TITUS
Der Nibelunge Not
Part No. 15
Previous part

Adventure: XV  
{ A_XIV } <Wie Sifrit verraten wart>
{ C_XV } Auentv wie ze Wormze widersaget.
Strophe: 907   { |X877 / Strophe of Ms. A: 820   / Strophe of Ms. B: 874   / Strophe of Ms. C: 885   }


Verse: 1     an dem vierdem morgen   zwen vnt drizech man
Verse: 1A     A4n dem vierden morgen   zwen vnd drizech man
Verse: 1B     A4n dem vierdem morgen   zwen vnt drizech man
Verse: 1C     A(5)An dem vierden morgen   zwen vñ drizzech man

Verse: 2     sach man ce hove riten   daz wart do chvnt getan
Verse: 2A     sach man ze hove riten.   daz wart do kvnt getan
Verse: 2B     sach man ce hove riten.   daz wart do chvnt getan \   { \ Page of Ms. C: 331a  C:_331a }
Verse: 2C     sach man ze hove riten.   do wart ez kunt getan

Verse: 3     gvnther dem vil richen   im were widerseit
Verse: 3A     Gvnther dem richen,   im were widerseit. \   { \ Page of ms. B: 34a   B:_34a }
Verse: 3B     Gvnther dem vil richen,   im wære widerseit.
Verse: 3C     Gunther dem vil richen,   im wære widerseit.

Verse: 4     von lvge erwuohsen vrovn criemhilde   div allergrozzesten leit
Verse: 4A     von luge wuͦhs den froͮwen   grozer iamer vñ leit.
Verse: 4B     von lvge erwͦhsen vrovn Criemhilde   div aller grozzesten leit.
Verse: 4C     von lvͦge erstunden frowen   div aller grozisten leit.



Strophe: 908   { |X878 / Strophe of Ms. A: 821   / Strophe of Ms. B: 875   / Strophe of Ms. C: 886   }


Verse: 1     vrlovp si namen   daz si fvr solden gan
Verse: 1A     Vrloͮp si gewunnen,   daz si fur solden gan,
Verse: 1B     Vrlovp si namen,   daz si fvr solden gan,
Verse: 1C     Vrlovp si gewnnen,   si solden fvr gao,

Verse: 2     vnd iahen daz siz waeren   livdegeres man
Verse: 2A     vnd iahen daz siz weren   Liudgers man,
Verse: 2B     vnd iahen daz siz wæren   Livdegeres man,
Verse: 2C     vñ iahen daz si wæren   die Livdegers man,

Verse: 3     den e hete betwungen   div sifrides hant
Verse: 3A     den ê da hete betwungen   Sifrides hant
Verse: 3B     den ê hete betwngen   div Sifrides hant
Verse: 3C     den ê da het betwngen   div Sivrides hant

Verse: 4     vnd in ce gisel brahte   in daz gvntheres lant
Verse: 4A     vnd in ce gisle brehte   in Gvnthers lant.
Verse: 4B     vnd in ce gisel brahte   in daz Gvntheres lant.
Verse: 4C     vñ in ze gisel brahte   in daz Guntheres lant.



Strophe: 909   { |X879 / Strophe of Ms. A: 822   / Strophe of Ms. B: 876   / Strophe of Ms. C: 887   }


Verse: 1     di boten er do grvzte   vnd hiez si sitzen gan
Verse: 1A     Die boten er do gruͦzte   vñ hiez si sicen gan.
Verse: 1B     Di boten er do grvzte   vnd hiez si sitzen gan.
Verse: 1C     Die boten er do grvzte   vñ hiez si sizzen gan.

Verse: 2     ir einer sprach darvnder   herre lat vns stan
Verse: 2A     einer sprach darunder:   "herre, lat vns stan,
Verse: 2B     ir einer sprach dar vnder:   "herre, lat vns stan,
Verse: 2C     ir einer sprach dar vnder:   "herre, lat uns stan,

Verse: 3     vnze wir sagen maere   die iv enbotten sint
Verse: 3A     vnz wir gesagen mere,   div iv enboten sint.
Verse: 3B     vnze wir sagen mære,   die iv enbotten sint.
Verse: 3C     vnz wir sagn div mære,   di iv enboten sint.

Verse: 4     ia habt ir ce vinde   daz wizzet maniger mvter chint
Verse: 4A     ia habet ir ce viende,   daz wizzet, maniger muͦter kint.
Verse: 4B     ia habt ir ce <vinde>,   daz wizzet, maniger mvter chint.
Verse: 4C     ia habt ir ze vinde,   daz wizzet, manich mvter kint.



Strophe: 910   { |X880 / Strophe of Ms. A: 823   / Strophe of Ms. B: 877   / Strophe of Ms. C: 888   }


Verse: 1     iv widersaget livdegast   vnd livdeger
Verse: 1A     Iv widerseit Livdegast   vnd Livdger,
Verse: 1B     I2v widersaget Livdegast   vnd Livdeger,
Verse: 1C     Iv widersagt Livdegast   vñ Livdeger,

Verse: 2     den ir da wilen tatet   div grozlichen ser
Verse: 2A     den ir da willen <tatet>   gremlichiv ser.
Verse: 2B     den ir da wilen tatet   div grozlichen ser.
Verse: 2C     den ir da wilen tatent   div gremlichen ser.

Verse: 3     di wellent zv ziv riten   mit her in diz lant
Verse: 3A     die wellent zuͦ iv riten   mit her in dice lant."
Verse: 3B     di wellent zv ziv riten   mit her in diz lant."
Verse: 3C     die wellent zvͦ ziv riten   mit her in dizze lant."

Verse: 4     der chvenich begonde zvrnen   do er div maere bevant
Verse: 4A     der kvnich begvnde zvrnen,   do er div mere bevant.
Verse: 4B     der chvͤnich begonde zvrnen,   do er div mære bevant.
Verse: 4C     do begunde zvrnen Gunther,   als ob ez wære im vnbechant.



Strophe: 911   { |X881 / Strophe of Ms. A: 824   / Strophe of Ms. B: 878   / Strophe of Ms. C: 889   }


Verse: 1     do hiez man di meinraeten   zen herbergen varn
Verse: 1A     Man hiez die meinræten   zern herbergen varn.
Verse: 1B     Do hiez man di meinræten   zen herbergen varn.
Verse: 1C     M2an hiez die trvgenære   zen her/bergen varn.

Verse: 2     wi mohte sich her sifrit   do davor bewarn
Verse: 2A     wie mohte sich Syfrit   da vor do bewarn -
Verse: 2B     wi mohte sich her Sifrit   do da vor bewarn -
Verse: 2C     wie chunde sich Sivrit   do da vor bewarn -

Verse: 3     er oder ander iemen   daz si da trvgen an
Verse: 3A     er oder ander ieman -   daz si do truͦgen an?
Verse: 3B     er oder andr iemen -   daz si da trvgen an?
Verse: 3C     er oder ander iemen -   daz si trugen an?

