TITUS
Der Nibelunge Not
Part No. 18
Previous part

Adventure: XVIII  
{ A } Wie Sigmvnt wider ze lande fvr
{ C_XVIII } Auenture wie Chriemh' da bestvnt. vñ ir sweher dannen reit. \   { \ Page of ms. B: 41v   B:_41v }





Strophe: 1110   { |X1073 / Strophe of Ms. A: 1013   / Strophe of Ms. B: 1070   / Strophe of Ms. C: 1084   }


Verse: 1     der sweher criemhilde   gie dar er si vant
Verse: 1A     D4er sweher Kriemhilde   gie da er si vant.
Verse: 1B     <.er> sweher Criemhilde   gie da er si vant.
Verse: 1C     D5o brahte man den herren   da er Chriemh' vant.

Verse: 2     er sprach cer chveneginne   wir svln in vnser lant
Verse: 2A     er sprach ce der kvniginne:   "wir svln in vnser lanc.
Verse: 2B     er sprach cer chvͤneginne:   "wir svln in vnser lant.
Verse: 2C     er sprach zer kvniginne:   "wir svln in vnser lant.

Verse: 3     wir waen vnmaere geste   bi dem rine sin
Verse: 3A     wir wæne vnmære geste   bi deme Rine sin.
Verse: 3B     wir wæn vnmære geste   bi dem Rine sin.
Verse: 3C     wir wæn vnmære geste   hie ze Rinne sin.

Verse: 4     criemhilt vil liebiv vrowe   nv vart ir zv den landen min
Verse: 4A     Kriemhilt, vil liebiv vroͮwe,   nv vart ir zvͦ dem lande min.
Verse: 4B     Criemhilt, vil liebiv vrowe,   nv vart ir zv den landen min.
Verse: 4C     min vil liebiv frowe,   nv vart ir zv den landen min.



Strophe: 1111   { |X1074 / Strophe of Ms. A: 1014   / Strophe of Ms. B: 1071   / Strophe of Ms. C: 1085   }


Verse: 1     sit daz vns vntriwe   ane hat getan
Verse: 1A     Sid daz vns vntriwe   ane hat getan
Verse: 1B     Sit daz vns vntriwe   ane hat getan
Verse: 1C     Sit daz vns untriwe   ane hat getan

Verse: 2     hi in disen landen   des iwern edeln man
Verse: 2A     hie in disen landen   des iwueren edelen man,
Verse: 2B     hi in disen landen   des iwern edeln man,
Verse: 2C     hie in disen landen   des ivren edeln man,

Verse: 3     des svlt ir niht engelten   ich vil iv waege sin
Verse: 3A     des svlt ir niht enkelten.   ich tvͦn iv triwen schin
Verse: 3B     des svlt ir niht engelten.   ich vil iv wæge sin
Verse: 3C     des ensvlt ir niht engelten.   ich wil iv wæge sin

Verse: 4     dvrch mines svns liebe   des svlt ir ane zwivel sin
Verse: 4A     <durch> iwers mannes liebe   vñ des edelen kindes sin.
Verse: 4B     dvrch mines svns liebe;   des svlt \ ir ane zwivel sin.   { \:_341a }
Verse: 4C     durch mins svns liebe;   des svlt ir gar ane angest sin.



Strophe: 1112   { |X1075 / Strophe of Ms. A: 1015   / Strophe of Ms. B: 1072   / Strophe of Ms. C: 1086   }


Verse: 1     ir svlt haben vrowe   allen den gewalt
Verse: 1A     Ir svlt oͮch, vroͮwe, haben   allen den gewalt,
Verse: 1B     Ir svlt haben, vrowe,   allen den gewalt,
Verse: 1C     Ir svlt ovch haben, frowe,   allen den gewalt,

Verse: 2     den iv e taete chvnde   sifrit der degen balt
Verse: 2A     den iv tet ê Sifrit   kvnt, der degen balt.
Verse: 2B     den iv ê tæte chvnde   Sifrit der degen balt.
Verse: 2C     den iv e tet kunde   der chuͦne degn balt.

Verse: 3     daz lant vnd ovch div chrone   daz si iv vndertan
Verse: 3A     daz lant vnd oͮch div krone   si iv vndertan.
Verse: 3B     daz lant vnd ovch div chrone,   daz si iv vndertan.
Verse: 3C     daz lant vñ ovch die chrone,   daz si iv vndertan.

Verse: 4     iv svln gerne dienen   alle sifrides man
Verse: 4A     iv svlen gerne dienen   alle Sifrides man."
Verse: 4B     iv svln gerne dienen   alle Sifrides man."
Verse: 4C     iv svln gerne dienen   alle Sivrides man."



Strophe: 1113   { |X1076 / Strophe of Ms. A: 1016   / Strophe of Ms. B: 1073   / Strophe of Ms. C: 1087   }


Verse: 1     do saget man den chnehten   si solden riten dan
Verse: 1A     Do seite man den knehten,   si solden riten dan.
Verse: 1B     Do saget man den chnehten,   si solden riten dan.
Verse: 1C     Do sagte man den knehten,   si solden riten dan.

