TITUS
Der Nibelunge Not
Part No. 32
Previous part

Adventure: XXXII  
{ A_XXXI } <Wie Bloͤdelin erslagen wart>
{ C_XXXII } Aventv wie Bloͤdel mit Danchwart an der herberge streit.

Strophe: 2014   { |X1921 / Strophe of Ms. A: 1858   / Strophe of Ms. B: 1918   / Strophe of Ms. C: 1973   }


Verse: 1     bloedelines recken   di waren alle gar
Verse: 1A     B3loͤdelins reken   die warn alle gar.
Verse: 1B     <B4loͤdelines> recken   di waren alle gar.
Verse: 1C     D4ie Bloͤdelines rechen   die warn alle gar.

Verse: 2     mit tvsent halspergen   hvben si sich dar
Verse: 2A     mit tvsent halspergen   hvͦben si sich dar
Verse: 2B     mit tvsent halspergen   hvben si sich dar,
Verse: 2C     mit tusent halspergen   hvben si sich dar,

Verse: 3     da danchwart mit den knehten   ob dem thisse saz
Verse: 3A     da Dancwart mit den knehten   ob den tischen saz.
Verse: 3B     da Danchwart mit den knehten   ob dem thisse saz.
Verse: 3C     da Danchwart mit den knehten   ob den tischen saz.

Verse: 4     da hvb sich vnder helden   der allergrozeste haz
Verse: 4A     da hvͦp sich vnder helden   der aller groziste haz.
Verse: 4B     da hvb sich vnder helden   der aller grozeste haz.
Verse: 4C     do hvͦp sich vnder degenen   mort vñ nitlicher haz.



Strophe: 2015   { |X1922 / Strophe of Ms. A: 1859   / Strophe of Ms. B: 1919   / Strophe of Ms. C: 1974   }


Verse: 1     also der herre bloedelin   fver di thisse gie
Verse: 1A     Also der herre Bloͤdel   fvr die tische gie,
Verse: 1B     Also der herre Bloͤdelin   fvͤr di thisse gie,
Verse: 1C     Also der herre Bloͤdel   fvͤr die tische gie,

Verse: 2     danchwart der marschalch   in vlizechliche enpfie
Verse: 2A     Dancwart der marschalch   in vlizeclich enphie:
Verse: 2B     Danchwart der marschalch   in vlizechliche enpfie:
Verse: 2C     Danchwart der marschalch   in gvͤtlich enpfie:

Verse: 3     willechomen her ce hvse   min her bloedelin
Verse: 3A     "willekomen her ze hvse,   min her Bloͤdelin.
Verse: 3B     "willechomen her ce hvse,   <min> her Bloͤdelin.
Verse: 3C     "willechomen her ze hvse,   min her Bloͤdelin.

Verse: 4     ia wundert mich der maere   waz sol disiv rede sin
Verse: 4A     ia wundert mich der mere   waz sol disiv rede sin."
Verse: 4B     ia wndert mich der mære;   waz sol disiv rede sin?"
Verse: 4C     waz iwer reise meine,   des wndert gar die sinne min."



Strophe: 2016   { |X1923 / Strophe of Ms. A: 1860   / Strophe of Ms. B: 1920   / Strophe of Ms. C: 1975   }


Verse: 1     ia ne dverfet ir mich niht grvezen   so sprach blodelin
Verse: 1A     "Ia darftv mich niht grvͤzen",   so sprach Bloͤdelin,
Verse: 1B     "Iane dvͤrfet ir mich niht grvͤzen",   so sprach Blodelin,
Verse: 1C     "Iane darftv mih niht grvͤzen",   sprach do Bloͤdelin,

Verse: 2     wan diz chomen daz mine   daz mvz din ende sin
Verse: 2A     "wan komen min   mvͦz din ende sin
Verse: 2B     "wan diz chomen daz mine   daz mvz din ende sin
Verse: 2C     "wan dizze chomen daz mine   daz sol din ende sin

Verse: 3     dvrch hagenen dinen brvder   der sifriden slvch
Verse: 3A     dvrch Hagnen dinen brvͦder,   der Sifriden slvͦch.
Verse: 3B     dvrch Hagenen dinen brvder,   der Sifriden slvch.
Verse: 3C     dvrch Hagenen dinen brvͦder,   der Sivriden slvͦc.

Verse: 4     des engiltest du hi cen hivnen   vnd ander degene genvch
Verse: 4A     des enkiltest dv zen Hvnen   vñ ander degne genvͦc."
Verse: 4B     des engiltest du hi cen Hivnen \   vnd <ander> degene genvch."   { \ Page of ms. B: 387b   B:_387b }
Verse: 4C     des engiltestv zen Hvnen   vñ ander degene genvͦc."



Strophe: 2017   { |X1924 / Strophe of Ms. A: 1861   / Strophe of Ms. B: 1921   / Strophe of Ms. C: 1976   }


Verse: 1     neina herre bloedelin   so sprach do danchwart
Verse: 1A     "Neina, herre Bloͤdel",   sprach do Dancwart.
Verse: 1B     "N2eina, herre Bloͤdelin",   so sprach do Danchwart.
Verse: 1C     "Neina, herre Bloͤdel",   sprach do Danchwart.

Verse: 2     so moeht vns wol balde riwen   disiv hovevart
Verse: 2A     "so moͤht vns balde riwen   disiv hovevart.
Verse: 2B     "so moͤht vns wol balde riwen   disiv hovevart.
Verse: 2C     "so mohte vns balde riwen   disiv hovevart.

