TITUS
Der Nibelunge Not
Part No. 30
Previous part

Adventure: XXX  
{ A_XXIX } <Wie si der schiltwaht phlagen>
{ C_XXX } Auentvre wie die kvnige mit ir rechen slafen giengen. vñ wie in do geschach.

Strophe: 1898   { |X1818 / Strophe of Ms. A: 1756   / Strophe of Ms. B: 1815   / Strophe of Ms. C: 1862   }


Verse: 1     der tach der hete nv ende   vnd nahet in div naht
Verse: 1A     D3er tach hete nv ende   vñ nahet in div naht.
Verse: 1B     <D4er> tach der hete nv ende   vnd nahet in div naht.
Verse: 1C     D5er tac der het nv ende   vñ nahet in div naht.

Verse: 2     di wegmveden rechen   ir sorge si an vaht
Verse: 2A     die wegemvͤden reken   ir sorge an
Verse: 2B     di wegmvͤden den rechen   ir sorge si an vaht,
Verse: 2C     den wegemvden degenen   ir sorgens an vaht.

Verse: 3     wanne si solden ruwen   vnd an ir bette gan
Verse: 3A     wan si solden rvͦwen   vñ an ir bette gan.
Verse: 3B     wanne si solden rwen   vnd an ir bette gan.
Verse: 3C     die herren solden rowen   vñ an ir bette gan.

Verse: 4     daz beredete hagene   ez wart in shiere chvnt getan
Verse: 4A     daz bereitte Hagne;   ez wart in schiere kvnt getan.
Verse: 4B     daz beredete Hagene;   ez wart in shiere chvnt getan.
Verse: 4C     daz bereite Hagene;   ez wart \ in schiere chvnt getan.   { \ Page of Ms. B: 66r   A:_66r }



Strophe: 1899   { |X1819 / Strophe of Ms. A: 1757   / Strophe of Ms. B: 1816   / Strophe of Ms. C: 1863   }


Verse: 1     gventher sprach ce dem wirte   got laz ivch wol geleben
Verse: 1A     Gvnther sprach ze dem wirte:   "got laze ivch wol gelben.
Verse: 1B     Gvͤnther sprach ce dem wirte:   "got laz ivch wol geleben.
Verse: 1C     Gvnther sprach zem wirte:   "got laze ivch mit frevden lebn.

Verse: 2     wir wellen varn slaffen   ir svlt vns vrlovb geben
Verse: 2A     wir wellen varn slafen;   ir svlt vns vrlop geben.
Verse: 2B     wir wellen varn slaffen;   ir svlt vns vrlovb geben.
Verse: 2C     wir wellen varn slafen;   ir svlt vns vrlovp gebn.

Verse: 3     swenne ir daz gebietet   so chom wir morgen frvo
Verse: 3A     swenn ir daz gebietet,   so kome wir morgen frvͦ."
Verse: 3B     swenne ir daz gebietet,   wo chom wir morgen frvͦ."
Verse: 3C     als ir vns gebietet,   wir chomen morgen frvͦ."

Verse: 4     er shiet von sinen gesten   vil harte vroelichen do
Verse: 4A     er schiet von sinen gesten   harte vroͤlichen do.
Verse: 4B     er shiet von sinen gesten   vil harte vroͤlichen do.
Verse: 4C     er schiet von sinen gesten   vil harte minneklichen do.



Strophe: 1900   { |X1820 / Strophe of Ms. A: 1758   / Strophe of Ms. B: 1817   / Strophe of Ms. C: 1864   }


Verse: 1     dringen allenthalben   di geste man do sach
Verse: 1A     Dringen allenthalben   die geste man do sach.
Verse: 1B     Dringen allenthalben   di geste man do sach.
Verse: 1C     Dringen allenthalben   die geste man do sach.

Verse: 2     volker der chvene   zv den hivnen sprach
Verse: 2A     Volker der kvͤne   zvͦ den Hvnen sprach:
Verse: 2B     Volker der chvͤne   zv den Hivnen sprach:
Verse: 2C     Volker der chvͤne   zv den Hvnen sprach:

Verse: 3     wi getvrret ir den rechen   fver di fveze gan
Verse: 3A     "wie getvrret ir den reken   fvr die fvͤze gan?
Verse: 3B     "wi getvrret ir den rechen   fvͤr di fvͤze gan?
Verse: 3C     "wie getvrret ir den rechen   vf die fvze gan?

Verse: 4     vnde welt irs ivch niht miden   so wirt iv leide getan
Verse: 4A     vñ welt ir ivchs niht miden,   so wirt iv leide getan.
Verse: 4B     vnde welt irs ivch niht miden,   so wirt iv leide getan.
Verse: 4C     vñ welt irs niht ivch mazen,   so wirt iv leide getan.



Strophe: 1901   { |X1821 / Strophe of Ms. A: 1759   / Strophe of Ms. B: 1818   / Strophe of Ms. C: 1865   }


Verse: 1     so slah ich etelichem   so swaeren gegenslalch
Verse: 1A     So slah ich eteslichem   so swern gigen slach,
Verse: 1B     S2o slah ich etelichem   so swæren gegen slalch,
Verse: 1C     So slah ich eteslichem   so swæren gigenslac,

Verse: 2     hat er getriwer iemen   der ez beweinen mach
Verse: 2A     hat er getriwen iemen,   daz erz beweinen mac.
Verse: 2B     hat er getriwet iemen,   der ez beweinen mach.
Verse: 2C     hat er getriwen iemen,   daz erz beweinen mac.

