TITUS
Der Nibelunge Not
Part No. 16
Previous part

Adventure: XVI  
{ A_XV } <Wie Sifrit erslagen wart>
{ C_XVI } Auentv wie Sivrit ermort wart.

Strophe: 947   { |X916 / Strophe of Ms. A: 859   / Strophe of Ms. B: 913   / Strophe of Ms. C: 924   }


Verse: 1     gventher vnd hagene   di recken vil balt
Verse: 1A     G5vnther vnd Hagne,   die reken vil balt,
Verse: 1B     G4vͤnther vnd Hagene,   di recken vil balt,
Verse: 1C     G5vnther vñ Hagene,   die rechen vil balt,

Verse: 2     lobten mit intruwen   ein pirsen in den walt
Verse: 2A     lobeten mit vntriwen   ein pirsen in den walt.
Verse: 2B     lobten mit intrwen   ein pirsen in den walt.
Verse: 2C     lobten mit vntriwen   ein pirsen in den walt.

Verse: 3     mit ir scharffen geren   si wolden iagen swin
Verse: 3A     mit ir scharpfen geren   si wolden iagen swin,
Verse: 3B     mit ir scharffen geren   si wolden iagen swin,
Verse: 3C     mit ir scharpfen geren   si wolden iagn swin,

Verse: 4     bern vnd wisende   waz moehte chvners gesin
Verse: 4A     beren vnd wisende;   was kvnde kvͤners gesin?
Verse: 4B     bern vnd wisende;   waz moͤhte chvners gesin?
Verse: 4C     pern vñ wisende;   waz mohte kuners gesin?



Strophe: 948   { |X917 / Strophe of Ms. A: 860   / Strophe of Ms. B: 914   / Strophe of Ms. C: 925   }


Verse: 1     damit reit ovch sifrit   in herlichem site
Verse: 1A     Da mite reit oͮch Sifrit   in erlichem site.
Verse: 1B     Da mit reit ovch Sifrit   in herlichem site.
Verse: 1C     Da mite reit ovch Sivrit   in vrolichem site.

Verse: 2     maniger hande spise   fvrte man in mite
Verse: 2A     maniger hande spise   die fuͦrte man in mite.
Verse: 2B     maniger hande spise   fvrte man in mite.
Verse: 2C     herrenliche spise   die fvrte man in mite.

Verse: 3     zeinem chlaren brvnnen   verlos er sit den lip
Verse: 3A     zuͦ eime kalten brunnen   verlos er sid den lip.
Verse: 3B     zeinem chlaten brvnnen   verlos er sit den lip. \   { \ Page of Ms. B: 333a   A:_333a }
Verse: 3C     zeinem kalten brunnen   namens im den lip.

Verse: 4     daz het geraten prvnnhilt   des kvnich gvntheres wip
Verse: 4A     daz hete geraten Prvnhilt,   kvnich Gvnthers wip.
Verse: 4B     daz het geraten Prvnnhilt,   des kvnich Gvntheres wip.
Verse: 4C     daz het geraten Prunh',   des kunic Guntheres wip.



Strophe: 949   { |X918 / Strophe of Ms. A: 861   / Strophe of Ms. B: 915   / Strophe of Ms. C: 926   }


Verse: 1     do gie der degen chvne   da er crimhilde vant
Verse: 1A     Do gie der degen kuͦne   da er Kriemhilde vant.
Verse: 1B     Do gie der degen chvne   da er Crimhilde <vant>.
Verse: 1C     Do gie der degene chvne   da er Chriemh' vant.

Verse: 2     do was nv vfgesovmet   sin edel pirsgewant
Verse: 2A     do was nu ovf gesoͮmet   sin <edel> piresgewant,
Verse: 2B     do was nv vf gesovmet   sin edel pirsgewant,
Verse: 2C     ez was nv vf gesvͦmet   sin edel pirsgewant

Verse: 3     sin vnd siner gesellen   si wolden vber rin
Verse: 3A     vnd oͮch der gesellen;   si wolden vber Rin.
Verse: 3B     sin vnd siner gesellen;   si wolden vber Rin.
Verse: 3C     vñ ander der gesellen;   si wolden vber Rin.

Verse: 4     do ne dorfte criemhilde   nimmer leider gesin
Verse: 4A     do endorfte Kriemhilde   nimmer leider gesin.
Verse: 4B     done dorfte Criemhilde   nimmer leider gesin.
Verse: 4C     done dorfte Chriemh'   leider nimmer gesin.



Strophe: 950   { |X919 / Strophe of Ms. A: 862   / Strophe of Ms. B: 916   / Strophe of Ms. C: 927   }


Verse: 1     di sine trivttinne   chvst er an den mvnt
Verse: 1A     Sine trûtinne   kvst er an den mvnt.
Verse: 1B     D2i sine trivttinne   chvst er an den mvnt.
Verse: 1C     D2ie sinen trvtinne   die chuster an den mvnt.

Verse: 2     got laze mich dich vrowe   gesehen noch gesvnt
Verse: 2A     "got laze mich dich, vroͮwe,   gesehen noch gesvnt,
Verse: 2B     "got laze mich dich, vrowe,   gesehen noch gesvnt,
Verse: 2C     "got laze mich dich, frowe,   gesehn noch gesvnt,

Verse: 3     vnd mich div dinen ovgen   mit holden magen din
Verse: 3A     vnd mich oͮch diniv ovgen.   mit holden magen din
Verse: 3B     vnd mich div dinen ovgen.   mit holden magen din
Verse: 3C     vñ mich div dinen ovgen.   mit holden magen din

Verse: 4     soltv chvercewilen   ine mach hie heime niht gesin
Verse: 4A     solt dv kurzwilen.   ich mach heime niht gesin."
Verse: 4B     soltv chvͤrcewilen.   ine mach hie heime niht gesin."
Verse: 4C     soltv kurcewilen.   ine mac hie heime niht gesin."



Strophe: 951   { |X920 / Strophe of Ms. A: 863   / Strophe of Ms. B: 917   / Strophe of Ms. C: 928   }


Verse: 1     do gedahtes an div maere   si ne torster niht gesagen
Verse: 1A     Do dahte si an div mære -   si entorste ir niht sagen -
Verse: 1B     Do gedahtes an div mære -   sine torster niht gesagen -
Verse: 1C     Do gedahtes an div mære -   sine torst ir niht gesagen -

Verse: 2     div si da hagenen sagete   do begonde klagen
Verse: 2A     div si Hagnen seite.   do begvnde si clagen,
Verse: 2B     div si da Hagenen sagete.   do begonde klagen
Verse: 2C     da von si Hagen e vragte.   do begunde klagen

Verse: 3     div edel chveneginne   daz si ie gewan den lip
Verse: 3A     div edel kvniginne,   daz si ìe gewan den lip.
Verse: 3B     div edel chvͤneginne,   daz si ie gewan den lip.
Verse: 3C     div edele kuniginne,   daz si ie gewan den lip.

Verse: 4     do weinete ane mazze   des herren sifrides wip
Verse: 4A     do weinde ane maze   daz vil wunderschoͤne wip.
Verse: 4B     do weinete ane mazze   des herren Sifrides wip.
Verse: 4C     do weinte ane maze   des kunen Sivrides wip.



Strophe: 952   { |X921 / Strophe of Ms. A: 864   / Strophe of Ms. B: 918   / Strophe of Ms. C: 929   }


Verse: 1     si sprach zv dem recken   lat iwer iagen sin
Verse: 1A     Si sprach zuͦ dem reken:   "lat iwer iagen sin.
Verse: 1B     Si sprach zv dem recken:   "lat iwer iagen sin.
Verse: 1C     Si sprach zv dem rechen:   "lat iwer iagen sin.

Verse: 2     mir trovmte hinat   wi zwei wildiv swin
Verse: 2A     mir trovmte heint leide,   wie iuch zwei wildiv swin
Verse: 2B     mir trovmte hinat,   wi zwei wildiv swin
Verse: 2C     mir trovmte hinte leide,   wie ivch zwei wildiv swin

Verse: 3     iageten veber heide   da wurden blvomen rot
Verse: 3A     iageten vber heide;   da wurden bluͦmen rot.
Verse: 3B     iageten vͤber heide;   da wrden blvͦmen rot.
Verse: 3C     iagent vber heide;   da wrden blvmen rot.

Verse: 4     daz ich so sere weine   des get mir waerliche not
Verse: 4A     daz ich so sere weine,   daz get mir werliche not.
Verse: 4B     daz ich so sere weine,   des get mir wærliche not.
Verse: 4C     daz ich so sere weine,   daz tvͦt mir armem wibe not.



Strophe: 953   { |X922 / Strophe of Ms. A: 865   / Strophe of Ms. B: 919   / Strophe of Ms. C: 930   }


Verse: 1     ich fverhte harte sere   ettelichen rat
Verse: 1A     Ich fvrhte harte sere   etelichen rat,
Verse: 1B     I2ch fvͤrhte harte sere   ettelichen rat,
Verse: 1C     Ja fvrhte ich, herre Sivrit,   eteslichen rat,

Verse: 2     ob man der deheinem   missedienet hat
Verse: 2A     obe man der deheinen   missedient hat,
Verse: 2B     ob man der deheinem   missedienet hat,
Verse: 2C     ob man der deheinen   missedie\net hat,   { \ Page of ms. B: 35v   B:_35v }

Verse: 3     di vns gefvgen chvennen   vientlichen haz
Verse: 3A     die vns fuͤgen kvnnen   vientlichen haz.
Verse: 3B     di vns gefvgen chvͤnnen   vientlichen haz.
Verse: 3C     die vns gefvgen chunnen   eteslichen haz.

Verse: 4     belibet lieber herre   mit rehten triwen rat ich daz
Verse: 4A     belibet, lieber herre,   mit triwen rate ich iv daz."
Verse: 4B     belibet, lieber herre;   mit rehten triwen rat ich daz."
Verse: 4C     belibet, herre Sivrit,   mit triwen rate ich iv daz."



Strophe: 954   { |X923 / Strophe of Ms. A: 866   / Strophe of Ms. B: 920   / Strophe of Ms. C: 931   }


Verse: 1     er sprach min trivtinne   ich chvm in chvrcen tagen
Verse: 1A     "Min liebiv truttinne,   ich kvme in kurzen tagen.
Verse: 1B     Er sprach: "min trivtinne,   ich chvm in chvrcen tagen.
Verse: 1C     E2r sprach: "liebiv frowe,   ich chum in kurcen tagn.

Verse: 2     ine weiz hie niht der livte   di mir iht hazzes tragen
Verse: 2A     ich weiz hie niht der livte,   die mir iht hazzes tragen.
Verse: 2B     ine weiz hie niht der livte,,   di mir iht hazzes tragen.
Verse: 2C     ine weiz hie niht der uinde,   die vns iht hazzes tragen.

Verse: 3     alle dine mage   sint mir gemeine holt
Verse: 3A     alle dine mage   sint mir gemeine holt.
Verse: 3B     alle dine mage   sint mir gemeine holt.
Verse: 3C     alle dine mage   sint rnir gemeine holt.

Verse: 4     ovch han ich an den degenen   hie niht anders versolt
Verse: 4A     oͮch han ich an den degnen   hie niht anders versolt."
Verse: 4B     ovch han ich an den degenen   hie niht anders versolt."
Verse: 4C     ovch enhan ich an den degenen   hie niht anders verscholt."



Strophe: 955   { |X924 / Strophe of Ms. A: 867   / Strophe of Ms. B: 921   / Strophe of Ms. C: 932   }


Verse: 1     neina herre sifrit   ia fverht ich dinen val
Verse: 1A     "Neina, herre Sifrit.   ia furht ich dinen val.
Verse: 1B     "Neina, herre Sifrit;   ia fvͤrht ich dinen val.
Verse: 1C     Neyna, herre Sivrit,   ia vurht ich dinen val.

Verse: 2     mir trovmte hinte leide   wi ob dir ce tal
Verse: 2A     mir troͮmte heint leide,   wie obe dir zetal
Verse: 2B     mir trovmte hinte leide,   wi ob dir ce tal
Verse: 2C     mir trovmte hinte leide,   wie ob dir zetal

Verse: 3     vielen zwene berge   ine gesach dich nimmer me
Verse: 3A     vielen zwene berge.   ich gesach dich nimmer me.
Verse: 3B     vielen zwene berge.   ine gesach dich nimmer me.
Verse: 3C     vielen zwene berge.   ich ensach dich nimmer me.

Verse: 4     wil dv von mir scheiden   daz tvt mir an dem hercen we
Verse: 4A     wil dv von mir scheiden,   daz tuͦt mir innerclichen we."
Verse: 4B     wil dv von mir scheiden,   daz tvt mir an dem hercen we."
Verse: 4C     wiltv nv mir scheiden,   daz tvͦt mir inneklichen we."



Strophe: 956   { |X925 / Strophe of Ms. A: 868   / Strophe of Ms. B: 922   / Strophe of Ms. C: 933   }


Verse: 1     er vmbvie mit handen   daz tvgentriche wip
Verse: 1A     Er vmbevie mit armen   daz tugentriche wip.
Verse: 1B     E2r vmbvie mit handen   daz tvgentriche wip.
Verse: 1C     Er vmbevie mit armen   daz tugende riche wip.

Verse: 2     mit minnechlichem chvessen   trvt er ir schonen lip
Verse: 2A     mit minneclichem kvsse   er trute ir schoͤnen lip.
Verse: 2B     mit minnechlichem chvͤssen   trvt er ir schonen lip.
Verse: 2C     mie minneklichem chussen   trvͦt er ir schonen lip.

Verse: 3     mit vrlovbe er dannen   shiet in chvrcer stvnt
Verse: 3A     mit urloͮbe er dannen   schiet in kurzer stvnt.
Verse: 3B     mit vrlovbe er dannen   shiet in chvrcer stvnt.
Verse: 3C     mit vrlovbe er dannen   schiet in churcer stunt.

Verse: 4     si ne gesach in leider   darnach nimmer mer gesvnt
Verse: 4A     si gesach in leider   darnach nimmer mer gesvnt.
Verse: 4B     sine gesach in leider   dar nach nimmer mer gesvnt.
Verse: 4C     sine gesach in leider   darnach nimmer mer gesvnt.



Strophe: 957   { |X926 / Strophe of Ms. A: 869   / Strophe of Ms. B: 923   / Strophe of Ms. C: 934   }


Verse: 1     do ritten si von dannen   in einen tieffen walt
Verse: 1A     Do riten si von dannen   in einem tiefen walt
Verse: 1B     Do ritten si von dannen   in einen tieffen walt
Verse: 1C     D2o riten si von dannen   in einen walt

Verse: 2     dvrch chvrcewile willen   vil manich ritter balt
Verse: 2A     durch chvrzewile willen.   vil manich riter balt
Verse: 2B     dvrch chvrcewile willen.   vil manich ritter balt
Verse: 2C     durch kurcewile willen.   vil manic degen balt

Verse: 3     volgeten gvnthere   vnd sinen man
Verse: 3A     volgeten Gvnthere   vnd Sifride dan.
Verse: 3B     volgeten Gvnthere   vnd sinen man.
Verse: 3C     riten mit dem wirte.   man fvrt ovch mit in dan

Verse: 4     ger vnd giselher   di waren da heime bestan
Verse: 4A     Gernot vnde Giselher   die wolden deheime bestan.
Verse: 4B     Gêr vnd Giselher   di waren da heime bestan.
Verse: 4C     vil der edeln spise,   die di helede solden han.



