TITUS
Der Nibelunge Not
Part No. 25
Previous part

Adventure: XXV  
{ A_XXIV } <Wie die herren alle zen Hevnen fvren>
{ C_XXV } Auentewͦr wie sich die chünig von den Hewͦnenn huͦbenn

Strophe: 1569   { |X1506 / Strophe of Ms. A: 1446   / Strophe of Ms. B: 1503   / Strophe of Ms. C: 1539   }


Verse: 1     nv laze wir beliben   wi si gefvren hie
Verse: 1A     N5v lazen daz beliben   wie si gebaren hie.
Verse: 1B     <N4v> laze wir beliben   wi si gefvren hie.
Verse: 1C     N3v lazzen das belaiben   wie si gebaren bie.

Verse: 2     hochgemvte recken   di gefvrn nie
Verse: 2A     hochgemvͦter reken   die gefuͦren nie
Verse: 2B     hochgemvte recken   di gefvrn nie
Verse: 2C     hoch gemuter rekchen   die gefuͦren nie

Verse: 3     so rehte herliche   in deheines chveniges lant
Verse: 3A     so rehte herlichen   in deheines kvniges lant.
Verse: 3B     so rehte herliche   in deheines chvͤneges lant.
Verse: 3C     so rechte herleichñ   in dhaines chünigs lant.

Verse: 4     si heten swaz si wolden   beidiv waffen vnt gewant
Verse: 4A     si heten swaz si wolten,   beide wafen vñ gewant.
Verse: 4B     si heten swaz si wolden,   beidiv waffen vnt gewant.
Verse: 4C     si hetten was si wolden,   dar zu waffen vñ gewant.



Strophe: 1570   { |X1507 / Strophe of Ms. A: 1447   / Strophe of Ms. B: 1504   / Strophe of Ms. C: 1540   }


Verse: 1     der vogt von dem rine   chleidete sine man
Verse: 1A     Der vogt von dem Rine   cleidete sine man,
Verse: 1B     Der vogt von dem Rine   chleidete sine man,
Verse: 1C     Der vogt von dem Rein   chlaidet sein man,

Verse: 2     sehzech vnd tvsent   als ich vernomen han
Verse: 2A     sechzech vñ tvsent -   als ich vernomen han -
Verse: 2B     sehzech vnd tvsent -   als ich vernomen han -
Verse: 2C     sechtzig vnd tawsent -   als ich vernomen han -

Verse: 3     vnd niwen tvsent chnehte   gegen der hohgezit
Verse: 3A     vñ nivn tvsent chnehte   gen der hohcit.
Verse: 3B     vnd niwen tvsent chnehte   gegen der hohgezit.
Verse: 3C     vnd newne tawsent chnecbte   gen der hochtzeit.

Verse: 4     di si da heime liezen   di beweinetenz sit
Verse: 4A     die si da heime liezen,   die beweint ez sit.
Verse: 4B     di si da heime liezen,   di beweinetenz sit.
Verse: 4C     die si dahaime liezzen,   die bewainten ez seit.



Strophe: 1571   { |X1508 / Strophe of Ms. A: 1448   / Strophe of Ms. B: 1505   / Strophe of Ms. C: 1541   }


Verse: 1     do trvch man div gereite   ce wormez veber den hoff
Verse: 1A     Do truͦch man daz gereite   ze Wormez vzer den hof.
Verse: 1B     Do trvch man div gereite   ce Wormez vͤber den hoff.
Verse: 1C     Do truͦg man die geraite   ze Wuͦrmtz vbir den hof.

Verse: 2     do sprach da von spyre   ein alter bisschoff
Verse: 2A     do sprach da von Spire   ein alter bischof
Verse: 2B     do sprach da von Spyre   ein alter bisschoff
Verse: 2C     da sprach do von Speier   ain alter biscboff

Verse: 3     zv der schoenen vten   vnser frivnde wellent varn
Verse: 3A     zvͦ der schoͤnen vͦten:   "vnser vruvnde wellent varn
Verse: 3B     zv der schoͤnen Vten:   "vnser frivnde wellent varn
Verse: 3C     zu der alten chü\niginne:   "vnser frewnt die wellent varen   { \ Page of ms. B: 97v   B:_97v }

Verse: 4     gegen der hohgezite   got mvez ir ere da bewarn
Verse: 4A     gen der hohcite.   got mvͦse si da bewarn."
Verse: 4B     gegen der hohgezite.   got mvͤz ir ere da bewarn."
Verse: 4C     hin zer hochtzeite.   got muzze ir er wol bewaren."



Strophe: 1572   { |X1509 / Strophe of Ms. A: 1449   / Strophe of Ms. B: 1506   / Strophe of Ms. C: 1542   }


Verse: 1     do sprach zv zir chinden   div edel vte
Verse: 1A     Do sprach zuͦ zir kinden   div edele vͦte:
Verse: 1B     D2o sprach zv zir chinden   div edel Vte:
Verse: 1C     Do sprach zu ir   du edel Vte:

Verse: 2     ir soldet hie beliben   helde gvte
Verse: 2A     "ir soltet hie beliben,   helde guͦte.
Verse: 2B     "ir soldet hie beliben,   helde gvte.
Verse: 2C     "ir möchte noch beleiben,   holde guͦte.

Verse: 3     mir ist getrovmet hinte   von angestlicher not
Verse: 3A     mir ist getrovmet hint   von engestlicher not,
Verse: 3B     wenn ez im ze eren   vollechlichen ste.
Verse: 3C     ich sach heint in treume   vil angestlichhe not,

Verse: 4     wi allez diz gefvegele   in disem lande waere tot
Verse: 4A     wie allez daz gefuͤgele   in disme lande were tot."
Verse: 4B     ich wil daz min herre   ze hove nach vrlovbe ge.
Verse: 4C     wie alles daz gefügel   in disem lande lait tot."



Strophe: 1573   { |X1510 / Strophe of Ms. A: 1450   / Strophe of Ms. B: 1507   / Strophe of Ms. C: 1543   }


Verse: 1     swer sich an trovme wendet   sprach do hagene
Verse: 1A     "Swer sic an troͮme wendet",   sprach do Hagne,
Verse: 1B     "Swer sich an trovme wendet",   sprach do Hagene,
Verse: 1C     "Swer gelawbet trawmen",   sprach do Hagene,

Verse: 2     der en weiz der rehten maere   niht ce sagene
Verse: 2A     "der enweiz der rehten mere   niht ze sagene,
Verse: 2B     "der enweiz der rehten mære   niht ce sagene,
Verse: 2C     "der enwais der rechten maere   nicht zu sagene,

Verse: 3     wenn ez im ze eren   vollechlichen ste
Verse: 3A     wenne ez im zen eren   volleclichen ste.
Verse: 3B     wenn ez im ze eren   vollechlichen ste.
Verse: 3C     wenne ez im nach dem ern   vollichen ste.

Verse: 4     ich wil daz min herre   ze hove nach vrlovbe ge
Verse: 4A     ich wil daz min herre   ze hove nach urlovbe gê.
Verse: 4B     ich wil daz min herre   ze hove nach vrlovbe ge.
Verse: 4C     ja wil ich daz meine herre   ze houe nach vrlaup ge.



Strophe: 1574   { |X1511 / Strophe of Ms. A: 1451   / Strophe of Ms. B: 1508   / Strophe of Ms. C: 1544   }


Verse: 1     wir svln gerne riten   in ecelen lant
Verse: 1A     Wir svln vil gerne riten   in Ecelen lant.
Verse: 1B     Wir svln gerne riten   in Ecelen lant.
Verse: 1C     Wir sullen gern reiten   in Etzln lant.

Verse: 2     da mach wol dienen chvenegen   gvter held hant
Verse: 2A     da mag wol dienen kvnige   guͦter helde hant,
Verse: 2B     da mach wol dienen chvͤnegen   gvter <held> hant,
Verse: 2C     so mag wol chünigen dienen   guter helde hant,

Verse: 3     da wir da schowen mvezen   criemhilde hohgezit
Verse: 3A     da wir da schoͮwen mvͦzen   Criemhilt hohcit."
Verse: 3B     da wir da schowen mvͤzen   Chriemhilde <hohgezit>".
Verse: 3C     da wir do müzzen schawen   Chrimhilden hochtzeit."

Verse: 4     hagen riet di reise   iedoch gerov ez in sit
Verse: 4A     Hagne riet die reise,   idoch <geroͮ> ez in sit.
Verse: 4B     Hagen riet di reise,   iedoch geroͮ ez in sit.
Verse: 4C     Hagen riet die raise,   iedoch gerawe ez in seit.



Strophe: 1575   { |X1512 / Strophe of Ms. A: 1452   / Strophe of Ms. B: 1509   / Strophe of Ms. C: 1545   }


Verse: 1     er hetez widerraten   want daz gernot
Verse: 1A     Er hetez widerraten,   wan daz Gernot
Verse: 1B     E2r hetez widerraten,   want daz Gernot
Verse: 1C     Ez het ez wider rate,   newr das Gernot

Verse: 2     mit vngefvegen worten   im also missebot
Verse: 2A     mit vngefuͦge   im also missebot:
Verse: 2B     mit vngefvͤgen worten   <im> also missebot:
Verse: 2C     mit vns efügen sprechen   im sere missebot.

Verse: 3     er mant in sifrides   vrovn criemhilden man
Verse: 3A     er mant in Sifrides,   <vrov> Kriemhilt man.
Verse: 3B     er mant in Sifrides,   vrovn Criemhilden man.
Verse: 3C     er mant in Seifrides,   frawn Chrimhilden man.

Verse: 4     er sprach davon wil hagene   di grozen hovereise lan
Verse: 4A     er sprach: "da von wil Hagne   die groze hovereise lan."
Verse: 4B     er sprach: "da von wil Hagene   di grozen hovereise lan."
Verse: 4C     er sprach: "do vorz wil Hagen   die grozzen houe raisen lan."



Strophe: 1576   { |X1513 / Strophe of Ms. A: 1453   / Strophe of Ms. B: 1510   / Strophe of Ms. C: 1546   }


Verse: 1     do sprach von tronege hagene   dvrh vorhte ich nine tvo
Verse: 1A     Do sprach von Trony Hagne:   "durch vorhte ich niht entvͦ.
Verse: 1B     Do sprach von Tronege Hagene:   "dvrh vorhte ich nine tvͦ.
Verse: 1C     Do sprach der von Tronge: \   "durch vorcht ez nieman tu.   { \ Page of Ms. C: 98r  C:_98r }

Verse: 2     swenne ir gebietet helde   so svlt ir griffen zvo
Verse: 2A     swenne ir gebietet, helde,   so svlt ir grifen zvͦ.
Verse: 2B     swenne ir gebietet, helde,   so svlt ir griffen zvͦ.
Verse: 2C     swenne ir, helde, wellet,   so sult ir greiffen zu.

Verse: 3     ia rit ich mit iv gerne   in ecelen lant
Verse: 3A     ia rite ich mit iv gerne   in Ecelen lant."
Verse: 3B     ia rit ich mit iv gerne   in Ecelen lant."
Verse: 3C     ia reite ich mit ew   in Etzln lant."

Verse: 4     sit wart von im verhowen   vil manich helm vnde rant
Verse: 4A     sit wart von im <verhavwen>   manich helm vñ rant.
Verse: 4B     sit wart von im verhowen   vil manich helm vnde rant.
Verse: 4C     seit wart von im verhawen   manig helm vnd rant.



Strophe: 1577   { |X1514 / Strophe of Ms. A: 1454   / Strophe of Ms. B: 1511   / Strophe of Ms. C: 1547   }


Verse: 1     div siff bereitet waren   da was vil manech man
Verse: 1A     Div schif bereitet waren.   da was vil manic man.
Verse: 1B     Div siff bereitet waren.   da was vil manech man.
Verse: 1C     Dew scheff beraitet waren   ze varen vbir Rein.

Verse: 2     swaz si chleider heten   div trvch man dar an
Verse: 2A     swaz si cleider heten,   die truͦch man dar an.
Verse: 2B     swaz si chleider heten,   div trvch man dar an.
Verse: 2C     swas si chlaider beten,   die trug man dar ein.

Verse: 3     si warn vmmvezech   vor abendens zit
Verse: 3A     si waren vil vnmuͦzech   vor abendes zit.
Verse: 3B     si warn vmmvͤzech   vor abendens zit.
Verse: 3C     si waren vil vnmüssig   vor abendes zeit.

Verse: 4     si hvoben sich von hvse   vil harte vroeliche sit
Verse: 4A     si huͦben sich von hvse   vil harte vroliche sit.
Verse: 4B     si hvͦben sich von hvse   vil harte vroͤliche sit.
Verse: 4C     doch chomen si von haus   vil harte froleich seit.



Strophe: 1578   { |X1515 / Strophe of Ms. A: 1455   / Strophe of Ms. B: 1512   / Strophe of Ms. C: 1548   }


Verse: 1     gezelt vnde hvetten   spien man an daz gras
Verse: 1A     Die gecelt vñ oͮch die hutten   spien man an daz gras
Verse: 1B     G2ezelt vnde hvͤtten   spien man an daz gras
Verse: 1C     Gezelt vnd hütten   si spinen an daz gras

Verse: 2     anderthalp des rines   do daz geschehen was
Verse: 2A     anderthalp des Rines   da daz geseze was.
Verse: 2B     anderthalp des Rines.   do daz geschehen was,
Verse: 2C     an der halb des Reines.   do daz geschehen was,

Verse: 3     der kvenech bat noch beliben   daz sin vil schoene wip
Verse: 3A     den kvnich bat noch beliben   sin vil schoͤnes wip.
Verse: 3B     der kvͤnech bat noch beliben   daz sin vil schoͤne wip.
Verse: 3C     den chünig pat noch beleibñ   sein vil schones weip.

Verse: 4     si trvote noch des nahtes   den sinen waetlichen lip
Verse: 4A     sie truͦte noch des nahtes   den sinen wetlichen lip.
Verse: 4B     si trvͦte noch des nahtes   den sinen wætlichen lip. \   { \ Page of Ms. C: 365b  C:_365b }
Verse: 4C     si traute noch des nachtz   seinen waetlichñ leip.



Strophe: 1579   { |X1516 / Strophe of Ms. A: 1456   / Strophe of Ms. B: 1513   / Strophe of Ms. C: 1549   }


Verse: 1     pvsvnen floytiern   hvp sich des morgens frv
Verse: 1A     Bvsunen fleutieren   huͦb sic des morgens fruͦ,
Verse: 1B     Pvsvnen floytiern   hvp sich des morgens frv.
Verse: 1C     Floiten vñ videln   hup si des morgens fru.

