TITUS
Der Nibelunge Not
Part No. 34
Previous part

Adventure: XXXIV  
{ A_XXXIII } Wie si toten abe wurfen

Strophe: 2105   { |X2009 / Strophe of Ms. A: 1946   / Strophe of Ms. B: 2006   / Strophe of Ms. C: 2064   }


Verse: 1     di herren nach ir mvede   sazen do ce tal
Verse: 1A     D4ie herren nach ir mvͤde   gesazen do zetal.
Verse: 1B     <D4i> herren nach ir mvͤde   sazen do ce tal.
Verse: 1C     Die herren nach ir mvͤde   gesazen do zetal:

Verse: 2     volker vnde hagene   giengen fver den sal
Verse: 2A     Volker vñ Hagne   die ǥienǥen fvr den sal.
Verse: 2B     Volker vnde Hagene   giengen fvͤr den sal.
Verse: 2C     Volker vñ Hagene   die giengen fvr den sal.

Verse: 3     sich leinten veber schilde   di vebermvten man
Verse: 3A     sich leinden vber schilde   die vbermvͤten man.
Verse: 3B     sich leinten vͤber schilde   di vͤbermvten man.
Verse: 3C     sich leinten vf die schilde   die vbermvten man.

Verse: 4     do wart da rede vil spaehe   von in beiden getan
Verse: 4A     do wart da rede spehe   von in beiden vil getan.
Verse: 4B     do wart da rede vil spæhe   von in beiden getan.
Verse: 4C     da wart rede genvͦge   von in beiden getan.



Strophe: 2106   { |X2010 / Strophe of Ms. A: 1947   / Strophe of Ms. B: 2007   / Strophe of Ms. C: 2065   }


Verse: 1     do sprach von bvergonden   giselher der degen
Verse: 1A     Do sprach von Bvrgonden   Gyselher der degen:
Verse: 1B     Do sprach von Bvͤrgonden   Giselher der degen:
Verse: 1C     Do sprach von Burgonden   Giselher der degen:

Verse: 2     ia ne mveget ir liebe vrivnde   ruwe niht gepflegen
Verse: 2A     "ia mvget ir lieben vrivnde   noch ruͤwe niht geplegen.
Verse: 2B     "iane mvͤget ir, liebe vrivnde,   rwe niht gepflegen.
Verse: 2C     "iane mvͤgt ir, lieben frivnde,   niht rowe noch gepflegen.

Verse: 3     ir svlt di toten livte   vz dem hvse tragen
Verse: 3A     ir svlt die toten lvte   vz dem hvse tragen.
Verse: 3B     ir svlt di toten livte   vz dem hvse tragen.
Verse: 3C     ir svlt die toten lvte   vz dem hvse tragen.

Verse: 4     wir werden noch bestanden   ich wilz iv waerliche sagen
Verse: 4A     wir werden noch bestanden,   ich wilz iv werlichen sagen.
Verse: 4B     wir werden noch bestanden,   ich wilz iv wærliche sagen.
Verse: 4C     wir werden noch bestanden,   ich wilz iv wærliche sagen."



Strophe: 2107   { |X2011 / Strophe of Ms. A: 1948   / Strophe of Ms. B: 2008   }


Verse: 1     si ne svln vns vnder fvezen   hi niht langer ligen
Verse: 1A     Si svln vns vnder fvͤzen   hie niht langer ligen.
Verse: 1B     Sine svln vns vnder fvͤzen   hi niht langer ligen.

Verse: 2     e daz vns di hivnen   mit stvrme an gesigen
Verse: 2A     e daz vns die Hvnen   mit stvrme an gesigen,
Verse: 2B     ê daz vns di Hivnen   mit stvrme an gesigen,

Verse: 3     wir gehauowen noch di wunden   di mir sanfte tvt
Verse: 3A     wir howen noch die wunden,   div mir vil sanfte tvͦt.
Verse: 3B     wir gehawͦen noch di wnden,   di mir sanfte tvt.

