TITUS
Der Nibelunge Not
Part No. 12
Previous part

Adventure: XII  
{ A_XI } <Wie Gvnther Sifriden zvͦ der hohzit bat>
{ C_XII } Auentv wie Gvnther Sivriden vñ Chriemh' ze Wormze mit bete brahte da man in o^ch sit erslvͦch \   { \ Page of Ms. B: 28r   A:_28r }

Strophe: 748   { |X724 / Strophe of Ms. A: 667   / Strophe of Ms. B: 721   / Strophe of Ms. C: 731   }


Verse: 1     nv gedaht ovch alle cite   daz gvnthers wip
Verse: 1A     D4o dahte oͮch alle zite   daz Gunthers wip
Verse: 1B     <N5v> gedaht ovch alle cite   daz Gvnthers wip:
Verse: 1C     N6v daht ovch alle cite   daz Gvntheres wip:

Verse: 2     wi treit et also hohe   vrov crhiemhilt den lip
Verse: 2A     wie treit also hohe   vro Kriemhilt den lip?
Verse: 2B     wi treit et also hohe   vrov Crhiemhilt den lip?
Verse: 2C     wie treit et also hohe   Chriemhilt den lip?

Verse: 3     nv ist doch vnser eigen   sifrit ir man
Verse: 3A     nv ist doch vnser eigen   Sifrit der man.
Verse: 3B     nv ist doch vnser eigen   Sifrit ir man.
Verse: 3C     nv ist doch vnser eigen   Sivrit ir man.

Verse: 4     er hat vns nv vil lange   lvecel dienste getan
Verse: 4A     er hat vns nv lange   lucel dienste getan.
Verse: 4B     er hat vns nv vil lange   lvͤcel dienste getan.
Verse: 4C     daz er vns niht endienet,   des wolde ich gerne ein ende han.



Strophe: 749   { |X725 / Strophe of Ms. A: 668   / Strophe of Ms. B: 722   / Strophe of Ms. C: 732   }


Verse: 1     diz trvch si in ir hercen   vnt wart ovch wol verdeit
Verse: 1A     Daz truͦch si in ir herzen   vnd wart oͮch wol verdeit.
Verse: 1B     Diz trvch si in ir hercen   vnt wart ovch wol verdeit.
Verse: 1C     Diz trvͦch si in ir hercen   vñ wart doch wol verdeit.

Verse: 2     daz si ir vremede waren   daz was ir harte leit
Verse: 2A     daz si ir vremde waren,   daz was ir harte leit,
Verse: 2B     daz si ir vremede waren,   daz was ir harte leit,
Verse: 2C     daz si ir so vremde warrn,   daz was der frowen leit,

Verse: 3     daz man ir so selten diente   von sifrides lant
Verse: 3A     daz man ir so selten   diende siniv lant.
Verse: 3B     daz man ir so selten diente   von Sifrides lant.
Verse: 3C     daz si niht zinses hete   von des fursten lant.

Verse: 4     wavon daz were   daz hete si gerne bechant
Verse: 4A     wa von daz were,   daz hete si gerne bechant.
Verse: 4B     wa von daz were,   <daz> hete si gerne bechant.
Verse: 4C     wa von daz chomen wære,   daz het si gerne bechant.



Strophe: 750   { |X726 / Strophe of Ms. A: 669   / Strophe of Ms. B: 723   / Strophe of Ms. C: 733   }


Verse: 1     si versvchtez an dem chvenige   ob iz mohte geschehen
Verse: 1A     Si versuͦhte an den kvnich,   ob daz mohte geschehen,
Verse: 1B     Si versvchtez an dem chvͤnige,   ob iz mohte geschehen,
Verse: 1C     Si versvchtez manigen ende,   ob chunde daz geschehn,

Verse: 2     daz si criemhilde   solde noch gesehen
Verse: 2A     daz si Kriemhilde   solde noch gesehen.
Verse: 2B     daz si Criemhilde   solde noch gesehen.
Verse: 2C     daz si Chriemh'   mohte noch gesehn.

Verse: 3     si reit ez haeinliche   des si da hete mvt
Verse: 3A     si reite ez heimeliche,   des si da hete mvͦt.
Verse: 3B     si <reitez> hæinliche,   des si da hete \ mvt.   { \:_323b }
Verse: 3C     si reitez heinliche,   des si da hete mvͦt.

Verse: 4     do dvhte den herren   div rede maezlichen gvt
Verse: 4A     do duhte den herren   div rede mazlichen guͦt.
Verse: 4B     do dvhte den herren   div rede mæzlichen gvt.
Verse: 4C     done duht den chunic riche   der frowen bete niht ze gvͦt.



Strophe: 751   { |X727 / Strophe of Ms. A: 670   / Strophe of Ms. B: 724   / Strophe of Ms. C: 734   }


Verse: 1     wi moehte wir si bringen   sprach der chvenech rich
Verse: 1A     "Wie mohten wir si bringen",   sprach der kvnich rich,
Verse: 1B     "W2i moͤhte wir si bringen",   sprach der chvͤnech rich,
Verse: 1C     "Wie chunden wir si bringen",   sprach der lobes rich,

Verse: 2     her zv disem lande   daz waere vnmvegelich
Verse: 2A     "her zvͦ disem lande?   daz wer vnmvgelich.
Verse: 2B     "her zv diesm lande?   daz wære vnmvͤgelich.
Verse: 2C     "her zvͦ disen landen?   daz wære vnmvgelich.

Verse: 3     si sitzen vns ce verre   ine getar sis niht gebitten
Verse: 3A     si sicent vns ce verre;   ich getarses niht gebiten."
Verse: 3B     si sitzen vns ce verre;   ine getar sis niht gebitten."
Verse: 3C     si sint vns gar zer verre;   ich getar sis niht gebiten."

Verse: 4     des antwurte im vrov prvnnhilt   in einen listigen siten
Verse: 4A     do sprach div vroͮwe   in vil hochuerten siten,
Verse: 4B     des antwrte im vrov Prvnnhilt   in einen listigen siten,
Verse: 4C     des antwrt im Prvnh'   in vil listigen siten,



Strophe: 752   { |X728 / Strophe of Ms. A: 671   / Strophe of Ms. B: 725   / Strophe of Ms. C: 735   }


Verse: 1     swi hohe riche waere   deheines chveniges man
Verse: 1A     swie hohe riche were   deheins kvniges man,
Verse: 1B     swi hohe riche wære   deheines chvͤniges man,
Verse: 1C     S2wie hohe riche wære   deheines kuniges man,

Verse: 2     swaz im gebvete sin herre   daz sold er doch niht lan
Verse: 2A     swaz im gebute sin herre,   daz sold er doch niht lan.
Verse: 2B     swaz im gebvͤte sin herre,   daz sold er doch niht lan.
Verse: 2C     swaz im gebvte sin herre,   wie torster daz verlan?

Verse: 3     des ersmielte gvnther   do si daz gesprach
Verse: 3A     des ersmielte Gvnther,   do si daz gesprach.
Verse: 3B     des ersmielte Gvnther,   do si daz gesprach.
Verse: 3C     des ersmielte Gvnther,   do si daz gesprach.

Verse: 4     ern iahes im niht ce dienste   swi diche er sifride sach
Verse: 4A     er iachs im niht ce dienste,   swie diche er Syfriden sach.
Verse: 4B     ern iahes im niht ce dienste,   swi diche er Sifride sach.
Verse: 4C     ern iach sin niht ze dienste,   swie dicker Sivriden sach.



Strophe: 753   { |X729 / Strophe of Ms. A: 672   / Strophe of Ms. B: 726   / Strophe of Ms. C: 736   }


Verse: 1     si sprach vil lieber herre   dvrch den willen min
Verse: 1A     Si sprach: "lieber herre,   dvrch den willen min -
Verse: 1B     Si sprach:"vil lieber herre,   dvrch den willen min
Verse: 1C     Si sprach: "vil lieber herre,   dvrch den willen min

Verse: 2     so hilf mir daz sifrit   vnt ovch div swester din
Verse: 2A     hilf mir daz Sifrit   vnde div swester din
Verse: 2B     so hilf mir daz Sifrit   vnt ovch div swester din
Verse: 2C     so hilf mir daz noch Sivrit   mit der swester din

Verse: 3     chvmen zv disem lande   daz wir si hie gesehen
Verse: 3A     komen zuͦ dem lande,   daz wir si hie gesehen. \   { \ Page of ms. B: 28a   B:_28a }
Verse: 3B     chvmen zv disem lande,   daz wir si hie gesehen.
Verse: 3C     chom zv disem lande,   daz wir si hie gesehn.

Verse: 4     so ne chvnde mir zware   nimmer lieber geshaehen
Verse: 4A     so kvnde mir ze ware   nimer lieber geschehen.
Verse: 4B     sone chvnde mir zware   nimmer lieber geshæhen.
Verse: 4C     sone chunde mir zer werlde   nimmer lieber geschehn.



Strophe: 754   { |X730 / Strophe of Ms. A: 673   / Strophe of Ms. B: 727   / Strophe of Ms. C: 737   }


Verse: 1     diner swester zvehte   vnt ir wol gezogener mvt
Verse: 1A     Diner swester zvht   vnd ir wol gezogen mvͦt,
Verse: 1B     D2iner swester zvͤhte   vnt ir wol gezogener mvt,
Verse: 1C     Diner swester gvͤte   vñ ir vil zvhtich mvͦt,

Verse: 2     swenne ich daran gedenche   wi sampfte mir daz tvt
Verse: 2A     so ich daran gedenke,   wie samphte mir daz tuͦt!
Verse: 2B     swenne ich dar an gedenche,   wi sampfte mir daz tvt!
Verse: 2C     als ih daran gedenche,   wie sanfte mir daz tvͦt!