Verse: 2     dar si varn solden   da bereiten si sich zv
Verse: 2A     daz si varen solden,   do grifen si do zvͦ.
Verse: 2B     dar si varn solden,   da bereiten si sich zv.
Verse: 2C     da si da hin musten,   do griffen si do zu.

Verse: 3     swer liep heten arme   der trvote frivndes lip
Verse: 3A     swer liep hete an arme,   der trivte vrivndes lip.
Verse: 3B     swer liep heten arme,   der trvͦte frivndes lip.
Verse: 3C     swer hete lieb an arme,   der traute frewdes leip.

Verse: 4     des schet sit vil mit leide   des kvnech ecelen wip
Verse: 4A     des schit sit vil mit leide   des kvniges Ecelen wip.
Verse: 4B     des schet sit vil mit leide   des kvnech Ecelen wip.
Verse: 4C     des schiet seit mit laide   des chünig Etzln weip.



Strophe: 1580   { |X1517 / Strophe of Ms. A: 1457   / Strophe of Ms. B: 1514   / Strophe of Ms. C: 1550   }


Verse: 1     div chint der schoenen vten   di heten einen man
Verse: 1A     Div kint der schoͤnen vͦten   die heten einen man,
Verse: 1B     Div chint der schoͤnen Vten   di heten einen man,
Verse: 1C     Ruͦmolt der chuͦchenmaister,   ein vil chüne man,

Verse: 2     chvene vnd getriwe   do si wolden dan
Verse: 2A     kuͦne vñ getriwen.   do si do wolten dan,
Verse: 2B     chvͤne vnd getriwe.   do si wolden dan,
Verse: 2C     der nan sein herrn   haimleich dan.

Verse: 3     do sagt er dem kvenege tovgen   sinen mvt
Verse: 3A     do sagt ez dem kvnegen   sinen mvͦt. \   { \ Page of ms. B: 59b   B:_59b }
Verse: 3B     do sagt er dem kvͤnege   tovgen sinen mvt.
Verse: 3C     do sagt er dem chünig   taugen seinen muͦt.

Verse: 4     er sprach des mvoz ich trvren   daz ir di hovereise tvt
Verse: 4A     er sprach: "des mvͦz ich truͦren,   daz ir die houereise tuͦt."
Verse: 4B     er sprach: "des mvͦz ich trvren,   daz ir di hovereise tvt."
Verse: 4C     er sprach: "des muͦzz \ ich trawren   daz ir die houe reizze tut.   { \ Page of Ms. B: 98v   A:_98v }



Strophe: 1581   { |X1518 / Strophe of Ms. A: 1458   / Strophe of Ms. B: 1515   / Strophe of Ms. C: 1551   }


Verse: 1     er was geheizen rvmolt   vnd was ein helt cer hant
Verse: 1A     Er was geheizen Rumolt   vñ was im helt zer hant.
Verse: 1B     E2r was geheizen Rvmolt   vnd was ein helt cer hant.
Verse: 1C     Ich han ewch vil gewarent   vnd auch genug gemant."

Verse: 2     er sprach wem welt ir lazen   livte vnd ovch div lant
Verse: 2A     er sprach: "wem welt ir lazen   lûte vnd oͮch div lant?
Verse: 2B     er sprach: "wem welt ir lazen   livte vnd ovch div lant?
Verse: 2C     er sprach: "wem welt ir lazzen   leute vnd lant?

Verse: 3     daz niemen chan erwenden   iv recken iwern mvt
Verse: 3A     daz nieman kan erwenden   iv reken iwern mvͦt!
Verse: 3B     daz niemen chan erwenden   iv recken iwern mvt!
Verse: 3C     daz niemant chan erwenden   ew rekchñ tumbñ mut!

Verse: 4     div criemhilden maere   nie gedvhten mich gvt
Verse: 4A     Kriemhilte mere   nie geduhten mich guͦt."
Verse: 4B     div Criemhilden mære   nie gedvhten mich gvt."
Verse: 4C     dew Chrimhilde maere   nie gedauchtñ si mich gut."



Strophe: 1582   { |X1519 / Strophe of Ms. A: 1459   / Strophe of Ms. B: 1516   / Strophe of Ms. C: 1552   }


Verse: 1     daz lant si dir bevolhen   vnt min kindelin
Verse: 1A     "Daz lant si dir bevolhen   vñ oͮch min kindelin,
Verse: 1B     "Daz lant si dir bevolhen   vnt min kindelin,
Verse: 1C     "Daz lant sei dir enpholhñ   vnd andern meinen man,

Verse: 2     vnt diene wol den vrowen   daz ist der wille min
Verse: 2A     vñ diene wol den vroͮwen;   daz ist der wille min.
Verse: 2B     vnt diene wol den vrowen;   daz ist der wille min.
Verse: 2C     die ich haime lazze,   vnd alles daz ich han,

Verse: 3     swen dv sehest weinen   dem troeste sinen lip
Verse: 3A     swem dv sehest weinen,   dem troste sinen lip.
Verse: 3B     swen dv sehest weinen,   dem troͤste sinen lip.
Verse: 3C     mein chint vnd meine gesinde   vnd meiner frawen leip.

Verse: 4     ia ne getvt vns nimmer   des kvenech eceln wip
Verse: 4A     ia tvͦt vns nimmer leide   des kvnic Ecelen wip."
Verse: 4B     iane getvt vns nimmer   des kvͤnech Eceln wip."
Verse: 4C     ia getut vns nimmer laide   dez chünig Etzln weip."



Strophe: 1583   { Strophe of Ms. C: 1553   }


Verse: 1C     E daz si schieden danne,   der chunig zu rate gie

Verse: 2C     mit seinen hochsten mannen.   vnberichtet er nicht lie

Verse: 3C     lant vnd burge;   die der solden pflegen,

Verse: 4C     den liez er ze huͦte   vil mangen auzerwelten degen.



Strophe: 1584   { |X1520 / Strophe of Ms. A: 1460   / Strophe of Ms. B: 1517   / Strophe of Ms. C: 1554   }


Verse: 1     div ross bereitet waren   den kvenegen vnd ir man
Verse: 1A     Div ros bereitet waren   den kvnigen vñ ir man.
Verse: 1B     Div ross bereitet waren   den kvͤnegen vnd ir man.
Verse: 1C     Die ros beraitet waren   der chunigen vñ ir man.

Verse: 2     mit minnechlichem chvessen   schiet vil maniger dan
Verse: 2A     mit minneclichem kvsse   schiet vil maniger dan,
Verse: 2B     mit minnechlichem chvͤssen   schiet vil maniger dan,
Verse: 2C     mit minecleichñ chüssen   schiede vil manger dan,

Verse: 3     dem in hohem mvte   lebte da der lip
Verse: 3A     dem in hohen mvͦte   lebete do der lip.
Verse: 3B     dem in hohem mvte   lebte da der lip.
Verse: 3C     dem in hohñ muͦte   lept do der leip.

Verse: 4     daz mvose sit beweinen   vil manich waetlichez wip
Verse: 4A     daz muͦse sit beweinen   vil manich wetlich wip.
Verse: 4B     daz mvͦse sit beweinen   vil manich wætlichez wip.
Verse: 4C     daz must seit bewainen   vil manich waetleich weip.



Strophe: 1585   { Strophe of Ms. C: 1555   }


Verse: 1C     Wuͦffen vnd \ wainen   des hort man genug.   { \ Page of Ms. C: 99r  C:_99r }

Verse: 2C     ir chint die chüniginne   zu dem chünig auff armen trug.

Verse: 3C     "wie welt ir im verwaisen   vnser paider leip?

Verse: 4C     ir solt durch vns belaibñ",   so sait daz iamerhafte weip.



Strophe: 1586   { Strophe of Ms. C: 1556   }


Verse: 1C     "Ir sult nicht, fraw, wainen   durch den willen meine.

Verse: 2C     ir sult in hoben muͦte   hie haime an angst sein.

Verse: 3C     wir chormen schir wider   mit frewden wol gesunt."

Verse: 4C     si schiedñ minnicleichñ   von ir frivndñ sa ze stunt.



Strophe: 1587   { |X1521 / Strophe of Ms. A: 1461   / Strophe of Ms. B: 1518   / Strophe of Ms. C: 1557   }


Verse: 1     do man di snellen recken   cen rossen sah gan
Verse: 1A     Do man die snellen reken   sach zen rossen gan,
Verse: 1B     D2o man di snellen recken   cen rossen sah gan,
Verse: 1C     Do man die snellen rekchñ   sach zu den rossen gan,

Verse: 2     do chos man vil der vrowen   trvrechlichen stan
Verse: 2A     do kos man vil der vrowen   trurichlichen stan.
Verse: 2B     do chos man vil der vrowen   trvrechlichen stan.
Verse: 2C     do chost man wainende   vil mange frawen stan.

Verse: 3     daz ir vil langenz scheiden   sagt in vil wol ir mvt
Verse: 3A     daz ir vil langez scheiden   seite in wol der mvͦt.
Verse: 3B     daz ir vil langenz scheiden   sagt in vil wol ir mvt.
Verse: 3C     daz ir vil langes scheiden   sagt in wol ir mut.

Verse: 4     vf grozen schaden ce chomene   daz herce niemen sanfte tvt
Verse: 4A     vf grozen schaden ze komen,   daz herze nieman sampfte tuͦt.
Verse: 4B     vf grozen schaden ce chomene,   daz herce niemen sanfte tvt.
Verse: 4C     auff grozzen schaden ze chomene,   daz hertzen niemant sanfte tut.



Strophe: 1588   { |X1522 / Strophe of Ms. A: 1462   / Strophe of Ms. B: 1519   / Strophe of Ms. C: 1558   }


Verse: 1     di snellen bvergonden   sich vz hvoben
Verse: 1A     Die snellen Bvrgonden   sich vz huͦben.
Verse: 1B     Di snellen Bvͤrgonden   sich vz hvͦben.
Verse: 1C     Die snellen Borgonden   sicb an hubñ.

Verse: 2     do wart in dem lande   ein miche voben
Verse: 2A     do wart in dem lande   ein michel vͦben.
Verse: 2B     do wart in dem lande   ein michel vͦben.
Verse: 2C     da wart in dem lande   ein michel üben.

Verse: 3     beidenthalp der berge   weinte wip vnd man
Verse: 3A     beidenthalp dr berge   weinde wip vñ man.
Verse: 3B     beidenthalp der berge   weinte wip vnd man.
Verse: 3C     paidentbalbñ des Raines   wainten weip vnd man.

Verse: 4     swi dort ir volch getaete   si fvren vroeliche dan
Verse: 4A     swe dort ir volch tete,   si fuͦren vrolich dan.
Verse: 4B     swi dort ir volch getæte,   si fvren vroͤliche dan.
Verse: 4C     swie dort ir volche getarte,   si furen fröleich dann.



Strophe: 1589   { Strophe of Ms. C: 1559   }


Verse: 1C     In der selben tzeiten \   was der gelaube nach chrankch,   { \ Page of Ms. C: 99v  C:_99v }

Verse: 2C     doch fruͦmtens ainen capplan,   der in messe sanch.

Verse: 3C     der chome gesunder wider,   wan der vil chaume entran.

Verse: 4C     die andern musten alle   da zen Heunen bestan.



Strophe: 1590   { |X1523 / Strophe of Ms. A: 1463   / Strophe of Ms. B: 1520   }


Verse: 1     di nibelvnges helde   chomen mit in dan
Verse: 1A     Die Niblvnges helde   komen mit in dan
Verse: 1B     Di Nibelvnges helde   chomen mit in dan

Verse: 2     in tvsent halspergen   ce hvs si heten lan
Verse: 2A     in tvsent halspergen,   die heime heten lan
Verse: 2B     in tvsent halspergen.   ce hvs si heten lan

Verse: 3     vil manige schoene vrowen   di gesahen si nimmer me
Verse: 3A     manige schoͤne vroͮwen,   die si gesahen nimmer me.
Verse: 3B     vil manige schoͤne vrowen,   di gesahen si nimmer me.

Verse: 4     di sifrides wunden   taten criemhilde we
Verse: 4A     Sifrides wunde   taten Kriemhilde we.
Verse: 4B     di Sifrides wnden   taten Criemhilde we.



Strophe: 1591   { |X1524 / Strophe of Ms. A: 1464   / Strophe of Ms. B: 1521   / Strophe of Ms. C: 1560   }


Verse: 1     do sicheten si ir reise   gegen dem mevne dan
Verse: 1A     Do schichten si die reisen   gen dem Moͮme dan,
Verse: 1B     D2o sicheten si ir reise   gegen dem <Mevne> dan,
Verse: 1C     Do schikchten si ir raise   gen den Nevnen dan,

Verse: 2     vf dvrch ostervranchen   di gventheres man
Verse: 2A     vf durch Ostervranchen,   die Gvnthers man.
Verse: 2B     vf dvrch <Ostervranchen>,   di Gvͤntheres man.
Verse: 2C     auf durcb Osterfrankchñ,   der dreier chünig man.

Verse: 3     dar leite si do hagene   dem was ez wol bechant
Verse: 3A     dar leitete sich Hagne;   dem was ez wol bekant.
Verse: 3B     dar leite si do Hagene;   dem was ez wol bechant.
Verse: 3C     dar laite si do Hagen;   dem was ez wol becbant.

Verse: 4     ir marschalk was danchwart   der helt von bvergonden lant
Verse: 4A     ir marschach was Dancwart,   der helt von Burgonden lant.
Verse: 4B     ir marschalk was Danchwart,   der helt von Bvͤrgonden lant.
Verse: 4C     Danchwart was marsalch,   der helt von Burgunden lant.



Strophe: 1592   { |X1525 / Strophe of Ms. A: 1465   / Strophe of Ms. B: 1522   / Strophe of Ms. C: 1561   }


Verse: 1     do si von ostervranchen   gegen salvelde ritten
Verse: 1A     Do si von Ostervranken   gen Swanevelde riten,
Verse: 1B     Do si von Ostervranchen   gegen Salvelde ritten,
Verse: 1C     Do si durch Swanvelde   riten von Osterffranchen,

Verse: 2     do mohte man si chiesen   an herlichen siten
Verse: 2A     da mohte man si kiesen   an herlichen siten,
Verse: 2B     do mohte man si chiesen   an herlichen siten,
Verse: 2C     do mocht man si chiesen   an herleiehen siten,

Verse: 3     di fversten vnt ir mage   di helde lobesam
Verse: 3A     die fursten vnd ir mage,   die helde lobesam.
Verse: 3B     di fvͤrsten vnt ir mage,   di helde lobesam.
Verse: 3C     di fürsten vnd er ir mage,   die helde lobesam.