Verse: 4     daz wart sit in selben   ce grozem leide getan
Verse: 4A     daz wart sid in selben   ce grozem leide getan.
Verse: 4B     daz wart sit in selben   ce grozem leide getan.
Verse: 4C     daz wart sider in selben   ze grozem leide getan.



Strophe: 912   { |X882 / Strophe of Ms. A: 825   / Strophe of Ms. B: 879   / Strophe of Ms. C: 890   }


Verse: 1     der chvnich mit sinen vrivnden   rvonende gie
Verse: 1A     Der kvnich mit sinen frivnden   ruͦnende gie.
Verse: 1B     Der chvnich mit sinen vrivnden   rvͦnende gie.
Verse: 1C     Der kvnic mit sinen frivnden   rvnende gie.

Verse: 2     hagen von tronege   in nie geruwen lie
Verse: 2A     Hagne von Trony   in nie geriwen lie.
Verse: 2B     Hagen von Tronege   in nie gerwen lie.
Verse: 2C     Hagene von Tronege   in nie gerowen lie.

Verse: 3     noch heten ez gescheiden   genvge skveniges man
Verse: 3A     nach heten ez gesceiden   des kvniges man.
Verse: 3B     noch heten ez gescheiden   genvge skvͤniges man.
Verse: 3C     noch heten ez gescheiden   gnvͦge skuniges man.

Verse: 4     do ne wolt et hagene   nie des tages abgegan
Verse: 4A     do wolde et Hagne   nie des rates abe gan.
Verse: 4B     done wolt et Hagene   nie des tages ab gegan.
Verse: 4C     done wolde Hagene   niedes \ rates abe gan.   { \ Page of Ms. B: 34r   A:_34r }



Strophe: 913   { |X883 / Strophe of Ms. A: 826   / Strophe of Ms. B: 880   / Strophe of Ms. C: 891   }


Verse: 1     eines tages si sifriden   ruowende vant
Verse: 1A     Eins tages si Sifrit   ruͦnende vant.
Verse: 1B     E2ines tages si Sifriden   rwͦende vant.
Verse: 1C     Eines tages Sivrit   si rvͦnende vant.

Verse: 2     do begonde vragen   der helt von niderlant
Verse: 2A     do begvnde vragen   der helt von Niderlant:
Verse: 2B     do begonde vragen   der helt von Niderlant:
Verse: 2C     do begunde vragen   der helt von Niderlant:

Verse: 3     wi gat so tvrechliche   der chvnich vnt sine man
Verse: 3A     "wie gat so truͦreclichen   der kvnich vnd sine man?
Verse: 3B     "wi gat so trvrechliche   der chvnich vnt sine man?
Verse: 3C     "wie get so trvrekliche   der kunic uñ sine man?

Verse: 4     daz hilf ich im imer rechen   hat im iemen iht getan
Verse: 4A     daz hilfe ich immer reken,   hat in ieman iht getan."
Verse: 4B     daz hilf ich im imer rechen,   hat im iemen iht getan."
Verse: 4C     daz sol ich immer rechen,   hat im iemen iht getan.



Strophe: 914   { |X884 / Strophe of Ms. A: 827   / Strophe of Ms. B: 881   / Strophe of Ms. C: 892   }


Verse: 1     do sprach der herre gvnther   mir ist von schvlden leit
Verse: 1A     Do sprach kvnich Gvnther:   "mir ist von schvlden leit.
Verse: 1B     Do sprach der herre Gvnther:   "mir ist von schvlden leit.
Verse: 1C     D2o sprach der kunic Gunther:   "mir ist von schulden leit.

Verse: 2     livdegast vnd livdeger   di habent mir widerseit
Verse: 2A     Liudgast vnd Livdger   habent mir widerseit.
Verse: 2B     Livdegast vnd Livdeter   di habent mir widerseit.
Verse: 2C     Livdegast uñ Livdeger   di hant mir widerseit.

Verse: 3     si wellent offenlichen   riten in min lant
Verse: 3A     si wellen offenliche   riten in min lant."
Verse: 3B     si wellent offenlichen   riten in min lant."
Verse: 3C     si wellent nv offenliche   riten in min lant."

Verse: 4     do sprach der degen chvne   daz sol div sifrides hant
Verse: 4A     do sprach der degen kvͤne:   "daz sol Sifrides hant
Verse: 4B     do sprach der degen chvne:   "daz sol div Sifrides hant
Verse: 4C     do sprach der degen chuͤne:   "daz sol div Sivrides hant



Strophe: 915   { |X885 / Strophe of Ms. A: 828   / Strophe of Ms. B: 882   / Strophe of Ms. C: 893   }


Verse: 1     nach allen iwern eren   mit vlize vnderstan
Verse: 1A     nach allen ivren eren   mit flize vnderstan.
Verse: 1B     nach allen iwern eren   mit vlize vnderstan.
Verse: 1C     wol nach iwern eren   mit vlize vnderstan.

Verse: 2     ich getvn noch den daegenen   als ich han e getan
Verse: 2A     ich tuͦn noch degenen   als ich in ê han getan.
Verse: 2B     ich getvn noch den dægenen   als ich han ê getan.
Verse: 2C     ia getvn ich den degenen   als ich han ê getan.

Verse: 3     ich gelege in wuehste   ir bverge vnd ovch ir lant
Verse: 3A     ich lege in wuͤste   ir burge vnd oͮch ir lant,
Verse: 3B     ich gelege in wͤhste   ir bvͤrge vnd ovch ir lant,
Verse: 3C     ich gelege in wste   ir burge vñ ovch ir lant,

Verse: 4     e daz ich erwinde   des sin min hovbet iwer pfant
Verse: 4A     ê daz ich erwinde;   des si min hovbet iwer phant.
Verse: 4B     ê daz ich erwinde;   des sin min hovbet iwer pfant.
Verse: 4C     ê daz ich erwinde;   des si min hvͦbet iwer pfant.



Strophe: 916   { |X886 / Strophe of Ms. A: 829   / Strophe of Ms. B: 883   / Strophe of Ms. C: 894   }


Verse: 1     ir vnt iwer recken   svlt hi heime bestan
Verse: 1A     Ir vnd iwer reken   svlt hie heim bestan
Verse: 1B     I2r vnt iwer recken   svlt hi heime bestan
Verse: 1C     Ir uñ iwer rechen   ir sult hie bestan

Verse: 2     vnd lat mich zv zin riten   mit den di ich han
Verse: 2A     vnde lat mich zuͦ in riten   mit den die ich han.
Verse: 2B     vnd lat mich zv <zin> riten   mit den di ich han.
Verse: 2C     vñ lat mich zvͦ zin riten   mit den vñ ich hie han.

Verse: 3     daz ich iv gerne diene   daz laz ich ivch sehen
Verse: 3A     daz ich iv gerne diene,   daz laze ich iv sehen.
Verse: 3B     daz ich iv gerne diene,   daz laz ich ivch sehen.
Verse: 3C     daz ich iv gerne diene,   daz laz ich ivch gesehn."