Verse: 4     des han ich sprach do giselher   einen staetigen mvt
Verse: 4A     des han ich", sprach do Geyselher,   "einen stetigen mvͦt."
Verse: 4B     des han ich", sprach do Giselher,   "einen stætigen mvt."



Strophe: 2108   { |X2012 / Strophe of Ms. A: 1949   / Strophe of Ms. B: 2009   / Strophe of Ms. C: 2066   }


Verse: 1     so wol mich soelhes herren   sprach do hagene
Verse: 1A     "So wol mich solhez herren",   sprach do Hagne.
Verse: 1B     "S2o wol mich soͤlhes herren",   sprach do Hagene.
Verse: 1C     "So wol mich solhes herren",   sprach do Hagene.

Verse: 2     der rat en zaeme niemen   wan einem degene
Verse: 2A     "der rat enzeme niemen   wan eime degne,
Verse: 2B     "der rat enzæme niemen   wan einem degene,
Verse: 2C     "der rat enzæme niemen   wan eime degene,

Verse: 3     den vns min ivnger herre   hivte hat getan
Verse: 3A     den vns min ivnger herre   hivte hat getan. \   { \ Page of Ms. C: 79b  C:_79b }
Verse: 3B     den vns min ivnger herre   hivte hat getan.
Verse: 3C     den vns min ivnger herre   hivte hat getan.

Verse: 4     des mveget ir bvergonden   alle vil vroeliche stan
Verse: 4A     des mvget ir Burgonden   alle vroͤlichen stan."
Verse: 4B     des mvͤget ir Bvͤrgonden   alle vil vroͤliche stan."
Verse: 4C     des mvgt ir Bvrgonden   alle vroͤliche stan."



Strophe: 2109   { |X2013 / Strophe of Ms. A: 1950   / Strophe of Ms. B: 2010   / Strophe of Ms. C: 2067   }


Verse: 1     do volgeten si dem rate   vnt tvrgen fver di tver
Verse: 1A     Do volgten si dem rate   vñ trvͦgen fvr die tvr
Verse: 1B     Do volgeten si dem rate   vnt tvrgen fvͤr de tvͤr
Verse: 1C     D2o volgeten si dem kinde   vñ trvgen fvr die tvͤr

Verse: 2     siben tvsent toten   wurfen si darfver
Verse: 2A     siben tvsent toten   wurfen si der fvr.
Verse: 2B     siben tvsent toten   wrfen si darfvͤr.
Verse: 2C     wol zwei tvsent toten   wrfen si derfvͤr.

Verse: 3     vor des sales stiegen   da vielen si ce tal
Verse: 3A     vor des sales stiegen   vieln si cetal.
Verse: 3B     vor des sales stiegen   da vielen si ce tal.
Verse: 3C     vor des sales stiegen   vielen si zetal.

Verse: 4     do hvb sich von ir magen   ein vil chlagelicher schal
Verse: 4A     do hvͦp sich von ir magen   ein vil klagelicher schal.
Verse: 4B     do hvb sich von ir magen   ein vil chlagelicher schal.
Verse: 4C     do hvͦp sich von ir mâgen   ein vil klagelicher schal.



Strophe: 2110   { |X2014 / Strophe of Ms. A: 1951   / Strophe of Ms. B: 2011   / Strophe of Ms. C: 2068   }


Verse: 1     ez was ir etelicher   so maezlichen wunt
Verse: 1A     Ez waz ir etlicher   so mazlichen wunt,
Verse: 1B     Ez was ir etlicher   so mæzlichen wnt,
Verse: 1C     Ez was ir etelicher   so mæzliche wnt,

Verse: 2     der sin sapfter pflaege   er wuerde noch gesvnt
Verse: 2A     der sin sanfter pflege,   er wurde noch gesvnt,
Verse: 2B     der sin sapfter pflæge,   er vͤrde noch gesvnt,
Verse: 2C     der sin mit helfe pflæge,   er wrde noch gesvnt,

Verse: 3     der vor dem hohen valle   mvese ligen tot
Verse: 3A     der von dem hohen valle   mvͦze ligen tot.
Verse: 3B     der vor dem hohen valle   mvͤse ligen tot.
Verse: 3C     der von dem hohem valle   mvse ligen tot.