Verse: 2     do wart ein michel gahen   nach rossen getan
Verse: 2A     do wart michel gahen   nach rossen getan.
Verse: 2B     do wart ein michel gahen   nach rossen getan.
Verse: 2C     do wart ein michel gahen   nah rossen getan.

Verse: 3     bi ir starchen vienden   was in ze wesin leit
Verse: 3A     bi ir starken vienden   was in daz leben leit.
Verse: 3B     bi ir starchen vienden   was in ze wesin leit.
Verse: 3C     bi ir starchen uinden   was in ze wesen leit.

Verse: 4     den vrowen vnt den megden   hiez man svchen div chleit
Verse: 4A     vrowen vñ meiden   hiez man suͦchen div kleit.
Verse: 4B     den vrowen vnt den megden   hiez man svchen div chleit.
Verse: 4C     der frowen uñ ir mægeden   hiez man svchen div kleit.



Strophe: 1114   { |X1077 / Strophe of Ms. A: 1017   / Strophe of Ms. B: 1074   / Strophe of Ms. C: 1088   }


Verse: 1     do der kvnich sigemvnt   wolde sin geriten
Verse: 1A     Do der kvnich Sigmunt   wolde sin geriten,
Verse: 1B     D2o der kvnich Sigemvnt   wolde sin geriten,
Verse: 1C     D2o der kunic Sigemunt   wolde sin geriten,

Verse: 2     do begonde criemhilt   di ir mage biten
Verse: 2A     do begvnde Kriemhilt   ir mvͦter biten,
Verse: 2B     do begonde Criemhilt   di ir mage biten,
Verse: 2C     do begunden Chriemh'   ir besten frivnde biten,

Verse: 3     daz si bi ir mvter   solde da bestan
Verse: 3A     da si bi ir magen   solde da bestan.
Verse: 3B     daz si bi ir mvter   solde da bestan.
Verse: 3C     daz si bi ir frivnden   solde da bestan.

Verse: 4     do sprach div vrowe herre   daz chvnde niemer ergan
Verse: 4A     do sprach div vroͮden arme:   "daz kvnde muͦlich ergan.
Verse: 4B     do sprach div vrowe herre:   "daz chvnde niemer ergan.
Verse: 4C     do sprach div kuniginne:   "daz chunde mvlich ergan.



Strophe: 1115   { |X1078 / Strophe of Ms. A: 1018   / Strophe of Ms. B: 1075   / Strophe of Ms. C: 1089   }


Verse: 1     wi mohten ich den immer   mit ovgen angesehen
Verse: 1A     Wie moͤht ich den immer   mit oͮgen an gesehen,
Verse: 1B     Wi mohten ich den immer   mit ovgen an gesehen,
Verse: 1C     Wie moht ich den mit ovgen   immer an gesehn,

Verse: 2     von dem mir armem wibe   so leide ist geschehen
Verse: 2A     von den mir armem wibe   so leide ist geschehen?"
Verse: 2B     von dem mir armem wibe   so leide ist geschehen?"
Verse: 2C     von dem mir armem wibe   so leide ist geschehn?"

Verse: 3     do sprach der ivnge giselher   vil liebiv swester min
Verse: 3A     do sprach der ivnge Giselher:   "liebiv swester min,
Verse: 3B     do sprach der ivnge Giselher:   "vil liebiv swester min,
Verse: 3C     do sprach ir bruder Giselher:   "vil liebiv swester min,

Verse: 4     dv solt dvrch dine triwe   hi bi diner mvter sin
Verse: 4A     dv solt durch din triwe   hie bi diner mvͦter sin.
Verse: 4B     dv solt dvrch dine triwe   hi bi diner mvter sin.
Verse: 4C     dv solt durch dine triwe   hie bi diner mvͦter sin.



Strophe: 1116   { |X1079 / Strophe of Ms. A: 1019   / Strophe of Ms. B: 1076   / Strophe of Ms. C: 1090   }


Verse: 1     di dich da habent beswaerent   vnde betrvebet den mvt
Verse: 1A     Die dir hant beswert   vñ betrvͦbet dinen mvͦt,
Verse: 1B     Di dich da habent <beswæret>   vnde betrvͤbet den mvt,
Verse: 1C     Die dir da hant betrvbet   den lip uñ oͤch den mvͦt,

Verse: 2     der bedarftv niht ce dienste   nv zer min eines gvt
Verse: 2A     der bedarftv niht ze dienste;   dv cere min eins gvt."
Verse: 2B     der bedarftv niht ce dienste.   nv zer min eines gvt."
Verse: 2C     der bedarfstv vil chlein†e.   zer min eines gvͦt."

Verse: 3     si sprach zv dem rechen   ia ne mag es niht geschehen
Verse: 3A     si sprach zuͦ dem reken:   "ia mag ez niht geschehen.
Verse: 3B     si sprach zv dem rechen:   "iane mages niht geschehen.
Verse: 3C     si sprach zvͦ dem degene:   "wie chunde daz geschehn?