Verse: 4     von mir sol iweren vienden   daz wizzet leide geschehen
Verse: 4A     von mir sol iwern vienden,   wizzet, leide geschehen."
Verse: 4B     von mir sol eweren vienden,   daz wizzet, leide geschehen."
Verse: 4C     do begunde im Gunther   darvmbe groz genade iehn.



Strophe: 917   { |X887 / Strophe of Ms. A: 830   / Strophe of Ms. B: 884   }


Verse: 1     so wol mich dirre maere   sprach der chvenich do
Verse: 1A     "So wol mich dirre mere",   sprach der kvnich do,
Verse: 1B     "So wol mich dirre mære",   sprach der chvͤnich do,

Verse: 2     als ob er ernstliche   der helffe waere vro
Verse: 2A     als ob er ernsliche   der helfe were vro.
Verse: 2B     als ob er ernstliche   der helffe wære vro.

Verse: 3     mit valsche neig im tieffe   der vngetriwe man
Verse: 3A     in valsche neig im tiefe   der vngetriwe man.
Verse: 3B     mit valsche neig im tieffe   der vngetriwe man.

Verse: 4     do sprach der herre sifrit   ir svlt vil chleine sorge han
Verse: 4A     do sprach der herre Sifrit:   "ir svlt kleine sorge han."
Verse: 4B     do sprach der herre Sifrit:   "ir svlt vil chleine sorge han" \   { \ Page of Ms. C: 331b  C:_331b }



Strophe: 918   { |X888 / Strophe of Ms. A: 831   / Strophe of Ms. B: 885   / Strophe of Ms. C: 895   }


Verse: 1     do schichten si die reise   mit den chnehten dan
Verse: 1A     Do schikten si die reise   mit den knehten dan.
Verse: 1B     Do schichten si di reise   mit den chnehten dan.
Verse: 1C     D2o schicten si die reise   mit den knehten dan.

Verse: 2     sifride vnd den sinen   ce sehen was ez getan
Verse: 2A     Sifride vnd den sinen   ce sehenne ez was getan.
Verse: 2B     Sifride vnd den sinen   ce sehen was ez getan.
Verse: 2C     Sivride uñ sinen degenen   ze sehn ez was getan.

Verse: 3     do hiez er sich bereiten   di von niderlant
Verse: 3A     do hiez er sich bereiten   die von Niderlant.
Verse: 3B     do hiez er sich bereiten   di von Niderlant.
Verse: 3C     do hiez er sich bereiten   die von Niderlant.

Verse: 4     di sifrides recken   svchten stritechlich gewant
Verse: 4A     Sifrides reken   suͦhten stritlich gewant.
Verse: 4B     di Sifrides recken   svchten stritechlich gewant.
Verse: 4C     die vzerwelten degene   die svhten stritlich gewant.



Strophe: 919   { |X889 / Strophe of Ms. A: 832   / Strophe of Ms. B: 886   / Strophe of Ms. C: 896   }


Verse: 1     do sprach der starche sifrit   min vater sigemvnt
Verse: 1A     Do sprach der starke Sifrit:   "vater min, her Sigmvnt,
Verse: 1B     D2o sprach der starche Sifrit:   "min vater Sigemvnt,
Verse: 1C     Do sprach der herre Sifrit:   "min vater Sigemunt,

Verse: 2     ir svlt hi beliben   wir chomen in chvrcer stvnt
Verse: 2A     ir svlt hie beliben.   wir komen in kurzer stvnt -
Verse: 2B     ir svlt hi beliben.   wir chomen in chvrcer stvnt -
Verse: 2C     ir svlt hie beliben.   ich chvͦm in kurcer stvnt -

Verse: 3     git vns got gelveche   her wider an den rin
Verse: 3A     git vns got geluke -   her wider an den Rin.
Verse: 3B     git vns got gelvͤche -   her wider an den Rin.
Verse: 3C     git uns got gelucke -   her wider an den Rin.

Verse: 4     ir svlt bi dem chvnige   hie vil vroliche sin
Verse: 4A     ir svlt bi dem kvnige   hie vil vrolichen sin."
Verse: 4B     ir svlt bi dem chvnige   hie vil vroliche sin."
Verse: 4C     ir sult bi dem kunige   hie vil vroliche sin."



Strophe: 920   { |X890 / Strophe of Ms. A: 833   / Strophe of Ms. B: 887   / Strophe of Ms. C: 897   }


Verse: 1     div zeichen si an bvnden   also si wolden dan
Verse: 1A     Diu zeiken si ane bvnden,   alse si wolden dan. \   { \ Page of ms. B: 34b   B:_34b }
Verse: 1B     Div zeichen si an bvnden,   also si wolden dan.
Verse: 1C     Div zeichen si an bunden,   also si wolden dan.

Verse: 2     da waren genvge   di gvntheres man
Verse: 2A     do waren da genuͦge   Gvnthers man,
Verse: 2B     da waren genvge   di Gvntheres man,
Verse: 2C     do waren da genvge   Guntheres man,

Verse: 3     di ne wessen niht der maere   davon ez was geschehen
Verse: 3A     die wessen niht der mere,   wa von ez was geschehen.
Verse: 3B     dine wessen niht der mære,   <da> von ez was geschehen.
Verse: 3C     dine wessen niht der mære,   wa von ez was geschehn.

Verse: 4     man mohte groz gesinde   do bi sifride sehen
Verse: 4A     man mohte groz gesinde   do bi Sifride sehen.
Verse: 4B     man mohte groz gesinde   do bi Sifride sehen.
Verse: 4C     man mohte groz gesinde   do bi Sivride sehn.



Strophe: 921   { |X891 / Strophe of Ms. A: 834   / Strophe of Ms. B: 888   / Strophe of Ms. C: 898   }


Verse: 1     ir helme vnd ovch ir prvenne   si bvnden vf di march
Verse: 1A     Ir helme vnd oͮch ir brvnne   si bvnden vf div march.
Verse: 1B     Ir helme vnd ovch ir prvͤnne   si bvnden vf di march.
Verse: 1C     Ir helm vñ o^ch ir pruͤnne   si bvnden vf div march.

Verse: 2     sich bereite vome lande   vil manich ritter starch
Verse: 2A     sich bereite von dem lande   manich riter starch.
Verse: 2B     sich bereite vome lande   vil manich ritter starch.
Verse: 2C     do wolde von dem lande   vil manich reche starch.

Verse: 3     do gi von tronege hagene   da er criemhilde vant
Verse: 3A     do gie von Trony Hagne   da er Kriemhilde vant.
Verse: 3B     so gi von Tronege Hagene   da er Criemhilde vant
Verse: 3C     do gie von Tronege Hagene   da er Chriemh' vant

Verse: 4     vnt bat im geben vrlovp   si wolden rvmen daz lant
Verse: 4A     er bat im geben vrloͮp;   si wolden rvmen daz lant.
Verse: 4B     vnt bat im geben vrlovp;   si wolden rvmen daz lant.
Verse: 4C     vñ bat im gebn vrlovp;   si wolden rvmen daz lant.