Strophe: 958   { |X927 / Strophe of Ms. A: 870   / Strophe of Ms. B: 924   / Strophe of Ms. C: 935   }


Verse: 1     geladen vil der rosse   chom vor in veber den rin
Verse: 1A     Geladen vil der rosse   kom vor in vber Rin,
Verse: 1B     Geladen vil der rosse   chom vor in vͤber den Rin,
Verse: 1C     Geladen vil der rosse   chom vor in vber Rin,

Verse: 2     di den iagetgesellen   brot vnd win
Verse: 2A     div den ieictgesellen   truͦgen brot vnde win,
Verse: 2B     di den iagetgesellen   brot vnd win,
Verse: 2C     die den iegeren trvgen   brot uñ win,

Verse: 3     daz vleihs mit den visschen   vnd manigen andern rat
Verse: 3A     vleisch mit den vischen   vnde ander manigen rat, \   { \ Page of Ms. C: 36a  C:_36a }
Verse: 3B     daz vleihs mit den visschen   vnd manigen andern rat,,
Verse: 3C     vleisc vñ uische,   vñ anders manigen rat,

Verse: 4     den ein chvnich so riche   vil harte pillichen hat
Verse: 4A     den ein kvnich <so> rike   harte billichen hat.
Verse: 4B     den ein chvnich so riche   vil harte pillichen hat.
Verse: 4C     den ein kvnic so riche   harte billechin hat.



Strophe: 959   { |X928 / Strophe of Ms. A: 871   / Strophe of Ms. B: 925   / Strophe of Ms. C: 936   }


Verse: 1     si hiezen herbergen   fver den grvnen walt
Verse: 1A     Si hiezen herbergen   fur den gruͦnen walt
Verse: 1B     S2i hiezen hergergen   fvͤr den grvnen walt
Verse: 1C     Si hiezen herbergen   fvr den grunen walt,

Verse: 2     gegen des waldes ablovffe   di stolcen ieger balt
Verse: 2A     gen des wildes abelaufe,   die stolzen iægeren balt,
Verse: 2B     gegen des waldes abloͮffe,   di stolcen ieger balt,

Verse: 3     da si da iagen solden   vf einen wert vil breit
Verse: 3A     da si da iagen solden,   vf einen wert vil breit.
Verse: 3B     da si da iagen solden,   vf einen wert vil breit.
Verse: 3C     da si da iagn solden,   vf einen wert vil breit.

Verse: 4     da was ovch chomen sifrit   daz wart dem chvenege geseit
Verse: 4A     do was oͮch komen Sifrit;   daz wart dem kvnige geseit.
Verse: 4B     da was ovch chomen Sifrit;   daz \ wart dem chvͤnege geseit.   { \ Page of Ms. B: 333b   A:_333b }
Verse: 4C     do chom der herre Sivrit;   daz wart dem kunige geseit.



Strophe: 960   { |X929 / Strophe of Ms. A: 872   / Strophe of Ms. B: 926   / Strophe of Ms. C: 937   }


Verse: 1     von den iagtgesellen   wurden do gar bestan
Verse: 1A     Von den ieitgesellen   wrden do bestan
Verse: 1B     Von den iagtgesellen   wrden do gar bestan
Verse: 1C     Von dem iagtgesellen   wrden gar bestan

Verse: 2     div warte in allen enden   do sprach der chvene man
Verse: 2A     die warte an allen ende.   do sprach der kuͤne man,
Verse: 2B     div warte in allen enden.   do sprach der chvͤne man,
Verse: 2C     die warte an allen enden.   do sprach der chune man,

Verse: 3     sifrit der vil starche   wer sol vns in den walt
Verse: 3A     Sifrit der vil starke:   "wer sol vns in den walt
Verse: 3B     Sifrit der vil starche:   "wer sol vns in den walt
Verse: 3C     Sivrit der starche:   "wer sol vns durch den walt

Verse: 4     wisen nach dem wilde   ir helde chvne vnd balt
Verse: 4A     wisen nach den wilde,   ir degne kvͤne vnde balt?"
Verse: 4B     wisen nach dem wilde,   ir helde chvne vnd balt?"
Verse: 4C     wisen vor den bergen,   ir rechen chvͤn vñ balt?"



Strophe: 961   { |X930 / Strophe of Ms. A: 873   / Strophe of Ms. B: 927   / Strophe of Ms. C: 938   }


Verse: 1     welle wir vns scheiden   sprach do hagene
Verse: 1A     "Wellen wir vns scheiden",   sprach do Hagne,
Verse: 1B     "Welle wir vns scheiden",   sprach do Hagene,
Verse: 1C     "I2a mvzen wir vns scheiden",   sprach do Hagene,

Verse: 2     e daz wir beginnen   hie ce iagene
Verse: 2A     "ê daz wir hie beginnen   hie ze iagene?
Verse: 2B     "ê daz wir beginnen   ich vnd di herren min,
Verse: 2C     "e daz wir beginnen   hie ze iagene,

Verse: 3     dabi wir mvegen bechennen   ich vnd di herren min
Verse: 3A     da bi mvgen bekennen,   ich vnd die herren min,
Verse: 3B     da bi wir mvͤgen bechennen,   ich vnd di herren min,
Verse: 3C     da bi wir bechennen,   ich uñ der herre min,

Verse: 4     wer di besten iegere   an dirre waltreise sin
Verse: 4A     wer die besten iægere   an diser waltræise sin.
Verse: 4B     wer di besten iegere   an dirre waltreise sin.
Verse: 4C     wer die besten iægere   an dirre waltreise sin.



Strophe: 962   { |X931 / Strophe of Ms. A: 874   / Strophe of Ms. B: 928   / Strophe of Ms. C: 939   }


Verse: 1     livte vnd gehvende   svln wir teilen gar
Verse: 1A     Lvte vnde hvnde   solen wir teilen gar.
Verse: 1B     L2ivte vnd gehvͤnde   svln wir teilen gar.
Verse: 1C     Lvͦt vñ ovch gehvͤnde   wir suln teilen gar.

Verse: 2     so cher ietslicher   swar er gerne var
Verse: 2A     so chere islicher   da er gerne var.
Verse: 2B     so cher ietslicher   swar er gerne var.
Verse: 2C     so cher ieslicher   swar er gerne var.

Verse: 3     swer danne iage daz beste   des sol er haben danch
Verse: 3A     der danne iage beste,   der sol des haben danch."
Verse: 3B     swer danne iage daz beste,   des sol er haben danch."
Verse: 3C     der danne iage daz beste,   des sage man im danch."

Verse: 4     do wart der ieger   biten bi einander niht ce lanch
Verse: 4A     der iæger biten   wart niht lange bi an ander.
Verse: 4B     do wart der ieger biten   bi ein ander niht ce lanch.
Verse: 4C     do wart ir biten   niht zen herbergen lanch.



Strophe: 963   { |X932 / Strophe of Ms. A: 875   / Strophe of Ms. B: 929   / Strophe of Ms. C: 940   }


Verse: 1     do sprach der herre sifrit   ich han der hvnde rat
Verse: 1A     Do sprach der herre Sifrit:   "ich han der hvnde rat,
Verse: 1B     Do sprach der herre Sifrit:   "ich han der hvnde rat,
Verse: 1C     Do sprach der herre Sivrit:   "ich han der hvnde rat,

Verse: 2     niwan einen bracken   der so genozzen hat
Verse: 2A     wan einen braken,   der so genozzen hat,
Verse: 2B     niwan einen bracken,   der so genozzen hat,
Verse: 2C     niwan einen brachen,   der so genozzen hat,

Verse: 3     daz er di verte erchenne   der tiere dvrch den tan
Verse: 3A     daz er die verte erkenne   der tiere durch den tan.
Verse: 3B     daz er di verte erchenne   der tiere dvrch den tan.
Verse: 3C     daz er die verte erchenne   der tyere durch den tan."

Verse: 4     wir chomen wol ce iegede   sprach der criemhilde man
Verse: 4A     wir komen wol ce zeide",   sprach der Kriemhilde man.
Verse: 4B     wir chomen wol ce iegede",   sprach der Criemhilde man.
Verse: 4C     do schvf der kunic Gunther   zvͦ zim den er wolde han.



Strophe: 964   { |X933 / Strophe of Ms. A: 876   / Strophe of Ms. B: 930   / Strophe of Ms. C: 941   }


Verse: 1     do nam ein alter iegere   einen gvten spverhvnt
Verse: 1A     Do nam ein alter iægere   einen spurhvnt.
Verse: 1B     Do nam ein alter iegere   einen gvten spvͤrhvnt.
Verse: 1C     Do nam er einen iæger meister   einen gvten spvrhunt.

Verse: 2     er brahte den herren   in einer chvrcer stvnt
Verse: 2A     er brahte den herren   in einer kvrzer stvnt
Verse: 2B     er brahte den herren   in einer chvrcer stvnt
Verse: 2C     er brahte den herren   in einer kurcen stunt

Verse: 3     da si vil tieren fvnden   swaz der von laegere stvnt
Verse: 3A     da si vil tiere fvnden.   swaz der von leger stuͦnt,
Verse: 3B     da si vil tieren fvnden.   swaz der von lægere stvnt,
Verse: 3C     da si vil tyere funden.   swaz der von legere stvnt,

Verse: 4     di eriagten di gesellen   als noch gvte ieger tvnt
Verse: 4A     div <erieiten> die gesellen,   so noch guͦte ieger tuͦnt.
Verse: 4B     di eriagten di gesellen,   als noch gvte ieger tvnt.
Verse: 4C     die eriageten die gesellen,   so noh gvte iægere tunt.



Strophe: 965   { |X934 / Strophe of Ms. A: 877   / Strophe of Ms. B: 931   / Strophe of Ms. C: 942   }


Verse: 1     swaz ir der bracke erspranchte   di slvch mit siner hant
Verse: 1A     Swaz ir der brake erspranchte,   div slvͦc mit siner hant
Verse: 1B     S2waz ir der bracke erspranchte,   di slvch mit siner hant
Verse: 1C     Swaz ir ber brache ersprancte,   die sluͦc mit siner hant

Verse: 2     sifrit der vil chvene   der helt von niderlant
Verse: 2A     Sifrit der kuͦne,   der helt von Niderlant.
Verse: 2B     Sifrit der vil chvͤne,   der helt von Niderlant.
Verse: 2C     Sivrit der vil chvͤne,   der helt vz Niderlant.

Verse: 3     sin ros lieff so sere   daz ir im niht entran
Verse: 3A     sin ros lief so sere,   daz ir im niht entran.
Verse: 3B     sin ros lieff so sere,   daz ir im niht entran.
Verse: 3C     sin ross daz livf so sere,   daz ir im niht entran.

Verse: 4     den lob vor in allen   er an dem iegde gewan
Verse: 4A     den lop er vor in allen   an dem geieide gewan.
Verse: 4B     den lop vor in allen   er an dem iegde gewan.
Verse: 4C     daz lop an dem geiægede   er vor in allen da gewan.



Strophe: 966   { |X935 / Strophe of Ms. A: 878   / Strophe of Ms. B: 932   / Strophe of Ms. C: 943   }


Verse: 1     er was in allen dingen   biderbe genvch
Verse: 1A     Er was an allen dingen   biderbe genvͦc.
Verse: 1B     Er was in allen dingen   biderbe genvch.
Verse: 1C     Er was an allen dingen   biderbe genvͦch.

Verse: 2     tier was daz erste   daz er ce tode slvch
Verse: 2A     sin tier daz erste,   daz er ze tode sluͦc,
Verse: 2B     tier was daz erste,   daz er ce tode slvch,
Verse: 2C     sin tyere was daz erste,   daz er ze tode sluͦch,

Verse: 3     ein vil starchez halp   mit der sinen hant
Verse: 3A     was ein starkes halpswuͦl,   mit der siner hant.
Verse: 3B     ein vil starchez <halp>   mit der sinen hant.
Verse: 3C     ein vil starchez halpfwͦl,   mit der sinen hant.

Verse: 4     darnach er vil schiere   einen vngefvegen lewen vant
Verse: 4A     da nach er vil schiere   ein vngefuͤgen lewen vant.
Verse: 4B     dar nach er vil schiere   einen vngefvͤgen lewen vant.
Verse: 4C     dar nach er harte schiere   einen grimmen lewen vant.



Strophe: 967   { |X936 / Strophe of Ms. A: 879   / Strophe of Ms. B: 933   / Strophe of Ms. C: 944   }


Verse: 1     do den der bracke erspranchte   den shoz er mit dem bogen
Verse: 1A     Der brake den erspranchte;   er schoz in mit den bogen.
Verse: 1B     Do den der bracke erspranchte,   den shoz er mit dem bogen.
Verse: 1C     Do der wart ersprenget,   den \ schoz er mit dem bogen.   { \ Page of ms. B: 36r   B:_36r }

Verse: 2     eine starche strale   het er darin gezogen
Verse: 2A     ein scharfestrale   hete erin gezogen.
Verse: 2B     eine starche strale   het er dar in gezogen.
Verse: 2C     eine scharpfe stralen   het er dar in gezogen.

Verse: 3     der lev lief nach dem shvzze   wan drier sprvenge lanch
Verse: 3A     der lewe lief nach dem schuzze   wan drier sprunge lanc.
Verse: 3B     der lev lief nach dem shvzze   wan drier sprvͤnge lanch.
Verse: 3C     der lewe lief nach dem schuzze   wan drier sprunge lanch.

Verse: 4     di sinen iagtgesellen   di sagten sifride danch
Verse: 4A     sine ieitgesellen   seiten Sifride danch.
Verse: 4B     di sinen iagtgesellen   di sagten Sifride danch.
Verse: 4C     die sinen iagtgesellen   die sagten Sivride danch.



Strophe: 968   { |X937 / Strophe of Ms. A: 880   / Strophe of Ms. B: 934   / Strophe of Ms. C: 945   }


Verse: 1     darnach slvch er shiere   einen wisent vnd einen elch
Verse: 1A     Darnach sluͦc er schiere   einen wisent vñ einen elch,
Verse: 1B     D2ar nach slvch er shiere   einen wisent vnd einen elch,
Verse: 1C     D2arnach slvger schiere   einen wisent vñ elch,

Verse: 2     starcher vower viere   vnd einen grimmen shaelch
Verse: 2A     starker oͮre viere   vnd einen grimmen schelch.
Verse: 2B     starcher vͦwer viere   vnd einen grimmen shælch.
Verse: 2C     starcher vͦre viere   uñ einen grimmen schelch.

Verse: 3     sin ross in trvch so balde   daz ir im niht entran
Verse: 3A     sin ros truͦch in so balde,   daz im niht entran.
Verse: 3B     sin ross in trvch so balde,   daz ir im niht entran.
Verse: 3C     sin ross trvg in so balde,   daz ir im niht entran.