Verse: 3     ich was ein wenich kindelin   do sifrit vlos den lip
Verse: 3A     ich waz ein wenich kindel,   do Sifrit vloz den lip.
Verse: 3B     ich was <ein> wenich kindelin,   do Sifrit vlos den lip.
Verse: 3C     ich was ein vil kleiner kneht,   do Sivrit vlos den lip.

Verse: 4     ine weiz niht waz mir wizzet   des kvenech eceln wip
Verse: 4A     ich weiz niht waz mir wizet   des kvnic Eceln wip."
Verse: 4B     ine weiz niht waz mir wizzet   des kvͤnech Eceln wip."
Verse: 4C     iane weiz ich waz mir wi\zet   des kunec Ezeln wip."   { \ Page of ms. B: 70v   B:_70v }



Strophe: 2018   { |X1925 / Strophe of Ms. A: 1862   / Strophe of Ms. B: 1922   / Strophe of Ms. C: 1977   }


Verse: 1     ia ne weiz ich dir der maere   niht ce sagene
Verse: 1A     "la enweiz ich dir der mere   niht me ze sagen.
Verse: 1B     "Iane weiz ich dir der mære   niht ce sagene.
Verse: 1C     "I2ane weiz ich dir der mære   nimer ze sagene.

Verse: 2     ez taten dine mage   gventher vnde hagene
Verse: 2A     ez taten dine mage   Gvnther vñ Hagne.
Verse: 2B     ez taten dine mage   Gvͤnther vnde Hagene.
Verse: 2C     ez taten dine mage   Gunther vñ Hagene.

Verse: 3     nv wert ivch vil ellenden   ir chvennet niht genesen
Verse: 3A     nv wert ich vil ellenden;   ir kvnnet niht genesen.
Verse: 3B     nv wert ivch vil ellenden;   ir chvͤnnet niht genesen.
Verse: 3C     nv wert ivch vil ellenden;   ir chvnnet niht genesen.

Verse: 4     ir mvezet mit dem tode   pfant daz criemhilde wesen
Verse: 4A     ir mvͤzet mit dem tode   phant Kriemhilde wesen."
Verse: 4B     ir mvͤzet mit dem tode   pfant daz Criemhilde wesen."
Verse: 4C     ir mvzet mit dem tode   pfant daz Chriemh' wesen."



Strophe: 2019   { |X1926 / Strophe of Ms. A: 1863   / Strophe of Ms. B: 1923   / Strophe of Ms. C: 1978   }


Verse: 1     so ne welt ir niht erwinden   so sprach danchwart
Verse: 1A     "So enwelt ir niht erwinden",   sprach Dancwart,
Verse: 1B     "Sone welt ir niht erwinden",   so sprach Danchwart,
Verse: 1C     "So enwelt ir niht erwinden",   sprach do Danchwart,

Verse: 2     so riwet mich min vlehen   daz waere baz gespart
Verse: 2A     "so riwet mich min vlegen;   daz were baz gespart."
Verse: 2B     "so riwet mich min vlehen;   daz wære baz gespart."
Verse: 2C     "so riwet mich min vlehen;   daz wære baz verspart."

Verse: 3     der snelle degen chvene   von dem thisse spranch
Verse: 3A     der snelle degne kvͤne   von dem tische spranch.
Verse: 3B     der snelle degen chvͤne   von dem thisse spranch.
Verse: 3C     der snelle degen chvne   von dem tische spranch.

Verse: 4     er zoch ein scharpfez waffen   daz was michel vnde lanch
Verse: 4A     er zoch ein scharfez wafen,   daz waz michel vñ lanch.
Verse: 4B     er zoch ein scharpfez waffen,   daz was michel vnde lanch.
Verse: 4C     er zoch ein scharpfez wafen,   daz was michel vñ lanch.



Strophe: 2020   { |X1927 / Strophe of Ms. A: 1864   / Strophe of Ms. B: 1924   / Strophe of Ms. C: 1979   }


Verse: 1     do slvch er blodeline   einen swinden swertes slach
Verse: 1A     Do slvͦg er Bloͤdeline   einen swindent swertes slach,
Verse: 1B     D2o slvch er Blodeline   einen swinden swertes slach,
Verse: 1C     Do slvͦger B18deline   einen swinden swertes slac,

Verse: 2     daz im daz hovbet schiere   vor den fvezen gelach
Verse: 2A     daz im daz hoͮbet schiere   vor den fvͤzen lach. \   { \ Page of Ms. C: 76a  C:_76a }
Verse: 2B     daz im daz hovbet schiere   vor den fvͤzen gelach.
Verse: 2C     daz imz hovbet mìt helme   vor den fvͤzen lac.

Verse: 3     daz si din morgengabe   sprach danchwart der degen
Verse: 3A     "daz si din morgengabe",   sprach Dancwart der degne,
Verse: 3B     "daz si din morgengabe",   sprach Danchwart der degen,
Verse: 3C     "daz si din morgengabe",   sprach Danchwart der helt,

Verse: 4     zv nvdvnges brvete   der dv mit minnen woldest pflegen
Verse: 4A     "zvͦ Nvͦdunges brvte,   der dv mit minne woldest phlegen.
Verse: 4B     "zv Nvdvnges brvͤte,   der dv mit minnen woldest pflegen.
Verse: 4C     "zvͦ Nvͦdvnges brvte,   die dv ze frevden hast erwelt.