Verse: 4     vor leide mvoz ich sterben   swenne ich hagenen mvse sehen
Verse: 4A     vor leide mvͦz ich sterben,   swenne ich Hagene solde sehen."
Verse: 4B     vor leide mvͦz ich sterben,   swenne ich Hagenen mvse sehen."
Verse: 4C     vor leide mvͤs ich sterben,   swenne ich Hagenen solde sehn."



Strophe: 1117   { |X1080 / Strophe of Ms. A: 1020   / Strophe of Ms. B: 1077   / Strophe of Ms. C: 1091   }


Verse: 1     des tvn ich dir ce rate   vil liebiv swester min
Verse: 1A     "Des tvͦn ich dir ze rate,   vl liebiv swester min,
Verse: 1B     "D2es tvn ich dir ce rate,   vil liebiv swester min,
Verse: 1C     "Des tvͦn ich dir ze rate,   vil liebiv swester min,

Verse: 2     dv solt bi dinem brvder   giselhere sin
Verse: 2A     dv solt bi dinem bruͦder   Giselhere sin.
Verse: 2B     dv solt bi dinem brvder   Giselhere sin.
Verse: 2C     dv solt bi dinen brvder   Giselhere sin.

Verse: 3     ia wil ich dich ergezzen   dines mannes tot
Verse: 3A     ia wil ich dich ergecen   dines mannes tot."
Verse: 3B     ia wil ich dich ergezzen   dines mannes tot."
Verse: 3C     ich wil dich ergezzen   dines mannes tot."

Verse: 4     do sprach div gotes arme   des waere criemhilde not
Verse: 4A     do sprach div gotes arme:   "des wære mnir Kriemhilde not."
Verse: 4B     do sprach div gotes arme:   "des wære Criemhilde not."
Verse: 4C     do sprach div kuniginne:   "des wær mir armen wibe not."



Strophe: 1118   { |X1081 / Strophe of Ms. A: 1021   / Strophe of Ms. B: 1078   / Strophe of Ms. C: 1092   }


Verse: 1     do ez ir der ivnge giselher   so gvetlich erbot
Verse: 1A     Do ez ir der ivnge   so gvͦtlich erbot, [42a]
Verse: 1B     Do wz ir der ivnge Giselher   so gvͤtlich erbot,
Verse: 1C     D2o ez ir der iunge   so gvͦtlich erbot,

Verse: 2     do begonde vlegen   vte vnd gernot
Verse: 2A     do begvnde doch flegen   vͦte vnde Gernot
Verse: 2B     do begonde vlêgen   v̂te vnd Gernot
Verse: 2C     si begunden vlegen   Vote vñ Gernot

Verse: 3     vnd ir getriwe mage   si baten si da bestan
Verse: 3A     vnd ir getriwe mage.   si baten si da bestan;
Verse: 3B     vnd ir getriwe mage.   si baten si da bestan;
Verse: 3C     vñ ir getriwen mage   si baten da bestan.

Verse: 4     si hete lvecel chvennes   vnder sifrides man
Verse: 4A     si hete luzel chvnnes   vnder Sifrides man.
Verse: 4B     si hete lvͤcel chvͤnnes   vnder Sifrides man.
Verse: 4C     si hete luzzil frivnde   bi den Sivrides man.



Strophe: 1119   { |X1082 / Strophe of Ms. A: 1022   / Strophe of Ms. B: 1079   / Strophe of Ms. C: 1093   }


Verse: 1     si sint iv alle vremde   so sprach gernot
Verse: 1A     "Si sint iv alle vromde",   so sprach Gernot.
Verse: 1B     "Si sint iv alle vremde",   so sprach Gernot.
Verse: 1C     "Si simt iv alle fremede",   so sprach Gernot.

Verse: 2     ez en lebet so starcher niemen   er ne mveze ligen tot
Verse: 2A     "niemen lebet so starker,   er mvͦze ligen tot.
Verse: 2B     "ezen lebet so starcher niemen,   erne mvͤze ligen tot.
Verse: 2C     "niemen lebt so starcher,   ern mvze ligen tot.

Verse: 3     daz bedencht liebiv swester   vnd troestet iwern mvt
Verse: 3A     daz bedenket, liebiv swester,   vñ troͮstet iweren mvt.
Verse: 3B     daz bedencht, liebiv swester,   vnd troͤstet iwern mvt.
Verse: 3C     daz bedenchet, swester,   vñ getrostet ivren mvͦt.

Verse: 4     belibt bi den vrivnden   daz wirt iv waerlichen gvt
Verse: 4A     belibet bi den vrivnden,   ez wirt iv werlichen guͦt."
Verse: 4B     belibt bi den vrivnden,   daz wirt iv wærlichen gvt." \   { \ Page of ms. B: 341b   B:_341b }
Verse: 4C     belibet bi den friunden,   ez wirt iv wærlichen gvͦt."



Strophe: 1120   { |X1083 / Strophe of Ms. A: 1023   / Strophe of Ms. B: 1080   / Strophe of Ms. C: 1094   }


Verse: 1     si lobte giselhern   si wolde da bestan
Verse: 1A     Si lobete Giselhere,   si wolde da bestan.
Verse: 1B     S2i lobte Giselhern,   si wolde da bestan.
Verse: 1C     Do lobte si ir magen,   si wolde da bestan.