Verse: 4     hirzze oder hinden   chvnde im wenich engan
Verse: 4A     hirze oder hinde   kvnd im wenich enkan.
Verse: 4B     hirzze oder hinden   chvnde im wenich engan.
Verse: 4C     hirz oder hinden   chund im wenic iht engan.



Strophe: 969   { |X938 / Strophe of Ms. A: 881   / Strophe of Ms. B: 935   / Strophe of Ms. C: 946   }


Verse: 1     einen eber grozen   den vant der spverhvnt
Verse: 1A     Einen eber grozen   vant der spurhunt.
Verse: 1B     Einen eber grozen   den vant der spvͤrhvnt.
Verse: 1C     Einen ebyr grozen   den sach der spurehvnt.

Verse: 2     als er begvnde vliehen   do chom an der stvnt
Verse: 2A     als er begvnde vliehen,   do kom an der stunt
Verse: 2B     als er begvnde vliehen,   do chom an der stvnt
Verse: 2C     als er begunde vliehen,   do chom an der stvnt

Verse: 3     des selben geiedes meister   er bestvnt in vf der sla
Verse: 3A     des geieides meister;   er bestuͦnt in vf der sla.
Verse: 3B     des selben geiedes meister;   er bestvnt in vf der sla.
Verse: 3C     des selben geiægedes meister;   der bestunt in vf der sla.

Verse: 4     daz swin vil zornechlichen   lief an den helt san
Verse: 4A     daz swin zornechlichen   lief an den kuͤnen degen sa.
Verse: 4B     daz swin vil zornechlichen   lief an den helt san.
Verse: 4C     daz swin vil zornikliche   lief an den chunen rechen sa.



Strophe: 970   { |X939 / Strophe of Ms. A: 882   / Strophe of Ms. B: 936   / Strophe of Ms. C: 947   }


Verse: 1     do slvch in mit   dem swerte der criemhilde man
Verse: 1A     Do sluͦc in mit dem swerte   Kriemhilde man.
Verse: 1B     Do slvch in mit dem swerte   der Criemhil\de man.   { \ Page of Ms. C: 334a  C:_334a }
Verse: 1C     Do slvg in mit dem swerte   der Chriemh' man.

Verse: 2     ez en het ein ander ieger   so samfte niht getan
Verse: 2A     ez hete ein ander iegere   so sanfte niht getan.
Verse: 2B     ezen het ein ander ieger   so samfte niht getan.
Verse: 2C     ez hete ein ander iægere   so sanfte niht getan.

Verse: 3     do er in het ervellet   man vie der spverhvnt
Verse: 3A     do ern hete eruellet,   man vie den spurhvnt.
Verse: 3B     do er in het ervellet,   man vie der spvͤrhvnt.
Verse: 3C     do er in het ervellet,   man vie den spurehunt.

Verse: 4     do wart sin iaget daz riche   wol den bvergvnden chvnt
Verse: 4A     do wart sin rich geieide   allen Bvrgonden kvnt.
Verse: 4B     do wart sin iaget daz riche   wol den Bvͤrgvnden chvnt.
Verse: 4C     do wart sin iagt daz riche   wol den Buregonden kunt.



Strophe: 971   { |X940 / Strophe of Ms. B: 937   / Strophe of Ms. C: 948   }


Verse: 1     do sprachen sine iegere   mvegez mit fvege wesen
Verse: 1B     D2o sprachen sin iegere:   "mvͤgez mit fvͤge wesen,
Verse: 1C     Do sprachen sine iægere:   "magez mit hulden wesn,

Verse: 2     so lat vns her sifrit   der tier ein teil genesen
Verse: 2B     so lat vns, her Sifrit,   der tier ein teil genesen.
Verse: 2C     so lat uns, herre Sivrit,   der tyer ein teil genesn.

Verse: 3     ir tvt vns hivte laere   den berch vnd ovch den walt
Verse: 3B     ir tvt vns hivte lære   den berch vnd ovch den walt."
Verse: 3C     ir tvͦt uns hivte lære   den berch uñ ovch den walt."

Verse: 4     des begonde smielen   der degen chvene vnde balt
Verse: 4B     des begonde smielen   der degen chvͤne vnde balt.
Verse: 4C     des begunde smielen   der degn chune vñ balt.



Strophe: 972   { |X941 / Strophe of Ms. A: 883   / Strophe of Ms. B: 938   / Strophe of Ms. C: 949   }


Verse: 1     do hortens allenthalben   lvdem vnd doz
Verse: 1A     Si horten allenthalben   ludem vnde doz. \   { \ Page of ms. B: 36b   B:_36b }
Verse: 1B     Do hortens allenthalben   lvdem vnd doz.
Verse: 1C     D2o hortens allenthalben   lvdem uñ doz.

Verse: 2     von livte vnd ovch von hvnden   was der schal so groz
Verse: 2A     von lûten vnd von hunden   der schal was so groz,
Verse: 2B     von livte vnd ovch von hvnden   was der schal so groz,
Verse: 2C     von lvten vñ ovch von hunden   der schal was so groz,

Verse: 3     daz in davon antwurte   der berch vnd ovch der tan
Verse: 3A     daz in da von antwurtete   der berch vnd oͮch der tan.
Verse: 3B     daz in da von antwrte   der berch vnd ovch der tan.
Verse: 3C     daz in da von antwrte   berge vñ ovch der tan.

Verse: 4     vier vnt zweinzech rvore   di ieger heten verlan
Verse: 4A     vier vnde zweinzech ruͦre   die ieger heten verlan.
Verse: 4B     vier vnt zweinzech rvͦre   di ieger heten verlan.
Verse: 4C     vier vñ drizzech rvͦre   die iægere heten verlan.



Strophe: 973   { |X942 / Strophe of Ms. A: 884   / Strophe of Ms. B: 939   / Strophe of Ms. C: 950   }


Verse: 1     do mvsen vil der tiere   vliesen da daz leben
Verse: 1A     Do mvͦsen vil der tiere   verliesen da daz leben.
Verse: 1B     Do mvsen vil der tiere   vliesen da daz leben.
Verse: 1C     Do mvse vil der tyere   verliesen da daz lebn.

Verse: 2     do wanden si daz fvegen   daz man in solde geben
Verse: 2A     do wanden si fuͤgen,   daz man solde geben
Verse: 2B     do wanden si daz fvͤgen,   daz man in solde geben
Verse: 2C     do wanden si daz fvͤgen,   daz man in mvste geben

Verse: 3     den pris vor dem geiede   des chvnde niht geschaehen
Verse: 3A     in den pris des ieides.   des kvnde niht geschehen,
Verse: 3B     den pris von dem geiede.   des chvnde niht geschæhen,
Verse: 3C     den pris an dem geiægede.   des enchunde niht geschehn,

Verse: 4     do der starche sifrit   wart cer fiwerstat gesaehen
Verse: 4A     do der starke Sifrit   wart zer viwerstat gesehen.
Verse: 4B     do der starche Sifrit   wart cer fiwerstat gesæhen.
Verse: 4C     do der starche Sivrit   wart zer viwerstete gesehn.



Strophe: 974   { |X943 / Strophe of Ms. A: 885   / Strophe of Ms. B: 940   / Strophe of Ms. C: 951   }


Verse: 1     daz iagt was ergangen   vnd ovch niht gar
Verse: 1A     Daz ieit was ergangen   vnde doch nih gar.
Verse: 1B     D2az iagt was ergangen   vnd ovch niht gar.
Verse: 1C     Daz pirsen was ergangen   vñ idoch niht gar.

Verse: 2     di cer fiwerstete wolden   di brahten mit in dar
Verse: 2A     die <zer> wiwerstat wolden,   die brahten mit in dar
Verse: 2B     di cer fiwerstete wolden,   di brahten mit in dar
Verse: 2C     die zem viwer wolden,   di brahten mit in dar

Verse: 3     vil maniger tier hvete   vnd wildes genvch
Verse: 3A     vil maniger tiere hoͮte   vnd wildes genvͦch.
Verse: 3B     vil maniger tier hvͤte   vnd wildes genvch.
Verse: 3C     vil maniger hande tyere   vñ wildes genvͦch.

Verse: 4     hey waz man des cer chvchen   des chvneges ingesinde trvch
Verse: 4A     hei waz man ce kuchen   daz ingesinde truͦch!
Verse: 4B     hey waz man des cer chvchen   des chvneges ingesinde trvch!
Verse: 4C     hey waz man des zer chuchen   des kuniges ingesinde trvͦch.



Strophe: 975   { |X944 / Strophe of Ms. A: 886   / Strophe of Ms. B: 941   / Strophe of Ms. C: 952   }


Verse: 1     do hiez der chvenich chvenden   den iegern vzerchorn
Verse: 1A     Do hiez der kvnich kvnden   den iægern wol geborn,
Verse: 1B     Do hiez der chvͤnich chvͤnden   den iegern vz erchorn,
Verse: 1C     D2o hiez der kunic kuͦnden   den iægern vͦz erchorn,

Verse: 2     daz er wold enbizzen   do wart vil lvote ein horn
Verse: 2A     daz er inbizen wolde.   do wart lûte ein horn
Verse: 2B     daz er wold enbizzen.   do wart vil lvͦte ein horn
Verse: 2C     daz er enbizen wolde.   do wart vil lvͦt ein horn

Verse: 3     zeiner stvnt geblasen   damit in wart erchant
Verse: 3A     zeiner stvnt geblasen,   da mite wart bekant,
Verse: 3B     zeiner stvnt geblasen,   da mit in wart erchant,
Verse: 3C     zeiner stunt geblasen,   da mit in wart erchant,

Verse: 4     daz man den fvrsten edele   da cen herbergen vant
Verse: 4A     daz man den fvrsten edel   cen herbergen vant.
Verse: 4B     daz man den fvrsten edele   da cen herbergen vant.
Verse: 4C     daz man den fursten edele   da zen herbergen vant.



Strophe: 976   { |X945 / Strophe of Ms. B: 942   / Strophe of Ms. C: 953   }


Verse: 1     do sprach ein sifrides iaegere   herre ich han vernomen
Verse: 1B     Do sprach ein Sifrides iægere:   "herre, ich han vernomen
Verse: 1C     Ein Sivrides iægere   sprach: "ich han vernomen

Verse: 2     von eines hornes dvzze   daz wir nv svln chomen
Verse: 2B     von eines hornes dvzze,   daz wir nv svln chomen
Verse: 2C     von eines hornes duzze,   daz wir nv suln chomen

Verse: 3     zv den herbergen   antwurten ich des wil
Verse: 3B     zv den herbergen.   antwrten ich des wil."
Verse: 3C     zv den herbergen.   antwrten ich des wil."

Verse: 4     do wart nach den   gesellen gevraget blasende vil
Verse: 4B     do wart nach den gesellen   gevraget blasende vil.
Verse: 4C     do wart nach den iægeren   gevraget blasende vil.



Strophe: 977   { |X946 / Strophe of Ms. A: 887   / Strophe of Ms. B: 943   / Strophe of Ms. C: 954   }


Verse: 1     do sprach der herre sifrit   nv rvome ovch wir den tan
Verse: 1A     Do sprach der herre Sifrit:   "nv rovmen wir den tan."
Verse: 1B     D2o sprach der herre Sifrit:   "nv rvͦme ovch wir den tan."
Verse: 1C     Do sprach der herre Sivrit:   "nv rvͦmen ovch wir den tan."

Verse: 2     sin ross trvch in ebene   si ilten mit im dan
Verse: 2A     sin ros truͦch in ebene;   si ilten mit im dan.
Verse: 2B     sin ross trvch in ebene;   si ilten mit im dan.
Verse: 2C     sin ros daz truͦgin ebene;   si ilten mit im dan.

Verse: 3     si erspranchten mit ir shalle   ein tier vil griwelich
Verse: 3A     si erspranchten mit ir schalle   ein tier gemehelich,
Verse: 3B     si erspranchten mit ir shalle   ein tier vil griwelich:
Verse: 3C     si ersprancten mit ir scalle   ein tyer vil gremilich:

Verse: 4     daz was ein ber wilde   do sprach der degen hinder sich
Verse: 4A     einen beren wilden.   do spranch der degen hinder sich:
Verse: 4B     daz <was> ein ber wilde.   do sprach der degen hinder sich:
Verse: 4C     daz was ein ber wilde.   do sprach der degn hinder sich:



Strophe: 978   { |X947 / Strophe of Ms. A: 888   / Strophe of Ms. B: 944   / Strophe of Ms. C: 955   }


Verse: 1     ich wil vns hergesellen   gvter chvercewile wern
Verse: 1A     "Ich wil vns hergesellen   kvrzwile weren.
Verse: 1B     "Ich wil vns hergesellen   gvter chvͤrcewile wern.
Verse: 1C     "Welt ir uns hergesellen   kurcewile wern,

Verse: 2     ir svlt den bracken lazen   ia sih ich einen bern
Verse: 2A     ir svlt den braken lazen;   ich sihe einen bern.
Verse: 2B     wir svlt den bracken lazen;   ia sih ich einen bern.
Verse: 2C     den brachen sult ir lazen -   ia sih ich einen bern.

Verse: 3     der sol mit vns hinnen   zen herbergen varn
Verse: 3A     der sol mit vns hinnen   zen herbergen varn.
Verse: 3B     der sol mit vns hinnen   zen herbergen varn.
Verse: 3C     der sol zen herbergen   mit uns hinnen varn:

Verse: 4     ern vliehe danne vil sere   ern chan sich es nimmer bewarn
Verse: 4A     er fliehe danne sere,   er kan sichs nimmer bewarn."
Verse: 4B     ern vliehe danne vil sere,   ern chan siches nimmer bewarn."
Verse: 4C     swie vbel er gebare,   ern chan sihs nimmer bewarn."



Strophe: 979   { |X948 / Strophe of Ms. A: 889   / Strophe of Ms. B: 945   / Strophe of Ms. C: 956   }


Verse: 1     der bracke wart verlazen   der bere spranchte von dan
Verse: 1A     Der brake wart verlazen;   der bere spranch von dan.
Verse: 1B     Der bracke wart verlazen;   der bere spranchte von dan.
Verse: 1C     D2er brache wart verlazen;   der ber spranch von dan.

Verse: 2     do wold in erriten   der criemhilde man
Verse: 2A     do wolden in erriten   Kriemhilde man.
Verse: 2B     do wold in erriten   der Criemhilde man.
Verse: 2C     do wolde in erriten   der Chriemh' man.

Verse: 3     er chom in ein gewelle   do ne chondes niwet wesen
Verse: 3A     er kom in ein geuelle;   do kund ez niht wesen.
Verse: 3B     er chom in ein gewelle;   done chondes niwet wesen.
Verse: 3C     er chom in ein gevelle;   done chundes niht wesn.

Verse: 4     daz starche tier do wande   vor dem iaegere genesen
Verse: 4A     daz starke tier do wande   vor den iægeren genesen.
Verse: 4B     <daz> starche tier do wande   vor dem iægere genesen. \   { \ Page of Ms. B: 334b   A:_334b }
Verse: 4C     daz starche tyer do wande   vor dem iægere genesn.



