Line: 12    VON DEM SNECKEN.



Line: 13    Concha oder coclea haizt ain snek und ist ze däutsch
Line: 14    als vil gesprochen als ain flächlink oder ain eitlink, wan
Line: 15    sô der môn abnimt, sô werdent ir schaln flach oder hol   15
Line: 16    und eitel. wan als Rabanus spricht, alleu mertier, diu
Line: 17    mit schaln beslozzen sint, diu nement zuo wenn der môn
Line: 18    aufnimt und nement ab wenn der môn abnimt. ez spricht
Line: 19    auch Rabanus, daz die visch margariten machen, daz sint
Line: 20    vein perl. die mersnecken habent die art, daz si des nah\tes   20
Line: 21    an daz gestat gênt und werdent swanger von dem hime\lischen
Line: 22    taw, und dâ von werdent die margariten in irm
Line: 23    flaisch. Solînus spricht, die mersnecken unkäuschent ze
Line: 24    gewisser zeit in dem jâr und gevâhent zuo. si begernt des
Line: 25    himeltawes reht als ain fraw irs liebes begert und tuont   25
Line: 26    ir schaln auf und ginent gegen dem tawe. und sô des
Line: 27    mônen fäuhten, daz ist der taw, allermaist vellt, sô trin\kent
Line: 28    si daz begert taw in sich und werdent swanger und
Line: 29    swær von dem taw. und als daz taw geschicket ist, alsô
Line: 30    schickent sich die margariten, die dâ von koment; wan   30
Line: 31    ist daz taw clâr und lauter, sô werdent die margariten
Line: 32    gar vein und scheinig; ist aber ez trüeb, sô werdent si
Line: 33    plaich oder rôtelot, und alsô gepernt die sneken mêr von
Line: 34    dem himeltaw wan von dem merwazzer.

Page: 250  



Chapter / Strophe: 10     10.
Line: 1    
Line: 2    VON DEM MERRABEN.



Line: 3    Corvi maris haizent merraben, und habent den na\men
Line: 4    von ir stimm, sam Isidorus spricht, wan si kroch\zent
Line: 5    mit der prust als die raben, und sô si sich gemel\dent   5
Line: 6    mit der stimm, sô væht man si. Der visch bedäutt
Line: 7    die läut, die auzwendig sweigent als ob si gar gedultig
Line: 8    sein und mürmelnt doch in sich selber mit dem herzen, und
Line: 9    dâ von werdent si dick gevangen mit des teufels stricken.



Chapter / Strophe: 11     11.
Line: 10    
Line: 11    VON DEM CLAUREN.



Line: 12    Claurius haizt ain claur und haizt auch glaius. der
Line: 13    visch hât die art, daz er in die geätzten hamen peizt,
Line: 14    aber er izt ir niht, er beraubt si des dar inne ist und
Line: 15    wirt alsô vaizt. Der visch bedäutt die menschen, die offen\pærleich   15
Line: 16    die unkäusch vliehent, dar umb, daz diu künf\tigen
Line: 17    kindel si iht melden, aber inwendig sint si vol un\käusch
Line: 18    mit gir und treibent ir unfuor mit küssen, mit
Line: 19    unzimleichen reden und mit mærlein und verunrainent
Line: 20    sich lesterleich und pœsleich, dâ von niht mêr ze reden ist.   20



Chapter / Strophe: 12     12.
Line: 21    
Line: 22    VON DEM DELPHIN.



Line: 23    Delphinus ist ain visch, der haizt delphin. iedoch
Line: 24    ist er niht daz merwunder delphin, dâ von wir vor gesait
Line: 25    haben. der visch ist klainer denn daz selb merwunder,   25
Line: 26    sam Isidorus spricht. die visch habent die art, wenn ain
Line: 27    ungewiter komen schol, sô springent si auf dem wazzer
Line: 28    und spilent, und dâ pei erkennent die schefläut künftigz
Line: 29    ungewiter. si sint sô snell in iren sprüngen, sam Solînus
Line: 30    spricht, daz si etswenn über die schefsegel springent, und   30
Line: 31    die vischær besamnent sich und werfent eisnein rechen

Page: 251  
Line: 1    auf, dar inn beslahent sich die delphin und reibent sich
Line: 2    an den sant dâ mit, alsô die rechen in ir flaisch gedrukt
Line: 3    werdent, und sô wirft si daz mer dann auz an daz lant.