Strophe: 922   { |X892 / Strophe of Ms. A: 835   / Strophe of Ms. B: 889   / Strophe of Ms. C: 899   }


Verse: 1     nv wol mich sprach do criemhilt   daz ich ie gewan den man
Verse: 1A     "Wol mich", sprach Chriemhilt,   "daz ich ie den man gewan,
Verse: 1B     "N2v wol mich", sprach do Criemhilt,   "daz ich ie gewan den man,
Verse: 1C     "S2o wol mich", sprach do Chriemh',   "daz ich ie gewan den man,

Verse: 2     der minen lieben vrivnden   wol tar vor gestan
Verse: 2A     der minen lieben vrivnden   so wol tar vor stan,
Verse: 2B     der minen lieben vrivnden   wol tar vor gestan,
Verse: 2C     der minen lieben frivnden   so tar vor gestan,

Verse: 3     also min herre sifrit   tvt den vrivnden min
Verse: 3A     alse min her Sifrit   tuͦt den frivnden min.
Verse: 3B     also min herre Sifrit   tvt den vrivnden min.
Verse: 3C     also min herre Sivrit   tvͦt den friunden min.

Verse: 4     des wil ich hohes mvtes   sprach div chveneginne sin
Verse: 4A     des wil ich hohes muͦtes",   sprach div kvnniginne, "sin.
Verse: 4B     des wil ich hohes mvtes",   sprach div chvͤneginne, "sin.
Verse: 4C     des mvͦz ich hohes mvtes",   sprach div kuniginne, "sin.



Strophe: 923   { |X893 / Strophe of Ms. A: 836   / Strophe of Ms. B: 890   / Strophe of Ms. C: 900   }


Verse: 1     vil lieber vrivnt hagene   gedenchet ane daz
Verse: 1A     Lieber friunt, er Hagene,   degenket an daz,
Verse: 1B     Vil lieber vrivnt Hagene,   gedenchet ane daz,
Verse: 1C     Vil lieber frivnt Hagene,   nv gedenchet an daz,

Verse: 2     daz ich iv gerne diene   vnd noch nie wart gehaz
Verse: 2A     daz ich in gerne diene   vnd noch nie wart gehaz.
Verse: 2B     daz ich iv gerne diene   vnd noch nie wart gehaz.
Verse: 2C     daz ich iv gerne diene   vñ nie noch wart gehaz.

Verse: 3     des lazzet mich geniezen   an minem liebem man
Verse: 3A     des lat mich geniezen   an minen lieben man.
Verse: 3B     des lazzet mich geniezen   an minem liebem man.
Verse: 3C     des lazet mich geniezen   an minen lieben man.

Verse: 4     ern sol des niht engelten   hab ich prvnnhilde iht getan
Verse: 4A     er sol des niht enkelten,   hab ich Prunhilt iht getan.
Verse: 4B     ern sol des niht engelten,   hab ich Prvnnhilde iht getan.
Verse: 4C     ern sol des niht engelten,   hab ich Prunh' iht getan.



Strophe: 924   { |X894 / Strophe of Ms. A: 837   / Strophe of Ms. B: 891   / Strophe of Ms. C: 901   }


Verse: 1     daz hat mich sit geruowen   sprach daz edel wip
Verse: 1A     Daz hat mich sit gerowen",   sprach daz edel wip.
Verse: 1B     Daz hat mich sit gerwͦen",   sprach daz edel wip.
Verse: 1C     Daz hat mih sit gerowen",   sprach daz edel wip.

Verse: 2     ovch hat er darvmbe   cerbluowen minen lip
Verse: 2A     "oͮch hat er so zerbloͮwen   darvmbe minen lip.
Verse: 2B     "ovch hat er dar vmbe   cerblwͦen minen lip.
Verse: 2C     "ovch hat er so zerblowen   dar vmbe minen lip.

Verse: 3     daz ich iz ie geredete   daz beswaeret ir den mvt
Verse: 3A     daz ichz iê gereite   daz beswarte im den mvͦt.
Verse: 3B     daz ich iz ie geredete   daz beswæret ir den mvt,
Verse: 3C     daz ich ie beswarte   ir mit rede den mvͦt,

Verse: 4     daz hat vil wol errochen   der helt chvne vnd gvt
Verse: 4A     daz hat vil wol erroken   der degen kuͤne vnde guͦt."
Verse: 4B     daz hat vil wol errochen   der helt chvne vnd gvt."
Verse: 4C     daz hat vil wol errochen   der helt chune vñ gvͦt."



Strophe: 925   { |X895 / Strophe of Ms. A: 838   / Strophe of Ms. B: 892   / Strophe of Ms. C: 902   }


Verse: 1     er sprach ir wert versvenet   noch wol nach disen tagen
Verse: 1A     Er sprach: "ir werdet wol versuͤnet   her nach disen tagen.
Verse: 1B     E2r sprach: "ir wert versvͤnet   noch wol nach disen tagen.
Verse: 1C     "Ir werdet wol gefrivnde   her nach disen tagen.

Verse: 2     criemhilt min liebiv vrowe   ia svlt ir mir sagen
Verse: 2A     Kriemhilt, liebiv vrowe,   ia sult ir mir sagen,
Verse: 2B     Criemhilt, min liebiv vrowe,   ia svlt ir mir sagen,
Verse: 2C     Chriemh', liebiv frowe,   ia sult ir mir sagen,

Verse: 3     wi ich iv mvge gedienen   an sifride iwerm man
Verse: 3A     wie ich iv mvge dienen   an Sifride iwern man.
Verse: 3B     wi ich iv mvge gedienen   an Sifride iwerm man.
Verse: 3C     wie ich iv mvge gedienen   an Sifride iwerm man.

Verse: 4     daz tvn ich gerne vrowe   wand ich es niemen baz en gan
Verse: 4A     daz tuͦn ich gerne, froͮwe;   baz ichs nieman engan."
Verse: 4B     daz tvn ich gerne, vrowe,   wand iches niemen baz engan."
Verse: 4C     daz tvͦn ich, frowe, gerne;   baz ihs niemen gan."



Strophe: 926   { |X896 / Strophe of Ms. A: 839   / Strophe of Ms. B: 893   / Strophe of Ms. C: 903   }


Verse: 1     ich waere an alle sorge   sprach daz edel wip
Verse: 1A     "Ich were an alle sorge",   sprach do daz edel wip,
Verse: 1B     "Ich wære an alle sorge",   sprach daz edel wip,
Verse: 1C     "Ich wær alle sorge",   sprach daz edel wip,

Verse: 2     daz im iemen naeme   in stvrme sinen lip
Verse: 2A     "daz im ieman neme   in stvrme sinen lip,
Verse: 2B     "daz im iemen næme   in stvrme sinen lip,
Verse: 2C     "daz im niemen næme   in stvrme sinen lip,

Verse: 3     ob er niht wolde volgen   siner vebermvt
Verse: 3A     ob er niht wolde volgen   siner vbermvͦt,
Verse: 3B     ob er niht wolde volgen   siner vͤbermvt,
Verse: 3C     ob er niht volgen wolde   siner vbermvͦt,

Verse: 4     so waere im sicher   der degen chvne vnd gvt
Verse: 4A     so were immer sicher   der degen kuͤne vnde guͦt."
Verse: 4B     so wære im sicher   der degenchvne vnd gvt."
Verse: 4C     so wær ovch immer sicher   der helt chuͤne vñ gvͦt."