Verse: 3     wi wir ensamt sazen   do ich erste wart din wip
Verse: 3A     wie wir ensament sazen,   do ich wart din wip!
Verse: 3B     wi wir ensamt sazen,   do ich erste wart din wip!
Verse: 3C     vñ ir vil wert enpfahen,   do ich chom in daz lant;

Verse: 4     si mach mit eren minnen   des chvenen sifrides lip
Verse: 4A     si mac mit eren minnen   des kuͤnen Sifrides lip."
Verse: 4B     si mach mit eren minnen   des chvͤnen Sifrides lip."
Verse: 4C     ez enwart nie antphanc richer   zer welde niemen bechant."



Strophe: 755   { |X731 / Strophe of Ms. A: 674   / Strophe of Ms. B: 728   / Strophe of Ms. C: 738   }


Verse: 1     si gertes also lange   vnz daz der chvenich sprach
Verse: 1A     Si gertes also lange   vnze der kvnich sprach:
Verse: 1B     Si gertes also lange,   vnz daz der chvͤnich sprach:
Verse: 1C     Si gertes also lange,   vnz daz der chunic sprach:

Verse: 2     nv wizet daz ich geste   so gerne nie gesach
Verse: 2A     "nv wizzet daz ich geste   so gerne nie gesach.
Verse: 2B     "nv wizet daz ich geste   so gerne nie gesach.
Verse: 2C     "ir mvget mich sanfte vlegen,   wand ich gerner nie gesach

Verse: 3     ir mveget mich sampfte vlegen   ich wil di boten min
Verse: 3A     ir mvget mich samfte vlegen.   ich wil die boten min
Verse: 3B     ir mvͤget mich sampfte vlegen.   ich wil di boten min
Verse: 3C     deheiner slahte geste   in den landen min.

Verse: 4     nach in beiden senden   daz si vns chomen an den rin
Verse: 4A     nach in beiden senden,   da si here komen an den Rin."
Verse: 4B     nach in beiden senden,   daz si vns chomen an den Rin."
Verse: 4C     ich wil in boten senden,   daz si zvns komen an den Rin."



Strophe: 756   { |X732 / Strophe of Ms. A: 675   / Strophe of Ms. B: 729   / Strophe of Ms. C: 739   }


Verse: 1     do sprach div chveneginne   so svlt ir mir sagen
Verse: 1A     Do sprach div kvniginne:   "so sult ir mir sagen
Verse: 1B     Do sprach div chvͤneginne:   "so svlt ir mir sagen
Verse: 1C     D2o sprach div chuniginne:   "nv svlt ir mir sagn

Verse: 2     wenne ir si welt besenden   oder in welhen tagen
Verse: 2A     wenne ir si welt besenden,   oder in welhen tagen
Verse: 2B     wenne ir si welt besenden,   oder in welhen tagen
Verse: 2C     wenne ir si welt besenden,   oder in welhen tagn

Verse: 3     vnser lieben vrivnde   svln chomen in daz lant
Verse: 3A     vnser liebe vrivnde   svlen komen in daz lant.
Verse: 3B     vnser lieben vrivnde   svln chomen in daz lant.
Verse: 3C     svln vnser frivnde   chomen in daz lant.

Verse: 4     di ir dar wellet senden   di lat mir werden bechant
Verse: 4A     die ier dar welt senden,   lat werden mir bekant."
Verse: 4B     di ir dar wellet senden,   di lat mir werden bechant."
Verse: 4C     die ir dar senden wellet,   die lat werden mir bechant."



Strophe: 757   { |X733 / Strophe of Ms. A: 676   / Strophe of Ms. B: 730   / Strophe of Ms. C: 740   }


Verse: 1     daz tvn ich sprach der fvrste   drizech miner man
Verse: 1A     "Daz tuͦn ich", sprach der furste.   "drizech miner man
Verse: 1B     "D2az tvn ich", sprach der fvrste.   "drizech miner man
Verse: 1C     "Daz tvn ich", sprach do Gunther.   "drizech miner man

Verse: 2     wil ich dar lazen riten   di hiez er fver sich gan
Verse: 2A     wil ich dar lan riten."   die hiez er fvr sich gan.
Verse: 2B     wil ich dar lazen riten."   di hiez er fvͤr sich gan.
Verse: 2C     wil ich dar lazen riten."   die hiezer fvr sich gan.

Verse: 3     bi den enbot er maere   in daz sifrides lant
Verse: 3A     bi den enboter mere   in Sifrides lant.
Verse: 3B     bi den enbot er mære   in daz Sifrides lant.
Verse: 3C     bi den enbot er mære   in Sivrides lant.

Verse: 4     ce liebe gap in prvnnhilt   vil harte herlich gewant
Verse: 4A     ze liebe gap in Prvnhilt   vil harte herlich gewant.
Verse: 4B     ce liebe gap in Prvnnhilt   vil harte herlich gewant.
Verse: 4C     ze liebe gab in Prvnh'   vil harte zierlich gewant.



Strophe: 758   { |X734 / Strophe of Ms. A: 677   / Strophe of Ms. B: 731   / Strophe of Ms. C: 741   }


Verse: 1     do sprach der chvenich gvnther   ir recken svlt von mir sagen
Verse: 1A     Do sprach der kvnich Gvnther:   "ir reken svlt von mir gesagen,
Verse: 1B     Do sprach der chvͤnich Gvnther:   "ir recken svlt von mir sagen -
Verse: 1C     Do sprach do Gvnther:   "ir rechen, ir svlt sagen

Verse: 2     al daz ich dar enbiete   svlt ir niht verdagen
Verse: 2A     daz ich dar enbiete -   des svlt ir niht verdagen -
Verse: 2B     al dz ich dar enbiete   svlt ir niht verdagen -
Verse: 2C     swaz ich bi iv enbiete;   des svlt ir niht verdagen

Verse: 3     dem starchem sifride   vnt ovch der swester min
Verse: 3A     den starken Sifride   vnd der swester min,
Verse: 3B     dem starchem Sifride   vnt ovch der swester min,
Verse: 3C     Sivrit, mine friunde,   vñ ovch die swester min,

Verse: 4     daz in en darf ce der werlde   niemen holder gesin
Verse: 4A     daz in darf zer werlde   niemer holder sin.
Verse: 4B     daz in endarf ce der werlde   niemen holder gesin.
Verse: 4C     daz enchan in der werlde   niemen holder gesin.



Strophe: 759   { |X735 / Strophe of Ms. A: 678   / Strophe of Ms. B: 732   / Strophe of Ms. C: 742   }


Verse: 1     vnde pittet daz si beide   zv vns chomen an den rin
Verse: 1A     Vnde bitet daz si beidiv   vns komen an den Rin.
Verse: 1B     Vnde pittet daz si beide   zv vns chomen an den Rin.
Verse: 1C     Vñ bite si von vns beiden   leisten ane strit,

Verse: 2     daz welle ich vnt min vrowe   immer dienende sin
Verse: 2A     daz wil ich vnd min vrowe   immer diende sin.
Verse: 2B     daz welle ich vnt min vrowe   immer dienende sin.
Verse: 2C     daz si chomen rvchen   zvnser hochgecit.

Verse: 3     vor disen svnewenden   sol er vnd sine man
Verse: 3A     vor disen svnwenden   sol er vnde sine man
Verse: 3B     vor disen svnewenden   sol er vnd sine man
Verse: 3C     gein disen svnewenden   sol er mit sinen man

Verse: 4     sehen hie vil manigen   der im vil grozer eren gan
Verse: 4A     sehen hie vil manigen,   der in grozer eren gan.
Verse: 4B     sehen hie vil manigen,   der im vil grozer eren gan.
Verse: 4C     sehen hie vil manigen,   der im vil grozer eren gan.



Strophe: 760   { |X736 / Strophe of Ms. A: 679   / Strophe of Ms. B: 733   / Strophe of Ms. C: 743   }


Verse: 1     dem chvnige sigemvnde   saget den den dienest min
Verse: 1A     Dem kvnich Sigmvnde   saget den dienst min,
Verse: 1B     D2em chvnige Sigemvnde   saget <den> dienest min,
Verse: 1C     Sime vater Sigemunde   sagt ovch den dienest min,

Verse: 2     daz ich vnd di mine   im immer waege sin
Verse: 2A     daz ich vnd mine frivnde   im immer wege sin.
Verse: 2B     daz ich vnd <di> mine \   im immer wæge sin.   { \ Page of Ms. B: 324a   A:_324a }
Verse: 2C     daz ich mit minen magen   im immer wæge sin.

Verse: 3     vnd saget ovch miner swester   daz si niht laze daz
Verse: 3A     vnd saget oͮch miner swester   daz si niht laze daz,
Verse: 3B     vnd saget ovch miner swester,   daz si niht laze daz,
Verse: 3C     vñ saget ovch miner swester,   daz si niht laze daz,

Verse: 4     si ne rite zv zir vrivnden   ir zam ni hohgeciten baz
Verse: 4A     sin rite zuͦ ir frivnden;   ir zeme nie hochzite baz."
Verse: 4B     sine rite zv zir vrivnden;   ir zam ni hohgeciten baz."
Verse: 4C     sine chom zir frivnde;   irn gezam nie hocgeciten baz."