Strophe: 980   { |X949 / Strophe of Ms. A: 890   / Strophe of Ms. B: 946   / Strophe of Ms. C: 957   }


Verse: 1     do spranch von sinem rosse   der stolze ritter gvt
Verse: 1A     Do spranch von sime rosse   der stolze riter guͦt.
Verse: 1B     D2o spranch von sinem rosse   der stolze ritter gvt.
Verse: 1C     Do spranch von sinem \ rosse   der stolze ritter gvͦt.   { \ Page of ms. B: 36v   B:_36v }

Verse: 2     er begonde nachlovffen   daz tier was vmbehvt
Verse: 2A     er begvnde nach loͮfen.   daz tier was vnbehuͦt,
Verse: 2B     er begonde nach lovffen.   daz tier was vmbehvt,
Verse: 2C     er begunde laufen sere.   daz tyere was vnbehvͦt,

Verse: 3     ez en chonde im niht entrinnen   do viench er iz cehant
Verse: 3A     ez kvnd im niht entrinnen.   do vie erz sa cehant.
Verse: 3B     ezen chonde im niht entrinnen.   do viench er iz cehant.
Verse: 3C     ez enchunde im niht entrinnen.   do vienger ez zehant.

Verse: 4     an aller slahte wunden   der helt ez schiere gebant
Verse: 4A     an alle wunden   der helt ez schiere gebant.
Verse: 4B     an aller slahte wnden   der helt ez schiere gebant.
Verse: 4C     ane aller slahte wnden   der helt ez schiere gebant.



Strophe: 981   { |X950 / Strophe of Ms. A: 891   / Strophe of Ms. B: 947   / Strophe of Ms. C: 958   }


Verse: 1     crazcen vnd bizen   chvnde ez niht den man
Verse: 1A     Kracen noch gebizen   kvnd ez niht den man.
Verse: 1B     C2razcen vnd bizen   chvnde ez niht den man.
Verse: 1C     Chrazzen noch gebizen   chundez niht den man.

Verse: 2     er band ez zvme satele   vf saz der snelle san
Verse: 2A     er band ez zvͦ dem satele.   vf saz der snelle san.
Verse: 2B     er band ez zvme satele.   vf saz der snelle san.
Verse: 2C     er bandez zvͦ dem satele.   gewalteklichen dan

Verse: 3     er braht iz an di fiwerstat   dvrch sinen hohen mvt
Verse: 3A     er braht ez an die viwerstat   durch sinen hohen muͦt
Verse: 3B     er braht iz an di fiwerstat   dvrch sinen hohen mvt
Verse: 3C     braht erz an die fivrstat   durch sinen hohen mvͦt

Verse: 4     ceiner chvrzewile   der recke chvene vnt gvt
Verse: 4A     zeiner kurzwile,   der degen kuͤne vñ guͦt.
Verse: 4B     ceiner chvrzewile,   der recke chvͤne vnd gvt.
Verse: 4C     zeiner kurcewile,   der reche kvͤne vñ gvͦt.



Strophe: 982   { |X951 / Strophe of Ms. A: 892   / Strophe of Ms. B: 948   / Strophe of Ms. C: 959   }


Verse: 1     wi rehte herliche   er cen herbergen reit
Verse: 1A     Wie rehte herlichen   er ze herbergen reit!
Verse: 1B     Wi rehte herliche   er cen herbergen reit!
Verse: 1C     Wie rehte weigerliche   er zen herbergen reit!

Verse: 2     sin ger was vil michel   starch vnde breit
Verse: 2A     sin ger was vil michel   strach vnde breit.
Verse: 2B     sin ger was vil michel,   starch vnde breit.
Verse: 2C     sin gere was vil michel,   starch vñ breit.

Verse: 3     im hiench ein zier waffen   hin nider an den sporn
Verse: 3A     im hie ein cier wafen   nider vf den sporn.
Verse: 3B     im hiench ein zier waffen   hin nider an den sporn.
Verse: 3C     im hienge eñn starchez waffen   nider an den sporn.

Verse: 4     von vil rotem golde   fvrt der herre ein schone horn
Verse: 4A     von rotem golde   der herre fuͦrte ein <schone> horn.
Verse: 4B     von vil rotem golde   fvrt der herre ein shone horn.
Verse: 4C     von vil rotem golde   fvrter ein herlichez horn.



Strophe: 983   { |X952 / Strophe of Ms. A: 893   / Strophe of Ms. B: 949   / Strophe of Ms. C: 960   }


Verse: 1     von bezzerm pirschewaete   gehort ich nie gesagen
Verse: 1A     Von bezzerm prisgewæte   hort ich nie gesagen.
Verse: 1B     Von bezzerm prischewæte   gehort ich nie gesagen.
Verse: 1C     V2on bezzerm birsgewæte   gehort ir nie gesagen.

Verse: 2     einen rok von swarcem pfellel   den sach man in tragen
Verse: 2A     einen roch <swartz> pfhellin   sach man in tragen,
Verse: 2B     einen rok von swarcem pfellel   den sach man in tragen
Verse: 2C     einen roch von swarzem pfellel   den sah man in tragen,

Verse: 3     vnd eine hvt von zobele   div riche was genvch
Verse: 3A     vnd einen huͦt von zodele,   der rike was genvͦch.
Verse: 3B     vnd eine hvt von zobele,   div riche was genvch.
Verse: 3C     uñ einen hvͦt von zobele,   der riche was genvͦch.

Verse: 4     hey waz er richer porten   an sinem chochaere trvch
Verse: 4A     hei was er borten   an sime kochere truͦch!
Verse: 4B     hey waz er richer porten   an sinem chochære trvch!
Verse: 4C     hey waz er gvter porten   an sinem chochære trvͦch!



Strophe: 984   { |X953 / Strophe of Ms. A: 894   / Strophe of Ms. B: 950   / Strophe of Ms. C: 961   }


Verse: 1     von einem pantel   was darvber gezogen
Verse: 1A     Von eime pantel   was daruber <gezogen>
Verse: 1B     V2on einem pantel   was dar vber gezogen
Verse: 1C     Ein hvͦt von einem pantel   dar vber was gezogn

Verse: 2     ein hvt dvrch di sveze   ovch fvrt er einen bogen
Verse: 2A     ein hoͮt durch die suͤze.   oͮch fuͤrte er einen bogen,
Verse: 2B     ein hvt dvrch di svͤze.   ovch fvrt er einen bogen,
Verse: 2C     durch richeite vñ durch svͤze.   ovch fvrter einen bogn,

Verse: 3     den man mit antwerche   mvse ziehen dan
Verse: 3A     den man mit antwerke   mvͦse ciehen dan,
Verse: 3B     den man mit antwerche   mvse ziehen dan,
Verse: 3C     den man ziehen mvse   mit antwerche dan,

Verse: 4     der in spannen solde   ern het ez selbe getan
Verse: 4A     der in spannen wolde,   ern hetez selbe getan.
Verse: 4B     der in spannen solde,   ern het ez selbe getan.
Verse: 4C     der in spannen solde,   ern hete iz selbe getan.



Strophe: 985   { |X954 / Strophe of Ms. A: 895   / Strophe of Ms. B: 951   / Strophe of Ms. C: 962   }


Verse: 1     von einer lvdemes hvte   was allez sin gewant
Verse: 1A     Von einer ludmes hûte   was allez sin gewant.
Verse: 1B     Von einer lvdemes hvte   was allez sin gewant.
Verse: 1C     Von einer lvdemes hvte   was allez sin gewant.

Verse: 2     von hovbet vnz an daz ende   gestrevt man darvffe vant
Verse: 2A     von hoͮbet unz anz ende   gestroͮt man durfe vant.
Verse: 2B     von hovbet vnz an daz ende   gestrevt <man> dar vffe vant.
Verse: 2C     von hovpte vnz an daz ende   gestrvͤte man drvfe vant.

Verse: 3     vz der liehten rivhe   vil manich goldes zein
Verse: 3A     vz der liehten ruhe   vil manich goldes zein \   { \ Page of Ms. C: 37a  C:_37a }
Verse: 3B     vz der liehten rivhe   vil manich goldes zein
Verse: 3C     vz der liehten rvhe   vil manic goldes zein

Verse: 4     ce beiden sinen siten   dem chvnem iegermeister schein
Verse: 4A     ze beiden siten   dem kuͤnen iegermeister schein.
Verse: 4B     ce beiden sinen siten   dem chvnem iegermeister schein.
Verse: 4C     ze beiden sinen siten   dem kuͦnin iægermeister schein.



Strophe: 986   { |X955 / Strophe of Ms. A: 896   / Strophe of Ms. B: 952   / Strophe of Ms. C: 963   }


Verse: 1     do fvrt er palmvngen   ein ziere waffen breit
Verse: 1A     Ovch fuͦrt er Balmvngen,   ein ciere wafen breit.
Verse: 1B     Do fvrt er Palmvngen,   ein ziere waffen breit.
Verse: 1C     Ovch furter Palmvngen,   ein ziere wafen breit,

Verse: 2     daz was also scherpfe   daz ez nie vermeit
Verse: 2A     daz was also scherphe,   daz ez nie vermeit,
Verse: 2B     daz was also scherpfe,   daz ez nie vermeit,
Verse: 2C     so starch uñ ovch so scherpfe.   wie vreislich ez sneit,

Verse: 3     swa man ez slvch vf helme   sin ecke waren gvt
Verse: 3A     swa manz sluͦch vf helme.   sin eke waren guͦt.
Verse: 3B     swa man ez slvch vf helme;   sin ecke waren gvt.
Verse: 3C     swa man ez slvͦch vf helme!   sin ecke warn gvͦt.

Verse: 4     der herliche iaeger   was hohe gemvt
Verse: 4A     der herliche iegere   was vil hohe gemvͦt.
Verse: 4B     der herliche iæger   was hohe gemvt.
Verse: 4C     der hereliche iægere   der was vil hohgemvͦt.



Strophe: 987   { |X956 / Strophe of Ms. A: 897   / Strophe of Ms. B: 953   / Strophe of Ms. C: 964   }


Verse: 1     sit daz ich iv div maere   gar bescheiden sol
Verse: 1A     Sid ich iv div mere   gar bescheiden sol,
Verse: 1B     S2it daz ich iv div mære   gar bescheiden sol,
Verse: 1C     S2it daz ich ivch der mære   gar bescheiden sol,

Verse: 2     im was sin edel chocher   vil gvter strale vol
Verse: 2A     im was sin edel kocher   guͦter strale vol,
Verse: 2B     im was sin edel chocher   vil gvter strale vol,
Verse: 2C     im was sin gvͦt chocher   vil gvͦter stralen vol,

Verse: 3     von gvldinen tvellen   div sahs wol hende breit
Verse: 3A     von gvldinen tullen,   div sahs wol hende breit.
Verse: 3B     von gvldinen tvͤllen,   div sahs wol hende breit.
Verse: 3C     mit guldinnen tullen,   div sahs wol spannen breit.

Verse: 4     ez mvse vil balde sterben   swaz er damit versneit
Verse: 4A     ez muͦste balde ersterben,   swaz er da mit versneit.
Verse: 4B     ez mvse vil balde sterben,   swaz er da mit versneit.
Verse: 4C     ez mvse bald ersterbn,   swaz er mit schiezen versneit.



Strophe: 988   { |X957 / Strophe of Ms. A: 898   / Strophe of Ms. B: 954   / Strophe of Ms. C: 965   }


Verse: 1     do reit der ritter edele   vil weidenliche dan
Verse: 1A     Do reit der riter edel   vil weidenliche dan.
Verse: 1B     Do reit der ritter edele   vil weidenliche dan.
Verse: 1C     Do reit der ritter edele   vil weidenlichen dan.

Verse: 2     in sahen dort chvmen her   di gvntheres man
Verse: 2A     in sahen zuͦ in komende   Gvnthers man.
Verse: 2B     in sahen <dort> chomen her   di Gvntheres man.
Verse: 2C     in sahen zvͦ zin chumende   die Guntheres man.

Verse: 3     si lieffen im engegen   vnd enpfiengen im daz march
Verse: 3A     si liefen im enkegne   vnd enphiengen im daz march.
Verse: 3B     si lieffen im engegen   vnd enpfiengen im daz march.
Verse: 3C     si liefen im engegene   vñ enpfiengen im daz march.

Verse: 4     do fvrt er bi dem satel   einen bern groz vn starch
Verse: 4A     do fuͦrte er bi dem satele   den bern groz vnde starch.
Verse: 4B     do fvrt er bi dem satel   einen bern groz vn starch.
Verse: 4C     do fvrter bi dem satele   einen bern groz vñ starch.



Strophe: 989   { |X958 / Strophe of Ms. A: 899   / Strophe of Ms. B: 955   / Strophe of Ms. C: 966   }


Verse: 1     als er gestvnt von rosse   do lost er im div bant
Verse: 1A     Als er gestuͦnt von rosse,   do loste er im div bant
Verse: 1B     Als er gestvnt von rosse,   do lost er im div bant
Verse: 1C     Als er gestvnt von rosse,   do loster im div bant

Verse: 2     von fvoze vnd ovch von mvnde   do erlvote da cehant
Verse: 2A     von fuͤze vnd oͮch von mvnde.   do erlute sa zehant
Verse: 2B     von fvͦze vnd ovch von mvnde.   do erlvͦte da cehant
Verse: 2C     von fvͤzen vnt von munde.   do erlutte da zehant

Verse: 3     vil groze daz gehvende   swaz des den bern sach
Verse: 3A     vil luͦte daz gehvnde,   swaz ez den bern sach.
Verse: 3B     vil groze daz gehvͤnde,   swaz des den bern sach.
Verse: 3C     vil groze daz gehunde,   swaz des den bern sach.

Verse: 4     daz tier ce walde wolde   di livte heten vngemach
Verse: 4A     daz tier ze walde wolde;   des heten die lûte vngemach.
Verse: 4B     daz tier ce walde wolde;;   di livte heten vngemach.
Verse: 4C     daz tyer ze walde wolde;   die lvte heten vngemach.



Strophe: 990   { |X959 / Strophe of Ms. A: 900   / Strophe of Ms. B: 956   / Strophe of Ms. C: 967   }


Verse: 1     der ber von dem schalle   dvrch di chvochen geriet
Verse: 1A     Der bere von dem schalle   durch die kuche geriet.
Verse: 1B     D2er ber von dem schalle   dvrch di chvͦchen geriet.
Verse: 1C     Der ber von dem schalle   durch die chvchen geriet.

Verse: 2     hey waz er chvchenknehte   von dem fiwer schiet
Verse: 2A     hey waz er kvken knehte   von dem viwer schiet!
Verse: 2B     hey waz er chvchenknehte   von dem fiwer schiet!
Verse: 2C     hey waz er chuchenknehte   von dem fivre schiet!

Verse: 3     vil chezzel wart gerveret   cefveret manich brant
Verse: 3A     vil kezzele wart geruͦt,   cerfuͦrt manich brant.
Verse: 3B     vil <chezzel> wart gervͤ\ret,   cefvͤret manich brant.   { \ Page of Ms. B: 335a   A:_335a }
Verse: 3C     vil chezzil wart gervret,   zerfvret manic brant.