Verse: 3     wan wichet ir vns rechen   ia dvnchet ez mich gvt
Verse: 3A     wan wihet ir vns rechen!   ia dvnchet ez mich gvͦt.
Verse: 3B     wan wichet ir vns rechen!   ia dvnchet ez mich gvt.
Verse: 3C     wan wichet ir vns rechen!   ia dvnchet ez mich gvͦt.

Verse: 4     ez heizent allez degene   vnde sint geliche niht gemvt
Verse: 4A     ez heizent allez degne   vñ sint geliche niht gemvͦt."
Verse: 4B     ez heizent allez degene   vnde sint geliche niht gemvt."
Verse: 4C     ez heizent alle degene   vñ sint geliche niht gemvͦt."



Strophe: 1902   { |X1822 / Strophe of Ms. A: 1760   / Strophe of Ms. B: 1819   / Strophe of Ms. C: 1866   }


Verse: 1     do der videlaere   so zornechlichen sprach
Verse: 1A     Do der videlere   so zorneclichen sprach,
Verse: 1B     Do der videlære   so zornechlichen sprach,
Verse: 1C     D2o der videlære   so zornechliche sprach,

Verse: 2     hagen der chvene   hinder sich do sach
Verse: 2A     Hagne der kvͤne   hinder sich do sach.
Verse: 2B     Hagen der chvͤne   hinder sich do sach.
Verse: 2C     Hagen der chvͤne   vber ahsel sach.

Verse: 3     er sprach iv ratet rehte   der chvene spileman
Verse: 3A     er sprach: "iv ratet rehte   der kvͤne spilman.
Verse: 3B     er sprach: "iv ratet rehte   der chvͤne spileman.
Verse: 3C     er saget: "iv rætet rehte   der chvne spileman.

Verse: 4     ir criemhilde helde   ir svlt cen herbergen gan
Verse: 4A     ir <Kriemhilde> helde   svlt ze herberge gan.
Verse: 4B     ir Criemhilde helde,   ir svlt den herbergen gan.
Verse: 4C     ir Chriemh' degene,   ir svlt zen herbergen gan.



Strophe: 1903   { |X1823 / Strophe of Ms. A: 1761   / Strophe of Ms. B: 1820   / Strophe of Ms. C: 1867   }


Verse: 1     des ir da habt willen   ich waen iz iemen tv
Verse: 1A     Dez ir da habet gedingen,   ich wene ez iemen tvͦ.
Verse: 1B     Des ir da habt willen,   ich wæn iz iemen \ tv.   { \ Page of Ms. C: 382a  C:_382a }
Verse: 1C     Des ir da habet willen,   ich wæn ez iemen tvͦ.

Verse: 2     welt ir ihtes beginnen   so chvmet vns morgen frv
Verse: 2A     welt ir iht bebinnen,   so komet vns morgen vrvͦ,
Verse: 2B     welt <ir> ihtes beginnen,   so chvmet vns morgen frv.
Verse: 2C     welt ir sin beginnen,   so chomt vns morgen frvͦ

Verse: 3     vnde lat vns ellende   hint haben gemach
Verse: 3A     vñ lat vns ellenden   heint haben gemach.
Verse: 3B     vnde lat vns ellende   hint haben gemach.
Verse: 3C     vñ lat vns wegemvden   hint haben gemach.

Verse: 4     ia waene ez von helden   mit solhem willen ie geschach
Verse: 4A     ia wen ez von helden   mit solhem willen ie gesachach."
Verse: 4B     ia wæne ez von helden   mit solhem willen ie geschach."
Verse: 4C     ia wæn ez von heleden   mit solchem willen ie geschach."



Strophe: 1904   { |X1824 / Strophe of Ms. A: 1762   / Strophe of Ms. B: 1821   / Strophe of Ms. C: 1868   }


Verse: 1     do brahte man di geste   in einen witen sal
Verse: 1A     Do brahte man die geste   in einen witen sal.
Verse: 1B     D2o brahte man di geste   in einen witen sal.
Verse: 1C     Do brahte man die geste   in einen witen sal,

Verse: 2     den fvnden si berihtet   den recken vber al
Verse: 2A     den fvnden si berihtet   den reken vber al
Verse: 2B     den fvnden si berihtet   den recken vber al
Verse: 2C     dar inne si sit namen   den totlichen val.

Verse: 3     mit vil richen betten   lanch vnd breit
Verse: 3A     mit vil richen betten,   lanch vnd breit.
Verse: 3B     mit vil richen betten,   lanch vnd breit.
Verse: 3C     da fvnden si gerihtet   vil manigiv bette breit.

Verse: 4     in riet div vrowe crimhilt   div allergrozesten leit
Verse: 4A     in riet vroͮ Kriemhilt   div aller groͤzisten leit.
Verse: 4B     in riet div vrowe Crimhilt   div aller grozesten leit.
Verse: 4C     in riet div kuneginne   div aller groͤzisten leit.



Strophe: 1905   { |X1825 / Strophe of Ms. A: 1763   / Strophe of Ms. B: 1822   / Strophe of Ms. C: 1869   }


Verse: 1     vil manigen kolter spaehe   von arraz man da sach
Verse: 1A     Manigen kolter spehe   von Arraz man da sach
Verse: 1B     Vil manigen kolter spæhe   von Arraz man da sach,
Verse: 1C     Vil manigen kvlter spæhe   von Arraz man da sach

Verse: 2     der vil liehten pfellel   vnd manech pette dach
Verse: 2A     der vil liehten pfelle   vñ manich bettedach
Verse: 2B     der vil liehten pfellel   vnd manech pette dach
Verse: 2C     von vil liehten pfellen,   vñ manige bette dach

Verse: 3     von arabisschen siden   di beste mohten sin
Verse: 3A     von arabischen siden,   die beste mohten sin.
Verse: 3B     von arabisschen siden,   di beste mohten sin.
Verse: 3C     von arabischen siden,   so si beste chvnden sin.