Strophe: 761   { |X737 / Strophe of Ms. A: 680   / Strophe of Ms. B: 734   / Strophe of Ms. C: 744   }


Verse: 1     prvnnhilt vnt vte   vnd swaz man da vrowen vant
Verse: 1A     Prunhilt vnde vͦte   vnd swaz man vrowen da vant,
Verse: 1B     Prvnnhilt vnt Vte   vnt swaz man da vrowen vant,
Verse: 1C     F2ro^ Vote vñ al die frowen,   die man \ ze hove vant,   { \ Page of ms. B: 28v   B:_28v }

Verse: 2     di enbvten alle ir dienest   in sifrides lant
Verse: 2A     die enbvten ir dienst   in Sifrides lant
Verse: 2B     di enbvten alle ir dienest   in Sifrides lant
Verse: 2C     enbuten ovch ir dienest   in Sivrides lant

Verse: 3     den minnechlichen vrowen   vnt manigem chvenem man
Verse: 3A     den minneclichen vrowen   vnd manigem kuͤnen man.
Verse: 3B     den minnechlichen vrowen   vnt manigem chvͤnem man.
Verse: 3C     den minneklichen meiden   vñ manigem chvnem man.

Verse: 4     mit chveneges vrivnde rate   di boten hvben sich dan
Verse: 4A     mit des kvniges rate   die boten huͦben sich dan.
Verse: 4B     mit chvͤneges vrivnde rate   di boten hvben sich dan.
Verse: 4C     Gere der vil chune   sich hvͦp mit den mæren dan.



Strophe: 762   { |X738 / Strophe of Ms. A: 681   / Strophe of Ms. B: 735   / Strophe of Ms. C: 745   }


Verse: 1     si fvren reisliche   ir pferht vnd ir gewant
Verse: 1A     Si fuͦren reisliche.   ir pferit vnd ir gewant
Verse: 1B     Si fvren reisliche.   ir pferht vnd ir gewant
Verse: 1C     Si fvren reisliche.   ir pfærit vñ ir gewant

Verse: 2     daz was in chomen allen   do rvmten si daz lant
Verse: 2A     daz was in do komen;   do rvmten si daz lant.
Verse: 2B     daz was in chomen allen;   do rvmten si daz lant.
Verse: 2C     daz was in chomen allen;   do rvͦmten si daz lant.

Verse: 3     in zogete wol ir verte   dar si da wolden varn
Verse: 3A     in zogte wol ir verte   dar si da wolden varn.
Verse: 3B     in zogete wol ir verte   dar si <da> wolden varn.
Verse: 3C     in zo^gte wol der reise   dar si da solden varn.

Verse: 4     der chvenich hiez mit geleite   di boten vlizechliche bewarn
Verse: 4A     der kvnich mit gewalte   hiez die bote wol bewarn.
Verse: 4B     der chvͤnich hiez mit geleite   di boten vlizechliche bewarn.
Verse: 4C     der kunic mit geleite   bat die boten wol bewarn.



Strophe: 763   { |X739 / Strophe of Ms. A: 682   / Strophe of Ms. B: 736   / Strophe of Ms. C: 746   }


Verse: 1     si chomen in drin wochen   geriten in daz lant
Verse: 1A     <.i> chomen in drin wochen   geriten in daz lant
Verse: 1B     (S1.5)Si chomen in drin wochen   geriten in daz lant
Verse: 1C     Inre tagn zwelfen   si chomen in daz lant

Verse: 2     ce nibelvnges bverge   dar waren si gesant
Verse: 2A     ze Niblvnges burge,   dar waren si gesant.
Verse: 2B     ce Nibelvnges bvͤrge,   daz waren si gesant.
Verse: 2C     ze Nibelunges burge,   dar warn si gesant.

Verse: 3     ce norwaege in der marche   da fvnden si degen
Verse: 3A     ze Norwege in der marke   funden si den degen.
Verse: 3B     ce Norwæge in der marche   da fvnden si degen.
Verse: 3C     da vunden si mit frevden   den vil chvnen degn.

Verse: 4     div ross den boten waren   vil mvede von den langen wegen
Verse: 4A     ros vnd lute waren   muͦde von den langen wegen.
Verse: 4B     div ross den boten waren   vil mvͤde von den langen wegen.
Verse: 4C     div ross den boten waren   mvͤde von den langen wegn.



Strophe: 764   { |X740 / Strophe of Ms. A: 683   / Strophe of Ms. B: 737   / Strophe of Ms. C: 747   }


Verse: 1     sifride vnd criemhilt   wart beiden do geseit
Verse: 1A     Sifride vnd Kriemhilde   wart beiden do geseit,
Verse: 1B     Sifride vnd Criemhilt   wart beiden do geseit,
Verse: 1C     Dem kunige vñ sime wibe   wart zehant geseit,

Verse: 2     daz ritter dar chomen waren   di trvgen solhiv chleit
Verse: 2A     daz riter komen weren,   die truͦgen solhiv kleit
Verse: 2B     daz ritter dar chomen waren,   di trvgen solhiv chleit
Verse: 2C     in wærn chomen geste,   die trvgen solhiv chleit,

Verse: 3     sam man cen bvergende   do der site pflach
Verse: 3A     sam man ze Burgonden   do der site pflac.
Verse: 3B     sam man cen Bvͤrgende   do der site pflach.
Verse: 3C     als man zen Burgonden   do der site pflach.

Verse: 4     si spranch von einem bette   daran si ruwende lach
Verse: 4A     si spranch von einem bette   da si rowende lac.
Verse: 4B     si spranch von einem bette   dar an si rwende lach.
Verse: 4C     Chriemh' spranch von dem bette   daran si bi ir liebe lach.



Strophe: 765   { |X741 / Strophe of Ms. A: 684   / Strophe of Ms. B: 738   / Strophe of Ms. C: 748   }


Verse: 1     do bat si ceinem venster   eine magt gan
Verse: 1A     Do bat si zeime venster   eine maget gan.
Verse: 1B     Do bat si cenem venster   eine magt gan.
Verse: 1C     S2i bat an ein venster   ir mægede eine gen.

Verse: 2     div sach den chvenen geren   an dem hove stan
Verse: 2A     div sach den kuͤnen Geren   an dem hove stan.
Verse: 2B     div sach den chvͤnen Gêrên   an dem hove stan,
Verse: 2C     div sach den chunen Geren   an dem hove sten

Verse: 3     in vnt di gesellen   di waren dar gesant
Verse: 3A     in vnd die gesellen   die waren dar gesant.
Verse: 3B     in vnt di gesellen,   di waren dar gesant.
Verse: 3C     mit sinen hergesellen,   die warn dar gesant.

Verse: 4     gegen ir herceleide   wi liebiv maere si bevant
Verse: 4A     gegen ir herzeleide   wie liebiv mere si bevant!
Verse: 4B     gegen ir herceleide   wi liebiv mære si bevant!
Verse: 4C     gein ir herceleide   wie liebiv mare si bevant!



Strophe: 766   { |X742 / Strophe of Ms. A: 685   / Strophe of Ms. B: 739   / Strophe of Ms. C: 749   }


Verse: 1     si sprach zv dem chvenige   nv seht ir wa si stent
Verse: 1A     Si sprach zvͦ dem kvnige:   "sehet ir wa si stent, \   { \ Page of Ms. C: 28b  C:_28b }
Verse: 1B     (S1.5)Si sprach zv dem chvͤnige:   "nv seht ir wa si stent,
Verse: 1C     Si sprach zv dem kvnige:   "ir svlt vf sten.

Verse: 2     di mit dem starchen geren   vff dem hove gent
Verse: 2A     die mit dem starken Geren   vf dem hove gent,
Verse: 2B     <di> mit dem starchen Gêrên   vff dem hove gent,
Verse: 2C     ieh sihe den starchen Geren   her ze hove gen.

Verse: 3     di vns min brvder gvnther   sendet nider den rin
Verse: 3A     die vns min bruͦder Gvnther   sendet nider Rin?"
Verse: 3B     di vns min brvder Gvnther   sendet nider den Rin."
Verse: 3C     in hat min brvder Gunther   wætlich her gesant.

Verse: 4     do sprach der starche sifrit   di svln vns willechomen sin
Verse: 4A     do sprach der starke Sifrit:   "die svln vns willekomen sin."
Verse: 4B     do sprach der starche Sifrit:   "di svln vns willechomen sin."
Verse: 4C     waz der reche werbe,   daz het ich gerne bechant."



Strophe: 767   { |X743 / Strophe of Ms. A: 686   / Strophe of Ms. B: 740   / Strophe of Ms. C: 750   }


Verse: 1     allez das gesinde   lief da man si sach
Verse: 1A     Allez daz gesinde   lief da man si sach.
Verse: 1B     Allez daz gesinde   lief da man si sach.
Verse: 1C     Allez daz gesinde   dar lief vñ gie.

Verse: 2     ir ietslich besvnder   vil gvetliche sprach
Verse: 2A     ir islich besvnder   vil guͤtlich sprach
Verse: 2B     ir ietslich besvnder   vil gvͤtliche sprach
Verse: 2C     in vil grozen vrevden   man die geste enpfie,

Verse: 3     daz beste daz si chvnden   ce boten do
Verse: 3A     daz beste, daz si kvnden,   zvͦ den boten do.
Verse: 3B     daz beste, daz si chvnden,   ce boten do.
Verse: 3C     vñ taten in daz beste,   daz si chunden do,

Verse: 4     sigemvnt der herre   der was ir chvmpfte harte vro
Verse: 4A     Sigmvnt der herre   was ir kunfte harte <vro>.
Verse: 4B     Sigemvnt der herre,   der was ir chvmpfte harte vro.
Verse: 4C     wande si ir chunfte   in ir hercen warn vro.



Strophe: 768   { |X744 / Strophe of Ms. A: 687   / Strophe of Ms. B: 741   / Strophe of Ms. C: 751   }


Verse: 1     do wart geherberget   gere vnt sine man
Verse: 1A     Do wart geherberget   Gere vnd sine man.
Verse: 1B     Do wart geherberget   Gere vnt sine man.
Verse: 1C     Gere wol enpfangen   wart mit sinen man.