Verse: 4     daz chlageten do ir frivnde   des gi in waerliche not
Verse: 4A     daz klagten al ir vriunde;   des gie in werlichen not.
Verse: 4B     daz chlageten do ir frivnde;   des gi in wærliche not.
Verse: 4C     die klagten do ir frivnde;   des twanch si iamerhaftiv not.



Strophe: 2111   { |X2015 / Strophe of Ms. A: 1952   / Strophe of Ms. B: 2012   / Strophe of Ms. C: 2069   }


Verse: 1     do sprach der videlaere   volker ein helt gemeit
Verse: 1A     Do sprach der videlere,   Volker, ein helt gemeit:
Verse: 1B     D2o sprach der videlære,   Volker, ein helt gemeit:
Verse: 1C     Do sprach der videlære,   ein reche vil gemeit:

Verse: 2     nv chivse ich des die warheit   als mir ist geseit
Verse: 2A     "nv kiuse ich des die warheit,   als mir ist geseit,
Verse: 2B     "nv chivse ich des die warheit,   als mir ist geseit,
Verse: 2C     "nv chivse ich des die wareheit,   als ma mir hat gesæit,

Verse: 3     di hivnen di sint boese   si clagent sam div wip
Verse: 3A     die Hvnen sint boͤse;   si klagent sam div wip.
Verse: 3B     di Hivnen di sint boͤse;   si clagent sam div wip.
Verse: 3C     die Hvnen sint vil boͤse;   si chlagent sam div wip.

Verse: 4     nv solden si bervchen   der vil sere wunden lip
Verse: 4A     si solden wan bervͦchen   der vil sere wunden lip."
Verse: 4B     nv solden si bervchen   der vil sere wnden lip."
Verse: 4C     nv solden si bervchen   der vil sere wnder lip."



Strophe: 2112   { |X2016 / Strophe of Ms. A: 1953   / Strophe of Ms. B: 2013   / Strophe of Ms. C: 2070   }


Verse: 1     do wande ein margrave   er riet iz dvrch gvt
Verse: 1A     Do wand ein marcraue,   er reitez dvrch gvͦt.
Verse: 1B     Do wande ein margrave,   er riet iz dvrch gvt.
Verse: 1C     Do wande ein marcgrave,   er reit ez dvrch gvͦt.

Verse: 2     er sach einen sinen mach   gevallen in daz plvt
Verse: 2A     er sach einen sinen mak   gevallen in daz blvͦt.
Verse: 2B     er sach einen sinen mach   gevallen in daz plvt.
Verse: 2C     er sach einen sinen mach   gevallen in daz blvͦt.

Verse: 3     er besloz in mit den armen   vnde wold in tragen dan
Verse: 3A     er beslorin mit den armen   vñ wold in tragen dan.
Verse: 3B     er besloz in mit den armen   vnde wold in tragen dan.
Verse: 3C     er besloz in mit den armen   vñ wolde in tragen dan.

Verse: 4     den schoz ob im ce tode   der vil chvene spileman
Verse: 4A     den schoz ob im ze tode   der vil kvͤne spilman.
Verse: 4B     den schoz ob im ce tode   der vil chvͤne spileman.
Verse: 4C     den schoz ob im ze tode   der vil chvne spileman.



Strophe: 2113   { |X2017 / Strophe of Ms. A: 1954   / Strophe of Ms. B: 2014   / Strophe of Ms. C: 2071   }


Verse: 1     do daz di ander sahen div flvht   div hvop sich dan
Verse: 1A     Do die andern daz <sahen>,   div flvht hvͦp sich von dan.
Verse: 1B     Do daz di ander sahen,   div flvht div \ hvͦp sich dan.   { \ Page of Ms. B: 393a   A:_393a }
Verse: 1C     Do dandern daz gesahen,   div flvht hvp sich von dan.