Verse: 4     an dem zwelften morgen   der kvenich an di tvnowe quam
Verse: 4A     an dem zwelften morgen   der kvnich zer Tuͦnoͮwe kom.
Verse: 4B     an dem \ zwelften morgen   der kvͤnich an di Tvnowe quam.   { \ Page of Ms. C: 366a  C:_366a }
Verse: 4C     an dern tzwelften morgen   der chunig ze Tunawe quam.



Strophe: 1593   { |X1526 / Strophe of Ms. A: 1466   / Strophe of Ms. B: 1523   / Strophe of Ms. C: 1562   }


Verse: 1     do reit von tronege hagen   zaller vorderost
Verse: 1A     Do reit von Troni Hagne   zaller vorderost.
Verse: 1B     Do reit von Tronege <Hagen>   zaller vorderost.
Verse: 1C     Do rait von Tronge Hagen   ze aller foderst.

Verse: 2     er was den nibelvngen   ein helflicher trost
Verse: 2A     er was den Niblvngen   ein helflicher trost.
Verse: 2B     er was den Nibelvngen   ein helflicher trost.
Verse: 2C     ez was den Nybelungen   ein hilfleicher trost.

Verse: 3     do derbeizte der degen chvene   nider vf den sant
Verse: 3A     do erbeizte der degen kûne   nider vf den sant;
Verse: 3B     do derbeizte der degen chvͤne   nider vf den sant;
Verse: 3C     do stunt der degen chüne   nider auf den sant;

Verse: 4     sin ross er harte balde   zv zeinem bovme gebant
Verse: 4A     sin ros er harte balde   zvͦ eime bovme gebant.
Verse: 4B     sin ross er harte balde   zv zeinem bovme gebant.
Verse: 4C     sein ros er harte balde   zu einem pawm gepant.



Strophe: 1594   { |X1527 / Strophe of Ms. A: 1467   / Strophe of Ms. B: 1524   / Strophe of Ms. C: 1563   }


Verse: 1     daz wazzer was engozen   div sciff verborgen
Verse: 1A     Daz wazzer was engozzen   vñ div schif verborgen.
Verse: 1B     D2az wazzer was engozen,   div sciff verborgen.
Verse: 1C     Daz wazzer was engozzen,   die scheff verporgen.

Verse: 2     ez ergie den nibelvngen   ze grozen sorgen
Verse: 2A     ez ergie den Niblvngen   zen grozen sorgen,
Verse: 2B     ez ergie den Nibelvngen   ze grozen sorgen,
Verse: 2C     ez chome den Nybelungen   ze grozzen sorgen

Verse: 3     wi si chomen vebere   der wach was in ze breit
Verse: 3A     wie si komen vbere;   der wal was in ze bereit.
Verse: 3B     wi si chomen vͤbere;   der wach was in ze breit.
Verse: 3C     wie si chomen \ vbir den wach;   der was gar ze berait.   { \ Page of ms. B: roor   B:_roor }

Verse: 4     do erbeizte zv der erden   vil manich ritter gemeit
Verse: 4A     do erbeizte zvͦ der erden   vil manich riter gemeit.
Verse: 4B     do erbeizte zv der erden   vil manich ritter gemeit.
Verse: 4C     do erbant zu der erden   manich ritter gemait.



Strophe: 1595   { |X1528 / Strophe of Ms. A: 1468   / Strophe of Ms. B: 1525   / Strophe of Ms. C: 1564   }


Verse: 1     leide sprach do hagene   mach dir wol hi geschehen
Verse: 1A     "Leide", so sprach Hagne,   "mac dir hie wol geschehen,
Verse: 1B     "Leide", sprach do Hagene,   "mach dir wol hie geschehen,
Verse: 1C     "Laider", sprach so Hagen,   "mag dir wol hie geschehen,

Verse: 2     voget von dem rine   nv maht dv selbe sehen
Verse: 2A     vogt von dem Rine.   nv maht dv selbe sehen:
Verse: 2B     voget von dem Rine.   nv maht dv selbe sehen:
Verse: 2C     voget von dem Reine.   nu möcht du selbe sehhen:

Verse: 3     daz wazer ist engozen   vil starch ist im sin flvot
Verse: 3A     daz wazzer ist enegozzen,   vil starch ist im sin fluͦt.
Verse: 3B     daz wazer ist engozen,   vil starch ist im sin flvͦt.
Verse: 3C     daz wazzer ist engozzen,   vil starche ist im sein flut.

Verse: 4     ia waene wir verliesen   noch hivte hie manigen helt gvt
Verse: 4A     ia wen wir hie verliesen   noch hivte manigen reken guͦt."
Verse: 4B     ia wæne wir verliesen   noch hivte hie manigen helt gvt."
Verse: 4C     ich waen wir hie verliesen   noch hewte vil mangen ritter gut."



Strophe: 1596   { |X1529 / Strophe of Ms. A: 1469   / Strophe of Ms. B: 1526   / Strophe of Ms. C: 1565   }


Verse: 1     waz wizet ir mir hagene   sprach der kvenech her
Verse: 1A     "Waz wizet ir mir, Hagne?"   sprach der kvnic her.
Verse: 1B     "Waz wizet ir mir, Hagene?"   sprach der kvͤnech her.
Verse: 1C     "Waz weizzet ir mir, Hagen",   spracb do der chünich her?

Verse: 2     dvrh iwer selbes tvgende   vntroestet vns niht mer
Verse: 2A     durch iwers selbe tvgende   <vntrostet> vns niht mer.
Verse: 2B     "dvrh iwer selbes tvgende   vntroͤstet vns niht mer.
Verse: 2C     "durch ewr selbs tugent   vntrost vns nicht mer.

Verse: 3     den fvrt svlt ir vns svchen   hinveber an daz lant
Verse: 3A     den fvrt svlt ir vns svͦchen   hinvber an daz lant,
Verse: 3B     den fvrt svlt ir vns svchen   hinvͤber an daz lant,
Verse: 3C     den furt sult ir vns suchñ   hin vbir das lant,

Verse: 4     daz wir von hinnen bringen   beidiv ross vnt ovch gewant
Verse: 4A     daz wir von hinnen bringen   beide ros vnd <oͮch> gewant."
Verse: 4B     daz wir von hinnen bringen   beidiv ross vnt ovch gewant."
Verse: 4C     daz wir hinnen bringen   baidew ros vnd gewant."



Strophe: 1597   { |X1530 / Strophe of Ms. A: 1470   / Strophe of Ms. B: 1527   / Strophe of Ms. C: 1566   }


Verse: 1     ian ist mir sprach hagene   min leben niht so leit
Verse: 1A     "Ja enist mir", sprach Hagne,   "min leben niht so leit,
Verse: 1B     "I2an ist mir", sprach Hagene,   "min leben niht so leit,
Verse: 1C     "Ja en ist mir", sprach da Hagen,   "mein lebñ nicht so lait,

Verse: 2     daz ich mich welle ertrenchen   in disen venden breit
Verse: 2A     daz ich mich welle ertrenken   in disen vnden breit.
Verse: 2B     daz ich mich welle ertrenchen   in disen vͤnden breit.
Verse: 2C     daz ich mich ertrenkchñ   in disem wage berait.

Verse: 3     e sol von minen handen   ersterben manich man
Verse: 3A     ê sol von minen handen   ersterben manich man \   { \ Page of Ms. C: 60a  C:_60a }
Verse: 3B     ê sol von minen handen   ersterben manich man
Verse: 3C     er sol von meinen handen   ersterbñ manich man

Verse: 4     in ecelen landen   des ich vil gvten willen han
Verse: 4A     in Ecelen landen,   des ich vil guͦten willen han.
Verse: 4B     in Ecelen landen,   des ich vil gvten willen han.
Verse: 4C     in Etzln landen,   des ich vil guten willen han.



Strophe: 1598   { |X1531 / Strophe of Ms. A: 1471   / Strophe of Ms. B: 1528   / Strophe of Ms. C: 1567   }


Verse: 1     belibet bi dem wazer   ir stolzen ritter gvt
Verse: 1A     Belibet bi dem wazzer,   ir stolzen riter guͦt.
Verse: 1B     Belibet bi dem wazer,   ir stolzen ritter gvt.
Verse: 1C     Beleibet bei dem wazzer,   ir stoltzen ritter gut.

Verse: 2     ich wil di vergen svchen   selbe bi der flvot
Verse: 2A     ich wil die vergen suͦchen   selbe bi der fluͦt,
Verse: 2B     ich wil di vergen svchen   selbe bi der flvͦt,
Verse: 2C     ich wil die vergen suchen   selbe pei der flut,

Verse: 3     di vns bringen vebere   in gelfrates lant
Verse: 3A     die vns bringen vbere   in Gelpfrates lant. "
Verse: 3B     di vns bringen vͤbere   in Gelfrates lant."
Verse: 3C     die vns vbir bringen   in das Etzln lant." \   { \ Page of Ms. B: 100v   A:_100v }

Verse: 4     do nam der starche hagene   sinen gvten schildes rant
Verse: 4A     do nam der starke Hagne   sinen guͦten schildes rant.
Verse: 4B     do nam der starche Hagene   sinen gvten schildes rant.
Verse: 4C     Hagen der chüne   nam seinen schilde an die hant.



Strophe: 1599   { |X1532 / Strophe of Ms. A: 1472   / Strophe of Ms. B: 1529   / Strophe of Ms. C: 1568   }


Verse: 1     er was vil wol gewaffent   den schilt er dannen trvch
Verse: 1A     Er was wol gewafent;   den schilt er dannen truͦch,
Verse: 1B     Er was vil wol gewaffent;   den schilt er dannen trvch,
Verse: 1C     Der holt vil gut gewaeffen   an seinen leip trug

Verse: 2     sinen helm vf gebvnden   lieht was er genvch
Verse: 2A     sinen helm vf gebvnden,   lieht was er genvͦc.
Verse: 2B     sinen helm vf gebvnden,   lieht was er genvch.
Verse: 2C     vnd ainen helm auf seinem hawpt   lauter genuch.

Verse: 3     do trvg er ob der brvenne   ein waffen also breit
Verse: 3A     do truͦch er ob der brunne   ein wafen also breit,
Verse: 3B     do trvg er ob der brvͤnne   ein waffen also breit,
Verse: 3C     do trug er ob der prum   aine waffen also prait,

Verse: 4     daz ce beden eken   harte vreislichen sneit
Verse: 4A     daz ze beiden eken   vil harte vreislichen sneit.
Verse: 4B     daz ce beden eken   harte vreislichen sneit.
Verse: 4C     daz zu seinen eken   hart pitterleich snait.



Strophe: 1600   { |X1533 / Strophe of Ms. A: 1473   / Strophe of Ms. B: 1530   / Strophe of Ms. C: 1569   }


Verse: 1     do svcht er nah den vergen   wider vnd dan
Verse: 1A     Do suͦhte er nah den vergen   wider vñ dan.
Verse: 1B     D2o svcht er nah den vergen   wider vnd dan.
Verse: 1C     Er suchte nach den vergen   wider vnd dan.

Verse: 2     er horte wazer giezen   losen er began
Verse: 2A     er horte wazzer giezen;   losen er began.
Verse: 2B     er horte wazer giezen -   losen er began -
Verse: 2C     er horte wazzer giezzen -   lozzen er began -

Verse: 3     in einem schoenem brvnnen   daz taten wisiv wip
Verse: 3A     in einem schoͤnen brvnnen   taten daz wisiv wip.
Verse: 3B     in einem schoͤnem brvnnen.   daz taten wisiv wip.
Verse: 3C     in ainem scbonen prunn.   daz taten weisew weip.

Verse: 4     di wolden sih da chvelen   vnd badeten ir lip
Verse: 4A     die wolten sich da kûlen   vñ badeten iren lip.
Verse: 4B     di wolden sih da chvͤlen   vnd badeten ir lip.
Verse: 4C     die chülten sich dar ynne   vñ bedawten iren leip.



Strophe: 1601   { |X1534 / Strophe of Ms. A: 1474   / Strophe of Ms. B: 1531   / Strophe of Ms. C: 1570   }


Verse: 1     hagen wart innen   er sleich in tovgen nach
Verse: 1A     Hagne wart ir innen;   er sleich in tovgen nach.
Verse: 1B     Hagen wart innen;   er sleich in tovgen nach.
Verse: 1C     Hagen wart ir ynne;   er slaich in sanfte nach.

Verse: 2     do si daz versvnnen   do wart in dannen gach
Verse: 2A     do si daz versvnnen,   do was in dannen gach.
Verse: 2B     do si daz versvnnen,   des waren si vil her.
Verse: 2C     do si den helt ersahen,   do ward in von in gacb.

Verse: 3     daz si im entrvnnen   des waren si vil her
Verse: 3A     daz si im entrunnen,   des waren si vil her.
Verse: 3B     daz si im entrvnnen,   des waren si vil her.
Verse: 3C     daz si im entrunnen,   des waren si vil her.

Verse: 4     er nam in ir gewaete   der helt en schadete in niht mer
Verse: 4A     er nam in ir gewete;   der helt schadete in niht mer.
Verse: 4B     er nam in ir \ gewæte;   der helt enschadete in niht mer.   { \ Page of Ms. C: 366b  C:_366b }
Verse: 4C     da nam er ir gewaete;   der helt der schadet in nicht mer.



Strophe: 1602   { |X1535 / Strophe of Ms. A: 1475   / Strophe of Ms. B: 1532   / Strophe of Ms. C: 1571   }


Verse: 1     do sprach daz eine merewib   hadebvrch was si genant
Verse: 1A     Do sprach daz eine merwip -   Hadburch was si genant:
Verse: 1B     Do sprach daz eine merewib -   Hadebvrch was si genant:
Verse: 1C     Da sprach das aine merweip -   die was Haderburg genant:

Verse: 2     edel ritter hagene   wir tvon iv hie bechant
Verse: 2A     "edel riter Hagne,   wir tvͦn dir hie bekant,
Verse: 2B     "edel ritter Hagene,   wir tvͦn <iv> hie bechant,
Verse: 2C     "her Hagen, gebt uns wider   vnser gewant.