Verse: 2     div ross gezogen waren   den sigemvndes man
Verse: 2A     div ros gezogen waren   Sigmvndes man,
Verse: 2B     div ross gezogen waren   den Sigemvndes man,
Verse: 2C     div ross bereitet warn   den Sigemundes man,

Verse: 3     als si wolden riten   cer nibelvnge lant
Verse: 3A     als si wolden riten   ze Niblvnge lant.
Verse: 3B     als si wolden riten   cer Nibelvnge lant.
Verse: 3C     also si wolden riten   heim in Niderlant.

Verse: 4     do was ovch vfgesovmet   al der recken gewant
Verse: 4A     ez was vf gesoͮmet   al der reken gewant.
Verse: 4B     do was ovch vf gesovmet   al der recken gewant.
Verse: 4C     si heten vf gesovmet   al der rechen gewant.



Strophe: 1121   { |X1084 / Strophe of Ms. A: 1024   / Strophe of Ms. B: 1081   / Strophe of Ms. C: 1095   }


Verse: 1     do gie der herre sigemvnt   zv criemhilde stan
Verse: 1A     Do gie her Sigmvnt   fur Kiemhilde stan.
Verse: 1B     Do gie der herre Sigemvnt   zv Criemhilde stan.
Verse: 1C     Do gie der herre Sigemvnt   zv Chriemh' stan.

Verse: 2     er sprach zv der vrowen   di sifrides man
Verse: 2A     er sprach zuͦ der vroͮwen:   "Sifrides man
Verse: 2B     er sprach zv der vrowen:   "di Sifrides man
Verse: 2C     er sprach zv der frowen :   "die Sivrides man

Verse: 3     nv warten bi den rossen   nv svl wir riten hin
Verse: 3A     wartent bi den rossen.   nv svlen wir riten hin,
Verse: 3B     nv warten bi den rossen.   nv svl wir riten hin,
Verse: 3C     iv wartent bi den rossen.   wir svln riten hin,

Verse: 4     wand ich vil vngerne   bi den bvergonden bin
Verse: 4A     wan ich vil vngerne   hie bi den Burgonden bin."
Verse: 4B     wand ich vil vngerne   bi den Bvͤrgonden bin."
Verse: 4C     wande ich vil vngerne   bi den Buregonden bin."



Strophe: 1122   { |X1085 / Strophe of Ms. A: 1025   / Strophe of Ms. B: 1082   / Strophe of Ms. C: 1096   }


Verse: 1     do sprach div vrowe criemhilt   mir ratent di vrivnde min
Verse: 1A     Do sprach vroͮ Kriemhilt:   "mir ratent vrivnde min,
Verse: 1B     Do sprach div vrowe Criemhilt:   "mir ratent di vrivnde min,
Verse: 1C     Do sprach div frowe Chriemh':   "mir ratent frivnde min,

Verse: 2     swaz ich han getriwen   ich svl hie bi in sin
Verse: 2A     swaz der ist getriwe,   ich sul hie bi in sin.
Verse: 2B     swaz ich han getriwen,   ich svl hie bi in sin.
Verse: 2C     swaz ich han der getriwen,   ich svle hie bi in sin.

Verse: 3     ich habe niemen mage   in nibelvnge lant
Verse: 3A     ich habe nimen mage   in Niblunge lant."
Verse: 3B     ich habe niemen mage   in Nibelvnge lant."
Verse: 3C     ich habe luzzel mage   in Nibelunge lant."

Verse: 4     vil leit was iz sigemvnde   do erz an criemhilde ervant
Verse: 4A     vil leit was ez Sigmvnde,   do ers an Kriemhilde vant.
Verse: 4B     vil leit was iz Sigemvnde,   do erz an Criemhilde ervant.
Verse: 4C     leit was ez Sigemunde,   do er div mære an ir ervant.\   { \ Page of ms. B: 42r   B:_42r }



Strophe: 1123   { |X1086 / Strophe of Ms. A: 1026   / Strophe of Ms. B: 1083   / Strophe of Ms. C: 1097   }


Verse: 1     do sprach der kvenich sigemvnt   lat iv niemen sagen
Verse: 1A     Do sprach kvnich Sigmvnt:   "lat ivz nieman sagen.
Verse: 1B     D2o sprach der kvͤnich Sigemvnt:   "lat iv niemen sagen.
Verse: 1C     Do sprach der kunic Sigemvnt:   "daz enlat iv niemen sagen.

Verse: 2     vor allen minen magen   svlt ir di chrone tragen
Verse: 2A     vor allen minen magen   svlt ir krone tragen
Verse: 2B     vor allen minen magen   svlt ir di chrone tragen
Verse: 2C     vor allen minen magen   svlt ir chrone tragen

Verse: 3     also gewaltechliche   als ir e habt getan
Verse: 3A     vil gewalteclichen,   als ir habet ê getan.
Verse: 3B     also gewaltechliche   als ir e habt getan.
Verse: 3C     alsam gewaltekliche   als ir ê habt getan.