Verse: 2     si begonden alle vlvchen   dem selbem spileman
Verse: 2A     si begvnden alle vluͦchen   dem selbem spilman.
Verse: 2B     si begonden alle vlvchen   dem selbem spileman.
Verse: 2C     si begvnden alle flvchen   dem selben spileman.

Verse: 3     einen gere er vf gezvchte   vil scharpf vnde vil hart
Verse: 3A     einen ger er vf zvcte   vil scharf vñ hart,
Verse: 3B     einen gere er vf gezvchte,   vil scharpf vnde vil hart,
Verse: 3C     noh hvͦb er vnder fvzen   eínen ger vil hart,

Verse: 4     der von einem hivnen   zv zim darvf geschozen wart
Verse: 4A     der von eime Hvͤnen   zvͦ im dar vf geschozzen wart.
Verse: 4B     der von einem Hivnen   zv zim dar vf geschozen wart.
Verse: 4C     der von eime Hvnen   in daz hvs geschozzen wart.



Strophe: 2114   { |X2018 / Strophe of Ms. A: 1955   / Strophe of Ms. B: 2015   / Strophe of Ms. C: 2072   }


Verse: 1     den shoz er crepftelichen   dvrch di bvrch dan
Verse: 1A     Den schoz er krefticlichen   dvrch die burch dan
Verse: 1B     D2en shoz er crepftelichen   dvrch di bvrch dan
Verse: 1C     Den schoz er do hin widere   dvrch die bvrch dan

Verse: 2     veber daz volch vil verre   den eceln man
Verse: 2A     vber daz volch verre.   den Eceln man
Verse: 2B     vͤber daz volch vil verre.   den Eceln man
Verse: 2C     mit siner chraft so verre.   den Ezelen man

Verse: 3     gab er herberge   hoher von dem sal
Verse: 3A     gab er herberge   hoher von dem sal.
Verse: 3B     gap er herberge   hoher von dem sal.
Verse: 3C     gaber herberge   vͦf hoher von dem sal.

Verse: 4     sin vil starchez ellen   di livte forhten veber al
Verse: 4A     sin vil starkez ellen   die lvte vorhten vber al.
Verse: 4B     sin vil starchez ellen   di livte vorhten vͤber al.
Verse: 4C     daz sin vil starchez ellen   die lvte vorhten vber al.



Strophe: 2115   { |X2019 / Strophe of Ms. A: 1956   / Strophe of Ms. B: 2016   / Strophe of Ms. C: 2073   }


Verse: 1     do stvnden vor dem hvse   vil manech tvsent man
Verse: 1A     Do stvͦnden vor dem hvse   manich tvsent man.
Verse: 1B     So stvnden vor dem hvse   vil manech tvsent man.
Verse: 1C     D2o stvnden vor dem hvͦse   Ezel vñ sine man.

Verse: 2     volker vnde hagene   reden do began
Verse: 2A     Volker vñ Hagne   reden do began
Verse: 2B     Volker vnde Hagene   reden do began
Verse: 2C     Volker vñ Hagene   reden do began

Verse: 3     mit ecel dem chvenege   allen iren mvt
Verse: 3A     mit Eceln dem kvnige   allen ir mvͦt.
Verse: 3B     mit Ecel dem chvͤnege   allen iren mvt.
Verse: 3C     mit der Hvnen kvnige   ir willen vñ mvͦt.

Verse: 4     des chomen sit in sorge   di helde chvene vnd gvt
Verse: 4A     des komen sit in sorge   die helde kvͤne vñ gvͦt.
Verse: 4B     des chomen sit in sorge   di helde chvͤne vnd gvt.
Verse: 4C     des chomen sit in sorgen   die helede chvͤn vñ gvͦt.