Verse: 4     hey waz man gvter spise   in der asschen ligen vant
Verse: 4A     hei waz man guͦter spise   in dem asche ligen vant!
Verse: 4B     hey waz man gvter spise   in der asschen ligen <vant>!
Verse: 4C     hey waz man gvter spise   in der aschen ligen vant!



Strophe: 991   { |X960 / Strophe of Ms. A: 901   / Strophe of Ms. B: 957   / Strophe of Ms. C: 968   }


Verse: 1     do sprvngen von dem sedele   di herren vnd ir man
Verse: 1A     Do sprvngen von dem sedele   die herren vnd ir man.
Verse: 1B     Do sprvngem von dem sedele   di herren vnd ir man.
Verse: 1C     D2o sprungen von dem sedele   die herren vñ ir man.

Verse: 2     der ber begonde zvernen   der chvenich der hiez do lan
Verse: 2A     der bere begvnde zvrnen.   der kvnich hiez do lan
Verse: 2B     der ber begonde zvͤrnen.   der chvͤnich der hiez do lan
Verse: 2C     der ber begunde zvrnen.   der kunic hiez do lan

Verse: 3     allez daz gehvende   daz an den seilen lach
Verse: 3A     allez daz gehvnde,   daz an seilen lac.
Verse: 3B     allez daz gehvͤnde,   daz an den seilen lach.
Verse: 3C     allez daz gehunde,   daz an seilen lach.

Verse: 4     vnd waeriz wol verendet   si heten vrolichen tach
Verse: 4A     vnd wer ez wol verendet,   si heten vroͤlichen tac.
Verse: 4B     vnd wæriz wol verendet,   si heten vrolichen tach.
Verse: 4C     wær iz wol verendet,   si heten vrolichen tach.



Strophe: 992   { |X961 / Strophe of Ms. A: 902   / Strophe of Ms. B: 958   / Strophe of Ms. C: 969   }


Verse: 1     mit bogen vnd mit spiezen   niht langer man daz lie
Verse: 1A     Mit bogen vnd mit spiezen -   niht langer man daz lie -
Verse: 1B     Mit bogen vnd mit spiezen -   niht langer man daz lie -
Verse: 1C     Mit bogen vñ mit spiezen -   niht langer man daz lie -

Verse: 2     do lieffen dar di snellen   da der ber gie
Verse: 2A     dar liefen do die snellen   da der bere gie.
Verse: 2B     do lieffen dar si snellen   da der ber gie.
Verse: 2C     do liefen dar die snellen   da der ber gie.

Verse: 3     da was so vil der hvnd   daz da niemen shoz
Verse: 3A     do was so vil der hvnde,   daz da nieman schoz.
Verse: 3B     da was so vil der <hvnde>,   daz da niemen shoz.
Verse: 3C     so vil was der hvnde,   daz da niemen schoz.

Verse: 4     von des livtes schalle   daz gebirge allez erdoz
Verse: 4A     von des livtes schalle   daz gebirge allez erdoz.
Verse: 4B     von des livtes schalle   daz gebirge allez erdoz.
Verse: 4C     von dem gro \ schalle   beidiv berch vñ walt erdoz.   { \ Page of ms. B: 37r   B:_37r }



Strophe: 993   { |X962 / Strophe of Ms. A: 903   / Strophe of Ms. B: 959   / Strophe of Ms. C: 970   }


Verse: 1     der ber begonde vliehen   von den hvnden dan
Verse: 1A     Der ber begvnde vliehen   vor den hvnden dan.
Verse: 1B     D2er ber begonde vliehen   von den hvnden dan.
Verse: 1C     Der ber begunde vliehen   vor denn hunden dan.

Verse: 2     im chvnde niht gevolgen   wan criemhilde man
Verse: 2A     im kvnde niht geuolgen   wan Kriemhilde man.
Verse: 2B     im chvnde niht gevolgen   wan Criemhilde man.
Verse: 2C     im enchunde niht gevolgen   wan Chriemh' man.

Verse: 3     der erlief in mit dem swerte   ce tode er in do slvch
Verse: 3A     er erlief in mit dem swerte;   ce tode er in do sluͦch.
Verse: 3B     der erlief in mit dem swerte;   ce tode er in do slvch.
Verse: 3C     der erliefen mit dem swerte;   ze tode er in do slvͦch.

Verse: 4     hin wider zv dem fiwere   den ber man do sider trvch
Verse: 4A     hin wider zuͦ dem viwre   man den beren truͦch.
Verse: 4B     hin wider zv dem fiwere   den ber man do sider trvch.
Verse: 4C     hin wider zv der chuͦchen   man den bern sider trvͦch.



Strophe: 994   { |X963 / Strophe of Ms. A: 904   / Strophe of Ms. B: 960   / Strophe of Ms. C: 971   }


Verse: 1     do sprachen di daz sahen   er waere ein creftech man
Verse: 1A     Do sprachen die daz sahen,   er wer ein kreftich man.
Verse: 1B     Do sprachen di daz sahen,   er wære ein creftech man.
Verse: 1C     D2o sprachen die daz sahen,   er wær ein chreftic man.

Verse: 2     di stolzen iagetgesellen   hiez man cen tisschen gan
Verse: 2A     die stolcen ieitgesellen   hiez man ze tische gan.
Verse: 2B     di stolzen iagetgesellen   hiez man cen tisschen gan.
Verse: 2C     die stolzen iagtgesellen   hiez man zen tischen gan.

Verse: 3     vf einem shoenem anger   saz ir da genvch
Verse: 3A     vf einen <schonen> anger   saz ir da genuͦc.
Verse: 3B     vf einem shoͤnem anger   saz ir da genvch.
Verse: 3C     vf einen schonen anger   saz ir da genvͦc.

Verse: 4     hey waz man richer spise   den edeln iegeren do trvch
Verse: 4A     hei waz man riterspise   den stolcen iegern do truͦc!
Verse: 4B     hey waz man richer spise   den edeln iegeren do trvch!
Verse: 4C     waz man do richer spise   den iagtgesellen dar trvͦc!



Strophe: 995   { |X964 / Strophe of Ms. A: 905   / Strophe of Ms. B: 961   / Strophe of Ms. C: 972   }


Verse: 1     di schenchen chomen seine   di tragen solden win
Verse: 1A     Die senchen komen seine,   die tragen solden win.
Verse: 1B     Di <shenchen> chomen seine,   di tragen solden win.
Verse: 1C     Die schenchen chomen seine,   die tragen solden win.

Verse: 2     ez en chvnde baz gedienet   den helden nimmer sin
Verse: 2A     ez kvnde baz gedienet   nimmer helden sin.
Verse: 2B     ezen chvnde baz gedienet   den helden nimmer sin.
Verse: 2C     ez enchunde baz gedienet   nimmer heleden sin.

Verse: 3     heten si darvnder   niht so valschen mvt
Verse: 3A     heten si darunder   niht so valsem muͦt,
Verse: 3B     heten si dar vnder   niht so valschen mvt,
Verse: 3C     heten si dar vnder   niht so valschen mvͦt,

Verse: 4     so waeren wol di recken   vor allen schanden behvt
Verse: 4A     so waren wol die reken   vor allen schanden behuͦt.
Verse: 4B     so wæren wol di recken   vor allen schanden behvt.
Verse: 4C     so wæren wol die degene   vor allen schanden behvͦt.



Strophe: 996   { Strophe of Ms. C: 973   }


Verse: 1C     Done hete nilnt der sinne   der chuene veige man,

Verse: 2C     daz er sich ir untriwe   chunde han verstan.

Verse: 3C     er was in ganzen tugenden   alles valsches bloz.

Verse: 4C     sins sterbes mvͦse engelten   sit der sin nie niht genoz.



Strophe: 997   { |X965 / Strophe of Ms. A: 906   / Strophe of Ms. B: 962   / Strophe of Ms. C: 974   }


Verse: 1     do sprach der herre sifrit   wunder mich des hat
Verse: 1A     Do sprach der herre Sifrit:   "wunder mich des hat,
Verse: 1B     D2o sprach der herre Sifrit:   "wnder mich des hat,
Verse: 1C     Do sprach der herre Sivrit:   "wnder mich des hat,

Verse: 2     sit man vns von den chvchen   git so manigen rat
Verse: 2A     sid man vns von kuchen   git so manigen rat,
Verse: 2B     sit man vns von den chvchen   git so manigen rat,
Verse: 2C     sit man vns von der chuchen   git so manigen rat,

Verse: 3     warvmb vns di shenchen   bringen niht den win
Verse: 3A     warumbe vns die schenken   darzvͦ niht bringen win.
Verse: 3B     warvmb vns di shenchen   bringen niht den win.
Verse: 3C     durch waz uns die schenchen   bringen niht den win.

Verse: 4     man en pflaege baz der iegere   ich en wil niht iagetgeselle sin
Verse: 4A     man pflege baz der iegern,   ich wil niht ieitgeselle sin.
Verse: 4B     man enpflæge baz der iegere,   ich en wil niht iagetgeselle sin.
Verse: 4C     man enpflege baz der iægere,   ine wil niht iagtgeselle sin.



Strophe: 998   { |X966 / Strophe of Ms. A: 907   / Strophe of Ms. B: 963   / Strophe of Ms. C: 975   }


Verse: 1     ich hete wol gedienet   daz man min baz naeme war
Verse: 1A     Ich hete wol verdienet,   daz man min mæme ware."
Verse: 1B     Ich hete wol gedienet,   daz man min baz næme war."
Verse: 1C     Ich hete wol gedienet,   daz man min næme war."

Verse: 2     der chvenich von sinem tissche   sprach in valsche dar
Verse: 2A     der kvnich von denm tische   spranch in valsche dare:
Verse: 2B     der chvͤnich von sinem tissche   sprach in valsche dar:
Verse: 2C     der chunic ob dem tische   sprach in valsche dar:

Verse: 3     man sol iv gerne bvezen   swes wir gebresten han
Verse: 3A     "man sol iv gerne buͤzen   swes wir gebresten han.
Verse: 3B     "man sol iv gerne bvͤzen   swes wir gebresten han.
Verse: 3C     "man solz iv gerne bvzen   swes wir gebresten han.

Verse: 4     daz ist von hagenen schvlden   er wil vns gern erdversten lan
Verse: 4A     ez ist von Hagnen schvlden;   der wil vns erdursten lan."
Verse: 4B     daz ist von Hagenen schvlden;   er wil vns gern erdvͤrsten lan."
Verse: 4C     wir sin von Hagene schulde   hivt ane trinchen bestan."



Strophe: 999   { |X967 / Strophe of Ms. A: 908   / Strophe of Ms. B: 964   / Strophe of Ms. C: 976   }


Verse: 1     do sprach von tronege hagene   vil lieber herre min
Verse: 1A     Do sprach von Trony Hagne:   "lieber herre min, \   { \1:_37b }
Verse: 1B     Do sprach von Tronege Hagene:   "vil lieber herre min,
Verse: 1C     D2o sprach der von Tronege:   "vil lieber herre min,

Verse: 2     ich wande daz daz pirsen   hivte solde sin
Verse: 2A     ich wande, daz pirsen   hivte solde sin
Verse: 2B     ich wande daz daz pirsen   hivte solde sin
Verse: 2C     ich wande daz diz pirsen   hivte solde sin

Verse: 3     da cem spehtsharte   den win den sand ich dar
Verse: 3A     da ze dem Spetharte;   den win den sand ich dar.
Verse: 3B     da cem Spehtsharte;   den win den sand ich dar.
Verse: 3C     da zem Spehtsharte;   den win den sande ich dar.

Verse: 4     sin wir hivte vngetrvnchen   wi wol ich mere daz bewar
Verse: 4A     sin wir hivte vngetrvnken,   wie wol ich mere daz bewar."
Verse: 4B     sin wir hivte vngetrvnchen,   wi wol ich mere daz bewar."
Verse: 4C     sin wir hie vngetrunchen,   wie wol ihz immer mer bewar."



Strophe: 1000   { |X968 / Strophe of Ms. A: 909   / Strophe of Ms. B: 965   / Strophe of Ms. C: 977   }


Verse: 1     do sprach der herre sifrit   ir lip der hab vndanch
Verse: 1A     Do sprach der Niderlende:   "ir lip der habe undanch!
Verse: 1B     D2o sprach der herre Sifrit:   "ir lip der hab vndanch!
Verse: 1C     Do sprach der herre Sivrit:   "ir lip der habe vndanc!

Verse: 2     man solde mir siben sovme   met vnd lvter tranch
Verse: 2A     man solde mir siben soͮme   mit met vñ lutertranch
Verse: 2B     mman solde mir siben sovme   met vnd lvtertranch
Verse: 2C     man solde mir siben savme   win uñ luttertranc

Verse: 3     haben her gefveret   do des niht mohte sin
Verse: 3A     haben her gefuͤret.   do des niht mohte sin,
Verse: 3B     haben her gefvͤret.   do des niht mohte sin,
Verse: 3C     habn her gefvͤret.   do des niht mohte sin,

Verse: 4     do sold man vns gesidelt   haben naher an den rin
Verse: 4A     do solde man vns gesidelet   haben nahen an den Rin."
Verse: 4B     do sold man vns gesidelt   haben naher an den Rin."
Verse: 4C     do solde man vns naher   han gesidelt an den Rin."



Strophe: 1001   { |X969 / Strophe of Ms. A: 910   / Strophe of Ms. B: 966   / Strophe of Ms. C: 978   }


Verse: 1     do sprach von tronege hagene   ir edel ritter balt
Verse: 1A     Do sprach von Troni Hagne:   "ir edelen riter balt,
Verse: 1B     Do sprach von Tronege Hagene:   "ir edel ritter balt,
Verse: 1C     Do sprach aber Hagene:   "ir edeln ritter balt,

Verse: 2     ich weiz hie bi nahen   einen brvnnen chalt
Verse: 2A     ich weiz hie vil nahen   einen brvnnen kalt -
Verse: 2B     ich weiz hie bi nahen   einen brvnnen \ chalt -   { \ Page of Ms. B: 335b   A:_335b }
Verse: 2C     ich weiz hie vil nahen   einen brunnen, der ist chalt -

Verse: 3     daz ir niht en zvernet   da svln wir hine gan
Verse: 3A     daz ir niht erzurnet -   da sul wir hine gan."
Verse: 3B     daz ir niht en zvͤrnet -   da svln wir hine gan."
Verse: 3C     daz ir niht enzvrnet -   da svln wir hine gan."

Verse: 4     der rat wart manigem degene   ce grozen sorgen getan
Verse: 4A     der rat wart manigem degne   ce grozen sorgen getan.
Verse: 4B     der rat wart manigem degene   ce grozen sorgen getan.
Verse: 4C     der rat wart manigem degene   ze grozen sorgen getan.