Strophe: 2021   { |X1928 / Strophe of Ms. A: 1865   / Strophe of Ms. B: 1925   / Strophe of Ms. C: 1980   }


Verse: 1     man mach si morgen mehelen   einem anderm man
Verse: 1A     Man mach si morgen meheln   einen andern man.
Verse: 1B     Man mach si morgen mehelen   einem anderm man.
Verse: 1C     Si mac sich morgen mæhelen   einem andern man.

Verse: 2     wil er di brvtmiete   dem wirt alsam getan
Verse: 2A     wil er die brvtmiete,   dem wirt alsam getan."
Verse: 2B     wil er di brvtmiete,   dem wirt alsam getan."
Verse: 2C     wil er die brvͦte miete,   ez mac im sam ergan."

Verse: 3     ein vil getriwer hivne   het im daz geseit
Verse: 3A     ein vil getriwer Hvne   hete im daz geseit,
Verse: 3B     ein vil getriwer Hivne   het im daz geseit,
Verse: 3C     ein getriwer Hvne   het im daz geseit,

Verse: 4     daz im div chveneginne   riet so groziv leit
Verse: 4A     daz in div kvnigin   riet so grozlichiv lait.
Verse: 4B     daz im div chvͤneginne   riet so groziv leit.
Verse: 4C     daz in div kuniginne   riet so groͤzlichiv leit.



Strophe: 2022   { |X1929 / Strophe of Ms. A: 1866   / Strophe of Ms. B: 1926   / Strophe of Ms. C: 1981   }


Verse: 1     do sahen bloedelines man   ir herre lach erslagen
Verse: 1A     Do sahen Bloͤdelins man   ir herre la erslagen.
Verse: 1B     Do sahen Bloͤdelines man   ir herre lach erslagen;
Verse: 1C     D2o sahen Bloͤdelines man   ir herre lac erslagen.

Verse: 2     do ne wolden si den gesten   niht langer daz vertragen
Verse: 2A     do wolden si den gesten   niht langer daz vertragen.
Verse: 2B     done wolden si den gesten   niht langer daz vertragen.
Verse: 2C     daz enwolden si den gesten   langer niht vertragen.

Verse: 3     mit vf erbvrten swerten   si sprvngen fver div chint
Verse: 3A     mit vf erbvrten swerten   si sprvngen fvr div kint
Verse: 3B     mit vf erbvrten swerten   si sprvngen fvͤr div chint
Verse: 3C     mit vf erbvrten swerten   si sprvngen fvr div kint

Verse: 4     in grimmigem mvote   daz gerav vil manigen sint
Verse: 4A     in grimmen mvͦte.   daz geroͮ vil manigen sint.
Verse: 4B     in grimmigem mvͦte.   daz gerav vil manigen sint.
Verse: 4C     in eime grimme mte;   ia gerowez si sint.



Strophe: 2023   { |X1930 / Strophe of Ms. A: 1867   / Strophe of Ms. B: 1927   / Strophe of Ms. C: 1982   }


Verse: 1     vil lvte rief do danchwart   daz gesinde allez an
Verse: 1A     Lvte rief do Dancwart   daz gesinde allez an:
Verse: 1B     V2il lvte rief do Danchwart   daz gesinde allez an:
Verse: 1C     Vil lvte rief der marschalch   al die knappen an:

Verse: 2     ir seht wol edeln chnehte wi ez   wil vmbe gan
Verse: 2A     "ir sehet wol, edel knehte,   wie ez vmb vns wil gan.
Verse: 2B     "ir seht wol, edeln chnehte,   wi ez wil vmbe gan.
Verse: 2C     "ir seht wol, edeln knehte,   wie ez wil vmbe gan.

Verse: 3     nv wert ivch vil ellenden   deiswar des gat vns not
Verse: 3A     nv wert ivch, ellenden;   deswar des gat vns not,
Verse: 3B     nv wert ivch, vil ellenden;   deiswar des gat vns not,
Verse: 3C     nv wert ivch ellenden,   als ivch des twinget not,

Verse: 4     swi vns div edele crimhilt   so rehte gvetlich enbot
Verse: 4A     swie vns die edle Kriemhilt   so rehte gvͤtlich enpot."
Verse: 4B     swi vns div edele Crimhilt   so rehte gvͤtlich enbot."
Verse: 4C     daz ir frvͦmchliche   ane schande liget tot."



Strophe: 2024   { |X1931 / Strophe of Ms. A: 1868   / Strophe of Ms. B: 1928   / Strophe of Ms. C: 1983   }


Verse: 1     di niht swert en heten   di reichten fver di banch
Verse: 1A     Die niht swert heten,   die reihten fvr die banch,
Verse: 1B     Di niht swert enheten,   di reichten fvͤr di banch,
Verse: 1C     Die swerte niht enheten,   die reichten fvr die banch;

Verse: 2     vnde hvben von den fvezen   vil manegen shalmel lanch
Verse: 2A     vñ hvͦben von den fvͤzen   manigen schamel lanch.
Verse: 2B     vnde hvben von den fvͤzen   vil manegen shamel lanch.
Verse: 2C     si hvben vz den fvzen   vil manigen schamel lanch.

Verse: 3     der bvrgonden knehte   in wolden niht vertragen
Verse: 3A     der Bvrgonden knehte   wolden niht vertragen.
Verse: 3B     der Bvrgonden knehte   in wolden niht vertragen.
Verse: 3C     der Buregonden knehte   in wolden niht vertragen.

Verse: 4     da wart von swaeren stvelen   dvrch helme bveln vil geslagen
Verse: 4A     da wart von swern stvͤln   bvln harte vil geslagen.
Verse: 4B     da wart von swæren stvͤlen   dvrch helme bvͤln vil geslagen.
Verse: 4C     da wart von swæren stvlen   dvrch helme bvlen vil geslagen.