Strophe: 927   { |X897 / Strophe of Ms. A: 840   / Strophe of Ms. B: 894   / Strophe of Ms. C: 904   }


Verse: 1     vrowe sprach do hagene   vnt habt ir des wan
Verse: 1A     "Vrowe", sprach do Hagne,   "vñ habet ir des wan,
Verse: 1B     "Vrowe", sprach do Hagene,   "vnt habt ir des wan,
Verse: 1C     D2o sprach aber Hagene:   "frowe, habt ir wan,

Verse: 2     daz man in mvege versniden   ir svlt mich wizzen lan
Verse: 2A     daz man in mvge versniden,   ir svlt mich wizzen lan,
Verse: 2B     daz man in mvͤge \ versniden,   ir svlt mich wizzen lan,   { \ Page of Ms. B: 332a   A:_332a }
Verse: 2C     ob man in mvge \ versenden,   ir svlt mich wizzen lan,   { \ Page of ms. B: 34v   B:_34v }

Verse: 3     mit wi getanen listen   ich daz sol vndersten
Verse: 3A     mit wie getanen listen   sol ichz vndersten.
Verse: 3B     mit wi getanen listen   ich daz sol vndersten.
Verse: 3C     mit wie getanen listen   ich daz svͤl vnderstan.

Verse: 4     ich wil im ce hvte   immer riten vnd gen
Verse: 4A     ich wil im ze huͦte   immer riten vnde gen."
Verse: 4B     ich wil <im> ce hvte   immer riten vnd gen."
Verse: 4C     ich wil im ze hvͦte   immer riten vñ gan."



Strophe: 928   { |X898 / Strophe of Ms. A: 841   / Strophe of Ms. B: 895   / Strophe of Ms. C: 905   }


Verse: 1     si sprach dv bist min mach   vnd ich pin der din
Verse: 1A     Si sprach: "dv bist min mach,   so bin ich der din.
Verse: 1B     S2i sprach: "dv bist min mach,   vnd ich pin <der> din.
Verse: 1C     Si sprach: "dv bist min mag,   sam bin ich der din.

Verse: 2     ich bevilhe dir mit triwen   den lieben wine min
Verse: 2A     ich bevilhe dir vf triwe   man den lieben min,
Verse: 2B     ich bevilhe dir mit triwen   den lieben wine min,
Verse: 2C     ich bevilhe dir mit triwen   den holden wine min,

Verse: 3     daz tv mir wol behvetest   den min holden man
Verse: 3A     daz dv wol behuͤtest   mir den lieben man."
Verse: 3B     daz tv mir wol behvͤtest   den min holden man."
Verse: 3C     daz dv mir behvtest   den minen lieben man."

Verse: 4     si sagt im chvendiv maere   div bezzer waeren verlan
Verse: 4A     si seit im kvndiv mere,   div vil bezzer wæren verlan.
Verse: 4C     si seit im kundiv mære,   daz bezzer wære verlan.



Strophe: 929   { |X899 / Strophe of Ms. A: 842   / Strophe of Ms. B: 896   / Strophe of Ms. C: 906   }


Verse: 1     si sprach min man ist chvene   vnt darzv starch genvch
Verse: 1A     Si sprach: "min man ist kuͤne,   dar zuͦ starch genuͦch.
Verse: 1B     Si sprach: "min man ist chvͤne   vnt dar zv starch genvch.
Verse: 1C     Si sprach: "min man ist chvͤne,   dar zv starch genvͦch.

Verse: 2     do er den lintrachen   an dem berge slvch
Verse: 2A     do er den lintdrachen   an deme berge sluͦch,
Verse: 2B     do er den lintrachen   an dem berge slvch,
Verse: 2C     do er den lintrachen   an dem berge slvͦch,

Verse: 3     ia badete sich in   dem plvote der reche vil gemeit
Verse: 3A     ia badete sich der reke   in dem bluote vil gemeit,
Verse: 3B     ia badete sich in dem plvͦte   der reche vil gemeit,
Verse: 3C     do batte sich in dem blvͦte   der reche vil gemeit,

Verse: 4     davon in sit in stvrmen   nie dehein waffen versneit
Verse: 4A     da von in seit in stvrmen   kein wafen nie versneit.
Verse: 4B     da von in sit in stvrmen   nie dehein waffen versneit.
Verse: 4C     da von in sit in stvremen   nie dehein wafen versneit.



Strophe: 930   { |X900 / Strophe of Ms. A: 843   / Strophe of Ms. B: 897   / Strophe of Ms. C: 907   }


Verse: 1     jedoch pin ich in sorgen   swenn er in strite stat
Verse: 1A     Idoch bin ich in sorgen,   swenne er in strite stat
Verse: 1B     Iedoch pin ich in sorgen,   swenn er in strite stat
Verse: 1C     Idoch so han ich sorge,   swenner in stvrme stat

Verse: 2     vnd vil der gershvezze   von helden hande gat
Verse: 2A     vnd vil der gersuzze   von helde hande gat,
Verse: 2B     vnd vil der gershvͤzze   von helden hande gat,
Verse: 2C     vñ vil der gereschvzze   von rechen handen gat,

Verse: 3     daz ich da verliese   den minen lieben man
Verse: 3A     daz ich da verliese   den minen lieben man.
Verse: 3B     daz ich da verliese   den minen lieben man.
Verse: 3C     daz ich da verliese   den minen lieben man.

Verse: 4     hey waz ich grozzer sorge   diche vmbe sifriden han
Verse: 4A     hei waz ich grozer sorge   dike vmb Sifriden han!
Verse: 4B     hey waz ich grozzer sorge   <diche> vmbe Sifriden han!
Verse: 4C     hey waz ich grozzer leide   dicke vmbe minnen frivnt han!



Strophe: 931   { |X901 / Strophe of Ms. A: 844   / Strophe of Ms. B: 898   / Strophe of Ms. C: 908   }


Verse: 1     ich meld iz vf genade   vil lieber vrivnt
Verse: 1A     Ich melde ez vf genade,   vil lieber frivnt, dir,
Verse: 1B     I2ch meld iz vf genade,   vil lieber <vrivnt>,
Verse: 1C     Ich meldez vf genade,   vil lieber frivnt, dir,

Verse: 2     daz dv dine triwe   behaltest ane mir
Verse: 2A     daz dv dine triwe   behaltest ane mir.
Verse: 2B     daz dv dine triwe   behaltest ane mir.
Verse: 2C     daz dv dine triwe   behaldest ane mir.