Strophe: 1002   { |X970 / Strophe of Ms. A: 911   / Strophe of Ms. B: 967   / Strophe of Ms. C: 979   }


Verse: 1     sifrit den recken   twanch des tvrstes not
Verse: 1A     Sifriden den reken   twanch des durstes not.
Verse: 1B     Sifrit den recken   twanch des tvrstes not.
Verse: 1C     Den helt von Niderlanden   dwanch des durstes not.

Verse: 2     den tissch er deste ziter   rvchen dan gebot
Verse: 2A     den tisch er dester ziter   ruken da gebot.
Verse: 2B     den tissch er deste ziter   rvchen dan gebot.
Verse: 2C     den tische er deste ziter   rvchen dan gebot.

Verse: 3     er wolde fver di berge   zv dem brvnnen gan
Verse: 3A     er wolde fur die berge   zvͦ dem brvnnen gan.
Verse: 3B     er wolde fvͤr di berge   zv dem brvnnen gan.
Verse: 3C     er wolde fvr die berge   zv dem brunnen gan.

Verse: 4     do was der rat mit meine   von den rechen getan
Verse: 4A     do was der rat mit meine   von den reken getan.
Verse: 4B     do was der rat mit meine   von den rechen getan.
Verse: 4C     do was der rat mit meine   von den degenen getan.



Strophe: 1003   { |X971 / Strophe of Ms. A: 912   / Strophe of Ms. B: 968   / Strophe of Ms. C: 980   }


Verse: 1     div tier hiez man waegen   fveren in daz lant
Verse: 1A     Div tier hiez man vf wægnen   vñ fuͦrn in daz lant,
Verse: 1B     D2iv tier hiez man wægen   fvͤren in daz lant,
Verse: 1C     Div tyer man hiez vf wægenen   fvͤren in daz lant,

Verse: 2     div hete verhowen   div sifrides hant
Verse: 2A     div da hete verhoͮwen   Sifrides hant.
Verse: 2B     div da hete verhowen   div Sifrides hant.
Verse: 2C     div da verhowen hete   div Sivrides hant.

Verse: 3     man iah im grozer eren   swer iz ie gesach
Verse: 3A     man iach im grozer ern,   swer ez ie gesach.
Verse: 3B     man iah im grozer eren,   swer iz ie gesach.
Verse: 3C     man iah im grozer eren,   swer ez ie gesach.

Verse: 4     hagen sine triwe   vil sere an sifriden brach
Verse: 4A     Hagne sine triwe   sere an Sifride brach.
Verse: 4B     Hagen sine triwe   vil sere an Sifriden brach.
Verse: 4C     Gunther sine triwe   vaste an Sivride brach.



Strophe: 1004   { |X972 / Strophe of Ms. A: 913   / Strophe of Ms. B: 969   / Strophe of Ms. C: 981   }


Verse: 1     do si wolden dannen   zv den linden breit
Verse: 1A     Do si wolden dannen   zuͦ der linden breit,
Verse: 1B     Do si wolden dannen   zv den linden breit,
Verse: 1C     D2o si dannen wolden   zvͦ der linden breit,

Verse: 2     do sprach von tronege hagene   mir ist des vil geseit
Verse: 2A     do sprach von Trony Hagne:   "mir ist des vil geseit,
Verse: 2B     do sprach von Tronege Hagene:   "mir ist des vil geseit,
Verse: 2C     do sprach aber Hagene:   "mir ist dicke daz geseit,

Verse: 3     daz niht gevolgen chvenne   der criemhilde man
Verse: 3A     daz niht gevolgen kvnde   dem Kriemhilde man,
Verse: 3B     daz niht gevolgen chvͤnne   der Criemhilde man,
Verse: 3C     daz niht gevolgen chunne   dem Chriemh' man,

Verse: 4     swenne er wolde gahen   hey wolde er vns daz sehen lan
Verse: 4A     swenner welle gahen.   wold er vns daz sehen lan!"
Verse: 4B     swenne er wolde gahen.   hey wolde er vns daz sehen lan!"
Verse: 4C     swenner wolde gahen.   hey wolde vns daz sehn lan!"



Strophe: 1005   { |X973 / Strophe of Ms. A: 914   / Strophe of Ms. B: 970   / Strophe of Ms. C: 982   }


Verse: 1     do sprach von niderlande   der chvene sifrit
Verse: 1A     Do sprach von Niderlande   der kuͤne Sifrit:
Verse: 1B     Do sprach von Niderlande   der chvͤne Sifrit:
Verse: 1C     Do sprach von Niderlanden   der herre Sivrit.

Verse: 2     daz mvget ir wol versvchen   welt ir mir lovffen mit
Verse: 2A     "daz mvget ir wol versuͦchen,   welt ir mir volgen mit
Verse: 2B     "daz mvget ir wol versvchen,   welt ir mir lovffen mit
Verse: 2C     "ir mvgt ez wol versvchen,   welt ir mir lovfen mite

Verse: 3     ce wette zv dem brvnnen   so daz ist getan
Verse: 3A     ze wette zvͦ dem brvnnen.   so daz ist getan,
Verse: 3B     ce wette zv dem brvnnen.   so daz ist getan,
Verse: 3C     ze wette zv dem brunnen.   so daz si getan,

Verse: 4     dem sol man iehen dannen   den man sihet gewunnen han
Verse: 4A     man <iehe> den gewinnes,   den man siht gewivnen han."
Verse: 4B     dem sol man iehen dannen,   den man sihet gewnnen han."
Verse: 4C     der sol han \ gewnnen,   den man siht ze vorderst stan."   { \ Page of ms. B: 37v   B:_37v }



Strophe: 1006   { |X974 / Strophe of Ms. A: 915   / Strophe of Ms. B: 971   / Strophe of Ms. C: 983   }


Verse: 1     nv welle ovch wirz versvchen   sprach hagene der degen
Verse: 1A     "Nv welle oͮch wirz versuͦchen",   sprach Hagne der degen.
Verse: 1B     "N2v welle ovch wirz versvchen",   sprach Hagene der degen.
Verse: 1C     "Nv welle ovch wirz versvͦchen",   sprach Hagene der degn.

Verse: 2     do sprach der snelle sifrit   so wil ich mich legen
Verse: 2A     do sprach der starke Sifrit:   "so wil ich mich legen
Verse: 2B     do sprach der snelle Sifrit:   "so wil ich mich legen
Verse: 2C     do sprach der starche Sivrit:   "so wil ich mich legn

Verse: 3     fvor di iwern fvezze   nider an daz gras
Verse: 3A     fur iwer fuͤze   nider an daz gras."
Verse: 3B     fvͦr di iwern fvͤzze   nider an das gras."
Verse: 3C     fvr die iwern fvͤze   nider an daz gras."

Verse: 4     do er daz gehorte   wi lieb ez gvnthere was
Verse: 4A     do er daz gehorte,   wie liep daz Gvnthers was!
Verse: 4B     do er daz gehorte,   wi lieb ez Gvnthere was!
Verse: 4C     do Gunther daz gehorte,   hey wie lieb im daz was!



Strophe: 1007   { |X975 / Strophe of Ms. A: 916   / Strophe of Ms. B: 972   / Strophe of Ms. C: 984   }


Verse: 1     do sprach der degen chvene   noch wil ich iv mere sagen
Verse: 1A     Do sprach der degen kuͤne:   "ich wil iv mere sagen:
Verse: 1B     Do sprach der degen chvͤne:   "noch wil ich iv mere sagen:
Verse: 1C     Do sprach der degn chvne:   "ich wil iv mære sagn:

Verse: 2     allez min gewaete   wil ich mit mir tragen
Verse: 2A     allez min gewete   wil ich mìt mir tragen,
Verse: 2B     allez min gewæte   wil ich mit mir tragen,
Verse: 2C     allez min gewæte   wil ich an mir tragn,

Verse: 3     den ger zv dem schilde   vnd al min pirsgewant
Verse: 3A     den ger zuͦ dem schilde   vnd min pirsgewant."
Verse: 3B     den ger zv dem schilde   vnd al min pirsgewant."
Verse: 3C     den ger zv dem schilte   vñ al min pirsgewant."

Verse: 4     den chocher zv dem swerte   vil schier er vmb gebant
Verse: 4A     den kocher zvͦ dem swerte   schier er vmbe gebant.
Verse: 4B     den chocher zv dem swerte   vil schier er vmb gebant.
Verse: 4C     den chocher zvͦ dem swerte   vil schier er vmbe gebant.



Strophe: 1008   { |X976 / Strophe of Ms. A: 917   / Strophe of Ms. B: 973   / Strophe of Ms. C: 985   }


Verse: 1     do zvgen si div chleider   von dem libe dan
Verse: 1A     Do zvgen si div kleider   von dem libe dan.
Verse: 1B     Do zvgen si div chleider   von dem libe dan.
Verse: 1C     D2o zvgen si div chleider   von dem libe dan.

Verse: 2     in zwein wizzen hemden   sach man si beide stan
Verse: 2A     in zwein wizen hemden   sach man si beide stan.
Verse: 2B     in zwein wizzen hemden   sach man si beide stan.
Verse: 2C     in zwein wizen hemeden   sach man si beide stan.

Verse: 3     sam zwei wildiv pantel   si lieffen dvrch den chle
Verse: 3A     sam zvai wildiv panthel   si liefen durch den chle.
Verse: 3B     sam zwei wildiv pantel   si lieffen dvrch den chle.
Verse: 3C     sam zwei wildiv pantel   si liefen durch dcn kle.

Verse: 4     do sach man bi   dem brvnnen den chvenen sifriden e
Verse: 4A     doch sah man bi den brvnnen   den kuͤnen Sifriden ê.
Verse: 4B     do sach man bi dem brvnnen   den chvͤnen Sifriden ê.
Verse: 4C     doch sah man bi dem brunnen   den snellen Sivriden ê.



Strophe: 1009   { |X977 / Strophe of Ms. A: 918   / Strophe of Ms. B: 974   / Strophe of Ms. C: 986   }


Verse: 1     den pris an allen dingen   trvch er vor manigem man
Verse: 1A     Den bris von allen dingen   truͦch er vor manigem man.
Verse: 1B     D2en pris an allen dingen   trvch er vor manigem man.
Verse: 1C     Den pris an allen dingen   trvger vor manigem man.

Verse: 2     daz swert daz lost er schiere   den chocher leit er dan
Verse: 2A     daz swert lost er schiere,   den kocher leit er dan,
Verse: 2B     daz swert daz lost er schiere,   den chocher leit er dan,
Verse: 2C     daz swert er loste balde,   den chocher leit er dan,

Verse: 3     den starchen ger er leinte   an der linden ast
Verse: 3A     den starken ger er leinde   an der linden ast.
Verse: 3B     den starchen ger er leinte   an der linden ast.
Verse: 3C     sinen ger den starchen   leinter an der linden ast.

Verse: 4     bi des brvnnen vluzze   stvnt der herliche gast
Verse: 4A     bi des brvnnen fluzze   stuͦnt der herliche gast.
Verse: 4B     bi des brvnnen vlzze   stvnt der herliche gast.
Verse: 4C     bi des prunnen vlvͦzze   stunt der herliche gast.



Strophe: 1010   { |X978 / Strophe of Ms. A: 919   / Strophe of Ms. B: 975   / Strophe of Ms. C: 987   }


Verse: 1     di sifrides tvgende   waren harte groz
Verse: 1A     Die Sifrides tvgende   waren harte groz.
Verse: 1B     Di Sifrides tvgende   waren harte groz.
Verse: 1C     Di Sivrides tugende   warn harte groz.

Verse: 2     den schilt er leite nider   al da der brvnne vloz
Verse: 2A     den schilt er leite nider   da der brunne floz.
Verse: 2B     den schilt er leite nider   al da der brvnne vloz.
Verse: 2C     den schilt leit er nidere   al da der brunne vloz.

Verse: 3     swi harte in do dvrste   der helt nine tranch
Verse: 3A     swie harte so in durste,   der helt doch niht tranc
Verse: 3B     swi harte in do dvrste,   der helt nine tranch,
Verse: 3C     swie harte so in durste,   der helt doch niene tranch,

Verse: 4     e daz der chvenich getrvnche   des sagt er im boesen danch
Verse: 4A     ê der kvnich getrunke;   des seit er im vil bosen danc.
Verse: 4B     ê daz der chvͤnich getrvnche.   des \ sagt er im boͤsen danch.   { \ Page of Ms. C: 336a  C:_336a }
Verse: 4C     e daz der kunic choͤme;   daz dvhte Sivriden lanch.



Strophe: 1011   { |X979 / Strophe of Ms. A: 920   / Strophe of Ms. B: 976   / Strophe of Ms. C: 988   }


Verse: 1     der brvnne der was chvle   lvter vnd gvt
Verse: 1A     Der brunne was kuͤle,   luͦter vñ guͦt.
Verse: 1B     Der brvnne der was chvle,   lvter vnd gvt.
Verse: 1C     Der brunne was vil chvͤle,   lutter uñ gvͦt.

Verse: 2     gvnther sich do neigete   nider zv dem flvt
Verse: 2A     Gvnther si do neigte   nider zuͦ der vluͦt.
Verse: 2B     Gvnther sich do neigete   nider zv dem flvt.
Verse: 2C     Gunther sich do legete   nider zv der flvͦt.

Verse: 3     als er het getrvnchen   do riht er sih von dan
Verse: 3A     als er hete getrvnken,   do rihtete er sic von dan. \   { \ Page of ms. B: 38a   B:_38a }
Verse: 3B     als er het getrvnchen,   do riht er sih von dan.
Verse: 3C     daz wazzer mit dem munde   er von der flvͦte nam.

Verse: 4     alsam het ovch gerne   der chvne sifrit getan
Verse: 4A     alsam het oͮch gerne   der kuͤne Sifrit getan.
Verse: 4B     alsam het <ovch> gerne   dr chvne Sifrit getan.
Verse: 4C     si gedahten daz ovch Sivrit   nach im mvͤse tvͦn alsam.



Strophe: 1012   { |X980 / Strophe of Ms. A: 921   / Strophe of Ms. B: 977   / Strophe of Ms. C: 989   }


Verse: 1     do engalt er sine zvehte   den bogen vnt daz swert
Verse: 1A     Do engalt er siner zvhte.   den bogen vnd daz swert,
Verse: 1B     D2o engalt er sine zvͤhte.   den bogen vnt daz swert,
Verse: 1C     D2o engalt er siner zvͤhte.   den bogen vñ daz swert,

Verse: 2     daz trvch allez hagene   von im dannewert
Verse: 2A     daz truͦch allez Hagne   von im danwert,
Verse: 2B     daz trvch allez Hagene   von im dannewert.
Verse: 2C     daz trvͦg allez Hagene   von im dane wert.

Verse: 3     do sprang er hin wider   da er den ger da vant
Verse: 3A     vñ spranch da hin widere   da er den gere vant.
Verse: 3B     do sprang er hin wider   da <er> den ger da vant.
Verse: 3C     do spranger hin widere   da er den ger da vant.

Verse: 4     er sach nach einem bilde   an des chvenen gewant
Verse: 4A     er sach nach einem bilde   an des kuͤnen gewant.
Verse: 4B     er sach nach einem bilde   an des chvͤnen gewant.
Verse: 4C     er sach nach eime cruce   an des kuniges gewant.