Verse: 2     div ross hiez man behalten   di boten giengen dan
Verse: 2A     div ros man hiez behalten.   die boten giengen dan
Verse: 2B     div ross hiez man behalten.   di boten giengen dan
Verse: 2C     ir ross man hiez behalten.   die helde braht man dan

Verse: 3     da der herre sifrit   bi criemhilde saz
Verse: 3A     da her Sifrit   bi Krimhilde saz.
Verse: 3B     da der herre Sifrit   bi Criemhilde saz.
Verse: 3C     da der herre Sivrit   bi Chriemh' saz.

Verse: 4     in was ce hove erlovbet   davon so taten si daz
Verse: 4A     in was ze hove erloͮbet,   da von so taten si daz.
Verse: 4B     in was ce hove erlovbet,   da von so taten si daz.
Verse: 4C     si sahen in vil gerne,   daz svlt ir wizzen, ane haz.



Strophe: 769   { |X745 / Strophe of Ms. A: 688   / Strophe of Ms. B: 742   / Strophe of Ms. C: 752   }


Verse: 1     der wirt mit sinem wibe   stvnt vf sa cehant
Verse: 1A     Der wirt mit sime wibe   stuͦnt vf sa zehant.
Verse: 1B     D2er wirt mit sinem wibe   stvnt vf sa cehant.
Verse: 1C     Gegen den lieben gesten   si stvnden vf zehant.

Verse: 2     wol wart enpfangen gere   von pvrgvnden lant
Verse: 2A     wol wart enpfangen Gere   vz Burgonden lant
Verse: 2B     wol wart enpfangen Gêrê   von Pvrgvnden lant
Verse: 2C     wol wart enpfangen Gere   von Buregonden lant

Verse: 3     mit sinen hergesellen   di gvntheres man
Verse: 3A     mit sinen hergesellen,   Gvnthers man.
Verse: 3B     mit sinen hergesellen,   die Gvntheres man.
Verse: 3C     vñ sine hergesellen.   bi der hende dan

Verse: 4     geren den vil richen   bat man an den saedel gan
Verse: 4A     Geren den vil riken   baten an den sedel gan.
Verse: 4B     Geren den vil richen   bat man an den sædel gan.
Verse: 4C     Chriemh' fvͦrte Geren;   daz wart dvrch liebe getan.



Strophe: 770   { |X746 / Strophe of Ms. A: 689   / Strophe of Ms. B: 743   / Strophe of Ms. C: 753   }


Verse: 1     erlovbet vns di botschapft   e daz wir sitzen gen
Verse: 1A     "Erloͮbet vns die botschaft,   ê wir sicen gen.
Verse: 1B     "Erlovbet vns di botschapft,   ê daz wir sitzen gen;
Verse: 1C     S2i bat in zvͦ zir sizzen.   er sprach: "wir suln sten.

Verse: 2     vns waegemvede geste   lat vns di wile sten
Verse: 2A     vns wegemuͦde geste   lat vns die wile sten.
Verse: 2B     vns wægemvͤden geste   lat vns di wile sten.
Verse: 2C     erlovbet vns die boteschaft,   e daz wir sizzen gen,

Verse: 3     wir sveln iv sagen maere   waz iv enboten hat
Verse: 3A     wir svln iv sagen mere,   waz iv enboten hat
Verse: 3B     wir svͤln iv sagen mære,   waz iv enboten hat
Verse: 3C     vñ horet disiv mære,   waz iv enboten hat

Verse: 4     gvnther vnd prvennhilt   ir dinch vil hohenliche stat
Verse: 4A     Gvnther vnd Prunhilt,   der dinch vil zierlich stat,
Verse: 4B     Gvnther vnd Prvͤnhilt -   ir dinch vil hohenliche stat - \   { \ Page of Ms. B: 324b   A:_324b }
Verse: 4C     Gvnther vñ Prunh',   der dinc an eren hohe stat,



Strophe: 771   { |X747 / Strophe of Ms. A: 690   / Strophe of Ms. B: 744   / Strophe of Ms. C: 754   }


Verse: 1     vnt ovch waz vrov vote   iwer mvter her enbot
Verse: 1A     vnd waz vroͮ vͦte,   iwer muͦter, her enbot.
Verse: 1B     vnt ovch waz vrov v̂te,   iwer mvter, her enbot.
Verse: 1C     vn waz iv iwer mvͦter,   min frowe, her enbot.

Verse: 2     giselher der ivnge   vnt ovch her gernot
Verse: 2A     Giselher der ivnge   vnd oͮch er Gernot
Verse: 2B     Giselher der ivnge   vnt ovch her Gernot
Verse: 2C     Giselher der iunge   vñ ovch Gernot,

Verse: 3     vnt iwer besten mage   di habent vns her gesant
Verse: 3A     vnd iwer besten mage   habent vns her gesant.
Verse: 3B     vnt iwer besten mage,   di habent vns her gesant.
Verse: 3C     vñ iwer besten mage,   die hant vns her gesant,

Verse: 4     di enbietent iv ir dienest   vzer gvntheres lant
Verse: 4A     die enbietent iv ir dienst   vzer Bvrgonden lant."
Verse: 4B     di enbietent iv ir dienest   vzer Gvntheres lant."
Verse: 4C     vñ enbietent iv ir dienest   vzer Burgonden lant."



Strophe: 772   { |X748 / Strophe of Ms. A: 691   / Strophe of Ms. B: 745   / Strophe of Ms. C: 755   }


Verse: 1     nv lon in got sprach sifrit   ich getruwe in harte wol
Verse: 1A     "Nv lon im got", sprach Sifrit.   "ich getruͦwe in wol
Verse: 1B     "N2v lon in got", sprach Sifrit.   "ich getrwe in harte wol
Verse: 1C     "Nv lon in got", sprach Sivrit.   "ich getrow in allen wol

Verse: 2     triwen vnt gvtes   also man vrivnden sol
Verse: 2A     triwen vnde guͦtes,   also man frivnden sol.
Verse: 2B     triwen vnt gvtes,   also man vrivnden sol.
Verse: 2C     triwen vñ gvͦtes,   also man frivnden sol.

Verse: 3     alsam tvt ovch   ir swester ir svlt vns maere sagen
Verse: 3A     sam tuͦt oͮch ir swester.   man sol vns mere sagen,
Verse: 3B     alsam tvt ovch ir swester.   ir svlt vns mære sagen,
Verse: 3C     daz selbe tvͦt ir swester.   wie si gehabn sich

Verse: 4     ob vnser lieben vrivnde   da heime iht hohes mvtes tragen
Verse: 4A     ob da heime vnser frivnde   iht hohes muͦtes tragen.
Verse: 4B     ob vnser lieben vrivnde   da heime iht hohes mvtes tragen.
Verse: 4C     die unsern lieben frivnde,   daz sult ir lazen horen mich.



Strophe: 773   { |X749 / Strophe of Ms. A: 692   / Strophe of Ms. B: 746   / Strophe of Ms. C: 756   }


Verse: 1     sit daz wir von in shienden   hat in iemen iht getan
Verse: 1A     Sit wir von ir schieden,   hat man in iht getan,
Verse: 1B     Sit daz wir von in <shieden>,   hat in iemen iht getan,
Verse: 1C     Sit daz wir von in schieden,   hat ieman iht getan

Verse: 2     den minen choenemagen   daz svlt ir mich wizen lan
Verse: 2A     minen konen magen,   sult ir mich wizzen lan.
Verse: 2B     den minen choͤnemagen,   daz svlt ir mich wizen lan.
Verse: 2C     den minen chonemagen,   daz lazet mich verstan.

Verse: 3     daz wil in immer   mit triwen helfen tragen
Verse: 3A     daz wil ich in mit triwen   immer helfen tragen,
Verse: 3B     daz wil in immer   mit triwen helfen tragen,
Verse: 3C     daz wil ich in mit triwen   immer helfen tragen,

Verse: 4     vnze daz ir viende   den minen dienest mvezen klagen
Verse: 4A     vnz daz ir viende   minen dienst muͦzen klagen."
Verse: 4B     vnze daz ir viende   den minen dienest mvͤzen klagen."
Verse: 4C     vnze daz ir viende   den minen dienest mvzen klagen."



Strophe: 774   { |X750 / Strophe of Ms. A: 693   / Strophe of Ms. B: 747   / Strophe of Ms. C: 757   }


Verse: 1     do sprach der margrave gere   ein reche vil gvt
Verse: 1A     Do sprach der marchgraue   Gere, ein riter guot:
Verse: 1B     Do sprach der margrave Gêrê,   ein reche vil gvt:
Verse: 1C     D2o sprach der marcgraue   Gere, ein reche gvͦt:

Verse: 2     si sint in allen tvgenden   so rehte hohgemvt
Verse: 2A     "si sint in allen tvgenden   so rehte hoh gemuͦt.
Verse: 2B     "si sint in allen tvgenden   so rehte hoh gemvt.
Verse: 2C     "si sint in allen tvgenden   mit frevden wol gemvͦt.

Verse: 3     si ladent ivch   ce rine ceiner hochgecit
Verse: 3A     si ladent ivch ze Rine   an eine hohgecit.
Verse: 3B     si ladent ivch ce Rine   ceiner hochgecit.
Verse: 3C     si ladent ivch ze \ Rine   zeiner hochgecit,   { \ Page of ms. B: 29r   B:_29r }

Verse: 4     si saehen ivch vil gerne   daz ir des ane zwifel sit
Verse: 4A     si sæhen iuch vil gerne;   daz ir des ane zwivel sit.
Verse: 4B     si sæhen ivch vil gerne -   daz ir des ane zwifel sit.
Verse: 4C     wande si ivch gerne sæhen;   daz ir des ane zwifel sit.