Verse: 4     ir en svlt des niht engelten   daz wir den helt verloren han
Verse: 4A     ir svlt des niht enkelten,   daz wir den helt verlorn han.
Verse: 4B     ir en svlt des niht engelten,   daz wir den helt verloren han.
Verse: 4C     irn svlt des niht engelten,   daz wir den helt verlorn han.



Strophe: 1124   { |X1087 / Strophe of Ms. A: 1027   / Strophe of Ms. B: 1084   / Strophe of Ms. C: 1098   }


Verse: 1     vnd vart ovch mit vns wider   dvrch iwer chindelin
Verse: 1A     Vnde vart mit vns wider   dvrch iwer kindelin.
Verse: 1B     Vnd vart ovch mit vns wider   dvrch iwer chindelin.
Verse: 1C     Vñ vart ovch mit vns widere   durch iwer kindelin.

Verse: 2     daz en svlt ir niht vrowe   weise lazen sin
Verse: 2A     daz sult ir lan, vroͮwe,   niht verweiset sin.
Verse: 2B     daz en svlt ir niht, vrowe,   weise lazen sin.
Verse: 2C     daz ensvlt ir so niht, frowe,   verweiset lazen sin.

Verse: 3     swenne iwer svn gewahset   der trostet iv den mvt
Verse: 3A     swenne iwer svn gewachset,   der troͤstet iv den mvͦt.
Verse: 3B     swenne iwer svn gewahset,   der trostet iv den mvt.
Verse: 3C     swenne iwer svͦn gewæhset,   der trostet iv den mvͦt.

Verse: 4     di wile sol iv dienen   manich helt chvne vnd gvt
Verse: 4A     di wile sol iv dienen   manich kuͤne degen guͦt."
Verse: 4B     di wile sol iv dienen   manich helt chvne vnd gvt."
Verse: 4C     die wile sol iv dienen   von rechen manic helt gvͦt."



Strophe: 1125   { |X1088 / Strophe of Ms. A: 1028   / Strophe of Ms. B: 1085   / Strophe of Ms. C: 1099   }


Verse: 1     si sprach herre sigemvnt   ia ne mach ich riten niht
Verse: 1A     Si sprach: "min her Sigmunt,   ia mag ich riten niht.
Verse: 1B     Si sprach: "herre Sigemvnt,   iane mach ich riten niht.
Verse: 1C     Si sprach: "herre Sigemunt,   ine mac geriten niht.

Verse: 2     ich mvz hie beliben   swaz halt mit geschit
Verse: 2A     ich mvͦz hie beliben,   swaz halt mir geschit,
Verse: 2B     ich mvz hie beliben,   swaz halt mir geschit,
Verse: 2C     ich mvͦz hie beliben,   swaz halt mir geschiht,

Verse: 3     bi den minen magen   di mir helfen chlagen
Verse: 3A     bi minen magen,   die mir helfen klagen."
Verse: 3B     bi den minen magen,   di mir helfen chlagen."
Verse: 3C     bi den minen magen,   daz si mir helfen klagn."

Verse: 4     do begonden disiv maere   den gvten recken missehagen
Verse: 4A     do begvnden disiv mere   den guͦten reken missehagen.
Verse: 4B     do begonden disiv mære   den gvten recken missehagen.
Verse: 4C     do begunde disiv mære   den gvten rechen missehagn.



Strophe: 1126   { |X1089 / Strophe of Ms. A: 1029   / Strophe of Ms. B: 1086   / Strophe of Ms. C: 1100   }


Verse: 1     si sprachen al geliche   so moehte wir wol iehen
Verse: 1A     Si spraken al gelike:   "so moͤhten wir wol iehen,
Verse: 1B     S2i sprachen al geliche:   "so moͤhte wir wol iehen,
Verse: 1C     Si sprachen al geliche:   "so mohten wir wol gehn,

Verse: 2     daz vns allererste   waere leit geschehen
Verse: 2A     daz vns erste wære   leide geschehen,
Verse: 2B     daz vns allererste   wære leit geschehen,
Verse: 2C     daz vns allererste   wære leit geschehn,

Verse: 3     woldet ir beliben   bi vnsern vinden hie
Verse: 3A     woldet ir beliben   bi vnseren vienden hie.
Verse: 3B     woldet ir beliben   bi vnsern vinden hie.
Verse: 3C     ob ir beliben woldet   bi vnsern uinden hie.

Verse: 4     so geritten hovereise   noch helde sorchlicher nie
Verse: 4A     so geriten hovereise   noch helde sorchlicher nie."
Verse: 4B     so geritten hovereise   noch helde sorchlicher nie."
Verse: 4C     so geriten hovereise   noch helde sorchlicher nie."



Strophe: 1127   { |X1090 / Strophe of Ms. A: 1030   / Strophe of Ms. B: 1087   / Strophe of Ms. C: 1101   }


Verse: 1     ir svlt ane sorge   got bevolhen varn
Verse: 1A     "Ir svlt ane sorge   got bevolhen varn.
Verse: 1B     "Ir svlt ane sorge   got bevolhen varn.
Verse: 1C     "I2r sult ane alle sorge   gote bevolhen varn.