Verse: 3     da man da mach verhowen   den minen lieben man
Verse: 3A     da man da mach verhowen   den minen lieben man,
Verse: 3B     da man da mach verhowen   den minen lieben man,
Verse: 3C     da man da mach verhowen   den minen lieben man,

Verse: 4     daz laz ich dich hoeren   deist vf genade getan
Verse: 4A     daz laze ich dich hoͤren;   dest vf genade getan.
Verse: 4B     daz laz ich dich hoͤren;   deist vf genade getan.
Verse: 4C     daz laz ich dich wol hoͤre;   dest vf genade getan.



Strophe: 932   { |X902 / Strophe of Ms. A: 845   / Strophe of Ms. B: 899   / Strophe of Ms. C: 909   }


Verse: 1     do von des trachen wunden   vloz daz heize blvt
Verse: 1A     Do von des draken   bluote
Verse: 1B     Do von des trachen wnden   volz daz heize blvt
Verse: 1C     D2o von <des> trachen wnden   vloz daz heize blvͦt

Verse: 2     vnd sich darinne badete   der chvene ritter gvt
Verse: 2A     sich   der riter guot,
Verse: 2B     vnd sich dar inne badete   der chvͤne ritter gvt,
Verse: 2C     vñ sich dar inne badete   der chuͤne reche gvͦt,

Verse: 3     do viel im zwihssen di herte   ein lindenblat vil breit
Verse: 3A     do viel im zwischen der herte   ein linden blat vil breit.
Verse: 3B     do viel im zwihssen di herte   ein lindenblat vil breit.
Verse: 3C     do gehafte im zwischen herten   ein lindenblat vil breit.

Verse: 4     da mach man in versniden   des ist mir sorgen vil bereit
Verse: 4A     da mac in versniden;   des han ich sorge vnde leit." \   { \ Page of Ms. C: 35a  C:_35a }
Verse: 4B     da mach man in versniden;   des ist mir sorgen vil bereit."
Verse: 4C     da mac man in verhowen;   des ist mir sorgen vil bereit."



Strophe: 933   { |X903 / Strophe of Ms. A: 846   / Strophe of Ms. B: 900   / Strophe of Ms. C: 910   }


Verse: 1     do sprach von tronege hagene   vf daz sin gewant
Verse: 1A     Do sprach von Trony Hagene:   "vf daz sin gewant
Verse: 1B     Do sprach von Tronege Hagene:   "vf daz sin gewant
Verse: 1C     Do sprach der ungetriwe:   "vf daz sin gewant

Verse: 2     naet ir im ein chleinez ceichen   da ist mir bi bechant
Verse: 2A     nat ein cleinez zeichen.   da bi ist mir bekant,
Verse: 2B     næt ir im ein chleinez ceichen,   da ist mir bi bechant
Verse: 2C     nêt ir ein kleinez zeichen   mit iwer selbes hant,

Verse: 3     wa ich in mvege behevten   so wir in stvrme stan
Verse: 3A     wa ich in mvge behuͤten,   so wir in sturmen stan."
Verse: 3B     wa ich in mvͤge behevten,   so wir in stvrme stan."
Verse: 3C     wa ich in svle behvten,   daz ich daz mvge verstan."

Verse: 4     si wanden helt do vristen   ez was vf sinen tot getan
Verse: 4A     si wande den helt vristen;   ez was vf sinen tot getan.
Verse: 4B     si wanden helt do vristen;   ez was vf sinen tot getan.
Verse: 4C     si wanden helt do vristen;   ez was vf sinen tot getan.



Strophe: 934   { |X904 / Strophe of Ms. A: 847   / Strophe of Ms. B: 901   / Strophe of Ms. C: 911   }


Verse: 1     si sprach mit chleinen siden   nae ich vf sin gewant
Verse: 1A     Si sprach: "mit kleinen siden   ne ich vf sin gewant
Verse: 1B     S2i sprach: "mit chleinen siden   næ ich vf sin gewant
Verse: 1C     Si sprach: "mit kleinen siden   næ ich vf sin gewant

Verse: 2     ein tovgenlichez crvece   da sol helt din hant
Verse: 2A     ein tovgenlichez crivze.   da sol, helt, din hant
Verse: 2B     ein tovgenlichez crvͤce.   da sol, helt, din hant
Verse: 2C     ein tovgenlichez cruce.   da sol, helt, din hant

Verse: 3     den minen man behivten   so ez an di herte gat
Verse: 3A     minen man behuͦten,   so ez an die herte gat,
Verse: 3B     den minen man behivten,   so ez an di herte gat,
Verse: 3C     den minen man behvͤten,   soz an die herte gat

Verse: 4     swenn er in den stvermen   vor sinen vienden stat
Verse: 4A     swenne er in den stvrmen   vor sinen vienden stat."
Verse: 4B     swenn er in den stvͤrmen   vor sinen vienden stat."
Verse: 4C     vñ er in starchen sturmen   vor sinen vianden stat."



Strophe: 935   { |X905 / Strophe of Ms. A: 848   / Strophe of Ms. B: 902   / Strophe of Ms. C: 912   }


Verse: 1     daz tvn ich sprach do hagene   vil liebiv vrowe min
Verse: 1A     "Daz tuͦn ich", sprach do Hagene,   "vil liebiv vroͮwe min."
Verse: 1B     "Daz tvn ich", sprach do Hagene,   "vil liebiv vrowe min."
Verse: 1C     "Daz tvn ich", sprach do Hagene,   "vil liebiv frowe min."

Verse: 2     do wand ovch des div vrowe   ez sold im vrvme sin
Verse: 2A     do wand oͮch div vroͮwe,   ez sold im frume sin.
Verse: 2B     do wand ovch des div vrowe,   ez sol im vrvme sin.
Verse: 2C     do wande ovch des div frowe,   ez solde ir frvͦm sin.

Verse: 3     do was damit verraten   der criemhilde man
Verse: 3A     do was da mite verraten   der Kriemhilde man.
Verse: 3B     do was da mit verraten   der Criemhilde man.
Verse: 3C     da mite was verraten   der vil chune man.

Verse: 4     vrlovp nam do hagene   do gie er vroeliche dan
Verse: 4A     vrlovp nam do Hagene;   do gie er vroͤlichen dan.
Verse: 4B     vrlovp nam do Hagene;   do gie er vroͤliche dan.
Verse: 4C     vrlovp nam do Hagene;   do gie er vroliche dan.



Strophe: 936   { Strophe of Ms. C: 913   }


Verse: 1C     D2az er revarn hete   bat im sin herre sagen.

Verse: 2C     "mvget ir die reise wenden,   so suln wir riten iagen.

Verse: 3C     ich han nv gar div mære,   wie ich in gewinnen sol.

Verse: 4C     mvget ir nv daz gefuͤge?"   "daz tvͦn ich", sprach der kunic,wohl."



