TITUS
Konrad von Megenburg, Buch der Natur: Part No. 495

Chapter / Strophe: 32 
   32.
Line: 10
   
Line: 11
   VON DEM KÜMEL.



Line: 12    Cyminum haizt kümel. daz ist ains krautes sâm und
Line: 13    ist haiz und trucken an der kraft, sam Platearius spricht.
Line: 14    aber daz kraut hât langeu pleter klaineu nâhen sam diu
Line: 15    venichlpleter oder sam diu anetpleter und sein pluom ist   15
Line: 16    plaichvar oder gelblot und der sâm ist lengelot und ist
Line: 17    mangerlai. etleicher ist swarz und etleicher gelbloht und
Line: 18    ainez ist veltkümel und ainez haimisch kümel. der swarz
Line: 19    ist kreftiger wan der gelb; er hât die art, daz er die wint
Line: 20    gesetzt in dem leib und entsleuzt und sterkt und verzert   20
Line: 21    daz kochen in dem magen und gesetzt auch daz ro\phatzen
Line: 22    und daz heschitzen. welche ammen wein siedent
Line: 23    mit kümel und den trinkent, den mêrt er die milich und
Line: 24    mêrt der unkäusch sâmen gar vil in den mannen. wer
Line: 25    des kümels pulvern nimt in ezzen oder in trinken und   25
Line: 26    wermuot dar zuo mischet, der offent im die geng zuo der
Line: 27    unkäusch sâmen, ist er ain man, oder zuo der milch, ist
Line: 28    ez ain fraw. wenn man daz antlütz wescht auz seim
Line: 29    wazzer, daz macht ez lauter und clâr. ist aber daz man
Line: 30    ez zuo dick dar auz wescht, sô wirt daz antlütz plaich.   30
Line: 31    wer sein mæzigen nutz hât, dem macht ez daz antlütz
Line: 32    gar schôn. aber veltkümel hailt die wunden, wenn man
Line: 33    sein pulver dar ein sträwet, und sô man sein pulver mischt
Line: 34    mit ezzeich und smeckt dar zuo, oder tunkt ainen waizel

Page: 397
Line: 1    dar ein und stecket den in die nasen, dem verstêt der rôt
Line: 2    fluz auz der nasen. wenn man kümel trinkt mit wein,
Line: 3    daz hilft für der vergiftigen tier piz.





Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.