Strophe: 2025   { |X1932 / Strophe of Ms. A: 1869   / Strophe of Ms. B: 1929   / Strophe of Ms. C: 1984   }


Verse: 1     wi grimme sich do werten   div ellendn chint
Verse: 1A     Wie grimme sich do werten   div ellenden kint,
Verse: 1B     Wi grimme sich do werten   div ellendn \ chint,   { \ Page of Ms. B: 388a   A:_388a }
Verse: 1C     Wie grimme sich do werten   div ellenden kint,

Verse: 2     si triben vz dem hvse   di gevaffenten sint
Verse: 2A     si triwen vz dem hvse   die gewafenden sint.
Verse: 2B     si triben vz dem hvse   di gevaffenten sint.
Verse: 2C     si triben vzem hvse   die gewafenden sint.

Verse: 3     doch beleip ir tot darinne   fvnf hvndert oder baz
Verse: 3A     doch beleip ir tot darinne   fvnf hvndert <oder> baz.
Verse: 3B     doch beleip ir tot dar inne   fvnf hvndert oder baz.
Verse: 3C     doch beleib ir tot dar inne   fvnf hvndert oder baz.

Verse: 4     do was daz ingesinde   von blvte rot vnde naz
Verse: 4A     do waz daz ingesinde   von blvͦte rot vñ naz.
Verse: 4B     do was daz ingesinde   von blvte rot vnde naz.
Verse: 4C     do was daz ingesinde   von blvͦte rot unde naz.



Strophe: 2026   { |X1933 / Strophe of Ms. A: 1870   / Strophe of Ms. B: 1930   / Strophe of Ms. C: 1985   }


Verse: 1     disiv starchen maere   wurden dan geseit
Verse: 1A     Disiv starchen mere   wurden dan geseit
Verse: 1B     D2isiv starchen mære   wrden dan geseit
Verse: 1C     D2isiv starchen mære   wrden dan geseit

Verse: 2     den eceln recken   ez was in grimme leit
Verse: 2A     Eceln reken -   ez waz in grimme leit -
Verse: 2B     den Eceln recken -   ez was in grimme leit -
Verse: 2C     den Ezeln rechen -   ez was in grimme leit -

Verse: 3     daz erslagen waere   blodel vnd sine man
Verse: 3A     daz erslagen were   Bloͤdel vñ sine man.
Verse: 3B     daz erslagen wære   Blodel vnd sine man.
Verse: 3C     daz erslagen wære   der herre uñ sine man.

Verse: 4     daz het hagen brvder   mit den knehten getan
Verse: 4A     daz hete Hagnen brvͦder   mit den knehten getan.
Verse: 4B     daz het Hagen brvder   mit den knehten getan.
Verse: 4C     daz het der Hagen brvͦder   mit den knehten getan.



Strophe: 2027   { |X1934 / Strophe of Ms. A: 1871   / Strophe of Ms. B: 1931   / Strophe of Ms. C: 1986   }


Verse: 1     e ez div chvneginne erfvende   di hivnen dvrch ir haz
Verse: 1A     E ez der kvnic erfvnde,   die Hvnen dvrh ir haz
Verse: 1B     E ez div chvneginne erfvͤnde,   di Hivnen dvrch ir haz
Verse: 1C     E^ manz ze hove erfvnde,   die Hvnen dvrch ir haz

Verse: 2     der garte sich zwei tvsent   oder dannoch baz
Verse: 2A     der garten sich zwai tvsent   oder dannoch baz.
Verse: 2B     der garte sich zwei tvsent   oder dannoch baz.
Verse: 2C     der garte sich zwei tvsent   oder dannoch baz.

Verse: 3     si giengen zv den knehten   daz mvs et also wesen
Verse: 3A     si giengen z den knehten -   daz mvͦz et also wesen -
Verse: 3B     si giengen zv den knehten -   daz mvs et also wesen -
Verse: 3C     si giengen zv den knehten -   daz mvͦs et also wesen -

Verse: 4     vnde liezen des gesindes   ninder einen genesen
Verse: 4A     vñ liezen des gesindes   inndert einen genesen.
Verse: 4B     vnde liezen des gesindes   ninder einen genesen.
Verse: 4C     vñ liezen des gesindes   ninder einen genesen.



Strophe: 2028   { |X1935 / Strophe of Ms. A: 1872   / Strophe of Ms. B: 1932   / Strophe of Ms. C: 1987   }


Verse: 1     di vngetriwen brahten   fver das hvs ein michel her
Verse: 1A     Die vngetriwen brahten   fvrz hvs ein michel her.
Verse: 1B     Di vngetriwen brahten   fvͤr das hvs ein michel her.
Verse: 1C     Do die vil ungetriwen   drvngen in daz gadem,

Verse: 2     di ellenden knehte   di stvnden wol ce wer
Verse: 2A     die ellenden knehte   stvͦnden wol ze wer.
Verse: 2B     di ellenden knehte   di stvndne wol ce wer.
Verse: 2C     do hvͦp sich zwischen den rechen   vil vngefvger kradem.

Verse: 3     waz half ir baldez ellen   si mvsen ligen tot
Verse: 3A     waz half ir baldez eilen?   si mvͦsen ligen tot.
Verse: 3B     waz half ir baldez ellen?   si mvsen ligen tot.
Verse: 3C     waz half ir baldez ellen?   si mvsen ligen tot.