Verse: 4     darvffe lagen listen   di gaben herlichen schin
Verse: 4A     dar vfe lagen listen,   die gaben herlichen schin.
Verse: 4B     dar vffe lagen listen,   di gaben herlichen schin.
Verse: 4C     ovch lage in vf den enden   von golde herlicher schin.



Strophe: 1906   { |X1826 / Strophe of Ms. A: 1764   / Strophe of Ms. B: 1823   / Strophe of Ms. C: 1870   }


Verse: 1     div dechlachen hermin   vil manegiv man da sach
Verse: 1A     Dechlachen hermin   vil manigiv man da sach
Verse: 1B     Div dechlachen hermin   vil manegiv man da sach
Verse: 1C     Div dechelachen hærmin   vil menegiv man da sach

Verse: 2     vnd von swarcem zoble   darvnder si ir gemach
Verse: 2A     vñ von swarzem zobele,   darvnder si ir gemach
Verse: 2B     vnd von swarcem zoble,   dar vnder si ir gemach
Verse: 2C     vñ o^ch von swarcem zobele,   dar vnder si ir gemach

Verse: 3     des nahtes shaffen solden   vnz an den liehten tach
Verse: 3A     des nahtes schaffen solden   vntz an den liehten tac.
Verse: 3B     des nahtes shaffen solden   vnz an den liehten tach.
Verse: 3C     des nahtes solden schaffen   vnz an den liehten tac.

Verse: 4     ein kvnech mit sinem gesinde   ni so herlich gelach
Verse: 4A     ein kvnich mit sime gesinde   nie so herlich gelach.
Verse: 4B     ein kvnech mit sinem gesinde   ni so herlich gelach.
Verse: 4C     ein kunec mit sinen frivnden   nie so herlich gelach.



Strophe: 1907   { |X1827 / Strophe of Ms. A: 1765   / Strophe of Ms. B: 1824   / Strophe of Ms. C: 1871   }


Verse: 1     owe der nahtselde   sprach giselher daz chint
Verse: 1A     "Owe der nahtselde",   sprach Gyselhere daz kint,
Verse: 1B     "O2we der nahtselde",   sprach Giselher daz chint,
Verse: 1C     "O2we der nahtselde",   sprach Giselher daz kint,

Verse: 2     vnd owe miner frivnde   di mit vns chomen sint
Verse: 2A     "vnd owe miner vrivnde,   die mit vns komen sint.
Verse: 2B     "vnd owe miner frivnde,   di mit vns chomen sint.
Verse: 2C     "vñ owe miner frivnde,   die mit mir chomen sint.

Verse: 3     swi et ez vns min swester   so gvetliche erbot
Verse: 3A     swie et ez min swester   so gvͤtlich erbot,
Verse: 3B     swi et ez vns min swester   so gvͤtliche erbot,
Verse: 3C     swie et ez min sweseer   mir gvͤtlich erbot,

Verse: 4     ich fvrhte daz wir mvezen   von ir schvlden ligen tot
Verse: 4A     ich fvrhte daz wir mvͤzen   alle von ir schvlde ligen tot."
Verse: 4B     ich fvrhte daz wir mvͤzen   von ir schvlden ligen tot."
Verse: 4C     ir fvͤrhte daz wir mvzen   von ir schulden ligen tot."



Strophe: 1908   { |X1828 / Strophe of Ms. A: 1766   / Strophe of Ms. B: 1825   / Strophe of Ms. C: 1872   }


Verse: 1     nv lazet iwer sorgen   sprach hagen der degen
Verse: 1A     "Nv lat iwer sorgen",   sprach Hagne der degne.
Verse: 1B     "Nv lazet iwer sorgen",   sprach Hagen der degen.
Verse: 1C     "Nv lazet iwer sorgen",   sprach Hagen der degen.

Verse: 2     ich wil noch hinte selbe   der shiltwahte pflegen
Verse: 2A     "ich wil noh heint selbe   der schiltwache phlegen.
Verse: 2B     "ich wil noch hinte selbe   der shiltwahte pflegen.
Verse: 2C     "ich wil der schiltwache   noch hinte selbe pflegen.

Verse: 3     ich truwe vns wol behveten   vnz chomet der tach
Verse: 3A     ich trowe ich wol behvͤten,   vntz vns kvmet der tach.
Verse: 3B     ich trwe vns wol behvͤten,   vnz chomet der tach.
Verse: 3C     ich behvͤte ivch wol mit triwen   vnz vns chvmt der tac,

Verse: 4     des sit gar an angest   so genese swer der mach
Verse: 4A     des sit gar an angest;   so wend ez danne swer der mach."
Verse: 4B     des sit gar an angest;   so genese swer der mach."
Verse: 4C     daz wizzet, snelle degene;   so genese swer der mac."



Strophe: 1909   { |X1829 / Strophe of Ms. A: 1767   / Strophe of Ms. B: 1826   / Strophe of Ms. C: 1873   }


Verse: 1     do nigen si im alle   vnde sagten im des danch
Verse: 1A     Do nigen si im alle   vñ seiten im des danch. \   { \ Page of ms. B: 72a   B:_72a }
Verse: 1B     Do nigen si im alle   vnde sagten im des danch.
Verse: 1C     Do nigen si im alle   vñ sagten im des danc.