Strophe: 2116   { |X2020 / Strophe of Ms. A: 1957   / Strophe of Ms. B: 2017   / Strophe of Ms. C: 2074   }


Verse: 1     ez zaeme so sprach hagene   vil wol volches trost
Verse: 1A     "Ez zæme", so sprach Hagne,   "vil wol volker trost,
Verse: 1B     "Ez zæme", so sprach Hagene,   "vil wol volches trost,
Verse: 1C     "Ez zæme", so sprach Hagene,   "vil wol volches trost,

Verse: 2     daz di herren vehten   zaller vorderost
Verse: 2A     daz die herren vehten   ze aller vorderost,
Verse: 2B     daz di herren vehten   zaller vorderost,
Verse: 2C     daz die herren væhten   zaller vorderost,

Verse: 3     also der minen herren   hi ieslicher tvt
Verse: 3A     also der minen herren   hie islicher tvͦt.
Verse: 3B     also der minen herren   hi ieslicher tvt.
Verse: 3C     also der kvnec Gvnther   vnde Gernot hie tvͦt.

Verse: 4     di howent dvrch di helme   nach swerten vlivzet daz plvt
Verse: 4A     die howent dvrch die helme   daz nach den swerten vlivzet blvͦt."
Verse: 4B     di howent dvrch di helme;   nach swerten vlivzet daz plvt."
Verse: 4C     die howent dvrch die helme;   nach swerten vlvzet daz blvͦt."



Strophe: 2117   { |X2021 / Strophe of Ms. A: 1958   / Strophe of Ms. B: 2018   / Strophe of Ms. C: 2075   }


Verse: 1     ecel was so chvene   er vazete sinen schilt
Verse: 1A     Ecel waz der kvͤne,   er vazte sinen schilt.
Verse: 1B     E2cel was so chvͤne,   er vazete sinen schilt.
Verse: 1C     Ezele was so chvne,   er vazzete sinen schilt.

Verse: 2     nv vart gewerliche   sprach vrov criemhilt
Verse: 2A     "nv vart gewerlich",   sprach vroͮ Kriemhilt,
Verse: 2B     "nv vart gewerliche",   sprach vrov Criemhilt,
Verse: 2C     "nv vart gewærliche",   sprach min froͤ Chriemh',

Verse: 3     vnde bietet ir den recken   daz golt veber rant
Verse: 3A     "vñ bietet ir den reken   daz golt vber rant,
Verse: 3B     "vnde bietet ir den recken   daz golt vͤber rant,
Verse: 3C     "vñ bietet ir den rechen   daz golt vber rant,

Verse: 4     wande erreichet ivch dort hagene   ir habt den tot an der hant
Verse: 4A     wan erreichet ivch Hagne,   ir habet den tot an der hant."
Verse: 4B     wande erreichet ivch dort Hagene,   ir habt den tot an der hant."
Verse: 4C     wan erreichet ivch dort Hagene,   ir habt den tot an der hant."



Strophe: 2118   { |X2022 / Strophe of Ms. A: 1959   / Strophe of Ms. B: 2019   / Strophe of Ms. C: 2076   }


Verse: 1     der chvenech der was so chvene   er wold erwinden niht
Verse: 1A     Der kvnic waz so kvͤne,   er sold erwinden niht -
Verse: 1B     Der chvͤnech der was so chvͤne,   er wold erwinden niht -
Verse: 1C     Done wolde der kvnec here   des strites erwinden niht -

Verse: 2     daz von so richem fversten   vil selten nv geschit
Verse: 2A     daz von so richen fursten   selden nv geschiht.
Verse: 2B     daz von so richem fvͤrsten   vil selten nv geschit.
Verse: 2C     daz von so ri\chen fvrsten   selten nv geschiht.   { \ Page of ms. B: 74v   B:_74v }

Verse: 3     man mvse in bi dem vezel   ziehen wider dan
Verse: 3A     man mvͦs in bi dem vezzel   ziehen wider dan.
Verse: 3B     man mvse in bi dem vezel   ziehen wider dan.
Verse: 3C     man mvͦs in bi dem vezzil   wider ziehen dan.

Verse: 4     hagen der grimme   in aber hoenen began
Verse: 4A     Hagne der grimme   in aber hoͤnen began.
Verse: 4B     Hagen der grimme   in aber hoͤnen began.
Verse: 4C     Hagene der grimme   sin spotten aber began.