Verse: 3     swenne ir vns degen chvene   gebet wider vnser wat
Verse: 3A     swenne ir vns gebet wider   vnser gewant,
Verse: 3B     swenne ir vns, degen chvͤne,   gebet widr vnser wat,
Verse: 3C     do ir vns, edel rekch,   gebt wider vnser \ wat,   { \ Page of ms. B: 101r   B:_101r }

Verse: 4     wi iv ze den hivnen   disiv hovereise ergat
Verse: 4A     wie iv ce den Hvnen   iwer houereise ergant."
Verse: 4B     wi iv ze den Hivnen   disiv hovereise ergat."
Verse: 4C     ich sag ew wie ewer raise   hin zen Heunen ergat."



Strophe: 1603   { |X1536 / Strophe of Ms. A: 1476   / Strophe of Ms. B: 1533   / Strophe of Ms. C: 1572   }


Verse: 1     si swebten sam di vogele   vor im vf der flvt
Verse: 1A     Si swebten sam die vogele   vor im vf der fluͦt.
Verse: 1B     S2i swebten sam di vogele   vor im vf der flvt.
Verse: 1C     Si swebten so die vogle   vor im auf der flut.

Verse: 2     des dvhten in ir sinne   starch vnd gvt
Verse: 2A     des hugten im ir sinne   starch vñ <gvͦt>.
Verse: 2B     des dvhten in ir sinne   starch vnd gvt.
Verse: 2C     des dauchten in ir list   starkch vnd gut.

Verse: 3     swaz si im sagen wolden   er gelovbtez deste baz
Verse: 3A     swaz si im sagen <wolden>,   er gelaubete in dester baz.
Verse: 3B     swaz si im sagen wolden,   er gelovtez deste baz.
Verse: 3C     swas si im sageten,   er gelawbt ins dester pas.

Verse: 4     des er do hin zin gerte   vil wol bescheideten si im daz
Verse: 4A     des er do hin ce in do gerte,   wol beschieden si im daz.
Verse: 4B     des er do hinz in gerte,   vil wol bescheideten si im daz.
Verse: 4C     des er an si gerte,   ir ainew sagt im daz.



Strophe: 1604   { |X1537 / Strophe of Ms. A: 1477   / Strophe of Ms. B: 1534   / Strophe of Ms. C: 1573   }


Verse: 1     si sprach ir mvegt wol riten   in eceln lant
Verse: 1A     Si sprach: "ir mvget wol riten   in Ecelen lant.
Verse: 1B     Si sprach: "ir mvͤgt wol riten   in Eceln lant.
Verse: 1C     Si sprach: "ir mügt wol reiten   in Etzln lant.

Verse: 2     des setze ich iv ce bvergen   mine triwe hi ce hant
Verse: 2A     des sece ich iv ce burgen   min triwe hie ze hant,
Verse: 2B     des setze ich iv ce bvͤrgen   mine triwe hi ce hant,
Verse: 2C     des sei mein trewe bürg,   mein haubt sei ewr phant,

Verse: 3     daz helde nie gefvoren   in deheiniv riche baz
Verse: 3A     daz helde nie gefuͦren   in deheiniv riche baz
Verse: 3B     daz helde nie gefvͦren   in deheiniv riche baz
Verse: 3C     daz held nie gefuoren   in dhaine reiche pas

Verse: 4     nach also grozen eren   nv gelovbet waerliche daz
Verse: 4A     nach also grozen eren;   nv gelovbee werlichen daz."
Verse: 4B     nach also grozen eren;   nv gelovbet wærliche daz."
Verse: 4C     nach also grozzen ern;   ir solt wol gelauben daz."



Strophe: 1605   { |X1538 / Strophe of Ms. A: 1478   / Strophe of Ms. B: 1535   / Strophe of Ms. C: 1574   }


Verse: 1     der rede was do hagene   in sinem hercen her
Verse: 1A     Der rede was do Hagne   in sime herzen her.
Verse: 1B     Der rede was do Hagene   in sinem hercen her.
Verse: 1C     Die rede waz da Hagen   in seinem hertzen her.

Verse: 2     do gap er in ir chleider   vnd svmte sich niht mer
Verse: 2A     do gab er in ir kleider   vñ svmte sich niht mer.
Verse: 2B     do gap er in ir chleider   vnd svmte sich niht mer.
Verse: 2C     er gab ir wider ir chlaider,   der helt sampt sich nicht mer.

Verse: 3     do si do angeliten   ir wunderlich gewant
Verse: 3A     do si an geleiten   ir wunderlich gewant,
Verse: 3B     do si do an geliten   ir wnderlich gewant,
Verse: 3C     do si do an geleten   ir wunderleich gewant,

Verse: 4     do sagten si im rehte   di reise in ecelen lant
Verse: 4A     do sageten sim rehte   die reise in Ecelen lant.
Verse: 4B     do sageten si im rehte   di reise in Ecelen lant.
Verse: 4C     do sagten si im die raise   in daz Etzln lant.



Strophe: 1606   { |X1539 / Strophe of Ms. A: 1479   / Strophe of Ms. B: 1536   / Strophe of Ms. C: 1575   }


Verse: 1     do sprach daz ander merewip   div hiez sigelint
Verse: 1A     Do sprach daz ander merwip -   div hiez Siglint:
Verse: 1B     D2o sprach daz ander merewip -   div hiez Sigelint:
Verse: 1C     Do sagt daz ander merweip -   die hiez Winelint:

Verse: 2     ich wil dich warnen hagen   daz aldrianes chint
Verse: 2A     "ich wil dich warnen, Hagne,   Aldrians kint.
Verse: 2B     "ich wil dich warnen Hagen,   daz Aldrianes chint.
Verse: 2C     "ich wil dich waren,   das Adrianes chint.-

Verse: 3     dvrh der waete liebe   hat min mvome dir gelogen
Verse: 3A     durch der wete liebe   hat min mvͦme dir gelogen.
Verse: 3B     dvrh der wæte liebe   hat min mvͦme dir gelogen.
Verse: 3C     durch der waete liebe   hat mein muͦme dir gelegen.

Verse: 4     chvemestv hin cen hivnen   so bistv sere betrogen
Verse: 4A     kvmstv cen Hunen,   so bistv sere betrogen.
Verse: 4B     chvͤmestv hin cen Hivnen,   so bistv sere betrogen.
Verse: 4C     vñ chuͦmpst \ zu den Heunen,   so pist du sere betrogen.   { \ Page of Ms. C: 101v  C:_101v }



Strophe: 1607   { |X1540 / Strophe of Ms. A: 1480   / Strophe of Ms. B: 1537   / Strophe of Ms. C: 1576   }


Verse: 1     ia soltv cheren widere   daz ist dir an der zit
Verse: 1A     Ia soltu wider keren -   daz ist an der zit -
Verse: 1B     Ia soltv cheren widere -   daz ist dir an der zit -
Verse: 1C     Do solt du cheren wider -   daz ist an der tzeit -

Verse: 2     wand ir helde chvene   also geladet sit
Verse: 2A     wan ir helde kuͦne   also geladen sit,
Verse: 2B     wand ir helde chvͤne   also geladet sit,
Verse: 2C     wande ir helde chüne   also geladet seit,

Verse: 3     daz ir sterben mvezet   in eceln lant
Verse: 3A     daz ir sterben muͦzet   in Ecelen lant.
Verse: 3B     daz ir sterben mvͤzet   in Eceln lant.
Verse: 3C     daz ir ersterben müset   in der Heunen lant.

Verse: 4     swelhe dar geritent   di habent den tot an der hant
Verse: 4A     swelhe dar geritent   die habent den tot an der hant."
Verse: 4B     swelhe dar geritent,   di habent den tot an der hant."
Verse: 4C     swelch dar gereitent,   die hant den tot an der hant."



Strophe: 1608   { |X1541 / Strophe of Ms. A: 1481   / Strophe of Ms. B: 1538   / Strophe of Ms. C: 1577   }


Verse: 1     do sprach aber hagene   ir trieget ane not
Verse: 1A     Do sprach aber Hagne:   "ir trieget ane not.
Verse: 1B     Do sprach aber Hagene:   "ir trieget ane not.
Verse: 1C     Des antwort Hagen.-   "ir trieget an not.

Verse: 2     wi moehtez sich gefvegen   daz wir alle tot
Verse: 2A     wie mohte ez sich gefuͤgen,   daz wir alle tot
Verse: 2B     wi moͤhtez sich gefvͤgen,   daz wir alle tot
Verse: 2C     wie chünde sich gefügen,   daz wir alle tot

Verse: 3     solden da beliben   dvrh iemens haz
Verse: 3A     solden da beliben   durch iemans haz?"
Verse: 3B     solden da beliben   dvrh iemens haz?"
Verse: 3C     zer hochtzeit gelegen   durch iemandes has?"

Verse: 4     si begonden im div maere   sagen chventlicher baz
Verse: 4A     si begvnden im div mere   sagen kvntlicher baz.
Verse: 4B     si begonden im div mære   sagen chvͤntlicher baz.
Verse: 4C     do begunde si im die maer   sagen chundleich pas.



Strophe: 1609   { |X1542 / Strophe of Ms. A: 1482   / Strophe of Ms. B: 1539   / Strophe of Ms. C: 1578   }


Verse: 1     do sprach aber div eine   ez mvz also wesen
Verse: 1A     Do sprach aber div eine:   "ez mvͦz also wesen,
Verse: 1B     D2o sprach aber div eine:   "ez mvz also wesen,
Verse: 1C     Si sprach: "nu mercbet, Hagen,   ia muͦz ez also wesen,

Verse: 2     daz iwer deheiner   chan da niht genesen
Verse: 2A     daz iwer einer   chan da niht genesen,
Verse: 2B     daz iwer deheiner   chan da niht genesen,
Verse: 2C     daz ewer dhainer   da nicht chan genesen,

Verse: 3     niwan des chveneges kappelan   daz ist vns wol bechant
Verse: 3A     niwan des kvniges kapelan,   daz ist vns wol bekant.
Verse: 3B     niwan des chvͤneges kappelan,   daz ist vns wol bechant.
Verse: 3C     wan aine des cbünigs cappelan.   da bei sei ew bechant:

Verse: 4     der chvemet gesvnt widere   in daz gventheres lant
Verse: 4A     der kvmt gesunt widere   in Gunthers lant."
Verse: 4B     der chvͤmet gesvnt widere   in daz Gvͤntheres lant."
Verse: 4C     der cbuͦmpt gesunder wider   in des Günthers lant."



Strophe: 1610   { |X1543 / Strophe of Ms. A: 1483   / Strophe of Ms. B: 1540   / Strophe of Ms. C: 1579   }


Verse: 1     do sprach in grimmem mvote   der chvene hagene
Verse: 1A     Do sprach in grimmem muͦte   der kuͤne Hagne: \   { \ Page of Ms. C: 60b  C:_60b }
Verse: 1B     Do sprach in grimmem mvͦte   der chvͤne Hagene:
Verse: 1C     Da sprach in grimmem mute   der chüne Hagen:

Verse: 2     daz waere minen herren   mvelich ce sagene
Verse: 2A     "daz were minen herren   muͦlich ce sagene,
Verse: 2B     "daz wære minen \ herren   mvͤlich ce sagene,   { \ Page of Ms. B: 367a   A:_367a }
Verse: 2C     "daz waer meinen herrn   müleich ze sagen,

Verse: 3     daz wir alle cen hivnen   solden vliesen den lip
Verse: 3A     daz wir zen Hvnen solden   verliesen alle den lip.
Verse: 3B     daz wir alle cen Hivnen   solden vliesen den lip.
Verse: 3C     daz wir zen Heunen solden   fliezzen alle den leip.

Verse: 4     noch zeige vns vberz wazer   daz allerwiseste wip
Verse: 4A     nv ceig vns vberz wazzer   allerwisete wip."
Verse: 4B     noch zeige vns verz wazer,   daz aller wiseste wip."
Verse: 4C     nv zaig vns vbir daz wasser,   das aller weisiste weip."



Strophe: 1611   { |X1544 / Strophe of Ms. A: 1484   / Strophe of Ms. B: 1541   / Strophe of Ms. C: 1580   }


Verse: 1     si sprach sit dv der verte   niht welles haben rat
Verse: 1A     Si sprach: "sit dv der verte   niht wellest haben rat,
Verse: 1B     Si sprach: "sit dv der verte   niht welles haben rat,
Verse: 1C     Si sprach: "seit ir der verte   nicht wellet habñ \ rat,   { \ Page of ms. B: 102r   B:_102r }

Verse: 2     swa obene bi dem wazer   ein herberge stat
Verse: 2A     swa oben bi dem wazzer   ein herberge stat,
Verse: 2B     <swa> obene bi dem wazer   ein herberge stat,
Verse: 2C     swa ienhalbe pei dem wazzer   ain berberge stat,

Verse: 3     da inne ist ein verge   vnd niender anderswa
Verse: 3A     darinne ist ein verge   vnd nindert anderswa."
Verse: 3B     da inne ist ein verge   vnd niender anderswa."
Verse: 3C     dar inne ist ein verg   vnd niendert anderswo."

Verse: 4     der maere der er vragte   der gelovbet er sich da
Verse: 4A     der mere der er vragte,   der geloͮbet er sich da.
Verse: 4B     der mære der er vragte,   der gelovbet er sich da.
Verse: 4C     der maere der er fragt,   der gelaubet er sicb sa.



Strophe: 1612   { |X1545 / Strophe of Ms. A: 1485   / Strophe of Ms. B: 1542   / Strophe of Ms. C: 1581   }


Verse: 1     dem vngemvotem rechen   sprach div eine nach
Verse: 1A     Dem vngemvͦten reken   sprach div eine nach:
Verse: 1B     D2em vngemvͦtem rechen   sprach div eine nach:
Verse: 1C     Dem vngemuten rekchen   sprach ir ainer nach:

Verse: 2     nv bitet noch her hagene   ia ist iv gar ze gach
Verse: 2A     "nv bitet noch, er Hagene.   ia ist iv gar ze gach.
Verse: 2B     "nv bitet noch, her Hagene.   ia ist iv gar ze gach.
Verse: 2C     "nu baitet nah, her Hagen.   lat ew nicbt sein ze gach.

Verse: 3     vernemet noch div maere   wir chvmet veber sant
Verse: 3A     vernemet noch baz div mere,   wie ir komet vber sant.
Verse: 3B     vernemet noch div mære,   wir chvmet vͤber sant.
Verse: 3C     vernempt pas div maere,   wir ir chömt vbir sant:

Verse: 4     dirre marcherre   der ist else genant
Verse: 4A     dirre march herre   der ist Else genant.
Verse: 4B     dirre marcherre   der ist Else genant.
Verse: 4C     dirr marcherre   der ist Else genant.