Verse: 2     si giengen zv den betten   div wile was niht lanch
Verse: 2A     si giengen zvͦ den betten.   div wile <waz> niht lanch
Verse: 2B     si giengen zv den betten.   div wile was niht lanch
Verse: 2C     si giengen zvͦ den betten.   div wile was niht lanc,

Verse: 3     daz sich geleget heten   di waetlichen man
Verse: 3A     daz sich geleit heten   die wetlichen man.
Verse: 3B     daz sich geleget heten   di wætlichen man.
Verse: 3C     daz sich engestet heten   die ellenden man.

Verse: 4     hagen der chvene   helt sich waffen began
Verse: 4A     Hagne der chvͤne,   der helt sich wafen began.
Verse: 4B     Hagen der chvͤne   helt sich waffen began.
Verse: 4C     Hagene der starche   sich do wafen began.



Strophe: 1910   { |X1830 / Strophe of Ms. A: 1768   / Strophe of Ms. B: 1827   / Strophe of Ms. C: 1874   }


Verse: 1     do sprach der videlaere   wolker der degen
Verse: 1A     Do sprach der videler   Volker der degen:
Verse: 1B     D2o sprach der videlære   Wolker der degen:
Verse: 1C     Do sprach der videlære   Volker der degen:

Verse: 2     versmahet ez iv niht hagene   so wolde ich mit iv pflegen
Verse: 2A     "versmahetez iv niht Hagne,   so wold mit iv phegen
Verse: 2B     "versmahet ez iv niht, Hagene,   so wolde ich mit iv pflegen
Verse: 2C     "versmahtez iv niht, Hagene,   so wolde ich mit iv pflegen

Verse: 3     der shiltwahte hinte   vnz morgen frvo
Verse: 3A     heint der schiltwach   vntz morgen vrvͦ."
Verse: 3B     der shiltwahte hinte   vnz morgen frvͦ."
Verse: 3C     der schiltwache hinte   vnze morgen frvͦ."

Verse: 4     der helt vil minnechliche   danchet volkere do
Verse: 4A     der helt vil minneclichen   dancte Volker dvͦ.
Verse: 4B     der helt vil minnechliche   danchet Volkere do.
Verse: 4C     der helt vil minnekliche   danchte Volkere dvͦ.



Strophe: 1911   { |X1831 / Strophe of Ms. A: 1769   / Strophe of Ms. B: 1828   / Strophe of Ms. C: 1875   }


Verse: 1     nv lon iv got von himele   vil lieber volker
Verse: 1A     "Nv lon iv got von himel,   vil lieber Volker.
Verse: 1B     "Nv lon iv got von himele,   vil lieber Volker.
Verse: 1C     "N2v lone iv got von himele,   vil edel Volker.

Verse: 2     zallen minen sorgen   son gert ich niemens mer
Verse: 2A     ze allen minen sorgen.   so engerte ich niemen mer
Verse: 2B     zallen minen sorgen   son gert ich niemens mer
Verse: 2C     zallen minen sorgen   sone gert ich niemens mer

Verse: 3     niwan ivch aleine   swa ich hete not
Verse: 3A     niwan ivch aleine,   swa ich hete not.
Verse: 3B     niwan ivch aleine,   swa ich hete not.
Verse: 3C     niwan ivch aleine,   swa ich hete \ not.   { \ Page of Ms. B: 66v   A:_66v }

Verse: 4     ich sol ez wol verdienen   mich en wendes der tot
Verse: 4A     ich sol ez wol verdienen,   mich enwendes der tot."
Verse: 4B     ich sol ez wol verdienen,   mich enwendes der tot."
Verse: 4C     ich sol ez wol verdienen,   mich enwendes der tot."



Strophe: 1912   { |X1832 / Strophe of Ms. A: 1770   / Strophe of Ms. B: 1829   / Strophe of Ms. C: 1876   }


Verse: 1     do garten si sich beide   in liehtez ir gewant
Verse: 1A     Do garten si sich bede   in liehtez ir gewant.
Verse: 1B     Do garten si sich beide   in liehtez ir gewant.
Verse: 1C     Do garten si sich beide   in liehtez ir gewant.

Verse: 2     do nam ir ietwedere   den schilt an sine hant
Verse: 2A     do nam ir ietweder   den schilt an sein hant
Verse: 2B     do nam ir ietwedere   den schilt an sine hant
Verse: 2C     do nam ir ietewedere   den schilt an sine hant

Verse: 3     vnd giengen vz dem hvse   fver di tver stan
Verse: 3A     vñ giengen vz dem hvse   fvr die tvr stan.
Verse: 3B     vnd giengen \ vz dem hvse   fvͤr di tvͤr stan.   { \ Page of Ms. C: 382b  C:_382b }
Verse: 3C     vñ giengen vz dem hvse   fvr die tvr do stan.

Verse: 4     do pflagen si der geste   daz was mit triwen getan
Verse: 4A     do phlagen si der geste;   daz waz mit triwen getan.
Verse: 4B     do pflagen si der geste;   daz was mit triwen getan.
Verse: 4C     do hvten si der degene;   daz was mit triwen getan.



Strophe: 1913   { |X1833 / Strophe of Ms. A: 1771   / Strophe of Ms. B: 1830   / Strophe of Ms. C: 1877   }


Verse: 1     volker der snelle   zv des sales want
Verse: 1A     Volker der snelle   zvͦ dez sales want
Verse: 1B     V2olker der snelle   zv des sales want
Verse: 1C     Volker der vil snelle   zv des sales want

Verse: 2     sinen shilt den gvten   leit er von der hant
Verse: 2A     sinen schilt den gvͦten   laint er von der hant.
Verse: 2B     sinen shilt den gvten   leit er von der hant.
Verse: 2C     sinen schilt den gvten   leinte von der hant.