Strophe: 2119   { |X2023 / Strophe of Ms. A: 1960   / Strophe of Ms. B: 2020   / Strophe of Ms. C: 2077   }


Verse: 1     ez was ein verriv sippe   sprach hagen der degen
Verse: 1A     "Ez was ein verre sippe",   sprach Hagne der degne,
Verse: 1B     "Ez was ein verriv sippe",   sprach Hagen der degen,
Verse: 1C     "Ez was ein nahiv sippe",   sprach do Hagene,

Verse: 2     di ecel vnde sifrit   cesamne heten gepflegen
Verse: 2A     "wie Ecel vñ Sifrit   zesamne hat gephlegen.
Verse: 2B     "di Ecel vnde Sifrit   cesamne heten gepflegen.
Verse: 2C     "die Sivrit vñ Ezele   heten zesamene.

Verse: 3     er minnete criemhilden   e si ie gesaehe dich
Verse: 3A     er minnete Kriemhilden,   e si ie gesæhe dich.
Verse: 3B     er minnete Criemhilden,   ê si ie gesæhe dich.
Verse: 3C     er minnete Chriemh'   ê si ie gesæhe dich.

Verse: 4     kvenech vil boese   warvmbe raetest an mich
Verse: 4A     kvnich vil boͤse,   warvmbe ratest ane mich?"
Verse: 4B     kvͤnech vil boͤse,   warvmbe rætest an mich?"
Verse: 4C     kvnic vil boͤse,   warvmbe rætest an mich?"



Strophe: 2120   { |X2024 / Strophe of Ms. A: 1961   / Strophe of Ms. B: 2021   / Strophe of Ms. C: 2078   }


Verse: 1     dise rede horte   des edeln chveneges wip
Verse: 1A     Dise rede horte   des edeln kvniges wip.
Verse: 1B     D2ise rede horte   des edeln chvͤneges wip.
Verse: 1C     D2ise rede horte   wol des kvniges wip.

Verse: 2     des wart in vngemvete   der criemhilde lip
Verse: 2A     des wart in vngemvͤte   Kriemhilde lip,
Verse: 2B     des wart in vngemvͤte   der Criemhilde lip,
Verse: 2C     des wart vil vnmvtes   der Chriemh' lip,

Verse: 3     daz er si getorste shelten   vor eceln man
Verse: 3A     daz er si torste schelden   vor Ecelen man.
Verse: 3B     daz er si getorste shelten   vor Eceln man.
Verse: 3C     daz er si torste schelten   vor Ezelen man.

Verse: 4     darvmbe si aber raten   an di geste began
Verse: 4A     darvmbe si aber raten   an die geste began. \   { \ Page of Ms. C: 80a  C:_80a }
Verse: 4B     dar vmbe si aber raten   an di geste began.
Verse: 4C     dar vmbe si aber raten   an die geste began.



Strophe: 2121   { |X2025 / Strophe of Ms. A: 1962   / Strophe of Ms. B: 2022   / Strophe of Ms. C: 2079   }


Verse: 1     si sprach der mir von tronege   hagenen slvege
Verse: 1A     Si sprach: "der von Trony   Hagen slvͤge
Verse: 1B     Si sprach: "der mir von Tronege   Hagenen slvͤge
Verse: 1C     Si sprach: "der mir von Tronegen   Hagenen slvͤge

Verse: 2     vnde mir sin hovbet   her fver mich trvege
Verse: 2A     vñ mir sin hoͮbet   her fvr mich trvͦge,
Verse: 2B     vnde mir sin hovbet   her fvͤr mich trvͤge,
Verse: 2C     vñ mir sin ho^bet   ze gibe trvge,

Verse: 3     dem fvlt ich rotes goldes   den eceln rant
Verse: 3A     dem svlt ich rotes goldes   den Eceln rant.
Verse: 3B     dem fvlt ich rotes goldes   den Eceln rant.
Verse: 3C     dem fvlt ich rotes goldes   den Ezeln rant.