Strophe: 937   { |X906 / Strophe of Ms. A: 849   / Strophe of Ms. B: 903   / Strophe of Ms. C: 914   }


Verse: 1     des chveneges ingesinde   was alliz samt gemvt
Verse: 1A     Des kvniges ingesinde   was allez wol gemvͦt.
Verse: 1B     Des chvͤneges ingesinde   was alliz samt gemvt.
Verse: 1C     Des kuniges ingesinde   was allez wol gemvͦt.

Verse: 2     ich waene immer recke   mer deheiner tvt
Verse: 2A     ich wene nimmer reke   deheiner mer getuͦt
Verse: 2B     ich wæne immer recke   mer deheiner tvt
Verse: 2C     ich wæn immer rechen   deheiner mer getvͦt

Verse: 3     so grozer meinraete   so da von im ergie
Verse: 3A     so groze meinræte,   so da von im ergie,
Verse: 3B     so grozer meinræte,   so da von im ergie,
Verse: 3C     so grozer meinrete,   so von im ergie,

Verse: 4     do sich an sine triwe   criemhilt div chveneginne lie
Verse: 4A     do sich an sine triwe   div schoͤne kvnnigin verlie.
Verse: 4B     do sich an sine triwe   Criemhilt div chvͤneginne lie.
Verse: 4C     do sich an sine triwe   Chriemh' div kuniginne verlie.



Strophe: 938   { |X907 / Strophe of Ms. A: 850   / Strophe of Ms. B: 904   / Strophe of Ms. C: 915   }


Verse: 1     des andern morgens   mit tvsent siner man
Verse: 1A     Des anderen morgens   mit tvsent siner man
Verse: 1B     D2es andern morgens   mit tvsent siner \ man   { \ Page of Ms. B: 332b   A:_332b }
Verse: 1C     An dem dritten morgen   mit tvsint siner man

Verse: 2     reit der herre sifrit   vil vroelichen dan
Verse: 2A     reit der herre Sifrit   vil froͮlichen dan.
Verse: 2B     reit der herre Sifrit   vil vroͤlichen dan.
Verse: 2C     reit der herre Sivrit   vroͤliche dan.

Verse: 3     er wand er solde rechen   der siner vrivnde leit
Verse: 3A     er wand er solde reken   der sinen frivnde leit.
Verse: 3B     er wand er solde rechen   der siner vrivnde leit.
Verse: 3C     er wande solde rechen   siner friunde leit.

Verse: 4     hagen im reit so nahen   daz er geschowete div chleit
Verse: 4A     Hagene im reit so <nahen>,   daz er geschoͮwe div cleit.
Verse: 4B     Hagen im reit so nahen,   daz er geschowete div chleit.
Verse: 4C     Hagene im reit so nahen,   daz er geschowet div kleit.



Strophe: 939   { |X908 / Strophe of Ms. A: 851   / Strophe of Ms. B: 905   / Strophe of Ms. C: 916   }


Verse: 1     als er gesach daz pilde   do schiet er tovgen dan
Verse: 1A     Als er gesach daz bilde,   do scicte er tovgen dan,
Verse: 1B     Als er gesach daz pilde,   do schiet er tovgen dan.
Verse: 1C     Als er gesach daz pilde,   do schicter tovgen dan,

Verse: 2     di sageten ander maere   zwene siner man
Verse: 2A     die seiten andriv mere,   zwene siner man:
Verse: 2B     di sageten ander mære   zwene siner man:
Verse: 2C     die sagten ander mære,   zwene siner man,

Verse: 3     mit vride solde beliben   daz gvntheres lant
Verse: 3A     mit vride solde beliben   daz Gvnthers lant,
Verse: 3B     mit vride solde beliben   daz Gvntheres lant,
Verse: 3C     daz vride habn solde   Guntheres lant.

Verse: 4     vnd si hete livdger   zv dem chvenige gesant
Verse: 4A     vnd si hete Livdger   zuͦ dem kvnige gesant.
Verse: 4B     vnd si hete Livdger   zv dem chvͤnige gesant.
Verse: 4C     si het der herre Livdeger   zvͦ dem kunige gesant.



Strophe: 940   { |X909 / Strophe of Ms. A: 852   / Strophe of Ms. B: 906   / Strophe of Ms. C: 917   }


Verse: 1     wi vngerne sifrit   do hin wider reit
Verse: 1A     O wie ungerne Sifrit   do hin wider reit,
Verse: 1B     Wi vngerne Sifrit   do hin wider reit,
Verse: 1C     W2ie vngerne Sivrit   do hin wider reit,

Verse: 2     ern het etewaz errochen   siner vrivnde leit
Verse: 2A     er enhete ê geroken   siner frivnde leit!
Verse: 2B     ern het etewaz errochen   siner vrivnde leit!
Verse: 2C     ern getætes kuniges uinden   eteslichiv leit!

Verse: 3     wand in vil chvm erwanden   di gvntheres man
Verse: 3A     wan in der reise erwanden   vil kvme Gvnthers man.
Verse: 3B     wand in vil chvm erwanden   di Gvntheres man.
Verse: 3C     wande in vil \ chvme erwanden   die Guntheres man.   { \ Page of ms. B: 35r   B:_35r }

Verse: 4     do reit er zv dem kvenige   der wirt im danchen began
Verse: 4A     er reit zuͦ dem kvnige;   der wirt im danken began:
Verse: 4B     do reit er zv dem kvͤnige;   der wirt im danchen began.
Verse: 4C     do reit er zv dem kunige;   der wirt im danchen began:



Strophe: 941   { |X910 / Strophe of Ms. A: 853   / Strophe of Ms. B: 907   / Strophe of Ms. C: 918   }


Verse: 1     nv lon iv got des willen   vrivnt sifrit
Verse: 1A     "Nv lon iv got des willen,   vriunt, her Sifrit.
Verse: 1B     "N2v lon iv got des willen,   vrivnt Sifrit.
Verse: 1C     "Nv lon iv got des willen,   frivnt Sivrit.

Verse: 2     daz ir so willechliche   tvt des ich ivch bit
Verse: 2A     daz ir so willechlichen   tuͦt des ich iv bit,
Verse: 2B     daz ir so willechliche   tvt des ich ivch bit,
Verse: 2C     daz ir so willechlichen   tvͦt des ich ivch bite,

Verse: 3     daz sol ich immer dienen   als ich von rehte sol
Verse: 3A     daz sol ich immer dienen,   als ich von rehte sol.
Verse: 3B     daz sol ich immer dienen,   als ich von rehte sol.
Verse: 3C     daz sol ich immer dienen,   als ich von rehte sol.

Verse: 4     vor allen minen vrivnden   so getruwe ich iv wol
Verse: 4A     fur alle mine vriunde   getrowe ich iv wol.
Verse: 4B     vor allen minen vrivnden   so getrwe ich iv wol.
Verse: 4C     vor allen minen frivnden   so getrwͦe ich iv wol.