Strophe: 775   { |X751 / Strophe of Ms. A: 694   / Strophe of Ms. B: 748   / Strophe of Ms. C: 758   }


Verse: 1     vnde pitent mine vrowen   si svl mit iv dar chvmen
Verse: 1A     Bittet mine frowen,   si svl mit iv dar komen.
Verse: 1B     V2nde pitent mine vrowen   si svl mit iv dar chvmen.
Verse: 1C     Vñ bitent mine frowen   si svln mit iv chomen.

Verse: 2     swenne daz der vient   ein ende habe genvmen
Verse: 2A     swenne der winder   ein ende habe genomen,
Verse: 2B     swenne daz der vient   ein ende habe genvmen,
Verse: 2C     swenne so der winder   ein ende habe genomen,

Verse: 3     vor disen svnewenden   so wolden si ivch saehen
Verse: 3A     vor disen svnnewenden   wolden si ivch sehen."
Verse: 3B     vor disen svnewenden   so wolden si ivch sæhen."
Verse: 3C     gein disen svnewenden   so wolden si ivch sehen."

Verse: 4     do sprach der starche sifrit   daz chvnde mvelich geschaehen
Verse: 4A     do sprach der starke Sifrit:   "daz kvnde muͦlich gesehen."
Verse: 4B     do sprach der starche Sifrit:   "daz chvnde mvͤlich geschæhen."
Verse: 4C     do sprach der herre Sivrit:   "daz chunde mvͤlich geschehn."



Strophe: 776   { |X752 / Strophe of Ms. A: 695   / Strophe of Ms. B: 749   / Strophe of Ms. C: 759   }


Verse: 1     do sprach aber gere   von bvergvnden lant
Verse: 1A     Do sprach aber Gere   von Burgonden lant:
Verse: 1B     Do sprach aber Gêrê   von Bvͤrgvnden lant:
Verse: 1C     Do sprach aber Gere   vͦz Buregonden lant:

Verse: 2     iwer mvter vote   hat ivch gemant
Verse: 2A     "iwer muͦter vͦte   div hat ivch gemant,
Verse: 2B     "iwer mvter v̂te   hat ivch gemant,
Verse: 2C     "iwer mvͦter Vote   div hat ivch gemant,'

Verse: 3     gernot vnt giselher   ir svlt in niht versagen
Verse: 3A     Gernot vnd Giselher,   ir svlt in niht versagen.
Verse: 3B     Gernot vnt Giselher,   ir svlt in niht versagen.
Verse: 3C     vñ iwer brvͤder beide,   ir svlt in niht versagen.

Verse: 4     daz ir in sit so verre   daz hoer ich taegeliche chlagen
Verse: 4A     daz ir in sit so verre,   daz hoͤre ich tegeliche klagen.
Verse: 4B     daz ir in sit so verre,   daz hoͤr ich tægeliche chlagen.
Verse: 4C     daz ir in sit so verre,   daz hoͤre ich si vil dicke klagen.



Strophe: 777   { |X753 / Strophe of Ms. A: 696   / Strophe of Ms. B: 750   / Strophe of Ms. C: 760   }


Verse: 1     prvennhilt min vrowe   vnt alle ir maegedin
Verse: 1A     Prunhilt min vrowe   vnd ir magedin
Verse: 1B     Prvͤnnhilt min vrowe   vnt alle ir mægedin,
Verse: 1C     Prvnh' min vrowe   vñ alle ir magedin,

Verse: 2     di vrevnt sich der maere   vnt ob iz mvege sin
Verse: 2A     vroͮnt sich der mere,   obe daz mehte sin,
Verse: 2B     di vrevnt sich der mære;   vnt ob iz mvͤge sin
Verse: 2C     die froͤwent sich der gegene,   ob daz chunde sin,

Verse: 3     daz si ivch noch gesaehen   daz gaebe in hohen mvt
Verse: 3A     daz si iuch noch sehen,   daz gebe in hohern muͦt."
Verse: 3B     daz si ivch noch gesæhen,   daz gæbe in hohen mvt."
Verse: 3C     daz si ivch gesehen noch,   so si des habent mvͦt."

Verse: 4     do dvhten disiv maere   di shoenen criemhilde gvt
Verse: 4A     do dvhten disiv mere   die schoͤnen Kriemhilde guͦt.
Verse: 4B     do dvhten disiv mære   di shoͤnen Criemhilde gvt.
Verse: 4C     da dvhten disiv mære   die schonen Chriemh' gvͦt.



Strophe: 778   { |X754 / Strophe of Ms. A: 697   / Strophe of Ms. B: 751   / Strophe of Ms. C: 761   }


Verse: 1     gere was ir sippe   der wirt in sitzen hiez
Verse: 1A     Gere was ir sippe;   der wirt in sicen hiez.
Verse: 1B     G2ere was ir sippe;   der wirt in sitzen hiez.
Verse: 1C     G2ere was ir sippe;   der wirt in sizzen hiez.

Verse: 2     den gesten hiez er shenchen   niht langer man daz liez
Verse: 2A     den gensten hiez er senken,   niht langer man daz hiez.
Verse: 2B     den gesten hiez er shenchen,   niht langer man daz liez.
Verse: 2C     den gesten hiez man schenchen,   niht langer man daz liez.

Verse: 3     do was ovch chvmen sigemvnt   da er di boten sach
Verse: 3A     do kom oͮch dar Sigmvnt,   da er die boten sach. \   { \ Page of Ms. C: 29a  C:_29a }
Verse: 3B     do was ovch chvmen Sigemvnt   da er di boten sach.
Verse: 3C     do was ovch chomen Sigemvͦnt.   do er die boten sach,

Verse: 4     der herre vrivnthliche   zv den bvergvnden sprach
Verse: 4A     der herre friuntleich   zuͦ den Burgonden sprach:
Verse: 4B     der herre vrivnthliche   zv den Bvͤrgvnden sprach:
Verse: 4C     der herre minnekliche   zv den Burgonden sprach:



Strophe: 779   { |X755 / Strophe of Ms. A: 698   / Strophe of Ms. B: 752   / Strophe of Ms. C: 762   }


Verse: 1     sit willechomen ir rechen   ir gvntheres man
Verse: 1A     "Sit willekomen, ir reken,   Gvnthers man.
Verse: 1B     "Sit willechomen, ir rechen,   ir Gvntheres man.
Verse: 1C     "Sit willechomen, ir rechen,   ir Gvntheres man.

Verse: 2     sit daz criemhilt   ce wibe gewan
Verse: 2A     sit daz Kriemhilde   ze wibe gewan
Verse: 2B     sit daz Criemhilt   ce wibe gewan
Verse: 2C     sit Chriemhilde ze [man [Sivrit]]   minen svͦn gewan,

Verse: 3     sifrit der min svn   man sold ivch dicker saehen
Verse: 3A     Sifrit min svn,   man soldiv diker sehen
Verse: 3B     Sifrit der min svn,   man sold ivch dicker sæhen
Verse: 3C     so solde man ivch degene   dicker bi vns sehn,

Verse: 4     hie in disem lande   wolt ir vns vrivntschepfte iehen
Verse: 4A     hie in disem lande,   woldet ir uns vriuntschefte iehen."
Verse: 4B     hie in disem lande,   wolt ir <uns> vrivntschepfte iehen."
Verse: 4C     ob ir vns mit triwen   woldet frivntschefte iehn."



Strophe: 780   { |X756 / Strophe of Ms. A: 699   / Strophe of Ms. B: 753   / Strophe of Ms. C: 763   }


Verse: 1     si sprachen swenne er wolde   si solden gerne chomen
Verse: 1A     Si sprachen, swenne er wolden,   gerne komen,
Verse: 1B     Si sprachen, swenne er wolde,   si solden gerne chomen.
Verse: 1C     Si sprachen, swenner wolde,   si solden gerne chomen.

Verse: 2     in wart ir michel mvede   mit vrevden vil benomen
Verse: 2A     in wart michel muͤde   mit freuden benomen.
Verse: 2B     in wart ir michel mvͤde   mit vrevden vil benomen.
Verse: 2C     in wart ir michel mvͤde   mit frevden vil benomen.

Verse: 3     di boten bat man sitzen   spise man in trvch
Verse: 3A     die boten bar man sicen;   spise man in truͦch.
Verse: 3B     di boten bat man sitzen;   spise man in trvch.
Verse: 3C     die boten bat man sizzen;   spise man in trvͦch.

Verse: 4     do hiez do gaeben   sifrit sinen gesten genvch
Verse: 4A     der hiez do geben Sifrit   sinen gesten genuͦch.
Verse: 4B     do hiez do gæben Sifrit   sinen gesten genvch.
Verse: 4C     der wart den lieben gesten   gegebn volleklich genvͦch.



Strophe: 781   { |X757 / Strophe of Ms. A: 700   / Strophe of Ms. B: 754   / Strophe of Ms. C: 764   }


Verse: 1     si mvsen da beliben   bevollen niwn tage
Verse: 1A     Si muͦsen da beliben   beuolle nivn tage.
Verse: 1B     S2i mvsen da beliben   bevollen niwn tage.
Verse: 1C     Man gab in herberge   vñ schvf in gvͦt gemach.