Verse: 2     man git iv gvt geleite   ich heiz ivch wol bewarn
Verse: 2A     man git iv guͦt geleite   - ich heiz iv wol bewarn -
Verse: 2B     man git iv gvt geleite -   ich heiz ivch wol bewarn -
Verse: 2C     ich schaffe iv gvͦt geleite   vñ heiz ivch wol bewarn

Verse: 3     zv sigemvndes lande   min liebez chindelin
Verse: 3A     zvͦ iwerm lande.   min liebez kindelin,
Verse: 3B     zv Sigemvndes lande.   min liebez chindelin,
Verse: 3C     zv Sigemundes lande.   min liebez kindelin,

Verse: 4     daz sol vf genade   iv rechen wol bevolhen sin
Verse: 4A     daz sol vf genade   iv guͦten reken wol bevolhen sin."
Verse: 4B     daz sol vf genade   iv rechen wol bevolhen sin."
Verse: 4C     daz sol vf genade   iv rechen wol bevolhen sin."



Strophe: 1128   { |X1091 / Strophe of Ms. A: 1031   / Strophe of Ms. B: 1088   / Strophe of Ms. C: 1102   }


Verse: 1     do si wol vernamen   daz si niht wolde dan
Verse: 1A     Do si wol vernamen   daz si niht wolde dan,
Verse: 1B     Do si wol vernamen   daz si niht wolde dan,
Verse: 1C     Do si daz vernamen,   daz si niht wolde dan,

Verse: 2     do weinten al geliche   di sigemvndes
Verse: 2A     do weinde al gelike   Sigmvndes man.
Verse: 2B     do weinten al geliche   di Sigemvndes \   { \ Page of Ms. C: 342a  C:_342a }
Verse: 2C     do weinten al gemeine   die Sivrides man.

Verse: 3     wi rehte iamerlichen   schiet do sigemvnt
Verse: 3A     wie rehte iæmerlike   schiet do Sigmvnt
Verse: 3B     wi rehte iamerlichen   schiet do Sigemvnt
Verse: 3C     wie rehte iæmerliche   sich schiet Sigemunt

Verse: 4     von vrovn criemhilde   do was im vngemvete chvnt
Verse: 4A     von vroͮn Kriemhilde!   do was im vngemvͦte chvnt.
Verse: 4B     von vrovn Criemhilde!   do was im vngemvͤte chvnt.
Verse: 4C     von der kuniginne!   do was im vngemvͤte chunt.



Strophe: 1129   { |X1092 / Strophe of Ms. A: 1032   / Strophe of Ms. B: 1089   / Strophe of Ms. C: 1103   }


Verse: 1     so we der hohgecite   sprach do der kvnech her
Verse: 1A     "So we der hochzite",   sprach der kvnich her.
Verse: 1B     "So we der hohgecite",   sprach do der kvnech her.
Verse: 1C     "We geschehe der hochgecite",   sprach der kunic her.

Verse: 2     ez geschit von chvrcewile   hinfvr nimmer mer
Verse: 2A     "ez geschiht von kvrzwile   furbaz nimmer mer
Verse: 2B     "ez geschit von chvrcewile   hinfvr nimmer mer
Verse: 2C     "ez geschiht von churcewile   leider nimmer mer

Verse: 3     kvnige noch sinen magen   daz vns ist geschehen
Verse: 3A     kvnige noch sinen magen   daz vns ist geschehen.
Verse: 3B     kvnige noch sinen magen   daz vns ist geschehen.
Verse: 3C     deheinen kuniges magen,   danne vns ist geschehn.

Verse: 4     man sol nimmer mere   hi cen bvergonden sehen
Verse: 4A     man sol vns nimmer mere   hie ze den Burgonden sehen."
Verse: 4B     man sol nimmer mere   hi cen Bvͤrgonden sehen."
Verse: 4C     man sol vns nimmer mere   hie zen Buregonden sehn."



Strophe: 1130   { |X1093 / Strophe of Ms. A: 1033   / Strophe of Ms. B: 1090   / Strophe of Ms. C: 1104   }


Verse: 1     do sprachen offenliche   di sigemvndes man
Verse: 1A     Do sprachen offenliche   Sifrides man:
Verse: 1B     Do sprachen offenliche   di Sigemvndes man:
Verse: 1C     Do sprachen offenliche   die Sivrides mann:

Verse: 2     ez mohte noch div reise   in diz lant ergan
Verse: 2A     "ez moͤhte noch div reise   in daz lant gan, [42b]
Verse: 2B     "ez mohte noch div reise   in diz lant ergan,
Verse: 2C     "ez mohte noch ein reise   in dizze lant ergan,

Verse: 3     so wir den reht erfinden   der vns den herren slvch
Verse: 3A     daz wir noch den fvnden,   der vns den herren sluͦch.
Verse: 3B     so wir den reht erfinden,   der vns den herren slvch.
Verse: 3C     so wir den reht erfunden,   der vns den herren erslvͦch.

Verse: 4     si habent von sinen magen   starcher viende genvch
Verse: 4A     si hant von sinen magen   stark viende genvͦch."
Verse: 4B     si hebent von sinen magen   satarcher viende genvch."
Verse: 4C     si hant von sinen magen   der starchen vinde genvͦch."