Strophe: 1013   { |X981 / Strophe of Ms. A: 922   / Strophe of Ms. B: 978   / Strophe of Ms. C: 990   }


Verse: 1     da der herre sifrit   ob dem brvnnen tranch
Verse: 1A     Do der herre Sifrit   ob dem brunnen tranch,
Verse: 1B     Da der herre Sifrit   ob dem brvnnen tranch,
Verse: 1C     Da der herre Sivrit   ob dem brunnen tranch,

Verse: 2     er shoz in dvrch   daz crvece daz von der wunden spranch
Verse: 2A     er schoz im durch daz crivze,   daz von der wnden spranc
Verse: 2B     er shoz in dvrch daz <crvce>,   daz von der wnden spranch
Verse: 2C     er schoz in durch daz chruce,   daz vz der wnden spranc

Verse: 3     daz blvt im von dem hercen   vaste an hagenen wat
Verse: 3A     daz bluͦt von dem herzen   vaste an Hagnen wat.
Verse: 3B     daz blvt im von dem hercen   vaste an Hagenen wat.
Verse: 3C     daz blvt im von dem hercen   an die Hagenen wat.

Verse: 4     so groze missewende   ein helt nimmer mer begat
Verse: 4A     solher missewende   ein helt nv nimmer begat.
Verse: 4B     so groze missewende   ein helt nimmer mer begat.
Verse: 4C     so groze missewende   ein helt nv nimmer mer begat.



Strophe: 1014   { |X982 / Strophe of Ms. A: 923   / Strophe of Ms. B: 979   / Strophe of Ms. C: 991   }


Verse: 1     den ger im gein dem hercen   er do stechen lie
Verse: 1A     Den ger im gen dem herzen   steken er do lie.
Verse: 1B     Den ger im gein dem hercen   er do stechen lie.
Verse: 1C     Den ger gegen dem hercen   stechen er im lie.

Verse: 2     also grimmechlichen   ce flvehten hagen nie
Verse: 2A     also grimmecliche   ce fluhte Hagne <nie>
Verse: 2B     also grimmechlichen   ce flvͤhten Hagen nie
Verse: 2C     also angestlichen   ze flvhten Hagene nie

Verse: 3     gelief noch in der werlde   vor deheinem man
Verse: 3A     gelief in der werlde   vor deheinem man.
Verse: 3B     gelief noch in der werlde   vor deheinem man.
Verse: 3C     gelief noch in der werlde   vor decheinem man.

Verse: 4     do sich der herre sifrit   der grozen wunden versan
Verse: 4A     do sich der starke Sifrit   der grozen wunden versan,
Verse: 4B     do sich der herre Sifrit   der grozen wnden versan,
Verse: 4C     do sich der herre Sivrit   der starchen wnden versan,



Strophe: 1015   { |X983 / Strophe of Ms. A: 924   / Strophe of Ms. B: 980   / Strophe of Ms. C: 992   }


Verse: 1     der herre tobelichen   von dem brvnnen spranch
Verse: 1A     der herre tobelichen   von dem brunnen spranch.
Verse: 1B     <der> herre tobelichen   von dem brvnnen spranch.
Verse: 1C     der reche tobliche   von dem brunnen spranch.

Verse: 2     im ragete von dem hercen   ein gerstange lanch
Verse: 2A     im ragete von den herten   ein gerstange lanch.
Verse: 2B     im ragete von dem hercen   ein gerstange lanch.
Verse: 2C     im ragete von dem hercen   ein gerstange lanch.

Verse: 3     der fverste wande vinden   bogen oder swert
Verse: 3A     der furste wande vinden   bogen oder swert;
Verse: 3B     der fvͤrste wande vinden   bogen oder swert;
Verse: 3C     der fvrste wande vinden   bogen oder swert;

Verse: 4     so mvese wesen hagen   nach sinem dienste gewert
Verse: 4A     so mvͦste wesen Hagne   nach sime dienste gewert.
Verse: 4B     so mvͤse wesen Hagen   nach sinem dienste gewert.
Verse: 4C     so mvse wesn Hagene   nach sime dienste gewert.



Strophe: 1016   { |X984 / Strophe of Ms. A: 925   / Strophe of Ms. B: 981   / Strophe of Ms. C: 993   }


Verse: 1     do der sere wunde   des swertes niht en vant
Verse: 1A     Do der sere wnde   des swertes niht vant,
Verse: 1B     Do der sere wnde   des swertes niht en vant,
Verse: 1C     D2o der sere wnde   des swertes niht envant,

Verse: 2     do ne het et er niht mere   want des shildes rant
Verse: 2A     do het et er niht mere   wan des schildes rant.
Verse: 2B     done het et er niht mere   want des shildes rant.
Verse: 2C     done het et er niht mere   wan des schildes rant.

Verse: 3     er zvchten von dem brvnnen   do lief er hagenen an
Verse: 3A     er zuct in von dem brunnen.   do lief er Hagnen an;
Verse: 3B     er zvchten von dem brvnnen.   do lief er Hagenen an;
Verse: 3C     den zvhter von dem brunnen.   do lief er Hagenen an;

Verse: 4     do ne chvnde im niht entrinnen   des chvnich gvntheres man
Verse: 4A     do kvnd im niht entrinnen   des kvnich Gvnthers man.
Verse: 4B     done chvnde im niht entrinnen   des chvnich Gvntheres man.
Verse: 4C     done chunde im niht entrinnen   der vil vngetriwe man.



Strophe: 1017   { |X985 / Strophe of Ms. A: 926   / Strophe of Ms. B: 982   / Strophe of Ms. C: 994   }


Verse: 1     swi wunt er was cem tode   so crefftechlich er slvch
Verse: 1A     Swie wunt er was zem tode,   so kreftechlich er sluͦc,
Verse: 1B     Swi wnt er was cem tode,   so crefftechlich er slvch,
Verse: 1C     Swie wnt er was zem tode,   so chrefteklich er slvͦc,

Verse: 2     daz vz dem schilde   draete genvch
Verse: 2A     daz vzer dem schilde   drate genuͦch
Verse: 2B     daz vz dem schilde   dræte genvch
Verse: 2C     daz vzer dem schilde   dræte genvͦc

Verse: 3     viel des edelen gesteines   der schilt vil gar cerbrast
Verse: 3A     des edelen gesteines;   der schilt vil gar zerbrast.
Verse: 3B     <viel> des edelen gesteines;   der schilt vil gar cerbrast.
Verse: 3C     des edeln gesteines;   der schilt vil gar zebrast.

Verse: 4     sich hete gerne errochen   der vil herliche gast
Verse: 4A     sich hete gerne errochen   der vil herliche gast.
Verse: 4B     sich hete gerne errochen   der vil herliche gast.
Verse: 4C     sich hete gerne errochen   der vil herlich gast.



Strophe: 1018   { |X986 / Strophe of Ms. A: 927   / Strophe of Ms. B: 983   / Strophe of Ms. C: 995   }


Verse: 1     do was gestrvchet hagene   vor siner hant ce tal
Verse: 1A     Do was gestruchet Hagne   vor siner hant zetal.
Verse: 1B     D2o was gestrvchet Hagene   vor siner hant ce tal.
Verse: 1C     Hagene mvse vallen   von siner hant zetal.

Verse: 2     von des slages creffte   der wert vil lvt erhal
Verse: 2A     von des slages krefte   der wert vil lvte erhal.
Verse: 2B     von des slages creffte   der wert vil lvt erhal.
Verse: 2C     von des slages chrefte   der wert vil lvte erhal.

Verse: 3     het er daz swert enhande   so waerez hagenen tot
Verse: 3A     er het sin swert enhende,   so wer ez Hagnen tot.
Verse: 3B     het er daz swert enhande,   so wærez Hagenen tot,
Verse: 3C     het er daz swert enhende,   so wær ez Hagenen tot;

Verse: 4     so sere zvrnt der wunde   des gie im waerlichen not
Verse: 4A     sere zurnde der wunde;   des <tvanch> in ehaftiv not.
Verse: 4B     so sere zvrnt der wnde;   des gie im wærlichen not.
Verse: 4C     der helt en\tran vil chvme   vz der angestlichen not.   { \ Page of Ms. B: 38r   A:_38r }



Strophe: 1019   { |X987 / Strophe of Ms. A: 928   / Strophe of Ms. B: 984   / Strophe of Ms. C: 996   }


Verse: 1     erblichen was sin varwe   ern chvnde niht gesten
Verse: 1A     Erblichen was sin varwe;   er mohte niht gesten.
Verse: 1B     Erblichen was sin varwe;   ern chvnde niht gesten.
Verse: 1C     Sin chraft was im geswichen;   ern kunde niht gestan.

Verse: 2     sines libes sterche   mvse gar cergen
Verse: 2A     sines libes sterke   mvͦste gar cergen,
Verse: 2B     sines libes sterche   mvse gar cergen,
Verse: 2C     sines libes sterche   div mvse gar zergan,

Verse: 3     wand er des todes zeichen   in liehter varwe trvch
Verse: 3A     wand er des todes ceichen   in liehter vrawe truͦch.
Verse: 3B     wand er des todes zeichen   in liehter varwe trvch.
Verse: 3C     wander des todes zeichen   bi liehter varwe trvͦc.

Verse: 4     sit wart er beweinet   von schonen vrowen genvch
Verse: 4A     sit wart er beweinet   von schoͤnen vrowen genuͦch.
Verse: 4B     sit wart er beweinet   von schonen vrowen genvch.
Verse: 4C     sit wart er beweinet   von schoenen vrowen genvͦc.



Strophe: 1020   { |X988 / Strophe of Ms. A: 929   / Strophe of Ms. B: 985   / Strophe of Ms. C: 997   }


Verse: 1     do viel in di blvmen   der criemhilde man
Verse: 1A     Do viel in die blvͦmen   der Kiemhilde man.
Verse: 1B     Do viel in di blvmen   der Criemhilde man.
Verse: 1C     Do uiel in die blvͦmen   der Chriemh' man.

Verse: 2     daz plvt von siner wunden   sach man vil vaste gan
Verse: 2A     daz bluͦt von sinen wunden   sach man vaste gan.
Verse: 2B     daz plvt von siner wnden   sach man vil <.aste> gan.
Verse: 2C     daz blvͦt von sinen wnden   sach man vaste gan.

Verse: 3     do begonde er schelten   des gie im groziv not
Verse: 3A     do <begvnd> er schelden -   des twanch in groziv not -
Verse: 3B     do begonde er schelten -   des gie im groziv not -
Verse: 3C     do begvnder schelten -   des twanch in michel not -

Verse: 4     di vf in geraten   heten den vngetriwen tot
Verse: 4A     die vf in geraten   heten vngetriwe den tot.
Verse: 4B     di vf in geraten   heten den vngetriwen tot. \   { \ Page of Ms. C: 336b  C:_336b }
Verse: 4C     die vfin geraten   heten den ungetriwen tot.



Strophe: 1021   { |X989 / Strophe of Ms. A: 930   / Strophe of Ms. B: 986   / Strophe of Ms. C: 998   }


Verse: 1     do sprach der verchwunde   ia ir vil boesen zagen
Verse: 1A     Do sprach der verkvnde:   "ia ir bosen zagen,
Verse: 1B     <Do> sprach der verchwnde:   "ia ir vil boͤsen zagen,
Verse: 1C     D2o sprach der sere wnde:   "ia, ir vil bose zagn,

Verse: 2     waz helffent miniv dienest   daz ir mich habt erslagen
Verse: 2A     waz helfent miniv dienst,   sid ir mich habet erslagen?
Verse: 2B     waz helffent miniv dienest,   daz ir mich habt erslagen.
Verse: 2C     waz hilfet mich min dienest,   daz ir mich habt erslagen.

Verse: 3     ich was ie getriwe   des ich engolten han
Verse: 3A     ich was iv ie getriwe -   des ich enkolten han!
Verse: 3B     ich was ie getriwe -   des ich engolten han!
Verse: 3C     ich was iv ie getriwe -   des ich engolten han!

Verse: 4     ir habt an iwern magen   leider vbele getan
Verse: 4A     ir habet an iwren frivnden   leider vbele getan.
Verse: 4B     ir habt an iwern magen   leider vbele getan.
Verse: 4C     ir habt an iwern magen   leider vbel getan.



Strophe: 1022   { |X990 / Strophe of Ms. A: 931   / Strophe of Ms. B: 987   / Strophe of Ms. C: 999   }


Verse: 1     di sint davon bescholten   swaz ir wirt geborn
Verse: 1A     Die sint da von bescholden,   swaz ir wirt geborn
Verse: 1B     Di sint da von bescholten,   swaz ir wirt geborn
Verse: 1C     Die sint da von bescholten,   swaz ir wirt geborn

Verse: 2     her nach disen ziten   ir habet iwern zorn
Verse: 2A     her nach disen citen.   ir habet iwern zorn
Verse: 2B     her nach disen ziten.   ir habet iwern zorn
Verse: 2C     her nach disen ziten.   ia habt ir iwern zorn

Verse: 3     gerochen also sere   an dem libe min
Verse: 3A     gerochen al ze sere   an dem libe min.
Verse: 3B     gerochen also sere   an dem libe min.
Verse: 3C     vil vbele gerochen   an dem libe min.

Verse: 4     mit laster ir gescheiden   svlt von gvten rechen sin
Verse: 4A     mit laster svlt gescheiden   ir von guͦten reken sin."
Verse: 4B     mit laster ir gescheiden   svlt von gvten rechen sin."
Verse: 4C     mit laster ir gescheiden   svlt von gvten rechen sin."



Strophe: 1023   { |X991 / Strophe of Ms. A: 932   / Strophe of Ms. B: 988   / Strophe of Ms. C: 1000   }


Verse: 1     di ritter alle lieffen   da er erslagen lach
Verse: 1A     Die riter alle liefen   da er erslagen lac.
Verse: 1B     Di ritter alle lieffen   da er erslagen lach.
Verse: 1C     Die lvte liefen alle   da er reslagen lac.

Verse: 2     aez was ir genvgen   ein vrevdeloser tach
Verse: 2A     ez was ir genuͦgen   ein vroͮdeloser tac.
Verse: 2B     æz was ir genvgen   ein vrevdeloser tach.
Verse: 2C     ez was ir genvgen   ein frevdeloser tac.

Verse: 3     di iht triwe heten   von den wart er gechlaeit
Verse: 3A     die iht triwe heten,   von den wart er gekleit.
Verse: 3B     di iht triwe heten,   von den wart er gechlæit.
Verse: 3C     die iht triwe heten,   von den wart er bekleit.

Verse: 4     daz het wol verdienet   der ritter chven vnt gemeit
Verse: 4A     daz hete oͮch wol verdienet   vmbe alle lûte der helt gemeit.
Verse: 4B     daz het wol verdienet   der ritter chvͤn vnt gemeit.
Verse: 4C     daz het wol gedienet   der ritter chn vñ gemeit.