Verse: 2     des heten endechlichen   di snellen ritter chlage
Verse: 2A     des heten endelichen   die snellen riter klage,
Verse: 2B     des heten endechlichen   di snellen ritter chlage,
Verse: 2C     der herre zv den gesten   minneklichen sprach:

Verse: 3     daz si niht wider solden   riten in ir lant
Verse: 3A     daz si niht wider rìten   solden in ir lant.
Verse: 3B     daz si niht wider solden   riten in ir \ lant.
Verse: 3C     "lat ivch niht betragen:   darvmbe ir sit gesant

Verse: 4     do het der chvnich sifrit   nach sinen vrivnden gesant
Verse: 4A     do hete der kvnich Sifrit   nach sinen frivnden gesant.
Verse: 4B     do het der chvnich Sifrit   nach sinen vrivnden gesant.
Verse: 4C     her von vnsern friunden,   wir svlenz iv schiere tvͦn bechant.



Strophe: 782   { |X758 / Strophe of Ms. A: 701   / Strophe of Ms. B: 755   / Strophe of Ms. C: 765   }


Verse: 1     er vragte waz si rieten   ob si solden an den rin
Verse: 1A     Er vragte waz si rieten;   er sold an den Rin.
Verse: 1B     Er vragte waz si rieten,   ov si solden sn den Rin.
Verse: 1C     Ich mvͦz mihs noch beraten   mit den friunden min.

Verse: 2     ez hat nach mir gesendet   gvnther der frivnt min
Verse: 2A     "ez hat nach mir gesendet   Gvnther, der frivnt min,
Verse: 2B     "ez hat nach mir gesendet   Gvnther, der frivnt min,
Verse: 2C     er gie zeiner sprache   mit den rechen sin.

Verse: 3     er vnt sine mage   dvrch eine hohgecit
Verse: 3A     er vnd sine mage,   durch ein hochcit.
Verse: 3B     er vnt sine mage,   dvrch eine hochgecit.
Verse: 3C     er sprach: "min frivnt Gunther   hat nach vns gesant

Verse: 4     nv choeme ich im vil gerne   want daz sin lant ce verre lit
Verse: 4A     nv kom ich im vil gerne,   an daz sin lant ce verre lit.
Verse: 4B     nv choͤm ich im vil gerne,   want daz sin lant ce verre lit.
Verse: 4C     zeiner hochgecite;   nv ist ze verre mir sin lant.



Strophe: 783   { |X759 / Strophe of Ms. A: 702   / Strophe of Ms. B: 756   / Strophe of Ms. C: 766   }


Verse: 1     vnt bitten criemhilde   daz si mit mir var
Verse: 1A     Si bittent Kriemhilde   daz si mit mir var.
Verse: 1B     Vnt bitten Criemhilde   daz si mit mir var.
Verse: 1C     Vñ bitent mine frowen,   daz si mit var.

Verse: 2     nv ratet liebe vrivnde   wi sol ich chomen dar
Verse: 2A     nv ratet, lieben frivnde,   wie sol si komen dar?
Verse: 2B     nv ratet, liebe vrivnde,   wi sol ich chomen dar?
Verse: 2C     nv ratent, liebe vriunde,   wie sol si chomen dar?

Verse: 3     vnt sold ich herverten   dvrch si in drizech lant
Verse: 3A     sold ich heruerten   durch si in drizech lant,
Verse: 3B     vnt sold ich herverten   dvrch si in drizech lant,
Verse: 3C     vñ solde ich herverten   durch si in drizech lant,

Verse: 4     da mvesen dienen gerne   hin div sifrides hant
Verse: 4A     da muͦse in dienen gerne   hin div Sifrides hant."
Verse: 4B     da mvͤsen dienen gerne   hin div Sifrides hant."
Verse: 4C     da mvse in gerne dienen   hin div Sivrides hant."



Strophe: 784   { |X760 / Strophe of Ms. A: 703   / Strophe of Ms. B: 757   / Strophe of Ms. C: 767   }


Verse: 1     do sprachen sine rechen   habt ir der reise mvt
Verse: 1A     Do sprachen sine reken:   "habet ir der reise muͦt
Verse: 1B     D2o sprachen sine rechen:   "habt ir der reise mvt
Verse: 1C     D2o sprachen sine rechen:   "habt ir der reise mvͦt,

Verse: 2     hin cer hohgecite   wir raten waz ir tvt
Verse: 2A     hin cer hochcite,   wir raten waz wir <tuͦt>:
Verse: 2B     hin cer hohgecite,   wir raten waz ir tvt:
Verse: 2C     so wellen wir iv raten   daz iv wirdet gvͦt:

Verse: 3     ir svlt mit tvsent recken   riten an den rin
Verse: 3A     ir svlt min tvsent reken   riten an den Rin.
Verse: 3B     ir svlt mit tvsent recken   riten an den Rin.
Verse: 3C     ir svlt mit tvsint rechen   riten an den Rin.

Verse: 4     so mveget ir wol mit eren   da cen bvrgvnden sin
Verse: 4A     so muget ir wol mit eren   da cen Burgonden sin."
Verse: 4B     so mvͤget ir wol mit eren   da cen Bvrgvnden sin."
Verse: 4C     so mvgt ir wol mit eren   da zer hochgecite sin."



Strophe: 785   { |X761 / Strophe of Ms. A: 704   / Strophe of Ms. B: 758   / Strophe of Ms. C: 768   }


Verse: 1     do sprach von niderlande   der herre sigemvnt
Verse: 1A     Do sprach von Niderlanden   der herre Sigmvnt:
Verse: 1B     Do sprach von Niderlande   der herre Sigemvnt:
Verse: 1C     Do sprach von Niderlanden   der herre Sigemvnt:

Verse: 2     welt ir cer hohgecite   wan tvt ir mir daz chvnt
Verse: 2A     "welt ir zer hochzite,   wan tuͦt ir mir daz kvnt?
Verse: 2B     "welt ir cer hochgecite,   wan tvt ir mir daz chvnt?
Verse: 2C     "welt ir zir hochgecite,   wan tvͦt ir mir daz kunt?

Verse: 3     ob iz iv niht versmahet   so rit ich mit iv dar
Verse: 3A     ob ez iv niht versmahet,   so rite ich mit iv dare.
Verse: 3B     ob iz iv niht versmahet,   so rit ich mit iv dar.
Verse: 3C     ob ez iv niht versmahet,   so rite ich mit iv dar

Verse: 4     ich fvere hvndert   daegene damite mer ich iwer schar
Verse: 4A     ich fuͤre tusent degne,   da mite mer ich iwer schare."
Verse: 4B     ich fvͤre hvndert dægene,   da mite mer ich iwer schar."
Verse: 4C     vñ bringe iv hundert degene;   da mit mer ich iwer schar."



Strophe: 786   { |X762 / Strophe of Ms. A: 705   / Strophe of Ms. B: 759   / Strophe of Ms. C: 769   }


Verse: 1     vnd welt ir mit vns riten   vil leiber vater min
Verse: 1A     "Welt ir mit vns riten,   lieber vater min",
Verse: 1B     "Vnd welt ir mit vns riten,   vil lieber vater min",
Verse: 1C     "Sit ir welt mit uns riten,   vil lieber vater min,

Verse: 2     sprach der chvene sifrit   vil vro sol ich des sin
Verse: 2A     sprach der kuͤne Sifrit,   "vil vro sol ich des sin.
Verse: 2B     sprach der chvͤne Sifrti,   "vil vro sol ich des sin.
Verse: 2C     sprach der herre Sivrit,   "vro sol ich des sin.

Verse: 3     iner tagen zwelven   so rvm ich miniv lant
Verse: 3A     inre tagen zweluen   so ruͦme ich miniu lant."
Verse: 3B     iner tagen zwelven   so rvm ich miniv lant."
Verse: 3C     inre tage zwelfen   so rvͦm ich miniv lant."

Verse: 4     alle di es do gerten   den gap man ross vnt ovch gewant
Verse: 4A     alle die es gerten,   den gap man ros vnd ovch gewant.
Verse: 4B     alle di es do gerten,   den gap man ross vnt ovch gewant.
Verse: 4C     die si do furen wolden,   den gap man ross vñ ovch gewant.



Strophe: 787   { |X763 / Strophe of Ms. A: 706   / Strophe of Ms. B: 760   / Strophe of Ms. C: 770   }


Verse: 1     do der chvenich edele   der reise hete mvt
Verse: 1A     Do der kvnich edel   der reise hete muͦt,
Verse: 1B     D2o der chvͤnich edele   der reise hete mvt,
Verse: 1C     D2o der chunic edele   der reise hete mvͦt,

Verse: 2     do hiez man widerriten   di snellen boten gvt
Verse: 2A     do hiez man wider riten   die snellen degne guͦt.
Verse: 2B     do hiez man wider riten   di snellen boten gvt.
Verse: 2C     do hiez man wider riten   die snellen boten gvͦt.

Verse: 3     den sinen choenemagen   enbot er an den rin
Verse: 3A     sinen konemagen   enbot er an den Rin,
Verse: 3B     den sinen choͤnemagen   enbot er an den Rin,
Verse: 3C     den sinen chonemagen   enbot er an den Rin,

Verse: 4     er wolde harte gerne   da cir hochgeciten sin
Verse: 4A     er wolde harte gerne   bi ir hochgecite sin.
Verse: 4B     er wolde harte gerne   da cir hochgeciten sin.
Verse: 4C     daz er gerne wolde \   da zir hochgecite sin.   { \ Page of Ms. B: 29v   A:_29v }



Strophe: 788   { |X764 / Strophe of Ms. A: 707   / Strophe of Ms. B: 761   / Strophe of Ms. C: 771   }


Verse: 1     sifrit vnt criemhilt   also wir horen sagen
Verse: 1A     Sifrit vnd Kriemhilt -   so wir hoͤren sagen -
Verse: 1B     Sifrit vnt Criemhilt -   also wir horen sagen -
Verse: 1C     Sivrit vñ Chriemh' -   als wir horen sagen -

Verse: 2     so vil den boten gaben   daz iz niht mohten tragen
Verse: 2A     so vil den boten gaben,   daz ez niht mohten tragen
Verse: 2B     so vil den boten gaben,   daz iz niht mohten tragen
Verse: 2C     so vil den boten gaben,   daz ez niht mohten tragen

Verse: 3     ir moere heim ce lande   er was ein richer man
Verse: 3A     ir moͤre haim ze lande;   er was ein riker man.
Verse: 3B     ir moͤre heim ze lande;   er was ein richer man.
Verse: 3C     ir moͤre heime ze lande;   er was ein richer man.