Strophe: 1613   { |X1546 / Strophe of Ms. A: 1486   / Strophe of Ms. B: 1543   / Strophe of Ms. C: 1582   }


Verse: 1     sin brvoder ist geheizen   der degen gelfprat
Verse: 1A     Sin bruͦder der ist geheizen   der degen Gelpfart,
Verse: 1B     Sin brvͦder ist geheizen   der degen Gelfprat,
Verse: 1C     Dem pruder ist geheisen   Gelpfrat,

Verse: 2     ein herre in beyerlande   wi mvelich ez iv stat
Verse: 2A     ein <herre> in Beierlande.   vil mvͤlich ez iu stat,
Verse: 2B     ein herre in Beyerlande.   wi mvͤlich ez iv stat,
Verse: 2C     ein vogt in Baierlande;   dez ez ew muͦleich stat.

Verse: 3     welt ir dvrh sine marche   ir svlt ivh wol bewarn
Verse: 3A     welt ir durch sine marke.   ir svlt ivch wol bewarn
Verse: 3B     welt ir dvrh sine marche.   ir svlt ivh wol bewarn
Verse: 3C     welt ir durch sein marche,   ir solt ew wol bewaren,

Verse: 4     vnd svlt ovch mit dem vergen   vil bescheidenliche varn
Verse: 4A     vñ sult ovch mit den vergen   vil bescheindenlichen varn.
Verse: 4B     vnd svlt ovch mit dem vergen   vil bescheidenliche varn.
Verse: 4C     vñ sult auch mit dem vergen   vil bescbaidenleich varen.



Strophe: 1614   { |X1547 / Strophe of Ms. A: 1487   / Strophe of Ms. B: 1544   / Strophe of Ms. C: 1583   }


Verse: 1     der ist so grimmes mvotes   er lat ivch niht genesen
Verse: 1A     Der ist so grimmes mvͦtes,   der lat ivch niht genesen,
Verse: 1B     Der ist so grimmes mvͦtes,   er lat ivch niht genesen,
Verse: 1C     Der ist so grimmes mutes,   er lat ew nicht genesen,

Verse: 2     ir en welt bi dem helde   mit gvoten sinnen wesen
Verse: 2A     irn welt mit guͦten sinnen   bi dem helde wesen.
Verse: 2B     iren welt bi dem helde   mit gvͦten sinnen wesen.
Verse: 2C     iren welt mit guten sinnen   bei dem holt wesen.

Verse: 3     welt ir daz vber er ivh fvere   so gebet im den solt
Verse: 3A     welt ir daz er ivch fuͤre,   so gebet ir im den solt.
Verse: 3B     welt ir daz vber <ivh> fvͤre,   so gebet im den solt.
Verse: 3C     welt ir daz er euch fuͦre,   so gibt im den solt.

Verse: 4     er hvetet disses landes   vnt ist gelpfrade holt
Verse: 4A     her huͤtet disses landes   vñ ist Gelfrate holt.
Verse: 4B     er hvͤtet disses landes   vnd ist Gelpfrade holt.
Verse: 4C     er hütet ditz landes   vnd Gelpfrade holt.



Strophe: 1615   { |X1548 / Strophe of Ms. A: 1488   / Strophe of Ms. B: 1545   / Strophe of Ms. C: 1584   }


Verse: 1     vnde chvom er niht bezite   so rvffet veber flvt
Verse: 1A     Vñ chomet er niht ecite,   so ruͤfet vber fluͦt
Verse: 1B     V2nde chvͦm er niht bezite,   so rvffet vͤber flvt
Verse: 1C     Vnd cham ere nicht vil schiere,   so ruffet vbir fluͦt,

Verse: 2     vnt ieht ir heizet amelrich   der was ein helt gvt
Verse: 2A     vñ iehet ir haizet Amelrich.   des was ein helt gvͦt
Verse: 2B     vnt ieht ir heizet Amelrich.   der was ein helt gvt,
Verse: 2C     iocht, ir seit Amelrinch. \   daz was ein reck gut,   { \ Page of Ms. C: 102v  C:_102v; ab hier 4. Schreiber }

Verse: 3     der dvrch fientschepfte   rvomte dizze lant
Verse: 3A     der durch veintschefte   ruͦmte dize lant.
Verse: 3B     der dvrch fientschepfte   rvͦmte dizze lant.
Verse: 3C     der durch veintscheft   rawmt dise lant.

Verse: 4     so chvmt iv der verge   swenne im der nam wirt genant
Verse: 4A     so chvmet iv der verge,   swenne im der name wirt erkant."
Verse: 4B     so chvmt iv der verge,   swenne im der nam wirt genant."
Verse: 4C     so kuͦmpt euch der verge,   als im der nam wirt genant."



Strophe: 1616   { |X1549 / Strophe of Ms. A: 1489   / Strophe of Ms. B: 1546   / Strophe of Ms. C: 1585   }


Verse: 1     der vebermvte hagene   der vrowen do neich
Verse: 1A     Der ubermvͦte Hagne   den vroͮwen do neich.
Verse: 1B     Der vͤbermvte Hagene   der vrowen do neich.
Verse: 1C     Der übermut Hagen   den frawen do neyg

Verse: 2     ern redete niht mere   wan daz er vaste sweich
Verse: 2A     er en reite niht mere,   wan daz er stille sweich.
Verse: 2B     ern redete niht mere,   wan daz er vaste sweich.
Verse: 2C     des rates vnd der lere.   der helt vil still sweig.

Verse: 3     do gie er bi dem wazer   fver sich an den sant
Verse: 3A     do gie er bi dem wazzer   hoher an den sant,
Verse: 3B     do gie er bi dem wazer   fvͤr sich an den sant,
Verse: 3C     da ging er bey der flute   hoher an den sant,

Verse: 4     da er anderthalben   ein herberge vant
Verse: 4A     da er anderthalben   ein herberge vant.
Verse: 4B     da er anderthalben   ein herberge vant.
Verse: 4C     do er anderhalp   ein herwerg vant.



Strophe: 1617   { |X1550 / Strophe of Ms. A: 1490   / Strophe of Ms. B: 1547   / Strophe of Ms. C: 1586   }


Verse: 1     er begonde vaste rvoffen   hin veber den flvt
Verse: 1A     Er begvnde ruͦfen   vaste vber die fluͦt:
Verse: 1B     Er begonde vaste rvͦffen   hin vͤber den flvt:
Verse: 1C     Er begond ruffen   vaste über fluͦte:

Verse: 2     nv hol mich hi verge   sprach der degen gvt
Verse: 2A     "nv hol mich hie, verge",   sprach der degen guͦt,
Verse: 2B     "nv hol mich hi, verge",   sprach der degen gvt,
Verse: 2C     "hol mich hy, vorge,"   sprach der degen gute,

Verse: 3     so gip ich dir ce miete   einen bovch von golde rot
Verse: 3A     "so gib ich dir ze miete   von golde einen bovc vil rot.
Verse: 3B     "so gip ich dir ce miete   einen bovch von golde rot.
Verse: 3C     "so gib ich dir ze mite   vol gold einen pauch vil rot.

Verse: 4     ia ist mir dirre verte   daz wizest waerliche not
Verse: 4A     ia ist mir dirre verte   werlichen not."
Verse: 4B     ia ist mir dirre verte,   daz wizest, wærliche not."
Verse: 4C     ia ist mir dirr verte,   daz wiß, werlichen not."



Strophe: 1618   { |X1551 / Strophe of Ms. A: 1491   / Strophe of Ms. B: 1548   / Strophe of Ms. C: 1587   }


Verse: 1     der verge was so riche   daz im niht dienen zam
Verse: 1A     Der verge waz so riche,   daz er niht dienen zam,
Verse: 1B     D2er verge was so riche,   daz im niht dienen zam,
Verse: 1C     Der verig was so reich,   daz im nicht dienen zäm,

Verse: 2     davon er lon vil selten   von iemen da genam
Verse: 2A     da von er lon vil selten   von ieman da genam.
Verse: 2B     da von er lon selten   von iemen da genam.
Verse: 2C     da von er lon vil selten   von ymant da genam.

Verse: 3     ovch waren sine chnehte   vil harte hohgemvt
Verse: 3A     ovch waren sine chnehte   vil hohe gemvͦt.
Verse: 3B     ovch waren sine chnehte   vil harte hohgemvt.
Verse: 3C     auch warn seine knecht   vil hochgemut.

Verse: 4     noh stvnt allez hagen   eine disehalp der flvt
Verse: 4A     noch stvͦnt allez Hagne   hie dishalp der fluͦt.
Verse: 4B     noh stvnt allez Hagen   eine disehalp der flvt.
Verse: 4C     noch stund allz Hagen   dishalb der flut.



Strophe: 1619   { |X1552 / Strophe of Ms. A: 1492   / Strophe of Ms. B: 1549   / Strophe of Ms. C: 1588   }


Verse: 1     do rvffte er mit der chreffte   daz al der wag erdoz
Verse: 1A     Do ruͦft er mit der kefte   daz al der wac erdoz
Verse: 1B     Do rvffte er mit der chreffte,   daz al der wag erdoz,
Verse: 1C     Da da ruft er mit der krefte   daz aller wag erdoz,

Verse: 2     wan des heldes sterche   was michel vnd groz
Verse: 2A     von des heldes sterke -   div was michel vñ groz:
Verse: 2B     wan des heldes sterche   was michel vnd groz:
Verse: 2C     wann des heldes sterck   was michel vnd groz:

Verse: 3     nv hol mich amelrichen   ich pin der elsn man
Verse: 3A     "nv hol mich Almerichen;   ich bin der Eisen man,
Verse: 3B     "nv hol mich Amelrichen;   ich pin der Elsn \ man,   { \ Page of Ms. C: 367b  C:_367b }
Verse: 3C     "nu hol mich Amelreichen,   des herrn Elsen man,

Verse: 4     der dvrch starche fintschaft   disem lande entran
Verse: 4A     der durch starke vintschaft   von disem lande entran."
Verse: 4B     der dvrch starche fintschaft   <disem> lande entran."
Verse: 4C     der von disen landen \   durch groß veintscheft entran."   { \ Page of ms. B: 103r   B:_103r }



Strophe: 1620   { |X1553 / Strophe of Ms. A: 1493   / Strophe of Ms. B: 1550   / Strophe of Ms. C: 1589   }


Verse: 1     vil hohe an dem swerte   einen bovch er im bot
Verse: 1A     Vi hohe an eime swerte   ein bovc er im do bot -
Verse: 1B     Vil hohe an dem swerte   einen bovch er im bot -
Verse: 1C     Vil hoch an seinem swerte   er im den pauchk do pot -

Verse: 2     lieht vnd schoene   was er von golde rot
Verse: 2A     lieht vñ schoͤne   was er vol goldes rot -
Verse: 2B     lieht vnd schoͤne   was er von golde rot -
Verse: 2C     vil licht vnd vil schon   was er von golde rot -

Verse: 3     daz man in veber fvrte   in gelpfrades lant
Verse: 3A     daz man in vber fuͦrte   in Gelphates lant.
Verse: 3B     daz man in vͤber fvrte   in Gelpfrades lant.
Verse: 3C     daz er in überfürte   in des Elsen lant.

Verse: 4     der vebermvte verge   nam selb daz rvder an di hant
Verse: 4A     der vbermvͦte verge   nam selbe daz ruͦder an die hant.
Verse: 4B     der vͤbermvte verge   nam selb daz rvder an di hant.
Verse: 4C     der übermut verge   nam daz ruder selb in dy hant.



Strophe: 1621   { |X1554 / Strophe of Ms. A: 1494   / Strophe of Ms. B: 1551   / Strophe of Ms. C: 1590   }


Verse: 1     ovch was der selb verge   nivlich gehit
Verse: 1A     Ovch was der selbe schifman   mvͦlich gesit.
Verse: 1B     O2vch was der selbe verge   nivlich gehit.
Verse: 1C     Auch was der selb verg   vil mülich gesit.

Verse: 2     div gvf nach grozem gvte   vil boese ende git
Verse: 2A     div gir nach grozem guͦte   vil boser ende git.
Verse: 2B     div gvf nach grozem gvte   vil boͤse ende git.
Verse: 2C     zu girde nach großem gut   vol bösez ende gibt.

Verse: 3     do wold er verdienen   daz hagenen golt so rot
Verse: 3A     do wolt er verdienen   daz Hagnen golt vil rot;
Verse: 3B     do wold er verdienen   daz Hagenen golt so rot;
Verse: 3C     da wänt er verdinen   daz Hagen golt so rot;

Verse: 4     des leid er von dem degene   den swertgrimmigen tot
Verse: 4A     des leit er von dem degne   den swertgrimegen tot.
Verse: 4B     des leid er von dem degene   den swertgrimmigen tot.
Verse: 4C     daz laid er von dem degen   sint den grimmigen tot.



Strophe: 1622   { |X1555 / Strophe of Ms. A: 1495   / Strophe of Ms. B: 1552   / Strophe of Ms. C: 1591   }


Verse: 1     der verge ilte genote   hinvber an den sant
Verse: 1A     Der verge fuͦr genote   hinvber an den sant.
Verse: 1B     Der verge ilte genote   hin vber an den sant.
Verse: 1C     Der verg zog genote   hin uber an daz lant.

Verse: 2A     den er dannen horte,   do er des niht envant,
Verse: 2B     den er dannen horte,   do er des niht evant,
Verse: 2C     den er da nennen hort,   do er des nicht en vant,

Verse: 3     do zvrnde er ernslichen   als er hagenen sach
Verse: 3A     do zvrnt er erliche.   do er Hagnen sach, \   { \ Page of Ms. C: 61a  C:_61a }
Verse: 3B     do zvrnde er ernslichen.   als er Hagenen sach,
Verse: 3C     ez müet in hart ser.   als er Hagen sach,

Verse: 4     vil harte grimmechlich   er zv dem degen sprach
Verse: 4A     vil harte grimmeclichen   er do zuͦ dem helde sprach:
Verse: 4B     vil harte grimmechlich   er zv dem degen sprach:
Verse: 4C     der helde wider den recken   in vil großen zorñ;



Strophe: 1623   { |X1556 / Strophe of Ms. A: 1496   / Strophe of Ms. B: 1553   / Strophe of Ms. C: 1592   }


Verse: 1     ir mvget wol sin geheizen   benamen amelrich
Verse: 1A     "Ir mvget wol sin geheizen   bi namen Amerlich.
Verse: 1B     "Ir mvget wol sin gezeizen   benamen Amelrich.
Verse: 1C     "Ir mügt wol sein geheißen   Armelreich benamen.