Verse: 4     darnach in chvrcen stvnden   hvb sich ein vreislichiv not
Verse: 4A     darnach in kvrzen stvnden   sich hvͦp ein vreislicher not.
Verse: 4B     dar nach in chvrcen stvnden   hvb sich ein vreislichiv not.
Verse: 4C     dar nach in chvrcen stvnden   hvͦp sich êngestlichiv not.



Strophe: 2029   { |X1936 / Strophe of Ms. A: 1873   / Strophe of Ms. B: 1933   / Strophe of Ms. C: 1988   }


Verse: 1     hi mveget ir hoeren wunder   bi vngefvoge sagen
Verse: 1A     Hie mvget ir hoͤm wunder   bi vngefvͦge sagen:
Verse: 1B     H2i mvͤget ir hoͤren wnder   bi vngefvͦge sagen:
Verse: 1C     Hie mvgt ir horen wnder   bi vnfvge sagen :

Verse: 2     nivn tvsent knehte   di lagen tot erslagen
Verse: 2A     nivn tvsent knehte   die lagen tot erslagen,
Verse: 2B     mivn tvsent knehte   di lagen tot erslagen,
Verse: 2C     niwan tvsent knehte   die lagen tot erslagen,

Verse: 3     darveber ritter zwelfe   der danchwartes man
Verse: 3A     darvber ritter zwelfe   der Dancwartes man.
Verse: 3B     dar vͤber ritter zwelfe   der Danchwartes man.
Verse: 3C     dar vber ritter zwelfe   der Danchwarres man.

Verse: 4     man sah in alterseine   noch bi den vianden stan
Verse: 4A     man sach in alterseine   noch bi den vienden stan.
Verse: 4B     man sah in alterseine   noch bi den vianden stan.
Verse: 4C     man sach in alterseine   noch bi den vianden stan.



Strophe: 2030   { |X1937 / Strophe of Ms. A: 1874   / Strophe of Ms. B: 1934   / Strophe of Ms. C: 1989   }


Verse: 1     der schal der was geswiftet   der doz der was gelegen
Verse: 1A     Der schal was geswiftet,   der doz waz gelegen.
Verse: 1B     Der schal der was geswiftet,   der doz der was gelegen.
Verse: 1C     Der schal der was geswiftet,   der doz der was gelegn. \   { \ Page of ms. B: 71r   B:_71r }

Verse: 2     do blichte veber ahsel   danchwart der degen
Verse: 2A     do blicte vber ahsel   Dancwart der degn.
Verse: 2B     do blichte vͤber ahsel   Danchwart der degen.
Verse: 2C     do blichte vber ahsel   Danchwart der degen.

Verse: 3     er sprah owe der frivnde   di ich verlorn han
Verse: 3A     er sprach: "owe der vrivnde,   die ich verlorn han!
Verse: 3B     er sprah: "owe der frivnde,   di ich verlorn han!
Verse: 3C     Er sprach: "owe der frivnde,   die ich verlorn han!

Verse: 4     nv mvz ich leider eine   bi minen fianden stan
Verse: 4A     nv mvͦz ich leider eine   bi minen vienden stan."
Verse: 4B     nv mvz ich leider eine   bi minen fianden stan."
Verse: 4C     nv mvz ich leider eine   bi minen vianden stan."



Strophe: 2031   { |X1938 / Strophe of Ms. A: 1875   / Strophe of Ms. B: 1935   / Strophe of Ms. C: 1990   }


Verse: 1     div swert genote vielen   vf sin eines lip
Verse: 1A     Div swert genote vieln   vf sin eins lip.
Verse: 1B     Div swert genote vielen   vf sin eines lip.
Verse: 1C     D2iv swert genote vielen   vf sin eines lip.

Verse: 2     daz mvse sit beweinen   vil maneges heldes wip
Verse: 2A     daz mvͦse sit beweinen   vil maniges heldes wip.
Verse: 2B     daz mvse sit beweinen   vil maneges heldes wip.
Verse: 2C     daz mvse sit beweinen   vil maniges heldes wip.

Verse: 3     den schilt den rvcht er hoher   den vezel nider baz
Verse: 3A     den schilt den rvcte er hoher,   den vezzel nider baz.
Verse: 3B     den <schilt> den rvcht er hoher,   den vezel nider baz.
Verse: 3C     den schilt er rvͦchter hoher,   den vezzel nider baz.

Verse: 4     do frvmt er vil der ringe   mit blvote vliezende naz
Verse: 4A     do vrumte er vil der ringe   von blvͦte vliezende naz.
Verse: 4B     do frvmt er vil der ringe   mit blvͦte vliezende naz.
Verse: 4C     do frvmt er vil der ringe   mit blvte vliezende naz.



Strophe: 2032   { |X1939 / Strophe of Ms. A: 1876   / Strophe of Ms. B: 1936   / Strophe of Ms. C: 1991   }


Verse: 1     so we mir dirre leide   sprach aldrianes chint
Verse: 1A     "So we mir dirre leide",   sprach Aldrians kint.
Verse: 1B     "S2o we mir dirre leide",   sprach Aldrianes chint.
Verse: 1C     "Owe mir dirre leide",   sprach Adrians kint.

Verse: 2     nv wichet hivnen reckn   ir lat mich an den wint
Verse: 2A     "nv wichet, Hvnen reken.   ir lat mich an den wint,
Verse: 2B     "nv wichet, Hivnen reckn.   ir lat mich an den wint,
Verse: 2C     "nv wichent, Hvnen rechen.   ir lat mich an den wint,

Verse: 3     daz der lvft erchvele   mich stvrmenmveden man
Verse: 3A     daz der lvft erkvͤle   mich stvrmmvͤden man." \   { \ Page of Ms. C: 76b  C:_76b }
Verse: 3B     daz der lvft erchvͤle   mich stvrmen mvͤden man."
Verse: 3C     daz der lvfte erchvͤle   mih stvrme mvͤden man."