Verse: 4     ir starchen sovmaere   di treip man vroeliche dan
Verse: 4A     ir starken soͮmære   treip man vroͤlichen dan.
Verse: 4B     ir starchen sovmære   <di> treip man vroͤliche dan.
Verse: 4C     ir starchen sovmære   si triben vrolichen dan.



Strophe: 789   { |X765 / Strophe of Ms. A: 708   / Strophe of Ms. B: 762   / Strophe of Ms. C: 772   }


Verse: 1     ir volch chleidete sifrit   vnt ovch sigemvnt
Verse: 1A     Ir volk chleidete Sifrit   vnd oͮch Sigemunt.
Verse: 1B     Ir volch chleidete Sifrit   vnt ovch Sigemvnt.
Verse: 1C     Ir volche daz kleite Sivrit   vñ ovch Sigemvnt.

Verse: 2     eckewart der grave   der hiez an der stvnt
Verse: 2A     Ekewart der graue   der hiez an der stunt
Verse: 2B     Eckewart der grave   der hiez an der stvnt
Verse: 2C     Ecgewart der graue   der hiez do an der stvnt

Verse: 3     vrowen chleider svchen   div besten div man vant
Verse: 3A     vroͮwen kleider suͦchen,   die besten div man vant
Verse: 3B     vrowen chleider svchen,   div besten div man vant
Verse: 3C     frowen chleider svͦchen,   die besten die man vant

Verse: 4     oder iender chvnd erwaerben   veber al sifrides lant
Verse: 4A     oder inner kvnde erwerben   vber Sifrides lant.
Verse: 4B     oder iender chvnd erwærben   vͤber al Sifrides lant.
Verse: 4C     oder iemen vinden chvnde   vber allez Sivrides lant.



Strophe: 790   { |X766 / Strophe of Ms. A: 709   / Strophe of Ms. B: 763   / Strophe of Ms. C: 773   }


Verse: 1     di saetele zv den schilden   bereiten man began
Verse: 1A     Die setel zuͦ den schilden   bereiten man began.
Verse: 1B     D2i sætele zv den schilden   bereiten man began.
Verse: 1C     Sætil vñ schilde   bereiten man began.

Verse: 2     rittern vnt vrowen   di mit in solden dan
Verse: 2A     rittern vnd vrowen,   die mit im solden dan,
Verse: 2B     rittern vnt vrowen,   di mit in solden dan,
Verse: 2C     rittern vñ frowen,   die mit im wolden dan,

Verse: 3     den gap man swaz si wolden   daz in niht gebrast
Verse: 3A     den gap man swaz si wolden,   daz in niht gebrast.
Verse: 3B     den gap man swaz si wolden,   daz in niht gebrast.
Verse: 3C     den gab man swaz si wolden.   wie wenich in gebrast!

Verse: 4     do braht er sinen vrivnden   vil manigen herlichen gast
Verse: 4A     er brahte sinen frivnden   manigen herlichen gast.
Verse: 4B     do braht er sinen vrivnden   vil manigen herlichen gast.
Verse: 4C     do brahter sinen frivnden   manigen herlichen gast.



Strophe: 791   { |X767 / Strophe of Ms. A: 710   / Strophe of Ms. B: 764   / Strophe of Ms. C: 774   }


Verse: 1     den boten zogete sere   ce lande vf den waegen
Verse: 1A     Die boten zogten sere   ze lande vf den wegen. \   { \ Page of Ms. C: 29b  C:_29b }
Verse: 1B     Den boten zogete sere   ce lande vf den wægen.
Verse: 1C     D2en boten zogete sere   wider vf den wegn.

Verse: 2     do chom cen bvergvnden   gere der daegen
Verse: 2A     do kom von Burgonden lant   vere der <gegen>.
Verse: 2B     do chom cen Bvͤrgvnden   Gere der dægen.
Verse: 2C     do chome wol ze lande   Gere der degen.

Verse: 3     er wart vil wol enpfangen   do erbeizten si ce tal
Verse: 3A     er wart vil wol enphangen;   do erbeizten si zetal
Verse: 3B     er wart vil wol empfangen;   do erbeizten si ce tal
Verse: 3C     er wart vil wol enpfangen;   do stvnden si zetal

Verse: 4     von rossen vnt von moeren   fvr den giselheres sal
Verse: 4A     von rossen vnd von moren   fvr den Gvnthers sal.
Verse: 4B     von rossen vnt von moͤren   fvr den Giselheres sal.
Verse: 4C     nider von den moͤren   fvr den Guntheres sal.



Strophe: 792   { |X768 / Strophe of Ms. A: 711   / Strophe of Ms. B: 765   }


Verse: 1     di tvmmen vnt di wisen   giengen so man tvt
Verse: 1A     Die tvmben vnd die wisen   giengen, so man tuͦt,
Verse: 1B     Di tvmmen vnt di wisen   giengen, so man \ tvt,   { \ Page of Ms. B: 325b   A:_325b }

Verse: 2     vragen vmbe maere   do sprach der riter gvt
Verse: 2A     vragen vmbe mere.   do sprach der riter guͦt:
Verse: 2B     vragen vmbe mære.   do sprach der riter gvt:

Verse: 3     swenne ich se sage dem chvenige   da horet si cehant
Verse: 3A     "swenne ich si sage den kvnige,   da hort irs cehant."
Verse: 3B     "swenne ich se sage dem chvͤnige,   da horet si cehant."

Verse: 4     er gi mit den gesellen   da er gvntheren vant
Verse: 4A     er gie mit den gesellen   da er Gvntheren vant.
Verse: 4B     er gi mit den gesellen   da er Gvntheren vant.



Strophe: 793   { |X769 / Strophe of Ms. A: 712   / Strophe of Ms. B: 766   / Strophe of Ms. C: 775   }


Verse: 1     der chvnich von grozer liebe   von dem saedele spranch
Verse: 1A     Der kvnich von liebe   von dem sedel spranch.
Verse: 1B     D2er chvnich von grozer liebe   von dem sædele spranch.
Verse: 1C     Der chunic durch groze liebe   vorn dem sedele spranch.

Verse: 2     daz si so balde chomen   des sagte er in do danch
Verse: 2A     daz si so snelle komen,   des seite in do danch
Verse: 2B     daz si so balde chomen,   des sagte er in do danch
Verse: 2C     daz so snelle chomen,   des bat si haben danch

Verse: 3     prvennhilt div schoene   gvnther cem boten sprach
Verse: 3A     Proͮnhilt div schoͤne.   Gvnther zen boten spranch:
Verse: 3B      div schoͤne.   Gvnther cem boten sprach:
Verse: 3C     Prunhilt div schone.   der kunich zen boten sprach:

Verse: 4     wi gehabt sich sifrit   von dem mir liebes vil gesach
Verse: 4A     "wie gehabet sich Sifrit,   von den mir liebe vil gesach?"
Verse: 4B     "wi gehabt sich Sifrit   von dem mir liebes vil gesach?"
Verse: 4C     "wie vert min frivnt Sivrit,   von dem mir liebes vil geschach?"



Strophe: 794   { |X770 / Strophe of Ms. A: 713   / Strophe of Ms. B: 767   / Strophe of Ms. C: 776   }


Verse: 1     do sprach der chvene gere   da wart er vrovden rot
Verse: 1A     Do sprach der kuͤne Gere:   "da wart er vroͮden rot,
Verse: 1B     Do sprach der chvͤne Gere:   "da wart er vrovden rot.
Verse: 1C     Do sprach der chune Gere:   "da wart er frevden rot,

Verse: 2     er vnt iwer swester   nie vrivnde baz enbot
Verse: 2A     er vn iwer suester.   nie vriunden baz enbot
Verse: 2B     er vnt iwer swester.   nie vrivnde baz enbot
Verse: 2C     er vñ iwer swester.   nie frivnden baz enbot

Verse: 3     so getriwiv maere   deheiner slahte man
Verse: 3A     so getriwe mere   deheiner slahte man,
Verse: 3B     so getriwiv mære   deheiner slahte man,
Verse: 3C     so frivntlicher mære   deheiner slahte man,

Verse: 4     als iv der herre sifrit   vnd ovch sin vater hat getan
Verse: 4A     als iv der herre Sifrit   vnd oͮch sin vater hat getan."
Verse: 4B     als iv der herre Sifrit   vnd ovch sin vater hat getan."
Verse: 4C     als iv der herre Sivrit   vñ ovch sin vater hat getan."



Strophe: 795   { |X771 / Strophe of Ms. A: 714   / Strophe of Ms. B: 768   / Strophe of Ms. C: 777   }


Verse: 1     do sprach ce dem marchgraven   des edelen chvniges wip
Verse: 1A     Do sprach zuͦ dem marchgrauen   des richen kvniges wip:
Verse: 1B     Do sprach ce dem marchgraven   des edelen chvniges wip:
Verse: 1C     Do sprach zem marcgrauen   des edeln kuniges wip:

Verse: 2     nv sagt mir chvmet vns criemhilt   hat noch ir schoner lip
Verse: 2A     "saget mir, kvmt vns Kriemhilt?   hat noch ir schoͤner lip
Verse: 2B     "nv sagt mir, chvmet vns Criemhilt?   hat noch ir schoner lip
Verse: 2C     "nv sagt mir, chvmet Chriemhilt?   hat noch ir schoner lip

Verse: 3     behalten iht der zvehte   der si wol chvnde pflaegen
Verse: 3A     behalten iht der zvhte   der si kvnde phlegen?"
Verse: 3B     behalten iht der zvͤhte,   der si wol chvnde <pflægen>?"
Verse: 3C     behalten iht der zvͤhte,   der si wol chunde pflegen?"