Strophe: 1131   { |X1094 / Strophe of Ms. A: 1034   / Strophe of Ms. B: 1091   / Strophe of Ms. C: 1105   }


Verse: 1     er chvste criemhilden   wi iamerlichn er sprach
Verse: 1A     Er kvste Kriemhilde;   iemerlich er sprach,
Verse: 1B     E2r chvste Criemhilden.   wi iamerlichn er sprach,
Verse: 1C     E2r chuste Chriemh'.   wie iæmerlich er sprach,

Verse: 2     do si beliben wolde   vnd er daz reht ersach
Verse: 2A     do si beliben wolde   vñ er daz rehte ersach:
Verse: 2B     do si beliben wolde   vnd er daz reht ersach:
Verse: 2C     do si niht riten wolde   vñ ez daz reht ersach:

Verse: 3     nv riten vrevden ane   heim in vnser lant
Verse: 3A     "nv riten vroͮden ane   heim in vnser lant.
Verse: 3B     "nv riten vrevden ane   heim in vnser lant.
Verse: 3C     "nv riten vrevden ane   heim in unser lant.

Verse: 4     alle mine sorge   sint mir erste nv bechant
Verse: 4A     alle mine sorge   sint mir erst nv bekant."
Verse: 4B     alle mine sorge   sint mir erste nv bechant."
Verse: 4C     alle mine sorge   sint mir erste nv bechant."



Strophe: 1132   { |X1095 / Strophe of Ms. A: 1035   / Strophe of Ms. B: 1092   / Strophe of Ms. C: 1106   }


Verse: 1     si riten an geleite   von wormez an den rin
Verse: 1A     Si riten an geleite   von Wormz vber Rin.
Verse: 1B     Si riten an geleite   von Wormez n <den> Rin.
Verse: 1C     Si riten vngeleitet   von Wormez zetal den Rin.

Verse: 2     si mohten wol des mvtes   vil sicherlichen sin
Verse: 2A     si mohten wol des mvͦtes   sicherlichen sin,
Verse: 2B     s mohten wol des mvtes   vil sicherlichen sin,
Verse: 2C     si mohten sicherlichen   wol des mvtes sin,

Verse: 3     ob si in vientschepfte   wuerden angerant
Verse: 3A     ob si in vientschefte   wrden an gerant,
Verse: 3B     ob si in vientschepfte   wͤrden an gerant,
Verse: 3C     ob si in vintschefte   wrden an gerant,

Verse: 4     daz sich weren wolde   der chvnen nibelvnge hant
Verse: 4A     daz sich weren wolde   der kvͤnen Niblvngen hant.
Verse: 4B     daz sich weren wolde   der chvnen Nibelvnge hant.
Verse: 4C     daz sich wem wolde   der chunen Nibelunge hant.



Strophe: 1133   { |X1096 / Strophe of Ms. A: 1036   / Strophe of Ms. B: 1093   / Strophe of Ms. C: 1107   }


Verse: 1     si ne gerten vrlovbes   da ze cheinem man
Verse: 1A     Si gerten vrloͮbes   da ze heinen man.
Verse: 1B     Sine gerten vrlovbes   da ze cheinem man.
Verse: 1C     Sine gerten vrlovbes   da ze cheinem man.

Verse: 2     do sah man gernot   vnd giselheren gan
Verse: 2A     do sach Gernoten man   vnd Gyselheren gan
Verse: 2B     do sah man Gernot   vnd Giselheren gan
Verse: 2C     do sah man Gernoten   vñ Giselhern gan

Verse: 3     zv zim minnechlichen   im was sin schade leit
Verse: 3A     zvͦ im minneclichen.   im was sin schade leit;
Verse: 3B     zv zim minnechlichen.   im was sin schade leit;
Verse: 3C     zvͦ zim minneklichen.   in was sin schade leit;

Verse: 4     des brahten in wol inne   di helde chvne vnt gemeit
Verse: 4A     des brahten in wol innen   die helde kuͤne vñ gemeit.
Verse: 4B     des <brahten> in wol inne   di helde chvne vnt gemeit.
Verse: 4C     des brahten in wol innen   die helde kvn vñ gemeit.



Strophe: 1134   { |X1097 / Strophe of Ms. A: 1037   / Strophe of Ms. B: 1094   / Strophe of Ms. C: 1108   }


Verse: 1     do sprach gezogenlichen   der fvrste gernot
Verse: 1A     Do sprach gezogenlike   der fvrste Gernot:
Verse: 1B     D2o sprach gezogenlichen   der fvrste Gernot:
Verse: 1C     D2o sprach gezogenliche   der kunic Gernot:

Verse: 2     got weiz daz wol von himele   an sifrides tot
Verse: 2A     "got weiz wol von himele,   an Sifrides tot
Verse: 2B     "got weiz daz wol von himele,   an Sifrides tot
Verse: 2C     "got weiz daz wol von himele,   an Sivrides tot

Verse: 3     gewan ich nie di schvlde   daz ich daz horte sagen
Verse: 3A     gewan ich nie schvlde.   ich horte oͮch nie gesagen,
Verse: 3B     gewan ich ni di <schvlde>,   daz ich daz horte sagen,
Verse: 3C     gewan ich nie die schulde,   daz ich daz horte sagn,

Verse: 4     wer im hie vient waere   ich sol in pilliche chlagen
Verse: 4A     wer im hie vient were.   ich sol in bileich klagen."
Verse: 4B     wer im hie vient wære.   ich sol in pilliche chlagen."
Verse: 4C     wer im hie vint wêre.   ich sol in pilliche klagen."