Verse: 4     do sah man den rechen   vil hart herliche gan
Verse: 4A     do sach man den reken   vil harte vroͤlichen gan.
Verse: 4B     do sah man den rechen   vil hart herliche gan.
Verse: 4C     do begvnder an ir willen   in strite gegen der tvre gan.



Strophe: 2033   { |X1940 / Strophe of Ms. A: 1877   / Strophe of Ms. B: 1937   / Strophe of Ms. C: 1992   }


Verse: 1     also der strites mvede   vz dem hvse spranch
Verse: 1A     Also der stritemvͤde   vz dem hvse spat,
Verse: 1B     Also der strites mvͤde   vz dem hvse spranch,
Verse: 1C     Der helt in grozem zorne   zvͦv dem hvse spranch.

Verse: 2     waz iteniwer swerte   vf sinem helm erchlanch
Verse: 2A     waz iteniwer swerte   vf seim helme erklanch.
Verse: 2B     waz iteniwer swerte   vf sinem helm erchlanch!
Verse: 2C     waz iteniwer swerte   vf sime libe erchlanch!

Verse: 3     di niht gesehen heten   waz wunders tet sin hant
Verse: 3A     die niht gesehen heten   waz wunders tet sin hant,
Verse: 3B     di niht gesehen heten   waz vnders tet sin hant, \   { \ Page of Ms. B: 388b   A:_388b }
Verse: 3C     die niht gesehen heten   waz wnders tet sin hant,

Verse: 4     di sprvngen hin engegene   dem von bvergonden lant
Verse: 4A     die sprvngen enkegne hin   von dem Bvrgonden lant.
Verse: 4B     di sprvngen hin engegene   dem von Bvͤrgonden lant.
Verse: 4C     die mvsen da beliben   von dem vz Burgonden lant.



Strophe: 2034   { |X1941 / Strophe of Ms. A: 1878   / Strophe of Ms. B: 1938   / Strophe of Ms. C: 1993   }


Verse: 1     nv wolde got sprach danchwart   moeht ich den boten han
Verse: 1A     "Nv wolde got", sprach Dancwart,   "moͤht ich den boten han,
Verse: 1B     "Nv wolde got", sprach Danchwart,   "moͤht ich den boten han,
Verse: 1C     "Nv wolde got", sprach Dancwart,   "mohte ich den boten han,

Verse: 2     der minen brvder hagenen   chvnde wizen lan
Verse: 2A     der minen brvͦder Hagnen   kvnde wizzen lan,
Verse: 2B     der minen brvder Hagenen   chvnde wizen lan,
Verse: 2C     der minen brvder Hagenen   chvnde wizzen lan,

Verse: 3     daz ich vor disen rechen   sten in solher not
Verse: 3A     daz ich vor disen reken   sten in soͤlher not,
Verse: 3B     daz ich vor disen rechen   sten in solher not,
Verse: 3C     daz ich vor disen rechen   sten in solher not,

Verse: 4     der hvlfe mir von hinnen   oder er gelaege bi mir tot
Verse: 4A     er hvlfe mir von hinnen   oder er gelege bi mir tot."
Verse: 4B     der hvlfe mir von hinnen   oder er gelæge bi mir tot."
Verse: 4C     er hvlfe mir von hinnen   oder er gelege bi mir tot."



Strophe: 2035   { |X1942 / Strophe of Ms. A: 1879   / Strophe of Ms. B: 1939   / Strophe of Ms. C: 1994   }


Verse: 1     do sprachen hivnen recken   der bot mvstv sin
Verse: 1A     Do sprachen Hvnen reken:   "der bote mvͦstv sin,
Verse: 1B     D2o sprachen Hivnen recken:   "der bot mvstv sin,
Verse: 1C     Do sprachen Hvnen rechen:   "der bote mvstv sin,

Verse: 2     so wir dich tragen toten   fver den brvder din
Verse: 2A     so wir dich tragen toten   fvr den brvͦder din.
Verse: 2B     so wir dich tragen toten   fvͤr den brvder din.
Verse: 2C     so wir dich tragen toten   fvr den brvder din.

Verse: 3     so siht im erste leide   der gvntheres man
Verse: 3A     so silhet im erste leide   der Gvnthers man.
Verse: 3B     so siht im erste leide   der Gvntheres man.
Verse: 3C     so siht im erste leide   der Gunthers man.

Verse: 4     dv hast dem chvenege ecel   so grozen schaden hi getan
Verse: 4A     dv hast dem kvnige Ecele   so grozen schaden hie getan."
Verse: 4B     dv hast dem chvͤnege Ecel   so grozen schaden hi getan."
Verse: 4C     dv hast dem kvnege Ezelen   so grozen schaden hie getan."



Strophe: 2036   { |X1943 / Strophe of Ms. A: 1880   / Strophe of Ms. B: 1940   / Strophe of Ms. C: 1995   }


Verse: 1     er sprach nv lat daz drewen   vnde wichet hoher baz
Verse: 1A     Er sprach: "nv lat daz dron   vñ wihet hoher baz.
Verse: 1B     Er sprach: "nv lat daz drewen   vnde wichet hoher baz.
Verse: 1C     "N2v lat die dro beliben   vñ stet vf hoher baz.