Verse: 4     darzv gaebe ich im ce miete   vil gvte bverge vnde lant
Verse: 4A     dar zvͦ gebe ich im ze miete   vil gvͦte bvrge vñ lant."
Verse: 4B     dar zv gæbe ich im ce miete   vil gvte \ bvͤrge vnde lant."   { \ Page of Ms. B: 393b   A:_393b }
Verse: 4C     ovch gæb ich im ze miete   vil gvte bvrge vñ lant."



Strophe: 2122   { |X2026 / Strophe of Ms. A: 1963   / Strophe of Ms. B: 2023   / Strophe of Ms. C: 2080   }


Verse: 1     nv weiz ich wes si bitent   sprach der spilman
Verse: 1A     "Nv enweiz ich wes si bitent",   sprach der spilman.
Verse: 1B     "Nv weiz ich wes si bitent",   sprach der spilman.
Verse: 1C     "Nvne weiz ich wes si bitent",   sprach der spileman.

Verse: 2     ine gesach ni helde   so zaegelichen stan
Verse: 2A     "ine gesach nie helde me   so zagelichen stan,
Verse: 2B     "ine gesach ni helde   so zægelichen stan,
Verse: 2C     "ine gesach nie helde mere   so zageliche stan,

Verse: 3     da man horte bieten   also hohen solt
Verse: 3A     da man horte bieten   also hohen solt.
Verse: 3B     da man horte bieten   also hohen solt.
Verse: 3C     da man horte bieten   so rehte richen solt.

Verse: 4     ia ne sol in ecel   darvmbe nimmer werden holt
Verse: 4A     ia ensold in Ecel   darvmbe nimmer werden holt.
Verse: 4B     iane sol in Ecel   dar vmbe nimmer werden holt.
Verse: 4C     si mohten gerne dienen   die bvrge vñ o^ch daz rote golt."



Strophe: 2123   { Strophe of Ms. C: 2081   }


Verse: 1C     Ezele der vil riche   hete iamer vñ not.

Verse: 2C     er klagte pitterliche   mage vñ manne tot.

Verse: 3C     da stvnt von manigen landen   vil rechen gemeit;

Verse: 4C     die weinten mit dem kvnige   siniv chreftigen leit.



Strophe: 2124   { |X2027 / Strophe of Ms. A: 1964   / Strophe of Ms. B: 2024   / Strophe of Ms. C: 2082   }


Verse: 1     di hi so lasterlichen   ezzent des fversten brot
Verse: 1A     Die hie so lasterlichen   ezzent des kvniges brot
Verse: 1B     <Di> hi so lasterlichen   ezzent des fvͤrsten brot
Verse: 1C     Des begvnde spotten   der kvne Volker.

Verse: 2     vnde im nv geswichent   in der groezesten not
Verse: 2A     vñ im nv geswichent   in der groͤzisten not,
Verse: 2B     vnde im nv geswichent   in der groͤzesten not,
Verse: 2C     "ich sihe hie sere weinen   vil manigen rechen her.

Verse: 3     der sihe ich hi vil manegen   vil zageliche stan
Verse: 3A     der sihe ich hie manigen   vil zaglichen stan,
Verse: 3B     der sihe ich hi vil manegen   vil zageliche stan,
Verse: 3C     si gestent ir herren vbele   in siner starchen not.

Verse: 4     vnde wellent doch sin vil chvene   si mvzens immer schaden han
Verse: 4A     vñ wellent doch sin kvͤne;   si mvͤzens immer schande han."
Verse: 4B     vnde wellent doch sin vil chvͤne;   si mvzens immer schaden han."
Verse: 4C     ia ezzent si mit schanden   nv vil lange hie sin brot."



Strophe: 2125   { Strophe of Ms. C: 2083   }


Verse: 1C     Do gedahten in die besten:   er hat vns war geseit.

Verse: 2C     doch enwas ez da niemen   so hercenliche leit

Verse: 3C     als ovch Iringe,   dem helede vz Tenelant;

Verse: 4C     daz man in churcen citen   mit der wareheite wol bevant.




Next part


This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.