Verse: 2     des ich mich hie verwaene   dem sit ir vngelich
Verse: 2A     des ich mich hie verwene,   den sit ir vngelich.
Verse: 2B     des ich mich hie verwæne,   dem sit ir vngelich.
Verse: 2C     des ich mich hy verwen,   dem seit ir vngleich.

Verse: 3     von vater vnd von mvter   was er der brvder min
Verse: 3A     von vater vnd von mvͦter   was er der bruͦder min.
Verse: 3B     <von> vater vnd von mvter   was er der brvder min.
Verse: 3C     von vater vnd von muter   was er der bruder mein.

Verse: 4     nv ir mich betrogen habt   ir mvezet disehalp sin
Verse: 4A     nv ir mich betrogen habet,   ir mvͦset dishalben sin."
Verse: 4B     nv ir mich betrogen habt,   ir mvͤzet disehalp sin."
Verse: 4C     nu ir mich sust betrogen habt,   ir muͦßt dishalben sein."



Strophe: 1624   { |X1557 / Strophe of Ms. A: 1497   / Strophe of Ms. B: 1554   / Strophe of Ms. C: 1593   }


Verse: 1     nein dvrch got den richen   sprach do hagene
Verse: 1A     "Nein, durch got den richen",   sprach do Hagne.
Verse: 1B     "<Nein>, dvrch got den richen",   sprach do Hagene.
Verse: 1C     "Nein durch got den reichen",   sprach do Hagen.

Verse: 2     ich bin ein recke vremde   vnt sorge vff degene
Verse: 2A     "ich bin ein vremder reke   vñ sorge vf degene.
Verse: 2B     "ich bin ein recke vremde   vnt sorge vff degene.
Verse: 2C     "ich pin ein frömder \ reck   vnd sorg auff degen.   { \ Page of Ms. B: 103v   A:_103v }

Verse: 3     nv nemet hin vrivntliche   hivte minen solt
Verse: 3A     nv nemt hin vrivntliche   minen solt,
Verse: 3B     <nv> nemet hin vrivntliche   hivte minen solt,
Verse: 3C     nu nempt hin minniclelich   mein ellendes solt,

Verse: 4     daz ir mich vberfvret   ich pin iv waerlichen holt
Verse: 4A     daz ir mich vber fuͦret;   ich bin iv werlichen holt."
Verse: 4B     daz ir mich vberfvret;   ich pin iv wærlichen holt."
Verse: 4C     daz ir mich füret über;   ich wil euch ymmer wesen holt."



Strophe: 1625   { |X1558 / Strophe of Ms. A: 1498   / Strophe of Ms. B: 1555   / Strophe of Ms. C: 1594   }


Verse: 1     do sprach abe der verge   des mach niht gesin
Verse: 1A     Do sprach aber der verge:   "desen mach niht gesin.
Verse: 1B     <Do> sprach abe der verge:   "des mach niht gesin.
Verse: 1C     Des antwort der verg:   "ia kan ez nichte gesein.

Verse: 2     ez habent fiande   di lieben herren min
Verse: 2A     ez habent viende   die lieben herren min,
Verse: 2B     ez habent fiande   di lieben herren min,
Verse: 2C     ez hab vinande   den liben herñ mein.

Verse: 3     darvmbe ich niemen vremden   fvere in diz lant
Verse: 3A     darum ich niemen vremden   fuͦr in dize lant.
Verse: 3B     <darvmbe> ich niemen vremden   fvͤre in diz lant.
Verse: 3C     frivnde   fur in diß lant.

Verse: 4     so liebe dir si ce lebene   so trit vil balde vz an den sant
Verse: 4A     so lieb dir si ze lebene,   so trit vil balde vz an daz lant."
Verse: 4B     so liebe dir si ce lebene,   so trit vil balde vz an den sant."
Verse: 4C     als lip dir sey ze leben,   so trit bald auß an daz lant."



Strophe: 1626   { |X1559 / Strophe of Ms. A: 1499   / Strophe of Ms. B: 1556   / Strophe of Ms. C: 1595   }


Verse: 1     nv ne tvt es niht sprach hagene   wan trvrech ist min mvt
Verse: 1A     "Nvn tuͦt des niht", sprach Hagne.   "trûrich ist min mvͦt.
Verse: 1B     "<Nvne> tvt es <niht>", sprach Hagene,   "wan trvrech ist min mvt.
Verse: 1C     "Des entut ir nicht", sprach Hagen.   "mir ist der reyse not;

Verse: 2     nemet von mir ce minne   diz golt vil gvt
Verse: 2A     nemt von mir ze minnen   dize golt vil gvͦt,
Verse: 2B     nemet von mir ce minne   diz golt vil gvt,
Verse: 2C     vnd nempt von mir ze lon   disen pouch von golde rot,

Verse: 3     vnt fvret vns veber tvsent ross   vnt also manigen man
Verse: 3A     vñ fuͤrent vns vber tvͦsent ros   vñ also manic man."
Verse: 3B     vnt fvret vns vͤber tvsent ross   vnt also manigen man."
Verse: 3C     vnd fürt mir über tausent ros   vnd also manchen man."

Verse: 4     do sprach der grimme verge   ez wirdet nimmer getan
Verse: 4A     do sprach der grimme verge:   "daz wirdet nimmer getan."
Verse: 4B     do sprach der grimme verge:   "ez wirdet nimmer getan."
Verse: 4C     "entrewñ", sprach der verg,   "daz wirt nymmer getan."



Strophe: 1627   { |X1560 / Strophe of Ms. A: 1500   / Strophe of Ms. B: 1557   / Strophe of Ms. C: 1596   }


Verse: 1     er hvp ein starchez rvder   michel vnd breit
Verse: 1A     Er huͦp ein starkez ruͦder,   michel vñ breit.
Verse: 1B     E2r hvp ein starchez rvder,   michel vnd breit.
Verse: 1C     Er hub ein starckez ruder,   michel vnd breyt,

Verse: 2     er slvch vf hagenen   des wart er vngemeit
Verse: 2A     er slvͦch vf Hagenen -   des wart er vngemeit -
Verse: 2B     er slvch vf Hagenen -   des wart er vngemeit -
Verse: 2C     vnd slug ez auff Hagen -   des was er vngemeit -

Verse: 3     daz er in dem schiffe   strvchte an siniv chnie
Verse: 3A     daz er in dem schife   struhte an siniv knie.
Verse: 3B     daz er in dem schiffe   strvchte an siniv chnie.
Verse: 3C     daz er in dem schiff   straucht auff seine kny.

Verse: 4     so rehte grimmer verge   der chom dem tronegaer nie
Verse: 4A     so rehte grimmer verge   kom zvͦ dem Troniære nie.
Verse: 4B     so rehte grimmer verge   der chom dem Tronegær nie.
Verse: 4C     so rechte grimmer verge   kome dem helde von Trong nie.



Strophe: 1628   { |X1561 / Strophe of Ms. A: 1501   / Strophe of Ms. B: 1558   / Strophe of Ms. C: 1597   }


Verse: 1     do wolde er baz erzvrnen   den vbermvten gast
Verse: 1A     Do wolt er baz erzvrnen   den vbermvͦten gast.
Verse: 1B     Do wolde er baz erzvrnen   den vbermvten gast.
Verse: 1C     Er wold baz ertzürnen   den vngermuten gast.

Verse: 2     er slvch im einen schalten   daz div gar cerbrast
Verse: 2A     er sluͦch im ein schalten,   daz div gar zerbrast,
Verse: 2B     er slvch im einen schalten,   daz div gar cerbrast,
Verse: 2C     do slug er einen schalten,   daz da gar zerprast,

Verse: 3     hagen vber daz hovbet   er was ein starcher man
Verse: 3A     Hagnen vber hoͮbet -   er was ein starker man -
Verse: 3B     Hagen vber daz hovbet -   er was ein starcher man -
Verse: 3C     Hagen über daz heupt -   er was ein starcker man -

Verse: 4     davon der elsen verge   grozen schaden da gewan
Verse: 4A     da von der Eisen verge   den grozen schaden gewan.
Verse: 4B     da von der Elsen verge   grozen schaden da gewan. \   { \ Page of Ms. C: 368a  C:_368a }
Verse: 4C     da von der Elsen verg   großen schaden gewan.



Strophe: 1629   { |X1562 / Strophe of Ms. A: 1502   / Strophe of Ms. B: 1559   / Strophe of Ms. C: 1598   }


Verse: 1     mit grimmegem mvte   greif hagen zehant
Verse: 1A     Mit grimmegem mvͦte   greif Hagne zehant
Verse: 1B     M2it grimmegem mvte   greif Hagen zehant
Verse: 1C     Mit grymmigem mute   des \ keünen Hagen hant   { \ Page of ms. B: 104r   B:_104r }

Verse: 2     vil balde ze siner scheiden   da er ein waffen vant
Verse: 2A     vil balde ze einer schaide   da er ein wafen vant.
Verse: 2B     vil balde ze siner scheiden   da er ein waffen vant.
Verse: 2C     greiff zu einer scheiden   do er seine waffen vant.

Verse: 3     er slvch im ab daz hovbet   vnd varf ez an den grvnt
Verse: 3A     er sluͦch im ab daz havbet   vñ warf ez an den grunt.
Verse: 3B     er slvch im ab daz hovbet   vnd varf ez an den grvnt.
Verse: 3C     er slug im ab daz hewpt   vnd warff ez an den grunt.

Verse: 4     div maere wurden schiere   den stolzen bvrgonden chvnt
Verse: 4A     div mere wurden schiere   den Burgonden kvnt.
Verse: 4B     div mære wrden schiere   den stolzen Bvrgonden <chvnt>.
Verse: 4C     dy mer wurden schir   den Burgunden kunt.



Strophe: 1630   { |X1563 / Strophe of Ms. A: 1503   / Strophe of Ms. B: 1560   / Strophe of Ms. C: 1599   }


Verse: 1     in den selben stvnden   do er den schifman slvch
Verse: 1A     In den selben stvnden   da er den schifman sluͦch,
Verse: 1B     In den selben stvnden   do er den schifman slvch,
Verse: 1C     An den selben stunden   do er den vergen slug,

Verse: 2     daz shiff daz vloz en owe   daz was im leit genvch
Verse: 2A     daz schif floz enoͮwe;   daz was im leit genvͦch.
Verse: 2B     daz shiff daz vloz en owe;   daz was im leit genvch.
Verse: 2C     daz schiff floz hinnaw;   daz was im leit genug.

Verse: 3     e erz gerihte widere   mveden er began
Verse: 3A     ê erz gerihte widere,   mvͤden er began.
Verse: 3B     ê erz gerihte widere,   mvͤden er began.
Verse: 3C     e ers gericht wider   müden er began.

Verse: 4     do zoh vil crefftechliche   des chvenech gventheres man
Verse: 4A     do zoch vil kreftecliche   des kvnich Gvnthers man.
Verse: 4B     do zoh vil chrefftechliche   des chvͤnech Gvͤntheres man.
Verse: 4C     da tzoch vil krefticklich   zu des Günthers man.



Strophe: 1631   { Strophe of Ms. C: 1600   }


Verse: 1C     Hagen was vil ring   des starcken vergen val.

Verse: 2C     da kert er hart bald   daz waßer hin zetal.

Verse: 3C     da vand er seinen herren   an dem stade stan.

Verse: 4C     da ging im engegen   manig weydlich man.



Strophe: 1632   { |X1564 / Strophe of Ms. A: 1504   / Strophe of Ms. B: 1561   }


Verse: 1     mit zvegen harte swinden   chert ez der gast
Verse: 1A     Mit zvgen harte swinden   kerte ez der gast,
Verse: 1B     Mit zvͤgen harte swinden   chert ez der gast,

Verse: 2     vnz im daz starche rvder   in der hende brast
Verse: 2A     vnz im daz starche ruͦder   an siner hant cebrast.
Verse: 2B     vnz im daz starche rvder   in der <hende> brast.

Verse: 3     er wolde zv den recken   vz an einen sant
Verse: 3A     er wolde zvͦ den reken   vz an einen sant.
Verse: 3B     er wolde zv den recken   vz an einen sant.

Verse: 4     da was deheinez mere   hey wi schier erz da gebant
Verse: 4A     da was da heinz mere;   hei wie schiere erz gebant
Verse: 4B     da was deheinez mere;   hey wi schier erz da gebant



Strophe: 1633   { |X1565 / Strophe of Ms. A: 1505   / Strophe of Ms. B: 1562   }


Verse: 1     mit einem shiltvezel   daz was ein porte smal
Verse: 1A     mit eime schiltvezzel!   das was ein borte smal.
Verse: 1B     M2it einem shiltvezel!   da was ein porte smal.

Verse: 2     gegen einem walde   chert er hin ze tal
Verse: 2A     gegen eime walde   kerte er hin zetal.
Verse: 2B     gegen einem walde   chert er hinze tal.

Verse: 3     do vant er sinen herren   an dem stade stan
Verse: 3A     do wand er sinen herren   an dem stade stan.
Verse: 3B     do vant er sinen herren   an dem stade stan.

Verse: 4     do gie im hin engegen   vil manich waetlicher man
Verse: 4A     do gie im hin enkegene   manic wetlicher man.
Verse: 4B     do gie im hin engegen   vil manich wætlicher man.



Strophe: 1634   { |X1566 / Strophe of Ms. A: 1506   / Strophe of Ms. B: 1563   / Strophe of Ms. C: 1601   }


Verse: 1     mit grvoze in wol enpfiengen   di snellen ritter gvt
Verse: 1A     Mit gruͦze im wol enphiengen   die edelen riter guͦt.
Verse: 1B     Mit grvͦze in wol enpfiengen   di snellen ritter gvt.
Verse: 1C     Mit gruß in wol enpfingen   dy selben ritter gut.

Verse: 2     do sahens in dem shiffe   riechen daz blvt
Verse: 2A     do sahens in dem schiffe   riechen daz bluͦt
Verse: 2B     do sahens in dem shiffe   riechen daz blvt
Verse: 2C     do sahen sy in dem schiff   noch richen daz blut

Verse: 3     von einer starchen wunden   di er dem vergen slvch
Verse: 3A     von einer starken wunden,   die er den vergen sluͦc.
Verse: 3B     von einer starchen wnden,   di er dem vergen slvch.
Verse: 3C     von einer starcken wunden,   dy er dem vergen slug.