Verse: 2     ia getvn ich etelichem   noch di ringe naz
Verse: 2A     ia getvͦn ich eteslichem   noh die ringe naz.
Verse: 2B     ia getvn ich etelichem   noch di ringe naz.
Verse: 2C     ia getvn ich eteslichem   noch die ringe naz.

Verse: 3     ich wil div maere selbe   hin ce hove sagen
Verse: 3A     ich wil div mere selbe   hin ze hove sagen,
Verse: 3B     ich wil div mære selbe   hince hove sagen,
Verse: 3C     nv wer mirz swer der welle,   ich wil ze hove gan

Verse: 4     vnde wil ovh minen herren   minen grozen chvmber chlagen
Verse: 4A     vñ wil oͮch minen herren   minen grozen kvmber klagen."
Verse: 4B     vnde wil ovh minen herren   minen grozen chvmber chlagen."
Verse: 4C     vñ wil selbe disiv mære   minen herren wizzen lan."



Strophe: 2037   { |X1944 / Strophe of Ms. A: 1881   / Strophe of Ms. B: 1941   / Strophe of Ms. C: 1996   }


Verse: 1     er leidete sich so sere   den eceln man
Verse: 1A     Er leidete sich so sere   den Eceln man,
Verse: 1B     Er leidete sich so sere   den Eceln man,
Verse: 1C     Er leidete sich so sere   den Ezeln man,

Verse: 2     daz si in mit den swerten   torsten niht bestan
Verse: 2A     daz si in mit den swerten   torsten niht hestan.
Verse: 2B     daz si in mit den swerten   torsten niht bestan.
Verse: 2C     daz si in mit den swerten   nv torsten niht bestan.

Verse: 3     do shvzen si der gere   so vil in sinen rant
Verse: 3A     do schvzzen si der gere   so vil in sinen rant,
Verse: 3B     so shvzen si der gere   so vil in sinen rant,
Verse: 3C     do schvzzen si der gere   so vil in sinen rant,

Verse: 4     daz er in dvrch di swaere   mvse lazen von der hant
Verse: 4A     daz er in dvrch die swere   mvͦse lazen von der hant.
Verse: 4B     daz er in dvrch di swære   mvse lazen von der hant.
Verse: 4C     daz er in dvrch die swære   mvse lazen von der hant.



Strophe: 2038   { |X1945 / Strophe of Ms. A: 1882   / Strophe of Ms. B: 1942   / Strophe of Ms. C: 1997   }


Verse: 1     do wanden si in betwingen   do er niht schildes trvch
Verse: 1A     Do wandens in betwingen,   do er niht schildes trvͦch.
Verse: 1B     D2o wanden si in betwingen,   do er niht schildes trvch.
Verse: 1C     Si wanden in betwingen,   do er niht schildes trvͦc.

Verse: 2     hey waz er tiefer wunden   dvrch di shilde slvch
Verse: 2A     hei waz er tiefer wunden   dvrch die helme slvͦch!
Verse: 2B     hey waz er tiefer wnden   dvrch di shilde slvch!
Verse: 2C     hey waz er tiefer wnden   sit dvrch hclme slvͦc!

Verse: 3     des mvse vor im strvchen   vil manich chvener man
Verse: 3A     des mvͦse vor im striche   manich kvͤner man.
Verse: 3B     des mvse vor im strvchen   vil manich chvͤner man.
Verse: 3C     des mvse vor im strvͦchen   vil manic kviier man.

Verse: 4     darvmbe lop vil grozen   der starche danchwart gewan
Verse: 4A     darvmbe lop vil grozen   der kvͤne Dancwart gewan.
Verse: 4B     dar vmbe lop vil grozen   der starche Danchwart gewan.
Verse: 4C     darvmbe lop vil grozen   der chvne Danchwart gewan.



Strophe: 2039   { |X1946 / Strophe of Ms. A: 1883   / Strophe of Ms. B: 1943   / Strophe of Ms. C: 1998   }


Verse: 1     ze beiden sinen siten   sprvngen si im zv
Verse: 1A     Ze beiden sinen siten   sprvngen si im zvͦ.
Verse: 1B     Ze beiden sinen siten   sprvngen si im zv.
Verse: 1C     Ze beiden sinen siten   si im sprvngen zvͦ.

Verse: 2     ia chom ir islicher   in den strit ze frv
Verse: 2A     ia kom ir eteslicher   in den strit ze vrvͦ.
Verse: 2B     ia chom ir islicher   in den strit ze frv.
Verse: 2C     ia chom ir eteslicher   in den strit ze frvͦ.

Verse: 3     do gi er vor den vienden   als ein eberswin
Verse: 3A     do gie er vor den vienden   alsam ein eberswin
Verse: 3B     do gi er vor den vienden   als ein eberswin
Verse: 3C     er gie vor sinen vienden   alsam ein eberswin

Verse: 4     ce walde tvt vor hvnden   wi moht er chvener gesin
Verse: 4A     ze walde tvͦt vor hvnden;   wie moht er kvͤner gesein!
Verse: 4B     ce walde tvt vor hvnden;   wi moht er chvͤner gesin!
Verse: 4C     ze walde tvͦt vor hvnden;   wie moͤhter kvner gesin!



Strophe: 2040   { |X1947 / Strophe of Ms. A: 1884   / Strophe of Ms. B: 1944   / Strophe of Ms. C: 1999   }


Verse: 1     sin vart wart erniwet   von heizem blvte naz
Verse: 1A     Sin vart <div> wart erniwet   von heizem blvͦte naz.
Verse: 1B     Sin vart wart erniwet   von heizem blvte naz.
Verse: 1C     Sin vart div wart erniwet   von heizem blvte naz.