Verse: 3     do gi er hin widere   di videl er genam
Verse: 3A     do gie er hin widere,   sein gigen er genam.
Verse: 3B     do gi er hin widere,   di videl er genam.
Verse: 3C     do gie er hin widere,   die videln er genam.

Verse: 4     do diente er sinen frivnden   als ez dem helde gezam
Verse: 4A     do diend er sinen vrivnden   als ez dem helde gezam.
Verse: 4B     do diente er sinen frivnden   als ez dem helde gezam.
Verse: 4C     do dienter sinen frivnden   als ez dem degene gezam.



Strophe: 1914   { |X1834 / Strophe of Ms. A: 1772   / Strophe of Ms. B: 1831   / Strophe of Ms. C: 1878   }


Verse: 1     vnder di tver des hvses   saz er fver den stein
Verse: 1A     Vnder die tvre dez hvzes   saz er vf den stæin.
Verse: 1B     Vnder di tvͤr des hvses   saz er fvͤr den stein.
Verse: 1C     Vnder die tvr des hvses   saz er vf den stein.

Verse: 2     chvener videlaere   der wart ni dehein
Verse: 2A     kvͤner videlere   wart noch nie dehein.
Verse: 2B     chvͤner videlære   der wart ni dehein.
Verse: 2C     chvner videlære   div svnne nie beschein.

Verse: 3     do im der seiten doenen   so svezechlich erclanch
Verse: 3A     do im der seiten do   so svͤzlich erclanch,
Verse: 3B     do im der seiten doͤnen   so svͤzechlich erclanch,
Verse: 3C     do im der seiten doͤnen   so svͦzlich erchlanch,

Verse: 4     di stolzen ellenden   sagtens volkeren danch
Verse: 4A     die stolzen ellenden   die seitens Volker danch.
Verse: 4B     di stolzen ellenden   sagtens Volkeren danch.
Verse: 4C     die stolzen ellenden   sagten im des grozen danc.



Strophe: 1915   { |X1835 / Strophe of Ms. A: 1773   / Strophe of Ms. B: 1832   / Strophe of Ms. C: 1879   }


Verse: 1     do chlvngen sine seiten   daz allez daz hvs erdoz
Verse: 1A     Do chlvngen sein sæiden   daz al daz hvz erdoz.
Verse: 1B     Do chlvngen sine seiten   daz allez daz hvs erdoz.
Verse: 1C     Do chlvngen sine seiten   daz al daz hvͦs erdoz.

Verse: 2     sin ellen zv der fvoge   div beidiv waren groz
Verse: 2A     sin ellen zvͦ der fvͦge   div warn beidiv groz.
Verse: 2B     sin ellen zv der fvͤge   div beidiv waren groz.
Verse: 2C     sin ellen zv der fvͦge   div beide warn groz.

Verse: 3     ie svezer vnd svezer   er videln began
Verse: 3A     svͤzzen vñ <senfter>   gigen er began.
Verse: 3B     ie <svͤzer> vnd svͤzer   er videln began.
Verse: 3C     senfter vñ svͤzer   videln er began.

Verse: 4     do entswebete er an den betten   vil manegen sorgenden man
Verse: 4A     do entswebete er an den beten   vil manigen sorgenden man.
Verse: 4B     do entswebte er an <den> betten   vil manegen sorgenden man.
Verse: 4C     do enswebter an dem bette   vil manigen sorgenden man.



Strophe: 1916   { |X1836 / Strophe of Ms. A: 1774   / Strophe of Ms. B: 1833   / Strophe of Ms. C: 1880   }


Verse: 1     do si entslaffen waren   vnd er daz ervant
Verse: 1A     Do si entslafen warn   vñ er daz ervant,
Verse: 1B     D2o si entslaffen waren   vnd er daz ervant,
Verse: 1C     Do si wol entslafen waren   vnde er daz ervant,

Verse: 2     do nam der degen widere   den schilt an di hant
Verse: 2A     do nam der degen widere   den schilt an die hant,
Verse: 2B     do nam der degen widere   den schilt an di hant,
Verse: 2C     do nam der degene widere   den schilt an sine hant.

Verse: 3     vnd gie zv dem gademe   fver den tvrn stan
Verse: 3A     vñ gie vz dem gadme   fvr den tvrn stan,
Verse: 3B     vnd gie zv dem gademe   fvͤr den tvrn stan,
Verse: 3C     do gie er vz dem hvͦse   fvr die tvre stan,

Verse: 4     vnd hvote der ellenden   vor den crimhilde man
Verse: 4A     vñ hvͦte der ellende   vor den Kriemilde man.
Verse: 4B     vnd hvͦte der ellenden   vor den Crimhilde man.
Verse: 4C     vñ hvͦte siner frivnde   vor den Chriemh' man.



Strophe: 1917   { |X1837 / Strophe of Ms. A: 1775   / Strophe of Ms. B: 1834   / Strophe of Ms. C: 1881   }


Verse: 1     des nahtes wol emmitten   ine weiz iz e geschach
Verse: 1A     Dez nahtes wol enmitten,   ine weiz ez e geschach,
Verse: 1B     Des nahtes wol emmitten,   ine weiz iz ê geschach,
Verse: 1C     N2ach dem ersten slafe -   ich wæn ez e geschach -

Verse: 2     daz volker der chvene   einen helm schinen sach
Verse: 2A     daz Volker der kvͤne   schinen helmen sach
Verse: 2B     daz Volker der chvͤne   einen helm schinen sach
Verse: 2C     Volker der vil chvͤne   einen helm schinen sach

Verse: 3     verre vz einer vinster   di criemhilde man
Verse: 3A     verre vz einer vinster.   die <Kriemhilde> man
Verse: 3B     verre vz einer vinster.   di Criemhilde man
Verse: 3C     verre vz einer vinster.   die Chriemhilde man

Verse: 4     di wolden an den gestn   gerne shaden han getan
Verse: 4A     wolden an den gesten   schaden gerne han getan.
Verse: 4B     di wolden an den gestn   gerne shaden han getan.
Verse: 4C     wolden an den gesten   schaden gerne han getan.



