TITUS
Physiologus: Millstaetter Handschrift (Verse arrangement)
Part No. 18
Previous part

Chapter: 16   Link to Physiol2 Link to Physiol1
Der Biber


Paragraph: 1  
Strophe: 112  
Verse: 1    Abir ist ein andir tier,    daz heizzet Castor, Piber.
Verse: 2    ez ist vil milte   unde darzuo senfte.
Verse: 3    sine geil ist nuzze unde guot,   ze erzenie man si tuot.

Verse: V1    112,1 über 1 ein Bild M.
Verse: V1    112,1 daz (!) M.
Verse: V2    112,2 darzuo (!) M.
Verse: V3    112,3 Sine: mit Initiale M.


Paragraph: 2  
Strophe: 113  
Verse: 1    Phisiologus von sinem geslehte saget,   er sprichet: so der Piber sihet, daz man in jaget,
Verse: 2    unde er enphliehen nlene mage,   so bizzet er sin gemeht abe.
Verse: 3    zehant vliuhet er, so nimet der jeger   die gemeht unde jaget niht mer.
Verse: 4    so man abir daz selbe tiere jagit unde ez niht enphliehen mac,   so læt ez den jegir sehen, daz ez der gemeht niene hat.
Verse: 5    so nejaget er   ez niht mer.

Verse: V2    113,2 gæmæht M.
Verse: V3    113,3 Reimpunkt auch nach er M.; So: mit Initiale M.; iægir M.; mere M.
Verse: V4    113,4 Reimpunkt auch nach tiere M.; niht (!) M.; mach M.
Verse: V5    113,5 ez der maht nine M.

Paragraph: 3  
Strophe: 114  
Verse: 1    So sculen alle die gebaren,   die mit got wellent varen.
Verse: 2    si sculen sniden abe in selben   alle achust ir herzen
Verse: 3    unde ir lichnam   unde werfen si den tievil an,
Verse: 4    der si zallen ziten jaget,   so lebent si mit got, also dei buoch sagent.

Verse: V2    114,2 herzzen M.
Verse: V3    114,3 lichnamen M.

Paragraph: 4  
Strophe: 115  
Verse: 1    Uns manct Sanctus Paulus   unde sprichet sus:
Verse: 2    "gebet aller mannechlich,   daz ir im scult, daz lobe ich.
Verse: 3    dem ir den zins scult, dem gebet den,   eret, den ir scult eren.
Manuscript Page: 95v_(Ka._95)  
Verse: 4    erfullet daz gebot,   daz ir got scult, daz gebet got."

Verse: V3    115,3 dem (!) gebet M.
Verse: V4    115,4 erfullet (!) M.

Paragraph: 5  
Strophe: 115a  
Verse: 1    "Aller tiuvellichen werche iuch verzihet, ze got iuch cheret.
Verse: 2    mit allen sinnen   ir gebet im ere unde minne
Verse: 3    als iurem vater,   daz wir mit siner helfe
Verse: 4    des tieveles zinses erloset werden unde geistlichiu wuochir gewinnen uf dirre erde,
Verse: 5    daz wir von guotæten suozzen   wunne mit got haben muozzen."

Verse: V1    115a,1 Aller. mit Initiale M.
Verse: V4    115a,4 of M.




Next part


This text is part of the TITUS edition of Physiologus: Millstaetter Handschrift (Verse arrangement).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.