Verse: 4     do wart von den degenen   gevraget hagen genvch
Verse: 4A     do wart von degnen   Hagne gevraget genvͦc.
Verse: 4B     do wart von den degenen   gevraget Hagen genvch.
Verse: 4C     da von so muß Hagen   hören fragen genug.



Strophe: 1635   { |X1567 / Strophe of Ms. A: 1507   / Strophe of Ms. B: 1564   / Strophe of Ms. C: 1602   }


Verse: 1     do der kvenich gventher   daz heize blvt ersach
Verse: 1A     Do der kvnich Gvnther   daz heize bluot ersach
Verse: 1B     Do der kvͤnich Gvͤnther   daz heize blvt ersach
Verse: 1C     Do der künig Günther   daz heiß blut ersach

Verse: 2     sweben in dem shiffe   wi balde er do sprach
Verse: 2A     sweben in dem schife,   balde er do sprach:
Verse: 2B     sweben in dem shiffe,   wi balde er do sprach:
Verse: 2C     swebende in dem schiff,   wy bald er do sprach:

Verse: 3     wan sagt ir mir hagene   war ist der verge chomen
Verse: 3A     "saget mir, her Hagne,   war ist der verge komen?
Verse: 3B     "wan sagt ir mir, Hagene,   war ist der verge chomen?
Verse: 3C     "wan saget ir mir, Hagen,   war ist der verge nu kumen?

Verse: 4     iwer starchez ellen   ich waen im daz leben hat benomen
Verse: 4A     iwer starkez ellen   wen im den namen hat benomen."
Verse: 4B     iwer starchez ellen   ich wæn im daz leben hat benomen."
Verse: 4C     ewer starcken ellen   ym \ daz leben hat benomen.   { \ Page of Ms. C: 104v  C:_104v }



Strophe: 1636   { |X1568 / Strophe of Ms. A: 1508   / Strophe of Ms. B: 1565   / Strophe of Ms. C: 1603   }


Verse: 1     do sprach er lovgenliche   da ich daz shif da vant
Verse: 1A     Do sprach er loͮgenliche:   "da ich daz schif vant \   { \ Page of Ms. C: 61b  C:_61b }
Verse: 1B     D2o sprach er loͮgenliche:   "da ich daz shif da vant
Verse: 1C     Do sprach er lawgenlichen:   "do ich daz schiff da vant

Verse: 2     bi den wilden widen   da lost ez min hant
Verse: 2A     bi einer wilden widen,   da lostez min hant.
Verse: 2B     bi den wilden widen,   da lost ez min hant.
Verse: 2C     bey einer wilden widen,   da lost ez mein hant.

Verse: 3     ich han deheinen vergen hivte   hie gesehen
Verse: 3A     ich han deheinen vergen   hivte hie gesehen.
Verse: 3B     ich han deheinen vergen   hivte hie gesehen.
Verse: 3C     ich han keinen vergen   nindert hy gesehen.

Verse: 4     ez ist ovch niemen leide   von minen shvlden hi geschehen
Verse: 4A     ez ist oͮch niemen leide   von minen schulden geschehen."
Verse: 4B     ez ist ovch niemen leide   von minen shvlden hi geschehen."
Verse: 4C     ez ist auch nimant laide   von meinen schulden hy geschehen.



Strophe: 1637   { |X1569 / Strophe of Ms. A: 1509   / Strophe of Ms. B: 1566   / Strophe of Ms. C: 1604   }


Verse: 1     do sprach von bvrgonden   der herre gernot
Verse: 1A     Do sprach von Burgonden   der herre Gernot:
Verse: 1B     Do sprach von Bvrgonden   der herre Gernot:
Verse: 1C     Do sprach von Burgundñ   der starcke Gernot:

Verse: 2     hivte mvz ich sorgen   vf lieber frivnde tot
Verse: 2A     "hivte mvͦz ich sorgen   vf lieber vriunde tot,
Verse: 2B     "hivte mvz ich sorgen   vf lieber frivnde tot,
Verse: 2C     "hewt muß ich sorgen   auff liber frewnde tot,

Verse: 3     sit wir der shifflivte   bereite nine han
Verse: 3A     sit wir der schiflivte   niht bereit han,
Verse: 3B     sit wir der shifflivte   bereite nine han,
Verse: 3C     sint wir der schifflewt   zu dem scheff nymant han,

Verse: 4     wi wir chvmen veber   des mvz ich trvrende stan
Verse: 4A     wie wir komen vbere;   des mvͦz ich trûrich gestan."
Verse: 4B     wi wir chvmen vͤber;   des mvz ich trvrende stan."
Verse: 4C     wy wir nu komen über daz waßer;   darümb muß ich frewd lan."



Strophe: 1638   { |X1570 / Strophe of Ms. A: 1510   / Strophe of Ms. B: 1567   / Strophe of Ms. C: 1605   }


Verse: 1     vil lvte rieff do hagene   leit nider vf daz gras
Verse: 1A     Lûte rief do Hagne:   "leget nider vf das gras,
Verse: 1B     Vil lvte rieff do Hagene:   "leit nider vf daz gras,
Verse: 1C     Vil laut riff do Hagen:   "legt nider auff daz gras,

Verse: 2     ir chnehte div gereite   ich gedenche daz ich was
Verse: 2A     ir knehte, daz gereite.   ich gedenke daz ich was
Verse: 2B     ir chnehte, div gereite.   ich gedenche daz ich was
Verse: 2C     ir knechte, da gereit.   ia gedenck ich daz ich was

Verse: 3     der allerbeste verge   den man bi dem rine vant
Verse: 3A     der aller beste verge,   den man bi Rine vant.
Verse: 3B     der aller beste verge,   den man bi dem Rine vant.
Verse: 3C     der allerbeste verge,   den man bey dem Rein vant.

Verse: 4     ia getruwe ich ivch wol bringen   hinveber in gelpfrades lant
Verse: 4A     ia troͮwe ich ivch wol bringen   vber in Gelfrates lant."
Verse: 4B     ia getrwe ich ivch wol bringen   hinvͤber in Gelpfrades lant."
Verse: 4C     ich getraw euch wol füren   über in des Gelpfrades lant."



Strophe: 1639   { |X1571 / Strophe of Ms. A: 1511   / Strophe of Ms. B: 1568   / Strophe of Ms. C: 1606   }


Verse: 1     daz si dester balder   choemen veber flvt
Verse: 1A     Daz si deste balder   komen vber fluͦt,
Verse: 1B     D2az si dester balder   choͤmen vͤber flvt,
Verse: 1C     Do sy gewärlich   komen über flut,

Verse: 2     div ross si anslvgen   daz swimmen daz wart gvt
Verse: 2A     div ros si an slvͦgen.   der swimmen daz wart guͦt,
Verse: 2B     div ross si an slvgen.   daz swimmen daz wart gvt,
Verse: 2C     dy ros sy gar an slugen.   der swimmen daz wart gut,

Verse: 3     wand in div starch vende   deheinez da benam
Verse: 3A     wan der starken vnden   deheinz in da benam.
Verse: 3B     wand in div starch vͤn\de   deheinez da benam.   { \ Page of Ms. B: 368b   A:_368b }
Verse: 3C     wan in der starcken vnden   keines da benam.

Verse: 4     etelichez owete verre   als ez mveden began
Verse: 4A     etlichez oͮwete,   als im div muͤde gezam.
Verse: 4B     etelichez owete verre,   als ez mvͤden began.
Verse: 4C     etlicbz ran verren   als ez ir müde gezam.



Strophe: 1640   { |X1572 / Strophe of Ms. A: 1512   / Strophe of Ms. B: 1569   / Strophe of Ms. C: 1607   }


Verse: 1     do trvgen si cem sheffe   ir golt vnd ovh ir wat
Verse: 1A     Do truͦgen si ze scife   ir golt vnd oͮch ir wat,
Verse: 1B     Do trvgen si cem sheffe   ir golt vnd ovh ir wat,
Verse: 1C     Da trugen sy zu dem schiff   ir golde vnd auch ir wat,

Verse: 2     sit daz si der verte   niht mohten haben rat
Verse: 2A     sit si der verte   niht mohten haben rat.
Verse: 2B     sit daz si der verte   niht mohten haben rat.
Verse: 2C     sind daz sy der verte   nicht möchten baben \ rat.   { \ Page of ms. B: 105r   B:_105r }

Verse: 3     hagen was da meister   des fvrt er vff den sant
Verse: 3A     Hagne der was meister;   des fuͦrer vf den sant
Verse: 3B     Hagen was da meister;   des fvrt er vff den sant
Verse: 3C     Hagen was da meister;   des furt er über sant

Verse: 4     vil manegen richen recken   in daz vnchvnde lant
Verse: 4A     vil manigen zieren reken   in daz vnkvnde lant.
Verse: 4B     vil manegen richen recken   in daz vnchvnde lant.
Verse: 4C     vil manchen künen recken   in daz vnkunde lant.



Strophe: 1641   { |X1573 / Strophe of Ms. A: 1513   / Strophe of Ms. B: 1570   / Strophe of Ms. C: 1608   }


Verse: 1     zem ersten braht er veber   wol tvsent ritter her
Verse: 1A     Zem ersten braht er vber   tvsent riter her,
Verse: 1B     Zem ersten braht er vͤber   wol tvsent ritter her,
Verse: 1C     Zu dem ersten bracht er über   tawsent ritter her

Verse: 2     darnach sine recken   dannoch was ir mer
Verse: 2A     darzuͦ sine reken.   dannoch was ir mer:
Verse: 2B     dar nach sine recken.   dannoch was ir mer;
Verse: 2C     vnd sechtzig seiner degen.   dennoch was ir mer:

Verse: 3     nivn tvsent knehte   fvrt er an daz lant
Verse: 3A     nivn tvsent knehte   fuͦrt er an daz lant.
Verse: 3B     nivn tvsent knehte   fvrt er an daz lant.
Verse: 3C     newn tawsent knechte   furt er an den sant.

Verse: 4     des tages was vnmvezech   des tronegeres hant
Verse: 4A     des tages was vnmuͦzich   des kuͤnen Troniares hant.
Verse: 4B     des tages was vnmvͤzech   des Tronegeres hant.
Verse: 4C     des tages was vil vnmüssig   des vil künen Hagen hant.



Strophe: 1642   { Strophe of Ms. C: 1609   }


Verse: 1C     Daz schiff zu seiner leng   was starck weit vnd groz,

Verse: 2C     des in dem geding   manig helt genoz.

Verse: 3C     ez trug wol mit ein ander   vir hundert über flut.

Verse: 4C     an rimen musten tzihen   des tages manig recken gut.



Strophe: 1643   { |X1574 / Strophe of Ms. A: 1514   / Strophe of Ms. B: 1571   / Strophe of Ms. C: 1610   }


Verse: 1     do er si wol gesvnde   brahte veber den flvt
Verse: 1A     Do er si wol gesvnde   brahte vber vluͦt,
Verse: 1B     D2o er si wol gesvnde   brahte vͤber den flvt,
Verse: 1C     Do er sy wol gesunt   bracht über dy flut,

Verse: 2     do gedahte vremder maere   der snelle degen gvt
Verse: 2A     do gedahte vremder mere   der snelle degen guͦt,
Verse: 2B     do gedahte vremder mære   der snelle degen gvt,
Verse: 2C     do gedacht frömder mere   der snell degen gut,

Verse: 3     div im e da sageten   div wilden merwip
Verse: 3A     div im ê seiten   div wilde merwip.
Verse: 3B     div im ê da sageten   div wilden merwip.
Verse: 3C     dy im e da sagten   dy wilden mere weip.

Verse: 4     des het des chvneges kapelan   nach verlorn sinen lip
Verse: 4A     des hete des kvniges kapelan   nach verlorn den lip.
Verse: 4B     des het des chvneges kapelan   nach verlorn sinen lip.
Verse: 4C     des hett des künigs capplan   vil nach verlorñ den leip.



Strophe: 1644   { |X1575 / Strophe of Ms. A: 1515   / Strophe of Ms. B: 1572   / Strophe of Ms. C: 1611   }


Verse: 1     bi dem kappelsavme   er den pfaffen vant
Verse: 1A     Bi dem kapelsoͮme   er den pfaffen vant.
Verse: 1B     Bi dem kappelsavme   er den pfaffen vant.
Verse: 1C     Bey dem cappelsaüm   er den priester vant.

Verse: 2     ob dem heilchtvme   er leinte an siner hant
Verse: 2A     ob dem heilictvme   er leinte an siner hant.
Verse: 2B     ob dem heilchtvme   er leinte an siner hant.
Verse: 2C     heiligtum genug   lag vnter seiner hant.

Verse: 3     des moht er niht genizen   do in hagen sach
Verse: 3A     des mohte er niht geniezen,   do in Hagne sach,
Verse: 3B     des moht er niht genizen,   do in Hagen sach,
Verse: 3C     des mocht er nicht genißen,   do in Hagen ersach,

Verse: 4     der gotes arme priester   mvose liden vngemach
Verse: 4A     der gotes arme priester   mvͦse liden vngemach.
Verse: 4B     der gotes arme prieister   mvͦse liden vngemach.
Verse: 4C     der vil arme capplan   must leiden vngemach.



Strophe: 1645   { |X1576 / Strophe of Ms. A: 1516   / Strophe of Ms. B: 1573   / Strophe of Ms. C: 1612   }


Verse: 1     er swang in vz dem shiffe   darzv wart im gach
Verse: 1A     Er swanc in vz dem scheffe,   darzvͦ wart im gah.
Verse: 1B     Er swang in vz dem shiffe,   dar zv wart im gach.
Verse: 1C     Er swang in auß dem schiff,   \ dar tzu was im gach.   { \ Page of Ms. C: 105v  C:_105v }

Verse: 2     do rieffen ir genvge   nv vaha herre vach
Verse: 2A     do riefen ir genuͦge:   "nv vaha, here, vah."
Verse: 2B     do rieffen ir genvge:   "<nv> vaha, herre, vach!"
Verse: 2C     da riffen ir genug:   "vach, herr, vach."

Verse: 3     giselher der ivnge   zvernen erz began
Verse: 3A     Giselher der iunge   zvrnen erz began.
Verse: 3B     Giselher der ivnge   zvͤrnen erz began.
Verse: 3C     Geiseler der iung   tzürnen do began,

Verse: 4     ern wold iz doh niht lazzen   ir deheinen vnderstan
Verse: 4A     ern woltez doch niht lazen,   eren het im leide getan.
Verse: 4B     ern wold iz doh niht lazzen   ir deheinen vnderstan.
Verse: 4C     darvmb er ez nicht laßen wolde;   daz was im leyd getan.