Strophe: 1918   { Strophe of Ms. C: 1882   }


Verse: 1C     E^ Chriemhilt dise rechen   hete dan gesant,

Verse: 2C     si sprach: "ob irs also vindet,   dvrch got so sit gemant,

Verse: 3C     daz ir da slahet niemen   wan den einen man,

Verse: 4C     den vngetriwen Hagenen;   die andern svlt ir lebn lan."



Strophe: 1919   { |X1838 / Strophe of Ms. A: 1776   / Strophe of Ms. B: 1835   / Strophe of Ms. C: 1883   }


Verse: 1     do sprach der videlaere   frivnt hagene
Verse: 1A     Do sprach der videlere:   "vrivmt, her Hagne,
Verse: 1B     Do sprach der videlære:   "frivnt Hagene,
Verse: 1C     Do sprach der videlære:   "nv seht, her Hagene.

Verse: 2     vns zimt disiv sorge   ensamt ce tragene
Verse: 2A     vns zimet disiv sorge   ensamt ze tragne.
Verse: 2B     vns zimt disiv sorge   ensamt ce tragene.
Verse: 2C     iane zimt mir diz mære   niht ze dagene:

Verse: 3     ich sihe gewaffente livte   bi dem hvse sten
Verse: 3A     ich sihe gewafent Ivte   vor dem hvse sten.
Verse: 3B     ich sihe gewaffente livte   bi dem hvse sten.
Verse: 3C     ia sih ich mit gewæfen   dort her lvte gan.

Verse: 4     als ich mich versinne   ich waene si wellent vns besten
Verse: 4A     als ich mich versinne,   si wellent vns besten."
Verse: 4B     als ich mich versinne,   ich wæne si wellent vns besten."
Verse: 4C     als ich mich versinne,   ich wæn si wellent vns bestan."



Strophe: 1920   { |X1839 / Strophe of Ms. A: 1777   / Strophe of Ms. B: 1836   / Strophe of Ms. C: 1884   }


Verse: 1     so swiget sprach do hagene   lat se vns her naher baz
Verse: 1A     "So swiget", sprach do Hagne.   "lat si her naher baz.
Verse: 1B     "S2o swiget", sprach do Hagene.   "lat se vns her naher baz.
Verse: 1C     "Nv swiget", sprach do Hagene.   "lats vns her naher baz.

Verse: 2     e si vnser werden innen   so wirt hi helmvaz
Verse: 2A     e si vnser werden innen,   so wirt hie helmevaz
Verse: 2B     ê si vnser werden innen,   so wirt hi helmvaz
Verse: 2C     e si vn werden innen,   so wirt hie helme vaz

Verse: 3     verrvchet mit den swerten   von vnser zweier hant
Verse: 3A     verruchet mit den swerten   von vnser zweier hant.
Verse: 3B     verrvchet mit den swerten   von vnser zweier hant.
Verse: 3C     mit swerten verrvcket   von der minen hant.

Verse: 4     si werdent criemhilde   hin wider vebele gesant
Verse: 4A     si werdent Chriemhilde   hin wider vil vbel gesant."
Verse: 4B     si werdent Criemhilde   hin wider vͤbele gesant."
Verse: 4C     si werdent hint ir frowen   hin wider vbele gesant."



Strophe: 1921   { |X1840 / Strophe of Ms. A: 1778   / Strophe of Ms. B: 1837   / Strophe of Ms. C: 1885   }


Verse: 1     ein der hivnen rechen   vil schiere daz gesach
Verse: 1A     Ein der Hvnen reken   vil schiere daz geschach,
Verse: 1B     Ein der Hivnen rechen   vil schiere daz gesach,
Verse: 1C     E2in der Hvnen rechen   vil schiere daz gesach,

Verse: 2     daz div tver was behevtet   wi balde er do sprach
Verse: 2A     daz div tvr waz behvͤtet.   wie balde er do sprach:
Verse: 2B     daz div tvͤr was behevtet.   wi balde er do sprach:
Verse: 2C     daz div tivre was behvͤtet.   wie balde er do sprach:

Verse: 3     des wir da heten willen   ian mag es niht ergan
Verse: 3A     "des wir da heten willen,   ia enmag es niht ergan.
Verse: 3B     "des wir da heten willen,   ian mages niht ergan.
Verse: 3C     "des wir da heten willen,   iane mag es niht engan.

Verse: 4     ich sihe den videlaere   an der schiltwahte stan
Verse: 4A     ich sihe den videlere   an der schiltwache stan.
Verse: 4B     ich sihe den videlære   an der schiltwahte stan.
Verse: 4C     ich sihe den videlære   an der schiltwache stan.