Verse: 2     ia ne chvnde ein einech recke   gestriten nimmer baz
Verse: 2A     wie kvnd ein einich reke   gestriten immer baz
Verse: 2B     iane chvnde ein einech recke   gestriten nimmer baz
Verse: 2C     iane chvnde ein einer reche   gestriten nimmer baz

Verse: 3     sinen vianden   danne   er het getan
Verse: 3A     mit sinen vinden   dann er hete getan!
Verse: 3B     sinen vianden   danner   er het getan.
Verse: 3C     mit also vil der viende   denner hete getan.

Verse: 4     man sach den hagenen brvder   ce hove herlichen gan
Verse: 4A     man sach Hagnen brvͦder   ze hove herlichen gan.
Verse: 4B     man sach den Hagenen brvder   ce hove herlichen gan.
Verse: 4C     do mvsen si in lazen   ane ir danc ze hove gan.



Strophe: 2041   { |X1948 / Strophe of Ms. A: 1885   / Strophe of Ms. B: 1945   / Strophe of Ms. C: 2000   }


Verse: 1     trvhsaezen vnde shenchen   di horten swerte chlanch
Verse: 1A     Trvhsatze vñ schenchen   die horten swerte klanch.
Verse: 1B     T2rvhsæzen vnde shenchen   di horten swerte chlanch.
Verse: 1C     T2rvhsêzzen vñ schenchen   die horten swerte chlanc.

Verse: 2     vil maneger do daz trinchen   von der hende swanch
Verse: 2A     vil maniger do daz trinchen   von der hende swanch
Verse: 2B     vil maneger do daz trinchen   von der hende swanch,
Verse: 2C     vil maniger do daz trinchen   von der hende swanch,

Verse: 3     vnde etesliche spise   di man ze hove trvch
Verse: 3A     vñ eteliche spise,   die man ze hove trvͦch.
Verse: 3B     vnde etesliche spise,   di man ze hove trvch.
Verse: 3C     vñ svmeliche spise,   die man ze hove trvͦc.

Verse: 4     do chom im vor der stiegen   der starchen viende genvch
Verse: 4A     do kom im vor der stiegen   der starken viende genvͦch.
Verse: 4B     do chom im vor der stiegen   der starchen viende genvch.
Verse: 4C     do chom im vor der stiegen   der starchen viende genvͦc.



Strophe: 2042   { |X1949 / Strophe of Ms. A: 1886   / Strophe of Ms. B: 1946   / Strophe of Ms. C: 2001   }


Verse: 1     wi nv ir trvhsaezen   sprach der mvede degen
Verse: 1A     "Wie nv ir trvhsetzen",   sprach der mvͤde degne.
Verse: 1B     "Wi nv, ir trvhsæzen",   sprach der mvͤde degen.
Verse: 1C     "Wie nv, ir gvten knehte!"   sprach der mvde degen.

Verse: 2     ia soldet ir der geste   vil gvetliche pflegen
Verse: 2A     "ia soldet ir der geste   vil gvͤtlichen phlegen,
Verse: 2B     "ia soldet ir der geste   vil gvͤtliche pflegen,
Verse: 2C     "ia soldet ir der geste   gvͤtliche pflegen,

Verse: 3     vnde soldet ir den herren   gvte spise tragen
Verse: 3A     vñ soldet den herren   gvͦte spise tragen,
Verse: 3B     vnde soldet ir den her \ herren   gvte spise tragen,   { \ Page of ms. B: 389a   B:_389a }
Verse: 3C     vñ soldet nv den herren   die edeln spise tragen,

Verse: 4     vnde liezet et mich den minen herren   div maere rehte sagen
Verse: 4A     vñ liezet mich div mere   minen lieben herren sagen."
Verse: 4B     vnde <liezet> mich den minen herren   div mære rehte sagen."
Verse: 4C     vñ liezet \ mich div mere   ze hove minen herren sagen."   { \ Page of ms. B: 71v   B:_71v }



Strophe: 2043   { |X1950 / Strophe of Ms. A: 1887   / Strophe of Ms. B: 1947   / Strophe of Ms. C: 2002   }


Verse: 1     swelher im dvrch sin ellen   fver di stiege spranch
Verse: 1A     Swelher dvrch sein eilen   im fvr die stiegen spranch,
Verse: 1B     Swelher im dvrch sin ellen   fvͤr di stiege spranch,
Verse: 1C     Swelher dvrch sin ellen   im fvr die stiegen spranch,

Verse: 2     der slvch er eteslichem   so grimmen swertes swanch
Verse: 2A     der slvͦg er etelichen   so sweren swertes swanch,
Verse: 2B     der slvch er eteslichem   so grimmen swertes swanch,
Verse: 2C     der slvger eteslichem   so swæren swertes swanc,

Verse: 3     daz si dvrch di vorhte   vf hoher mvsen stan
Verse: 3A     daz si dvrch die vorhte   vf hoher mvͦsen stan.
Verse: 3B     daz si dvrch di vorhte   vf hoher mvsen stan.
Verse: 3C     daz si dvrch die vorhte   vf hoher mvsen stan.

Verse: 4     ez het sin starchen ellen   vil michel wunder gatan
Verse: 4A     ez het sin starchez ellen   vil michel wunders getan.
Verse: 4B     ez het sin <starche> ellen   vil michel wnder gatan.
Verse: 4C     ia het sin starchez ellen   vil maniges ende getan.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.