Strophe: 1646   { |X1577 / Strophe of Ms. A: 1517   / Strophe of Ms. B: 1574   / Strophe of Ms. C: 1613   }


Verse: 1     do sprach von bvrgonden   der herre gernot
Verse: 1A     Do sprach von Burgvnden   der herre Gernot:
Verse: 1B     D2o sprach von Bvrgonden   der herre Gernot:
Verse: 1C     Do spracb von Burgunden   der starcke Gernot:

Verse: 2     waz hilffet ivh nv hagene   des kappelanes tot
Verse: 2A     "waz hilfet ivch nv, Hagne,   des kapelans tot?
Verse: 2B     "waz hilffet ivh nv, Hagene,   des kappelanes tot?
Verse: 2C     "waz hilfft euch nu, Hagen,   des capplans tot?

Verse: 3     taet ez ander iemen   daz sold iv wesen leit
Verse: 3A     tetez ander ieman,   ez solt iv wesen leit.
Verse: 3B     tæt ez ander iemen,   daz sold iv wesen leit.
Verse: 3C     tet ez anders ymand,   ez schold euch wesen leyt.

Verse: 4     vmbe welhe shvlde   habt ir dem priester widerseit
Verse: 4A     vmb welhe schvlde   habet ir dem priester widerseit?"
Verse: 4B     vmbe welhe shvlde   habt ir dem priester widerseit?"
Verse: 4C     vmb welch schuld   habt ir dem prister widerseyt?"



Strophe: 1647   { |X1578 / Strophe of Ms. A: 1518   / Strophe of Ms. B: 1575   / Strophe of Ms. C: 1614   }


Verse: 1     der pfaffe swam genote   er wolde sin genesen
Verse: 1A     Der pfaffe swam genote;   er wolte sein genesen,
Verse: 1B     Der pfaffe swam genote;   er wolde sin genesen,
Verse: 1C     Der pfaff swam genote;   er wold sein genesen,

Verse: 2     ob im iemen hvelfe   des mohte da niht wesen
Verse: 2A     ob im ieman hvlfe.   des mohte do niht wesen,
Verse: 2B     ob im iemen hvͤlfe.   des mohte da niht wesen,
Verse: 2C     ob ym ymand hülff.   des mocht da nicht gewesen,

Verse: 3     wan der starche hagene   vil zornech was gemvt
Verse: 3A     wan der starke Hagne   vil zornich was sin mvͦt.
Verse: 3B     wan der starche Hagene   vil zornech was gemvt.
Verse: 3C     wañ der grimm Hagen   tzornig was genug.

Verse: 4     er stiez in zv dem grvnde   daz dvhte niemene gvt
Verse: 4A     er stiez in zvͦ dem grvnde;   daz endvhte nieman gvͦt.
Verse: 4B     er stiez in zv dem grvnde;   daz dvhte niemene gvt.
Verse: 4C     er stiß in zu dem grund;   daz daucht sy michel vngefug.



Strophe: 1648   { |X1579 / Strophe of Ms. A: 1519   / Strophe of Ms. B: 1576   / Strophe of Ms. C: 1615   }


Verse: 1     do der arme pfaffe   der helfe nine sach
Verse: 1A     Do der arme phaffe   der helfe niht ensach,
Verse: 1B     Do der arme pfaffe   der helfe nine sach,
Verse: 1C     Do der arme priester   der hilff nicht ensach,

Verse: 2     do chert er wider vebere   des leid er vngemach
Verse: 2A     do kert er wider vbere;   des leit er vngemach.
Verse: 2B     do chert er wider vͤbere;   des leid er vngemach.
Verse: 2C     da kert er wider uber;   des leid er vngemach.

Verse: 3     swi er niht swimmen chvnde   im half div gotes hant
Verse: 3A     swie er niht swimmen kvnde,   im half div gotes hant,
Verse: 3B     swi er niht swimmen chvnde,   im half div gotes hant,
Verse: 3C     wy er do nicht swimmen konde,   im halff dy gotes hant,

Verse: 4     daz er wol chom gesvnder   hin wider vz an daz lant
Verse: 4A     daz er kom gesvnder   hin wider vz an daz lant.
Verse: 4B     daz er wol <chom> gesvnder   hin wider vz an daz lant.
Verse: 4C     daz er kam wol gesunder   hinüber an daz lant.



Strophe: 1649   { |X1580 / Strophe of Ms. A: 1520   / Strophe of Ms. B: 1577   / Strophe of Ms. C: 1616   }


Verse: 1     do stvnt der arme priester   vnde schvtte sine wat
Verse: 1A     Do stuͦnt der arme priester   vnde svͦchte sine wat.
Verse: 1B     D2o stvnt der arme priester   vnde schvtte sine wat.
Verse: 1C     Da stund der arme prister   vnd scbawet sein gewant.

Verse: 2     dabi sach wol hagen   daz sin niht waere rat
Verse: 2A     da bi sach wol Hagne,   daz sin niht wære rat,
Verse: 2B     da bi sach wol Hagen,   daz sin niht wære rat,
Verse: 2C     da bey sach wol Hagen,   daz er wär vngewant,

Verse: 3     daz im fver war sageten   div wilden merewip
Verse: 3A     daz im fur mere sagten   div wilden merwip. \   { \ Page of Ms. C: 62a  C:_62a }
Verse: 3B     daz im fvͤr war sageten   div wilden merewip.
Verse: 3C     daz im e da sagte   dy weisen mer\weip.   { \ Page of Ms. B: 106r   A:_106r }

Verse: 4     er dahte dise degen   mvezen verliesen den lip
Verse: 4A     er dahte: dise degene   die mvͦzen verliesen den lip.
Verse: 4B     er dahte: dise degene   mvͤzen verliesen den lip.
Verse: 4C     er gedacht: diser degen   muß verlisñ den leip.



Strophe: 1650   { |X1581 / Strophe of Ms. A: 1521   / Strophe of Ms. B: 1578   / Strophe of Ms. C: 1617   }


Verse: 1     do si daz shif entlvden   vnd gar getrvgen dan
Verse: 1A     Do si daz schif entluͦden   vñ gar getruͦgen dan
Verse: 1B     Do si daz shif entlvden   vnd gar getrvgen dan
Verse: 1C     Do sy daz schiff entluden   vnd gar getrugen dan

Verse: 2     swaz darvf heten   der drier chvenege man
Verse: 2A     swaz dar vffe heten   der drier kvnige man,
Verse: 2B     swaz dar vf heten   der drier \ chvͤnege man,   { \ Page of Ms. C: 369a  C:_369a }
Verse: 2C     waz sy darauff hetten   der dreier künig man,

Verse: 3     hagen slvch ez ce stvchen   vnd warf ez an den flvt
Verse: 3A     Hagne ez sluͦch ze stvken   vñ warf ez an die fluͦt.
Verse: 3B     Hagen slvch ez ce stvchen   vnd warfez an den flvt.
Verse: 3C     Hagen ez schrit zu stücken   vnd stiß ez an dy flut.

Verse: 4     des het michel wunder   di recken chvene vnde gvt
Verse: 4A     des hete michel wunder   die reken kuͤne vñ guͦt.
Verse: 4B     des het michel wnder   di recken chvͤne vnde gvt.
Verse: 4C     des hettñ michel wunder   dy recken gut.



Strophe: 1651   { |X1582 / Strophe of Ms. A: 1522   / Strophe of Ms. B: 1579   / Strophe of Ms. C: 1618   }


Verse: 1     zwiv tvt ir daz brvder   so sprach danchwart
Verse: 1A     "Zwiv tuͦt ir dar, bruͦder?"   so sprach <Dancwart>.
Verse: 1B     "Zwiv tvt ir daz, brvder?"   so sprach Danchwart.
Verse: 1C     "Warvmb tut ir daz, bruder?"   sprach do Danchwart.

Verse: 2     wi svl wir veber   so wir di widervart
Verse: 2A     "wie svln wir komen vbere,   so wir die widervart
Verse: 2B     "wi svl wir vͤber,   so wir di widervart
Verse: 2C     "wye schüll wir kumen uber,   so wir dy widervart

Verse: 3     riten von den hivnen   ze lande an den rin
Verse: 3A     riten von den Hvnen   ze lande an den Rin?"
Verse: 3B     riten von den Hivnen   ze lande an den Rin?"
Verse: 3C     riten von den Hewnen   wider an den Rein?"

Verse: 4     sit do sagete in hagene   daz des chvnde niht gesin
Verse: 4A     sit do sagt im Hagne   daz des kvnde niht gesin.
Verse: 4B     sit do sagete in Hagene   daz des chvnde niht gesin.
Verse: 4C     seht, do sagt im Hagen   daz des nicht kond gesein.



Strophe: 1652   { |X1583 / Strophe of Ms. A: 1523   / Strophe of Ms. B: 1580   / Strophe of Ms. C: 1619   }


Verse: 1     do sprach der helt von tronege   ich tvn iz vf den wan
Verse: 1A     Do sprach von Troni Hagne:   "ich tvͦnz vf den wan,
Verse: 1B     D2o sprach der helt von Tronege:   "ich tvn iz vf den wan,
Verse: 1C     Do sprach der helt von Trong:   "ich tun ez auff den wan,

Verse: 2     ob wir an dirre reise   deheinen zagen han
Verse: 2A     ob wir an diser reise   deheinen zagen han,
Verse: 2B     ob wir an dirre reise   deheinen zagen han,
Verse: 2C     ob wir an diser verte   keinen tzagen hagen,

Verse: 3     der vns entrinnen welle   dvrch zaegeliche not
Verse: 3A     der vns entrinnen welle   durch zegliche not,
Verse: 3B     der vns entrinnen welle   dvrch zægeliche not,
Verse: 3C     der vns entrinnen wöll   durch tzaglich not,

Verse: 4     der mvz an disem waege   doch liden schameliche tot
Verse: 4A     der muͦz an disem wege   liden schemlichen tot."
Verse: 4B     der mvz an diesem wæge   doch liden schameliche tot."
Verse: 4C     der muß an disem wage   doch ligen schemlichen tot."



Strophe: 1653   { |X1584 / Strophe of Ms. A: 1524   / Strophe of Ms. B: 1581   / Strophe of Ms. C: 1620   }


Verse: 1     si fvrten mit in einen   vz bvrgonden lant
Verse: 1A     Si fuͦrt mit in einen   vz Burgonden lant,
Verse: 1B     Si fvrten mit in einen   vz Bvrgonden lant,
Verse: 1C     Sy furten mit in einen   von Burgunden lant;

Verse: 2     einen helt ce sinen handen   der was volker genant
Verse: 2A     zvͦ sinen handen einen helt,   der was Volcher genant.
Verse: 2B     einen helt ce sinen handen,   der was Volker genant.
Verse: 2C     der was ein helt zen handen:   Volker was er genant.

Verse: 3     der redete spaeheliche   allen sinen mvt
Verse: 3A     der reite spiheliche   allen sinen mvͦt.
Verse: 3B     der redete spæheliche   allen sinen mvt.
Verse: 3C     der redet spehlich   seinen mut.

Verse: 4     swaz ie begie der hagene   daz dvht den videlaere gvt
Verse: 4A     swaz ie begie Hagne,   daz duhte den videlere guͦt.
Verse: 4B     swaz ie begie der Hagene,   daz dvht den videlære gvt.
Verse: 4C     waz y begond Hagen,   daz daucht den vidler gut.



Strophe: 1654   { |X1585 / Strophe of Ms. A: 1525   / Strophe of Ms. B: 1582   / Strophe of Ms. C: 1621   }


Verse: 1     ir ross bereitet waren   di sovmer wol geladen
Verse: 1A     Ir ros bereitet waren,   ir sovmer wol geladen.
Verse: 1B     Ir ross bereitet waren,   di sovmer wol geladen.
Verse: 1C     Do des küniges capplan   daz schiff zuhawen sach,

Verse: 2     si heten an der verte   noch deheinen schaden
Verse: 2A     si hete an der verte   noch deheinen schaden
Verse: 2B     si heten an der verte   noch deheinen schaden
Verse: 2C     hin wider über daz waßer   er zu Hagen \ sprach:   { \ Page of ms. B: 106v   B:_106v }

Verse: 3     genomen der si mvete   wan des kveneges chappelan
Verse: 3A     genomen des si mvͦte,   wan des chvniges kapelan.
Verse: 3B     genomen, der si mvͤte,   wan des kvͤneges chappelan.
Verse: 3C     "ir mörder vngetrewer,   waz hett icb euch getan,

Verse: 4     der mvse vffe sinen fvezen   hin wider zv dem rine gan
Verse: 4A     der muͦse vf sine fuͦze   hin wider zuͦ dem Rine gan.
Verse: 4B     der mvse vffe sinen fvͤzen   hin wider zv dem Rine gan.
Verse: 4C     daz ir mich on schuld   ertrenckt wollt han?"



Strophe: 1655   { Strophe of Ms. C: 1622   }


Verse: 1C     Des antwort im Hagen:   "nu laßt dy red wesen.

Verse: 2C     mir ist leit auff mein trew,   daz ir seyt genesen

Verse: 3C     hy vor meinen handen,   daz wißt sunder an spot."

Verse: 4C     do sprach der arm capplan:   "des wil ich ymmer loben got.



Strophe: 1656   { Strophe of Ms. C: 1623   }


Verse: 1C     Ich fürcht euch nu vil kleine,   des schüllet ir sicher sein.

Verse: 2C     nu vart ir zu den Hewnen;   so wil ich an den Rein.

Verse: 3C     got en laß euch nymmer   zu dem Rein wider kurmen,

Verse: 4C     des wünschen ich euch vil ser.   ir hett mir nahen den leip benomen."



Strophe: 1657   { Strophe of Ms. C: 1624   }


Verse: 1C     Do sprach der künig Günther   zu seinem capplan:

Verse: 2C     "ez wirt euch wol gebüßt   waz euch hat getan

Verse: 3C     Hagen in seinem tzorn,   vnd kum ich an den Rein

Verse: 4C     wider mit meinem leben,   des schüllt ir on angst sein.



Strophe: 1658   { Strophe of Ms. C: 1625   }


Verse: 1C     Vart wider heim ze lande   wañ ez muß nu sein.

Verse: 2C     ich enpewt meinen dienst   der liben frawen mein

Verse: 3C     vnd andern meinen magen,   als ich von rechte scbol.

Verse: 4C     ir sagt \ in libe mere,   daz wir noch alle varen wol."   { \ Page of Ms. C: 107r  C:_107r }




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.