Strophe: 1922   { |X1841 / Strophe of Ms. A: 1779   / Strophe of Ms. B: 1838   / Strophe of Ms. C: 1886   }


Verse: 1     der treit vf sinem hovbete   einen helm glanz
Verse: 1A     Der treit vf sime hoͮbte   einen helmen glantz, \   { \ Page of ms. B: 72b   B:_72b }
Verse: 1B     Der treit vf sinem hovbete   einen helm glanz,
Verse: 1C     Der treit vf sime ho^bte   einen helm glanz,

Verse: 2     lvter vnd herte   starch vnde ganz
Verse: 2A     lvter vnd herte,   starch vnd gantz.
Verse: 2B     lvter vnd herte,   starch \ vnde ganz.   { \ Page of Ms. B: 383a   A:_383a }
Verse: 2C     lvͦtter vñ herte,   veste vñ ganz.

Verse: 3     ovch lovhtent im di ringe   sam daz fiwer tvt
Verse: 3A     oͮch lohent im die ringe   sam daz viwer tvͦt.
Verse: 3B     ovch <lovhtent> im di ringe   sam daz fiwer tvt.
Verse: 3C     ovch lohent sine ringe   sam daz fivre tvͦt.

Verse: 4     bi im stet ovch hagene   des sint di geste wol behvt
Verse: 4A     bi im stet oͮch Hagne;   des sint die geste wol behvͦt."
Verse: 4B     bi im stet ovch Hagene;   des sint di geste wol behvt."
Verse: 4C     bi im stet ovch Hagene;   des sint die geste wol behvͦt."



Strophe: 1923   { |X1842 / Strophe of Ms. A: 1780   / Strophe of Ms. B: 1839   / Strophe of Ms. C: 1887   }


Verse: 1     zehant si cherten widere   do volker daz ersach
Verse: 1A     Zehant si cherten wider.   do Volker daz ersach,
Verse: 1B     Z2ehant si cherten widere.   do Volker daz ersach,
Verse: 1C     Zehant si widercherten.   do Volker daz ersach,

Verse: 2     wider sinen gesellen   er zornechlichen sprach
Verse: 2A     wider sinen gesellen   er zorneclichen sprach:
Verse: 2B     wider sinen gesellen   er zornechlichen sprach:
Verse: 2C     zv sime hergesellen   er zorneklichen sprach:

Verse: 3     nv lat mich zv den recken   vor dem hvse gan
Verse: 3A     "nv lat mich zvͦ den reken   von dem hvse gan.
Verse: 3B     "nv lat mich zv den recken   vor dem hvse gan.
Verse: 3C     "lat mich zv den rechen   von dem hvͦse gan.

Verse: 4     ich wil vragen maere   der vrovn criemhilde man
Verse: 4A     ich wil vragen mere   der vrowen Kriemhilde man."
Verse: 4B     ich wil vragen mære   der vrovn Criemhilde man."
Verse: 4C     ich wil vragen der mære   der fro^n Chriemh' man."



Strophe: 1924   { |X1843 / Strophe of Ms. A: 1781   / Strophe of Ms. B: 1840   / Strophe of Ms. C: 1888   }


Verse: 1     nein dvrch mine liebe   sprach do hagene
Verse: 1A     "Nein, dvrh min liebe",   sprach do Hagne.
Verse: 1B     "Nein, dvrch mine liebe",   sprach do Hagene.
Verse: 1C     "Nein, durch mine liebe",   sprach Hagene der degen.

Verse: 2     chomt ir von dem hvse   di snellen degene
Verse: 2A     "komet ir von dem hvse,   die snellen degne
Verse: 2B     "chomt ir von dem hvse,   di snellen degene
Verse: 2C     "welt ir deheines strites   mit den helden pflegen,

Verse: 3     bringent ivch mit swerten   vil lihte in soelhe not
Verse: 3A     bringent ivch mit swerten   lihte in solhe not,
Verse: 3B     bringent ivch mit swerten   vil lihte in soͤlhe not,
Verse: 3C     so bestent si ivch mit swerten \   vñ bringent ivch in not;   { \ Page of ms. B: 67r   B:_67r }

Verse: 4     daz ich iv mvese helfen   vnd waer iz aller miner mage tot
Verse: 4A     daz ich iv mvͤse helfen,   vñ wer ez aller miner mage tot.
Verse: 4B     daz ich iv mvͤse helfen,   vnd wær iz aller miner mage tot.
Verse: 4C     so mvͤse ich iv helfen,   wêrz aller miner mage tot.



Strophe: 1925   { |X1844 / Strophe of Ms. A: 1782   / Strophe of Ms. B: 1841   / Strophe of Ms. C: 1889   }


Verse: 1     so wir danne beide   chomen in den strit
Verse: 1A     So wir danne beide   komen in den strit,
Verse: 1B     So wir danne beide   chomen in den strit,
Verse: 1C     So wir danne beide   komen in den strit,

Verse: 2     ir zwene oder viere   in einer chvrcen zit
Verse: 2A     ir zwene oder fier   in einer kvrzen zit
Verse: 2B     ir zwene oder viere   in einer chvrcen zit
Verse: 2C     zwene oder viere   in einer kurzen zit

Verse: 3     sprvengen zv dem hvse   vnde taeten vns div leit
Verse: 3A     sprvngen zvͦ dem hvse   vñ teten vns div lait
Verse: 3B     sprvͤngen zv dem hvse   vnde tæten vns div leit
Verse: 3C     die sprvngen zv dem hvͦse   vñ tæten vns div leit

Verse: 4     an den slaffenden recken   div nimmer wuerden verchleit
Verse: 4A     an den slafenden,   div nimmer wurden verchlæit."
Verse: 4B     an den slaffenden recken,   div nimmer wͤrden verchleit."
Verse: 4C     an den slafenden,   div nimmer wrden verkleit."