Chapter / Strophe: 13     13.
Line: 4    
Line: 5    VON DEM ECHEN



Line: 6    Echinus haizt ain ech. der visch ist halpfüezig, sam
Line: 7    Jacobus und Isidorus sprechent, und ist sô kreftig, daz
Line: 8    er ain schef still helt, daz ez sich nindert wegt, ez sla\hen
Line: 9    die wind in daz mer oder ez slahen die ünden, und
Line: 10    wie sêr die wazzerflüzz diezzen, sô mag daz schef weder   10
Line: 11    für sich noch hinder sich, reht als ob ez dâ gruntvest
Line: 12    hab und dâ gewurzelt sei, niht dar umb, daz ez daz
Line: 13    vischel wider ziehe, neur dar umb, daz daz vischel dar
Line: 14    an hanget. daz sprechent auch Ambrosius, Jacobus
Line: 15    Aquensis, Aristotiles, Isidorus und der grôz Basilius. nu   15
Line: 16    spricht Albertus, daz man des grôzen wunders an dem
Line: 17    vischel kain ander sach müg gehaben denn daz got ze
Line: 18    verstên gibt in seinen crêatûren seineu wunderleicheu
Line: 19    werk, und seineu wunder læzt schawen, und dar umb, daz
Line: 20    die ketzer geschant werden, die anders niht gelauben wel\lent   20
Line: 21    denn der nâtûr gemainen lauf. die echen sint der
Line: 22    krebzen geslähtes, sam Plinius spricht, wan si habent
Line: 23    auch dorn an der füez stat. den visch schol man niht
Line: 24    ezzen oder man izt den tôt dar an. wan sô er gezzen
Line: 25    wirt, sô verändert er den menschen auz dem satz seiner   25
Line: 26    rehten nâtürleichen schickung. der ech bestelt diu schif
Line: 27    ze mittest in dem mer und mag sich selber niht bestellen,
Line: 28    er muoz daz von dem staindel petlen, daz er den schiffen
Line: 29    milticleich gibt. wan sô er ain künftigz unwiter siht, sô
Line: 30    umbgreift er ain staindel, daz in die wazzerschuck iht   30
Line: 31    auzwerfen, und helt doch ain grôz schif, als vor gespro\chen
Line: 32    ist. die visch habent ir münd ze mitelst an dem
Line: 33    leib und sint vil nâhent als si glesein sein an dem leib
Line: 34    und habent ains schorpen gestalt. si habent auch an der

Page: 252  
Line: 1    zend stat swær und scharpf sticheling in dem mund.
Line: 2    ireu air sint pitter und der sint fünfeu an der zal, sam
Line: 3    Ambrosius und Aristotiles sprechent. Ich pit dich, tuo
Line: 4    als der visch tuot gegen dem ungewiter, und sô dâ in
Line: 5    leiden seist, sô begreif ain staindl, daz ist, rüef ainen   5
Line: 6    hailigen an, der dich auf halt in deinen leiden. ich rât
Line: 7    aber dir allermaist zuo unser frawen, diu wirt snell gewert.



Chapter / Strophe: 14     14.
Line: 8    
Line: 9    VON DEM HAUSEN.



Line: 10    Esox haizt ain haus. der visch gêt in der Tuonaw,   10
Line: 11    zuo dem gesellt sich der stür gar gern, daz er mit im
Line: 12    scherz. und sô sein der haus innen wirt, sô fleuht er
Line: 13    zehant und der stür volgt im nâch, wan si sint paid grôz,
Line: 14    dar umb mügent si sich niht verpergen in den grôzen
Line: 15    wazzern. wenn si alsô jagent und daz wazzer vor in trei\bent,   15
Line: 16    sô væht man si dick paid mit enander. wenn der
Line: 17    haus gevangen ist, der in denn trenkt mit gar starkem
Line: 18    wein oder mit milch, unz daz er trunken wirt, sô lebt er
Line: 19    vil tag. er trinkt aber wol vier sehstail weins, ê daz er
Line: 20    trunken werd, daz sint vier gar grôz angstær. er hât   20
Line: 21    neur ainen darm und hât klaineu pain in dem leib und
Line: 22    hât der wênig und diu pain sint waich als die kruspeln
Line: 23    aber in dem haupt hât er vil pain und diu selben sint
Line: 24    hert. Pei den hausen verstên ich die läut, die mit des
Line: 25    herzen gir grôz sint und an irm fürsatz der tugent, aber   25
Line: 26    si sint waich an den werken.