Strophe: 942   { |X911 / Strophe of Ms. A: 854   / Strophe of Ms. B: 908   / Strophe of Ms. C: 919   }


Verse: 1     nv wir der herverte   ledich worden sin
Verse: 1A     Nv wir der herverte   ledech worden sin,
Verse: 1B     Nv wir der herverte   ledich worden sin,
Verse: 1C     Nv wir der hereverte   ledic worden sin,

Verse: 2     so wil ich iagen riten   bern vnd swin
Verse: 2A     so wil ich iagen riten   bern vnd swin
Verse: 2B     so wil ich iagen riten   bern vnd swin
Verse: 2C     so wil ich iagen riten   von Wormez vber den Rin,

Verse: 3     hin cem waschemwalde   als ich vil dike han getan
Verse: 3A     hin ce dem was kein walde,   als ich vil dike han."
Verse: 3B     hin cem Waschemwalde,   als ich vil dike han getan."
Verse: 3C     vñ wil kurcewile   zem Otenwalde han,

Verse: 4     daz het geraten hagene   der vil vngetriwe man
Verse: 4A     daz hete geraten Hagne,   der vil vngetriwe man.
Verse: 4B     daz het geraten Hagene,   der vil vngetriwe man.
Verse: 4C     iagen mit den hunden,   als ich vil dicke han getan.



Strophe: 943   { |X912 / Strophe of Ms. A: 855   / Strophe of Ms. B: 909   / Strophe of Ms. C: 920   }


Verse: 1     allen minen gesten   sol man daz sagen
Verse: 1A     "Allen minen gesten   sol man daz nv sagen,
Verse: 1B     "Allen minen gesten   sol man daz sagen,
Verse: 1C     Allen minen gesten   den sol man daz sagen,

Verse: 2     daz wir vil vrv riten   di wellen mit mir iagen
Verse: 2A     ich welle fruͦ riten.   die wellen mit mir iagen,
Verse: 2B     daz wir vil vrv riten.   di wellen mit mir iagen,
Verse: 2C     daz ich vil frvͦ rite.   die mit mir wellen iagen,

Verse: 3     daz si sich bereiten   di aber hie bestan
Verse: 3A     daz sich die bereiten;   die wellen hie bestan
Verse: 3B     daz si sich bereiten;   di aber hie bestan
Verse: 3C     daz si sich bereiten;   die hie wellen bestan

Verse: 4     hovhssen mit den vrowen   daz si mir liebe getan
Verse: 4A     hubschen mit den vroͮwen,   daz si liep mir getan."
Verse: 4B     hovhssen mit den vrowen,   daz si mir liebe getan."
Verse: 4C     hofschen mit den frowen,   da si mir liebe getan."



Strophe: 944   { |X913 / Strophe of Ms. A: 856   / Strophe of Ms. B: 910   / Strophe of Ms. C: 921   }


Verse: 1     do sprach der herre sifrit   mit herlichem site
Verse: 1A     Do sprach der starke Sifrit   mit herliken site:
Verse: 1B     D2o sprach der herre Sifrit   mit herlichem site:
Verse: 1C     D2o sprach der herre Sivrit   in herlichem site:

Verse: 2     swenne ir iagen ritet   da wil ich gerne mite
Verse: 2A     "swenne ir iagen wellet,   da wil ich gerne mite.
Verse: 2B     "swenne ir iagen ritet,   da wil ich gerne mite.
Verse: 2C     "swenne ir iagen ritet,   da wil ich gerne mite.

Verse: 3     so svlt ir mir lihen   einen svcheman
Verse: 3A     so svlt ir mir lihen   einen suͦchman
Verse: 3B     so svlt ir mir lihen   einen svcheman
Verse: 3C     so svlt ir mir lihen   einen svͦchman

Verse: 4     vnd etelichen bracken   so wil ich riten in den tan
Verse: 4A     vnd eteliken braken,   so wil ich riten in den tan."
Verse: 4B     vnd etelichen bracken,   so wil ich riten in den tan."
Verse: 4C     vñ eteslichen brachen, -   so rite ich mit iv in den tan."



Strophe: 945   { |X914 / Strophe of Ms. A: 857   / Strophe of Ms. B: 911   / Strophe of Ms. C: 922   }


Verse: 1     welt ir niht nemen einen   sprach der kvenich cehant
Verse: 1A     "Welt ir niht nemen einen?"   sprach der kvnich zehant.
Verse: 1B     "Welt ir niht nemen einen?"   sprach der kvͤnich cehant.
Verse: 1C     "Bedurfet ir niht eines?"   sprach der kunic zehant.

Verse: 2     ich lih iv welt ir viere   den vil wol ist bechant
Verse: 2A     "ich lihe iv, welt ir, uiere,   den wol ist bechant
Verse: 2B     "ich lih iv, welt ir, viere,   den vil wol ist bechant
Verse: 2C     "ich lihiv, welt ir, viere,   den wol ist bechant

Verse: 3     der walt vnde ovch di stige   da div tier hine gant
Verse: 3A     der walt vnd oͮch die stige,   swa div tier gant,
Verse: 3B     der walt vnde ovch <di> stige,   da div tier hine gant,
Verse: 3C     der walt vñ ovch die stige,   swa div tiere hine gant,

Verse: 4     die ivch niht fverwise   cen herbergen riten lant
Verse: 4A     die iv niht vͦrewise   wider heim riten lant."
Verse: 4B     die ivch niht fvͤrwise   cen herbergen riten lant."
Verse: 4C     die ivch vrwise   nach vns riten niht enlant."



Strophe: 946   { |X915 / Strophe of Ms. A: 858   / Strophe of Ms. B: 912   / Strophe of Ms. C: 923   }


Verse: 1     do reit zv sinem wibe   der recke vil gemeit
Verse: 1A     Do reit zvͦ sin em wibe   der riter vil gemeit.
Verse: 1B     Do reit zv sinem wibe   der recke vil gemeit.
Verse: 1C     Do die vil vngetriwen   vf geleiten sinen tot,

Verse: 2     schiere hete hagene   dem kvenige geseit
Verse: 2A     schiere hete Hagene   dem kvnige geseit \   { \ Page of Ms. C: 35b  C:_35b }
Verse: 2B     schiere hete Hagene   dem kvͤnige geseit
Verse: 2C     si wistenz al gemeine.   Giselher vñ Gernot

Verse: 3     wir gewinnen wol   den tiwerlichen degen
Verse: 3A     wie er gewinnen wolde   den tiwerlichen degen.
Verse: 3B     wir gewinnen wol   den tiwerlichen degen.
Verse: 3C     wolden niht iagen riten.   ine weiz durch welhen nit,

Verse: 4     svs getaner vntriwe   solde niemer man gepflegen
Verse: 4A     sus grozer vntriwe   solde nimmer man gepflegen.
Verse: 4B     svs getaner vntriwe   solde niemer man gepflegen.
Verse: 4C     daz si in niht en warenden;   idoch erarneten siz sit.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.