TITUS
Physiologus: Wiener Prosa
Part No. 18
Previous part

Chapter: 16   Link to Physiol1 Link to Physiol3
Paragraph: 1     Ave ist ein tier und heizit Castor, Piber unt ist vil milte unde Item: 147v  senfte. <S>ine gemahte sint vil nuzzi zuo arzintuome.
Paragraph: 2     Phisiologus zellit sin geslahte, chut: so der Piber gisihet daz man in jaget unt er inphliehen <ne>mach, so bizzit er die gemahte abe unt fliuhet er. So nimit der jagire die gemahte und nejaget in nieht mere. so man ave daz selbe tier jagit unt iz inphliehen nemach, so lazit iz den jagiren sehen daz iz der gemahte niene hat. so nejaget er iz mere.
Paragraph: 3     So sculn alle die tuon die mit gote subirliche wellent leben. si sculn abi selbe sniden alle achuste des herzen unt des lichinamen unt werfen si dem tiefale der si jage. so mugin si mit gote leben.
Paragraph: 4     Unsich manet Sante Paulus unte chut: "gebet aller manniklich daz ir ime sculit. dem ir zins sculit, dem gebet den. den ir Item: 148r  eren sculit, den eret. gebet dem tiefale, daz ir ime scult. Virzihent iuwech allere tiuvallichere werche unt cherit iuwech ze gote mit alleme herzen. ir gebent ime ere als unserem vater, daz wir mit siner helfe des tievales zinses irloset werden unt wir geistlichiu wuocher gewinnen mugin, daz wir von guottatin wunne mit gote haben muozzen."

   
Paragraph: V1     Nve W.; ine: davor Lücke für Initiale W.; nutzi W.
Paragraph: V2     gisihet (!) W.; unt iz inphliehen mach W., verb. von Lauchert; So: mit Initiale W.
Paragraph: V3     mugin (!) W.
Paragraph: V4     cîns W.; Virzihent: mit Initiale W.; hercen W.; gebet Maßmann; cinses W.;
Paragraph: V4     unter 4 Raum für ein Bild W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.