Chapter / Strophe: 15     15.
Line: 27    
Line: 28    VON DEM GRAN.



Line: 29    Granus haizt ain gran. daz ist ain mervisch, sam
Line: 30    Aristotiles spricht. der visch hât ain aug oben auf dem   30
Line: 31    haupt wider aller anderr tier nâtûr. mit dem aug siht
Line: 32    er allzeit über sich und hüet sich vor schaden. Der visch

Page: 253  
Line: 1    bedäut ainen iegleichen spiegelschawer, der tag und naht
Line: 2    alleu ding betraht und beschawet in dem spiegel seiner
Line: 3    vernunft und siht got in seinen werken und die crêatûr
Line: 4    in götleicher güet. der selb mag wol von im selber spre\chen:
Line: 5    mein augen sehent allzeit zuo dem herren, daz ist:   5
Line: 6    zuo got schüllen unsreu augen stên ân underlâz, wan er
Line: 7    zuckt unser füez auz dem strick des êwigen tôdes.



Chapter / Strophe: 16     16.
Line: 8    
Line: 9    VON DER MERSWALBEN.



Line: 10    Hirundo maris haizt ain merswalb. daz ist ain mer\visch   10
Line: 11    gar geleich ainer swalben, sam Plinius spricht. der
Line: 12    visch hât allain an im ain art, diu allen andern vischen
Line: 13    wider ist ân einen mervisch, der haizt luligo, und ân
Line: 14    ainen andern mervisch, wan diu merswalb beleibt pei den
Line: 15    vischen in dem wazzer und hât auch flügel, dâ mit si   15
Line: 16    fleugt in die lüft. Der visch bedäut die menschen, die
Line: 17    etleich zeit werltleich amt habent und mit werltleichen
Line: 18    sachen umbgênt und dar nâch sich versinnent und ge\denkent
Line: 19    an daz êwig leben und bekêrent sich zuo göt\leichem
Line: 20    leben und werdent gar guot.   20



Chapter / Strophe: 17     17.
Line: 21    
Line: 22    VON DEM KALOS.



Line: 23    Kalaos haizt ain kalos. daz ist ain mervisch man\gerlai
Line: 24    gestalt und mangerlai schickung, sam Aristotiles
Line: 25    spricht. der visch hât die art wider all ander visch, daz   25
Line: 26    im daz regenwazzer schad ist, daz doch allen andern
Line: 27    vischen ain trôst und ain hilf ist und dâ von kreftig und
Line: 28    vaizt werdent. aber der kalus wirt plint von dem regen\wazzer,
Line: 29    sô mag er denn sein ezzen niht vinden und muoz
Line: 30    sterben in dem hunger. Pei dem visch verstên ich die   30
Line: 31    läut, die des gots wortes niht gehœren mügent, alsô daz
Line: 32    ez in nütz sei an leib oder an sêl.

Page: 254  



Chapter / Strophe: 18     18.
Line: 1    
Line: 2    VON DEM HECHT.



Line: 3    Lucius haizt ain hecht. daz ist ain visch, als daz
Line: 4    puoch von den nâtürleichen dingen sait, der auch ain waz\zerwolf
Line: 5    haizt, der izt ander visch und waz er frösch vindet,   5
Line: 6    die in der andern visch münden sint, alsô daz si nâhen
Line: 7    als grôz sint als er selber, die frizt er auch. er izt ainen
Line: 8    andern visch alsô. wenn er in überwindet, sô frizt er daz
Line: 9    haupt des êrsten und wenn er daz verdäut, sô izt er daz
Line: 10    ander tail dar nâch, ie ain stuck nâch dem andern, unz   10
Line: 11    daz er in gar vrizt. er izt auch ainen andern hecht, alsô
Line: 12    gräuleich ist er von nâtûr und sô girig auf den raup. er izt
Line: 13    auch seinen aigenne sâmen, er sei denn ze vischeln worden.
Line: 14    Pei dem hecht verstên ich all wüetreich, die arm läut
Line: 15    frezzent und auch ir aigen mâg und freunt verderbent.   15



Chapter / Strophe: 19     19.
Line: 16    
Line: 17    VON DER MURÊN.