Strophe: 1135   { |X1098 / Strophe of Ms. A: 1038   / Strophe of Ms. B: 1095   / Strophe of Ms. C: 1109   }


Verse: 1     do gab in gvt geleite   giselher daz chint
Verse: 1A     Do gap im gvͦt geleite   Giselher daz kint.
Verse: 1B     Do gab in gvt geleite   Giselher daz chint.
Verse: 1C     Do gab in sin geleite   Giselher daz kint.

Verse: 2     er brahte sorgende   vz dem lande sint
Verse: 2A     er brahte sorgen ane,   die noch bi leide sint,
Verse: 2B     er brahte sorgende   vz dem lande sint
Verse: 2C     er brahte sorgende   vz dem lande sint

Verse: 3     den kvenich mit sinen recken   heim ce niderlant
Verse: 3A     den kvnich bi sinen reken   heim ze Niderlant.
Verse: 3B     den kvͤnich mit sinen recken   heim ce Niderlant.
Verse: 3C     den kunic mit sinen rechen   heim ze Niderlant.

Verse: 4     wi lvecel man der mage   darinne vroelichen vant
Verse: 4A     wie luzel man der mage   darinne vroliche vant!
Verse: 4B     wi lvͤcel man der mage   dar inne vroͤlichen vant!
Verse: 4C     wie luzzil man der \ mage   dar inne vroliche vant!   { \ Page of ms. B: 42v   B:_42v }



Strophe: 1136   { |X1099 / Strophe of Ms. A: 1039   / Strophe of Ms. B: 1096   / Strophe of Ms. C: 1110   }


Verse: 1     wi si nu gefveren   des chan ich niht gesagen
Verse: 1A     Wie si nv gefuͤren,   des kan ich niht gesagen.
Verse: 1B     Wi si nv gefvͤren,   des chan ich niht gesagen.
Verse: 1C     Wie si nv gefuͦren,   des enkan ich niht gesagn.

Verse: 2     man horte hie zallen ziten   criemhilde chlagen
Verse: 2A     man horte hie alle zite   Kriemhilde klagen,
Verse: 2B     man horte hie zallen ziten   Criemhilde chlagen,
Verse: 2C     man horte zallen citen   hie Chriemh' klagn,

Verse: 3     daz ir niemen troste   daz herce vnt ovch den mvt
Verse: 3A     daz ir niemen troste   daz herze noch den mvͦt,
Verse: 3B     daz ir niemen troste   daz herce vnt ovch den mvt,
Verse: 3C     daz ir niemen troste   daz herce vñ ovch den mvͦt,

Verse: 4     ez en taete giselher   der was getriwe vnde gvt
Verse: 4A     ez entete Giselher;   der was getriwe vnde guͦt.
Verse: 4B     ezen tæte Giselher;   der was getriwe vnde gvt. \   { \ Page of Ms. C: 342b  C:_342b }
Verse: 4C     ez entæt ir brvder Giselher;   der was getriwe uñ gvͦt.



Strophe: 1137   { |X1100 / Strophe of Ms. A: 1040   / Strophe of Ms. B: 1097   / Strophe of Ms. C: 1111   }


Verse: 1     prvnhilt div schoene   mit vbermvete saz
Verse: 1A     Prvnhilt div schoͤne   mit vbermvͦte saz.
Verse: 1B     <Prvnhilt> div schoͤne   mit vͤbermvͤte saz.
Verse: 1C     Prvnh' div schone   mit vbermvte saz.

Verse: 2     swaz geweinte criemhilt   vnmaer was ir daz
Verse: 2A     swaz geweinde Kriemhilt,   vmmere was ir daz.
Verse: 2B     swaz geweinte Criemhilt,   vnmær was ir daz.
Verse: 2C     swaz Chriemh' geweinte,   vnmære was ir daz.

Verse: 3     si ne wart ir gvter triwe   nimmerme bereit
Verse: 3A     si wart ir gvͦter triwen   nimmer me bereit.
Verse: 3B     sine wart <ir> gvter triwe   <mimmermer> bereit.
Verse: 3C     sine wart ir rehter triwen   nimmer me bereit.

Verse: 4     sit getet ir ovch vrov criemhilt   div vil hercenlichen leit
Verse: 4A     sid getet oͮch ir vroͮ Kriemhilt   vil herzenlichiv leit.
Verse: 4B     sit getet ir ovch vrov Criemhilt   div vil hercenlichen leit.
Verse: 4C     sit geriet ovch ir vroͤ Chriemh'   ich wæn als ungefvͤgiv leit.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.