Strophe: 1926   { |X1845 / Strophe of Ms. A: 1783   / Strophe of Ms. B: 1842   / Strophe of Ms. C: 1890   }


Verse: 1     do sprach aber volker   so lat daz geschehen
Verse: 1A     Do sprach aber Volker:   "so lat daz geschehen,
Verse: 1B     D2o sprach aber Volker:   "so lat daz geschehen,
Verse: 1C     D2o sprach aber Volker:   "so lat doch daz geschehn,

Verse: 2     daz wir si bringen innen   daz ich si habe gesehen
Verse: 2A     daz wir si bringen innen,   daz wir si han gesehen,
Verse: 2B     daz wir si bringen innen,   daz ich si habe gesehen,
Verse: 2C     daz wir si innen bringen,   daz ich si habe gesehn,

Verse: 3     daz des iht haben lovgen   di criemhilde man
Verse: 3A     daz dez iht loͮgnen   Kriemhilde man,
Verse: 3B     daz des iht haben lovgen   di Criemhilde man,
Verse: 3C     daz des niht haben lovgen   die Chriemh' man,

Verse: 4     daz si vngetriweliche   vil gerne heten getan
Verse: 4A     daz si vngetrivlich   vil gerne heten getan."
Verse: 4B     daz si vngetriweliche   vil gerne heten getan."
Verse: 4C     daz si vil mortliche   gerne heten getan."



Strophe: 1927   { |X1846 / Strophe of Ms. A: 1784   / Strophe of Ms. B: 1843   / Strophe of Ms. C: 1891   }


Verse: 1     zehant do rief in volker   hin engegene
Verse: 1A     Zehant do rief in Volker   hin engene:
Verse: 1B     Zehant do rief in Volker   hin engegene:
Verse: 1C     Do sprach der videlære   den Hvnen vaste nach:

Verse: 2     wi get ir svs gewaffent   ir snellen degene
Verse: 2A     "wez get ir svs gewafent,   snelle degne?
Verse: 2B     "wi get ir svs gewaffent,   ir snellen degene?
Verse: 2C     "wie get ir svs gewafent?   war ist iv so gach?

Verse: 3     welt ir shachen riten   ir criemhilde man
Verse: 3A     welt ir schachen riten,   Kriemhilde man?
Verse: 3B     welt ir shachen riten,   ir Criemhilde man?
Verse: 3C     welt ir schaden riten,   ir Chriemh' man?

Verse: 4     dar svlt ir mich ce helfe   vnde mine hergesellen han
Verse: 4A     dar svlt ir mich ze helfe   vñ minen hergesellen han."
Verse: 4B     dar svlt ir mich ce helfe   vnde mine hergesellen han."
Verse: 4C     dar svlt ir mih ze helfe   vñ minen hergesellen han."



Strophe: 1928   { |X1847 / Strophe of Ms. A: 1785   / Strophe of Ms. B: 1844   / Strophe of Ms. C: 1892   }


Verse: 1     des antwurte im niemen   zornech was sin mvt
Verse: 1A     Dez antwurte im niemen;   zornich waz sin mvͦt.
Verse: 1B     Des antwrte im niemen;   zornech was sin mvt.
Verse: 1C     Des antwrte im niemen;   zornic was sin mvͦt.

Verse: 2     pfi ir zagen boese   sprach der helt gvt
Verse: 2A     "phi, ir zagen boͤz",   sprach der helt gvͦt.
Verse: 2B     "pfi, ir zagen boͤse",   sprach der helt gvt.
Verse: 2C     "pfi, ir zagen boͤse",   sprach der degen gvͦt.

Verse: 3     wolt ir slaffende   vns enmordet han
Verse: 3A     "woldet ir slafende   vns ermordert han?
Verse: 3B     "wolt ir slaffende   vns enmordet han?
Verse: 3C     "wolt ir slafende   vns ermordet han?

Verse: 4     daz ist so gvten helden   noch vil selten her getan
Verse: 4A     daz ist so gvͦten helden   noch vil selten her getan."
Verse: 4B     daz ist so gvten helden   noch vil selten her getan."
Verse: 4C     daz ist so gvͦten degenen   her vil selten noch getan."



Strophe: 1929   { |X1848 / Strophe of Ms. A: 1786   / Strophe of Ms. B: 1845   / Strophe of Ms. C: 1893   }


Verse: 1     do wart der chveneginne   vil rehte geseit
Verse: 1A     Do wart der kvniginne   vil rehte daz geseit,
Verse: 1B     D2o wart der chvͤneginne   vil rehte geseit,
Verse: 1C     Do wart der kuniginne   rehte daz geseit,

Verse: 2     daz ir boten niht erwuorben   von schvlden was ir leit
Verse: 2A     daz ir boten niht wurben.   von schvlden waz ir lait.
Verse: 2B     daz ir boten niht <erwͦrben>.   von schvlden was ir leit.
Verse: 2C     daz ir boten niht enwrben.   von schulden was ir leit.

Verse: 3     do fvgete si ez anders   vil grimmech was ir mvt
Verse: 3A     do fvͦgte si ez anders;   vil grimmech waz ir mvͦt.
Verse: 3B     do fvgete si ez anders;   vil grimmech was ir mvt.
Verse: 3C     do fvͦgte siz sit anders;   vil grimmech was ir mvͦt.

Verse: 4     des mvosen sit verderben   di helde chvne vnde gvt
Verse: 4A     dez mvͦsen sit verderben   helde kvͤne vnd gvͦt.
Verse: 4B     des mvͦsen sit verderben   di helde chvne vnde gvt.
Verse: 4C     des mvsen sit engelten   degene chvͤne vnde GvͦT.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.