Line: 18    Murena haizt ain murên. der visch hât kainen man
Line: 19    seins geslehtes oder seinr nâtûr, ez sint eitel weip, sam
Line: 20    Isidorus spricht, und gevæht zuo von der slangen. wan als   20
Line: 21    Basilius spricht, diu slang locket die murên auz dem waz\zer
Line: 22    mit sänftem wispeln und unkäuscht dann mit ir. und
Line: 23    dar umb lockent ir die vischer mit wispeln auz dem waz\zer
Line: 24    und vâhent si. Ambrosius spricht, wenn diu slang
Line: 25    unkäuschen well mit der murên, sô lâz si vor all ir ver\gift   25
Line: 26    von ir. Albertus spricht, daz man dâ pei verstên
Line: 27    schol, wie grôz sänftikait und tugent der man haben
Line: 28    schol zuo seiner frawen, wan ain man und sein fraw
Line: 29    werdent gesament an dem kind, daz ir paider fruht ist.
Line: 30    Alexander spricht, daz diu murên ir sêl in dem swanz   30
Line: 31    hab, wan sô man ir daz haupt zersleht, dannoch lebt si;
Line: 32    aber sô man ir den swanz absleht, sô stirbt si zehant. die

Page: 255  
Line: 1    murên habent ainen vergiftigen piz; aber sô man ir haupt
Line: 2    pulvert, daz pulver ist guot für die selben pizz.



Chapter / Strophe: 20     20.
Line: 3    
Line: 4    VON DEM MEGAR.



Line: 5    Megarus haizt ain megar. daz ist ain mervisch, sam   5
Line: 6    daz puoch sagt von den nâtürleichen dingen, und ist zwair
Line: 7    tener lang. er dunket pœs in den landen, dâ man in
Line: 8    væht, aber sô man in selzet und in verr füert, sô wirt
Line: 9    er wert umb sein selzein. iedoch sô er frisch ist, sô ist
Line: 10    er pezzer ze ezzen, wan sô er gesalzen wirt. der visch   10
Line: 11    bedäut die in irm vaterlant versmæht sint, wan als Chri\stus
Line: 12    spricht, niemant ist ain genæmer weissage in seins
Line: 13    vater lant und die man doch in fremden landen gar wert
Line: 14    hât und si wirdigt und grœzleichen êret. Solînus spricht,
Line: 15    daz die megarn mit den sneken des nahtes an daz gestat   15
Line: 16    gên und trinken daz himeltaw und werdent swanger der
Line: 17    margariten oder der veinn perl, und daz taw nement die
Line: 18    mersneken ze mettenzeit und dar umb sint die perll vei\ner
Line: 19    und liehter; wan der taw, der ze mettenzeit gevangen
Line: 20    wirt, ist liehter wan der des nahtes gevangen wirt, und   20
Line: 21    sô der snek des tawes ie mêr nimt, sô die perll ie veiner
Line: 22    und grœzer werdent. sô den offenn sneken ain plitzen oder
Line: 23    ain himelplitzen her velt von dem ungewiter, sô druckent
Line: 24    si sich zesamen und swimment mit ainr schar mitenander
Line: 25    und der witzigist swimt vor und füert die andern.   25



Chapter / Strophe: 21     21.
Line: 26    
Line: 27    VON DEM KAINVISCH.



Line: 28    Nullus haizt ain kainvisch. der hât den namen dar
Line: 29    umb, sam Isidorus spricht, daz er waich ist und gar un\lustich
Line: 30    ze ezzen. er macht die läut unlustig und macht die   30
Line: 31    augen trüeb, und die den visch dick ezzent, die smeckent
Line: 32    und stinkent vast. wer den wein trinkt, dâ der visch inn

Page: 256  
Line: 1    ertœtt ist, dem wirt der wein widerzæm, sam Rabanus
Line: 2    spricht. Pei dem visch verstên ich den menschen, der
Line: 3    weder im selber noch der werlt nütz ist noch got êrleich.



Chapter / Strophe: 22     22.
Line: 4    
Line: 5    VON DEM OSTER.