Verse: 4     si chvmt iv sicherlichen   so sprach do gere der daegen
Verse: 4A     "si kvmet sicerlichen",   sprach do Gere der degen.
Verse: 4B     "si chvmt iv sicherlichen",   so sprach do Gere der dægen.
Verse: 4C     er sprach: "si choment beide   vñ mit in manic kun\er degn."   { \ Page of ms. B: ig   B:_ig }



Strophe: 796   { |X772 / Strophe of Ms. A: 715   / Strophe of Ms. B: 769   / Strophe of Ms. C: 778   }


Verse: 1     vte bat do drate   di boten fver sich gen
Verse: 1A     vͦte bat do drate   die boten fur sich gen.
Verse: 1B     V2te bat do drate   di boten fvͤr sich gen.
Verse: 1C     F2ro^ vͦte bat do drate   die boten zvͦ zir gen.

Verse: 2     do mohte man an ir vrage   harte wol versten
Verse: 2A     man moht an ir vrage   harte wol versten,
Verse: 2B     do mohte man ir vrage   harte wol versten,
Verse: 2C     daz mac man an ir vrage   harte wol versten,

Verse: 3     daz si daz horte gerne   was criemhilt noch gesvnt
Verse: 3A     daz si horte gerne,   was Kriemhilt noch gesvnt.
Verse: 3B     daz si daz horte gerne,   was Criemhilt noch gesvnt.
Verse: 3C     daz si vil gerne horte,   was Chriemh' noch gesunt.

Verse: 4     er sagete wi er si fvende   vnt daz si chome in chvrcer stvnt
Verse: 4A     er seite wie er si funde   vnd daz si koͤme in kurzer stvnt.
Verse: 4B     er sagete wi er si fvͤnde   vnt daz si chome in chvrcer stvnt.
Verse: 4C     er sagete wie er funde   vñ daz si chome in churzer stunt.



Strophe: 797   { |X773 / Strophe of Ms. A: 716   / Strophe of Ms. B: 770   / Strophe of Ms. C: 779   }


Verse: 1     ovch wart von in div gabe   ce hove niht verdeit
Verse: 1A     Ez wart von in div gabe   ze hove niht verdeit,
Verse: 1B     Ovch wart von in div gabe   ce hove niht verdeit,
Verse: 1C     Ovch wart von in div gabe   ze hove niht verdeit,

Verse: 2     di in gap her sifrit   golt vnd ovch div chleit
Verse: 2A     die in gap er Sifrit.   golt vnd oͮch div kleit
Verse: 2B     di in gap her Sifrit.   golt vnd ovch div chleit,
Verse: 2C     die in dort gab Sivrit.   golt, silber vñ kleit,

Verse: 3     daz brahte man ce sehene   der drier chvenige man
Verse: 3A     brahte man ce sehenne   der drier kvnige man.
Verse: 3B     daz brahte man ce sehene   der drier chvͤnige man.
Verse: 3C     daz brahte man ze sehene   der drier kunige man.

Verse: 4     der ir vil grozen milte   wart in danchen getan
Verse: 4A     ir vil grozer milte   wart da danken getan.
Verse: 4B     der ir vil grozen milte   wart in danchen getan.
Verse: 4C     der ir vil grozen milte   wart in do danchens vil getan.



Strophe: 798   { |X774 / Strophe of Ms. A: 717   / Strophe of Ms. B: 771   / Strophe of Ms. C: 780   }


Verse: 1     er mach sprach do hagene   von im sampfte geben
Verse: 1A     "Er mac", sprach do Hagne,   "von im sampfte geben.
Verse: 1B     "Er mach", sprach do Hagene,   "von im sampfte geben.
Verse: 1C     "Er mac wol gebn ringe",   sprach Hagene der degn.

Verse: 2     ern chvnd ez niht verswenden   vnt solder immer laeben
Verse: 2A     er kvndez niht verswenden,   sold er immer leben.
Verse: 2B     ern chvndez niht verswenden,   vnt solder immer læben.
Verse: 2C     "ern chundez niht verswenden,   vñ solt er immer lebn.

Verse: 3     hort der nibelvnge   beslozen hat sin hant
Verse: 3A     hort der Niblvnge   besloz hat sin hant.
Verse: 3B     hort der Nibelvnge   beslozen hat sin hant.
Verse: 3C     hort der Nibelunge   beslozzen hat sin hant.

Verse: 4     hey solder rhvmen iemer   in der bvergonden lant
Verse: 4A     hey solder immer komen   in Burgonden lant!"
Verse: 4B     hey solder <chvmen> iemer   in der Bvͤrgonden lant!"
Verse: 4C     hey solden wir den teilen   noch in Buregonden lant!"



Strophe: 799   { |X775 / Strophe of Ms. A: 718   / Strophe of Ms. B: 772   / Strophe of Ms. C: 781   }


Verse: 1     allez daz gesinde   vrevte sich darzv
Verse: 1A     Allez daz gesinde   frevte sich darzvͦ
Verse: 1B     A2llez daz gesinde   vrevte sich dar zv
Verse: 1C     Allez daz gedigene   frevte sich der zvͦ

Verse: 2     daz si chomen solden   spate vnt vrv
Verse: 2A     daz si komen solden.   spate vnde vruͦ
Verse: 2B     daz si chomen solden.   spate vnt vrv
Verse: 2C     daz si chomen solden.   spate vñ frvͦ

Verse: 3     ia waren vil vmmvezech   der drier chvenege man
Verse: 3A     waren vil vnmuozech   der drier kvnige man.
Verse: 3B     ia waren vil vmmvͤzech   der drier chvͤnege man.
Verse: 3C     warn vil vnmvzich   des fursten ambtman.

Verse: 4     vil manich hergesidele   man do rihten began
Verse: 4A     manic hergesidele   man do rihten began.
Verse: 4B     vil manich <hergesidele>   man do rihten began.
Verse: 4C     waz richer hergesidele   man da rihten began!



Strophe: 800   { |X776 / Strophe of Ms. A: 719   / Strophe of Ms. B: 773   / Strophe of Ms. C: 782   }


Verse: 1     hvnolt der chvene   vnd sindolt der daegen
Verse: 1A     Hvnolt der kuͤne   vnd Sindolt der degen
Verse: 1B     Hvnolt der chvͤne   vnd Sindolt der dægen,
Verse: 1C     O2rtwin vñ Sindolt,   die zwene chune degn,

Verse: 2     di heten vil vmmvoze   di zit si mvsen pflaegen
Verse: 2A     heten vil vnmuͦze.   die cit si muͦsen pflegen
Verse: 2B     di heten vil vmmvͦze.   di zit si mvsen pflægen
Verse: 2C     die warn vil vnmvͤzich.   die zit si mvͦsin pflegen

Verse: 3     trvhsaezen vnt shenchen   ce rihten manige banch
Verse: 3A     truchsezen vnd schenchen   ce rihten manige banc.
Verse: 3B     trvhsæzen vnt shenchen   ce rihten manige banch.
Verse: 3C     der trvhsezze vñ der schenche   rihten manigen banch.

Verse: 4     des half in ovch her ortwin   des sagete in gvnther danch
Verse: 4A     des half in oͮch Ortwin;   des seit in Gvnther danc.
Verse: 4B     des half in ovch her Ortwin;   des sagete in Gvnther danch.
Verse: 4C     des hulfen ir vndertanen;   des sagete in Gvnther do danch.



Strophe: 801   { |X777 / Strophe of Ms. A: 720   / Strophe of Ms. B: 774   / Strophe of Ms. C: 783   }


Verse: 1     rvmolt der chvchenmeister   wi wol er rihte sit
Verse: 1A     Rvmolt der kvchenmeister,   wie wol er rihte sich
Verse: 1B     Rvmolt der chvchenmeister,   wi wol er rihte sit
Verse: 1C     Rvͦmolt der chuchenmeister   vil wol berihte sit

Verse: 2     di sinen vndertanen   vil manigen kezel wit
Verse: 2A     sine vndertane!   <manegen> kezzel wit,
Verse: 2B     di sinen vndertanen!   vil manigen kezel wit,
Verse: 2C     die sinen vndertanen.   vil manigen kezzil wit,

Verse: 3     haeven vnt pfannen   hey waz man der da vant
Verse: 3A     haven vnde pfannen,   hey waz man der da vant!
Verse: 3B     hæven vnt pfannen,   hey waz man der da vant!
Verse: 3C     hæfene vñ pfannen,   hey waz man der da vant!

Verse: 4     do bereite man do spise   di da chomen in daz lant
Verse: 4A     do bereite man den spise,   die da komen in daz lant.
Verse: 4B     do bereite man do spise,   di da chomen in \ daz lant.   { \ Page of Ms. C: 326a  C:_326a }
Verse: 4C     do bereite man den spise,   die da chomen in daz lant. \   { \ Page of ms. B: 30r   B:_30r }



Strophe: 802   { Strophe of Ms. C: 784   }


Verse: 1C     Der frowen arebeiten   was ovch niht kleine

Verse: 2C     da si bereiten ir chleider.   die edeln steine

Verse: 3C     mit glanze verre glesten,   verwieret in daz golt,

Verse: 4C     do si sie ane leiten,   daz in die lute wrden holt.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.