Strophe: 1024   { |X992 / Strophe of Ms. A: 933   / Strophe of Ms. B: 989   / Strophe of Ms. C: 1001   }


Verse: 1     der kvenich von bvrgvnden   chlagte sinen tot
Verse: 1A     Der kvnich von Burgonden   klagte oͮch sinen tot.
Verse: 1B     D2er kvͤnich von Bvrgvnden   chlagte sinen tot.
Verse: 1C     Der kunic von Burgonden   klagete sinen tot.

Verse: 2     do sprach der verchwunde   ez ist ane not
Verse: 2A     do sprach der verkvnde:   "daz ist ane not, \   { \ Page of ms. B: 38b   B:_38b }
Verse: 2B     do sprach der verchwnde:   "ez ist ane not,
Verse: 2C     do sprach der verchwnde:   "daz ist ane not,

Verse: 3     daz der nach schaden weinet   der in hat getan
Verse: 3A     daz der nach scaden weinet,   der in da hat getan.
Verse: 3B     daz der nach schaden weinet,   der in hat getan.
Verse: 3C     daz der nach schaden weinet,   der in da hat getan.

Verse: 4     der dienet michel schelten   ez waere bezer verlan
Verse: 4A     der dient michel schelden;   ez were bezzer verlan."
Verse: 4B     der dienet michel schelten;   ez wære bezer verlan."
Verse: 4C     der dienit michel schelten;   ez wære bezzer verlan."



Strophe: 1025   { |X993 / Strophe of Ms. A: 934   / Strophe of Ms. B: 990   / Strophe of Ms. C: 1002   }


Verse: 1     do sprach der grimme hagene   ia ne weiz ich waz er kleit
Verse: 1A     Do sprach der grimme Hagne:   "ian weiz ich waz ir kleit.
Verse: 1B     Do sprach der grimme Hagene:   "iane weiz ich waz er kleit.
Verse: 1C     Do sprach der grimme Hagene:   "iane weiz ich waz er kleit.

Verse: 2     allez hat nv ende   vnser sorge vnt vnser leit
Verse: 2A     ez hat nv allez ende   an vns sorge vnde leit.
Verse: 2B     allez hat nv ende   vnser sorge vnt vnser leit.
Verse: 2C     ez hat nv allez ende   vnser sorge vñ vnser leit.

Verse: 3     wir vinden ir vil wenich   di getverren vns bestan
Verse: 3A     wir vinden ir nv wenich,   die geturren vns bestan.
Verse: 3B     wir vinden ir vil wenich,   di getvͤrren vns bestan.
Verse: 3C     wir vinden ir vil kleine,   die turren vns bestan.

Verse: 4     wol mich deich siner herschaft   ce rate han getan
Verse: 4A     wol mich daz ich des heldes   han ze rate getan."
Verse: 4B     wol mich deich siner herschaft   ce rate han getan."
Verse: 4C     wol mich deich siner herschaft   han ze rate getan."



Strophe: 1026   { |X994 / Strophe of Ms. A: 935   / Strophe of Ms. B: 991   / Strophe of Ms. C: 1003   }


Verse: 1     ir mveget ivch lihte rvemen   sprach do sifrit
Verse: 1A     "Ir mvget ivch lihte ruͤmen",   sprach her Sifrit.
Verse: 1B     "Ir mvͤget ivch lihte rvͤmen",   sprach do Sifrit.
Verse: 1C     "Ir mvgt ivch lihte rvͤmen",   sprach do Sivrit.

Verse: 2     het ich an iv erchennet   den mortlichen sit
Verse: 2A     het ich an iv erkvnnet   den mortlichen sit,
Verse: 2B     "het ich an iv erchennet   den mortlichen sit,
Verse: 2C     "het ich an iv erchennet   den mortlichen sit,

Verse: 3     ich hete wol behalten   vor iv minen lip
Verse: 3A     ich hete wol behalten   vor iv minen lip.
Verse: 3B     ich hete wol behalten   vor iv minen lip.
Verse: 3C     ich hete wol behalten   vor iv minen lip.

Verse: 4     mich riwet niht   so sere so vrov criemhilt min wip
Verse: 4A     mich riwet niht so sere   so vroͮ Kriemhilt min wip.
Verse: 4B     mich riwet niht so sere   so vrov Criemhilt min wip.
Verse: 4C     mich enriwet niht so sere   so froͤ Chriemh' min wip.



Strophe: 1027   { |X995 / Strophe of Ms. A: 936   / Strophe of Ms. B: 992   / Strophe of Ms. C: 1004   }


Verse: 1     nv mvze got erbarmen   deich ie gewan den svn
Verse: 1A     Nv muͦze got erbarmen,   daz ich ie gewan den sn,
Verse: 1B     <Nv> mvze got erbarmen,   deich ie gewan den svn,
Verse: 1C     Nv mvze got erbarnnen,   deich ie gewan den svn,

Verse: 2     dem man daz itewizen   sol nah den ziten tvn
Verse: 2A     dem man itewizen   sol daz hernach tuͦn,
Verse: 2B     dem man daz itewizen   sol nah den ziten tvn,
Verse: 2C     dem solch itewizen   sol nach den ziten tvͦn,

Verse: 3     daz sine mage iemen   mortliche han erslagen
Verse: 3A     daz sine mage ieman   mortlich hant erslagen.
Verse: 3B     daz sine mage iemen   mortliche han erslagen.
Verse: 3C     daz siner mage iemen   mit morde habn erslagn.

Verse: 4     moht ich so sprach sifrit   daz sold ich pilliche chlagen
Verse: 4A     mohte ichz verenden,   daz sold ich billichen klagen."
Verse: 4B     moht ich", so sprach Sifrit,   "daz sold ich pilliche chlagen."
Verse: 4C     moht ich", so sprach Sivrit,   "daz solt ich billiche klagn.



Strophe: 1028   { Strophe of Ms. C: 1005   }


Verse: 1C     Zer werlde wart nie mere   grozer mort began",

Verse: 2C     sprach er zvͦ dem kunige,   "denne an mir ist getan.

Verse: 3C     ich behielt iv lib vñ ere   in angestlicher not.

Verse: 4C     ich hans engolten sere,   daz ihz iv ie so wol erbot."



Strophe: 1029   { |X996 / Strophe of Ms. A: 937   / Strophe of Ms. B: 993   / Strophe of Ms. C: 1006   }


Verse: 1     do sprach iemerliche   der verchwunde man
Verse: 1A     Do sprach iæmerliche   der verchvnde man:
Verse: 1B     Do sprach iemerliche   der verchwnde man:
Verse: 1C     Do sprach vil seneliche   der verchwnde man:

Verse: 2     welt ir chvenich edele   triwen iht began
Verse: 2A     "welt ir, kvnich edel,   triwen iht began
Verse: 2B     "welt ir, chvͤnich edele,   triwen iht began
Verse: 2C     "welt ir, kunic riche,   triwen iht began

Verse: 3     in der werlt iemen   lat iv bevolhen sin
Verse: 3A     in der werlde an iemen,   so lat iv bevolhen sin
Verse: 3B     in der werlt iemen,   lat iv bevolhen sin
Verse: 3C     in der werlt an iemen,   lat iv bevolhen sin

Verse: 4     vf iwer genade   di holden trivtinne min
Verse: 4A     vf iwer genade   die lieben trutinne min.
Verse: 4B     vf iwer genade   di holden trivtinne min.
Verse: 4C     vf triwe uñ vf genade   di lieben truttinne min.



Strophe: 1030   { |X997 / Strophe of Ms. A: 938   / Strophe of Ms. B: 994   / Strophe of Ms. C: 1007   }


Verse: 1     vnd lat si des geniezen   daz si iwer swester si
Verse: 1A     Lat si des geniesen,   daz si iwer swester si.
Verse: 1B     Vnd lat si des geniezen,   daz si iwer swester si.
Verse: 1C     Vñ lat si des geniezen,   daz si iv swester si.

Verse: 2     dvrch aller fvrsten tvgende   wont ir mit triwen bi
Verse: 2A     durch aller fursten tvgende   wont ir mit triwen bi,
Verse: 2B     dvrch aller fvrsten tvgende   wont ir mit triwen bi.
Verse: 2C     durch aller fursten tvgende   wont ir mit triwen bi.

Verse: 3     mir mvezen warten lange   min vater vnd mine man
Verse: 3A     wan mir wartent lange   min vater vnd min man.
Verse: 3B     mir mvͤzen warten lange   min vater vnd mine man.
Verse: 3C     mir mvzen warten lange   min vater vñ mine man.

Verse: 4     ez en wart nie vrowen leider   an liebem manne getan
Verse: 4A     ez wart nie leider   an liebem vrivnde getan."
Verse: 4B     ezen wart nie vrowen leider   an liebem manne getan."
Verse: 4C     ez enwart nie frowen mere   an frivnde leider getan."



Strophe: 1031   { |X998 / Strophe of Ms. A: 939   / Strophe of Ms. B: 995   / Strophe of Ms. C: 1008   }


Verse: 1     di blvmen allenthalben   von blvte wurden naz
Verse: 1A     Die bluͦmen allenthalben   von bluͦte waren naz.
Verse: 1B     D2i blvmen allenthalben   von blvte wrden naz.
Verse: 1C     E2r rampf sich bitterliche,   als im div not gebot,

Verse: 2     do rang er mit dem tode   vnlange tet er daz
Verse: 2A     do rang er mit dem tode.   vnlange tet er daz,
Verse: 2B     do rang er mit dem tode.   vnlange tet er daz,
Verse: 2C     vñ sprach do iæmirliche:   "der mortlich tot

Verse: 3     want des todes waffen   ie ce sere sneit
Verse: 3A     wan des todes zeichen   ie ze sere sneit.
Verse: 3B     want des todes waffen   ie ce sere sneit.
Verse: 3C     mag ivch wol geriwen   her nach disen tagen.

Verse: 4     do ne moht niht reden mere   der recke chven vnt gemeit
Verse: 4A     sam muͦst ersterben oͮch   der reke kuͦne vnde gemeit.
Verse: 4B     done moht niht reden mere   der recke chvͤn vnt gemeit.
Verse: 4C     gelovbt \ an rehten triwen,   daz ir ivch selben habt erslagn."   { \ Page of Ms. B: 38v   A:_38v }



Strophe: 1032   { Strophe of Ms. C: 1009   }


Verse: 1C     Die blumen allenthalben   von blvͦte warn naz.

Verse: 2C     do ranger mit dem tode.   vnlange tet er daz,

Verse: 3C     wande in des todes wafen   al ze sere sneit.

Verse: 4C     do mohte reden niht mere   der reche chvͤn uñ gemeit.



Strophe: 1033   { |X999 / Strophe of Ms. A: 940   / Strophe of Ms. B: 996   / Strophe of Ms. C: 1010   }


Verse: 1     do di herren sahen   daz der helt was tot
Verse: 1A     Do die heren sahen   daz der helt was tot,
Verse: 1B     Do di herren sahen   daz der helt was tot,
Verse: 1C     Do die herren sahen   daz der helt was tot,

Verse: 2     si leiten in vf einen schilt   der was von golde rot
Verse: 2A     si leiten in vf einen schilt,   der was von golde rot,
Verse: 2B     si leiten in vf einen schilt,   der was von golde rot,
Verse: 2C     si leiten in vf einen schilt,   der was von golde rot,

Verse: 3     vnd wurden des ce rate   wi daz sold ergan
Verse: 3A     vnde wurden des ze rate,   wie daz solde ergan,
Verse: 3B     vnd wrden des ce rate,   wi daz sold ergan,
Verse: 3C     vñ wrden des ze rate,   wie daz solde ergan,

Verse: 4     daz man ez verhaele   daz ez hete hagen getan
Verse: 4A     daz man ez verhele,   daz ez Hagne hete getan.
Verse: 4B     daz man ez verhæle,   daz ez hete Hagen getan. \   { \ Page of Ms. C: 337a  C:_337a }
Verse: 4C     daz man iz verhêle,   daz iz het Hagene getan.



Strophe: 1034   { |X1000 / Strophe of Ms. A: 941   / Strophe of Ms. B: 997   / Strophe of Ms. C: 1011   }


Verse: 1     do sprach ir genvge   vns ist vbel geschehen
Verse: 1A     Do sprachen ir genuͦge:   "vns ist vbel geschehen.
Verse: 1B     Do <sprachn> genvge:   "vns ist vbel geschehen.
Verse: 1C     D2o sprachen ir genvͦge:   "vns ist vbele geschehn.

Verse: 2     ir svlt ez heln alle   vnt svlt geliche iehen
Verse: 2A     ir svlt ez heln alle   vnd svlt geliche iehen:
Verse: 2B     ir svlt ez heln alle   vnt svlt geliche iehen:
Verse: 2C     ir sult ez heln alle   vñ svlt geliche iehn:

Verse: 3     da er rite eine iagen   der criemhilde man
Verse: 3A     da er iagen rite aleine,   Kriemhilde man,
Verse: 3B     da er rite eine iagen,   der Criemhilde man,
Verse: 3C     da er rite iagn eine,   der Chriemh' man,

Verse: 4     in slvegen schachaere   da er fvere dvrch den tan
Verse: 4A     in sluͦgen sachere,   da er fuͤre durch den tan."
Verse: 4B     in slvͤgen schachære,   da er fvͤre dvrch den tan."
Verse: 4C     in slvgen schachære,   da er fvre durch den tan."



Strophe: 1035   { |X1001 / Strophe of Ms. A: 942   / Strophe of Ms. B: 998   / Strophe of Ms. C: 1012   }


Verse: 1     do sprach von tronege hagene   ich bringn in daz lant
Verse: 1A     Do sprach von Trony Hagne:   "ich bring in in daz lant.
Verse: 1B     <Do> sprach von Tronege Hagene:   "ich <bringn> in daz lant.
Verse: 1C     Do sprach der ungetriwe:   "ich fvren ñn daz lant.

Verse: 2     mir ist vil vnmaere   vnd wirt ez ir bechant
Verse: 2A     mir ist vil vnmere,   wirt ez ir bekant,
Verse: 2B     mir ist vil vnmære,   vnd wirt ez ir bechant,
Verse: 2C     mir ist vil vnmære,   vñ wirt ez ir bechant,

Verse: 3     div so hat betrvebet   den prvennhilde mvt
Verse: 3A     div so hat betruͦbet   den Brunhilde mvͦt.
Verse: 3B     div so hat betrvͤbet   den Prvͤnnhilde mvt.
Verse: 3C     div so hat getrubet   miner frowen mvͦt.

Verse: 4     ez ahtet mich vil ringe   swaz si weinens getvt
Verse: 4A     ez ahtet mich vil ringe   swaz si nv weinens getuͦt."
Verse: 4B     ez ahtet mich vil ringe   swaz si weinens getvt."
Verse: 4C     ez ahtet mih vil ringe   swaz si weinens getvͦt."



Strophe: 1036   { Strophe of Ms. C: 1013   }


Verse: 1C     Von dem selben brunnen,   da Sivrit wart erslagen,

Verse: 2C     sult ir div rehten mære   von mir hoͤrn sagn.

Verse: 3C     vor dem Otenwalde   ein dorf lit, Otenhaim;

Verse: 4C     da vliuzet noch der brunne,   des ist zwifel dehein.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.