Line: 6    Ostrea haizt ain oster. daz ist ain mervisch und ist
Line: 7    der sneken geslähtes, von den wir vor gesait haben, sam
Line: 8    Plinius spricht. der sneken flaisch izt der krebz gar gern.
Line: 9    dar umb, wenn die sneken diu häusel auf tuont durch des
Line: 10    sänftigen weters willen, sô werfent die krebz staindl zwi\schen   10
Line: 11    die schaln, daz si sich niht zuo mügen tuon, und
Line: 12    nagent dann der sneken flaisch. der sneken schaln sint
Line: 13    weiz und sinwel und tragent die pilgrein die selben schaln
Line: 14    an irn hüeten; aber daz flaisch geröst mit öl und mit
Line: 15    zwival ist gar guot in der vasten.   15



Chapter / Strophe: 23     23.
Line: 16    
Line: 17    VON DEM MERSWEIN.



Line: 18    Porcus marinus haizt ain merswein und ist ain visch,
Line: 19    den man izt. der ist vil nâch als ain rehtez swein an der
Line: 20    gestalt. sein zung ist ledig sam ains rehten sweins, aber   20
Line: 21    ez hât niht ain stimm sam ain rehtz swein. ez hât auf
Line: 22    dem ruck dorn, dâ ist vergift inn. aber des visches gall
Line: 23    ist ain erznei wider die vergift. diu merswein leident vil
Line: 24    angst und nôt, sam Plinius spricht, und suochent ir na\rung
Line: 25    an des mers grunt und wüelent in die erd sam diu   25
Line: 26    rehten swein. si habent den rüezel pei der keln.



Chapter / Strophe: 24     24.
Line: 27    
Line: 28    VON DEM STÜRN.



Line: 29    Sturio haizt ain stür. daz ist ain grôzer visch und
Line: 30    gêt in den vliezenden wazzern und nimt gar clain ezzens   30

Page: 257  
Line: 1    in seinen leip. er lebt allermaist des liehten lautern
Line: 2    luftes und dar umb hât er ainen clainen pauch. er hât
Line: 3    ingewaid, aber daz ist gar clain nâch seinr grœz. er hât
Line: 4    ain grôz lebern, und diu ist alsô süez, daz man si kaum
Line: 5    izt ân des magen wüllen, und dar umb reibent die köch   5
Line: 6    die lebern mit des stürn gallen, daz si die überigen süe\zen
Line: 7    verlies. er hât kainen munt, wan daz selb tail
Line: 8    ist ganz, dâ andreu tier ir münd habent. iedoch hât er
Line: 9    ain klain loch under der keln und daz öffent er wenn er
Line: 10    wil. wenn der sudenwint wæt, sô wirt er vaizt und swimt   10
Line: 11    oben in dem wazzer; wenn aber der nordenwint wæt, sô
Line: 12    ligt er an dem grunt. wenn er in milch stêt, sô lebt er
Line: 13    lang ân wazzer.



Chapter / Strophe: 25     25.
Line: 14    
Line: 15    VON DEM HAMFREZZEN



Line: 16    Scolopendra mag ain hamfrez haizen, dar umb, wan
Line: 17    als Plinius spricht, die visch sint den lanttiern geleich,
Line: 18    diu ze latein centipedes haizent und haizent ze däutsch
Line: 19    hundertfüezel, und habent die art, daz si den hamen
Line: 20    frezzent, dâ mit man si væht, und wenn si in gezzen   20
Line: 21    habent, sô undäwent si auz dem hals allez ir ezzen, unz
Line: 22    si den hamen auz gewerfent, und sô verslindent si denn
Line: 23    daz ungedäut ezzen anderstund. Pei dem visch verstê
Line: 24    wir die läut, die an in selber verstênt, daz in die werlt\leichen
Line: 25    reichtüem schedleich sint an leib und an sêl, und   25
Line: 26    dar umb gebent si die werlt auf und varnt in ainen or\den,
Line: 27    und sô si etswie lang in dem orden gestênt und in
Line: 28    daz gemain leben in dem orden niht genüegt, sô samnent
Line: 29    si aber aigen guot in dem orden und werdent pœser in
Line: 30    dem orden wan si in der werlt wâren, und tuont als die   30
Line: 31    hund, die ain ezzen undäwent und slindent ez wider. Der
Line: 32    hamfrez hât die art, daz er sich in daz tief wazzer senket
Line: 33    und fleucht der sunnen glast und ir hitz und fleucht auch
Line: 34    den hagel, wan diu zwai schendent des visches varb. wenn
Line: 35    man die visch in ezzich legt, sô entsliezent si sich schier,   35

Page: 258  
Line: 1    alsô daz si mar werdent. die visch haizent auch ainer,
Line: 2    wan man vint niht zwên in ainer schaln noch mêr denn
Line: 3    neur ainen. in des visches schaln vindet man ainen stain,
Line: 4    wer den zereibet und in aigencleichen beraitt, sô ist er
Line: 5    guot wider des magen kranchait. der stain hât die kraft,   5
Line: 6    daz er frid und ainung machet zwischen den läuten und
Line: 7    machet den menschen käusch der in tregt.



Chapter / Strophe: 26     26.
Line: 8    
Line: 9    VON DEM MERSCHERN.



Line: 10    Salpa hât ain puoch und daz ander hât talpa, daz   10
Line: 11    ist pezzer, und daz ist ain pœs visch und stinkend, sam
Line: 12    Plinius spricht, und mag nümmer gekocht werden, man
Line: 13    plew in dann vor mit ainem plewel oder mit ainem steken,
Line: 14    als man den dürren stokvisch tuot, und mag aigencleich
Line: 15    ain merscher haizen. Pei dem visch verstêt man die sün\der,   15
Line: 16    die sô gar pœs an irm leben sint, daz si nümmer
Line: 17    gerainigt mügen werden mit dem feur und mit der lieb
Line: 18    des hailigen gaistes, daz si ain zimleichz ezzen sein des
Line: 19    götleichen willen, si werden dem vor geslagen mit kranc\hait
Line: 20    und mit leiden gestrâft.   20



Chapter / Strophe: 27     27.
Line: 21    
Line: 22    VON DEM MERSNEKEN.



Line: 23    Testudo haizt ain snek, dar umb, sam Isidorus spricht,
Line: 24    daz er mit ainr schaln bedecket ist, als er in ainem häu\sel
Line: 25    sitz, wan testa ze latein haizt ain schal ze däutsch;   25
Line: 26    dannen kümt daz wort testudo. ez sint vierlai sneken.
Line: 27    die êrsten sint lantsneken, die auf dem land wonent, in
Line: 28    den gärten und in den wälden. die andern sint mer\sneken,
Line: 29    die in dem mer wonent und von den wir vor ge\saget
Line: 30    haben. die dritten sint ûfersneken, die an dem   30
Line: 31    ûfer und an dem gestat ligent in der faulen erden und
Line: 32    in den pfüeln oder in den lachen, dâ faulz ertreich ist.
Line: 33    die vierden sint pachsneken, die in den pächen und in

Page: 259  
Line: 1    den süezen wazzern wonent. etleich sprechent (aber ez
Line: 2    ist ungeläupleich), daz diu schef træger sein in irm gang,
Line: 3    sô die sneken zder rehten seiten dar an hangen.



Chapter / Strophe: 28     28.
Line: 4    
Line: 5    VON DEM TRIBIAN



Line: 6    Trebius haizt ain tribian. daz ist ain swarzer visch
Line: 7    und ist ains fuozes lang, und Plinius spricht, daz er die
Line: 8    kraft hab, sei daz man sein ain stuck in salz leg und ez
Line: 9    dar inn behalt, vall ain stuck goldes in ainen tiefen prun\nen
Line: 10    und hab man daz stuck des visches dar zuo, ez zieh   10
Line: 11    ez her auz dem gar tiefen prunnen.



Chapter / Strophe: 29     29.
Line: 12    
Line: 13    VON DER MERSLANGEN.



Line: 14    Vipera marina haizt ain merslang. daz ist ain mer\visch,
Line: 15    der ist zeitleich klain, wan er ist wênig mêrer   15
Line: 16    denne ains elnpogen lang. er tregt an dem haupt ob den
Line: 17    augen ain spitzigz horn, daz ist klain und vergiftig unz in
Line: 18    den tôt. welichen menschen er verwunt mit dem horn,
Line: 19    den vergift er unz in den tôt, und daz behüetent die
Line: 20    vischær. wan sô si in gevangen habent, sô enköpfent si   20
Line: 21    in, und daz ander tail nützent die menschen, wan ez ist
Line: 22    gar guot ze ezzen.




Next part


This text is part of the TITUS edition of Konrad von Megenburg, Buch der Natur.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.