TITUS
Physiologus: Millstaetter Handschrift (Verse arrangement)
Part No. 19
Previous part

Chapter: 17   Link to Physiol2 Link to Physiol1
Die Ameise


Paragraph: 1  
Strophe: 116  
Verse: 1    Phisiologus saget,   daz diu Ameizze driu geslehte habet.
Verse: 2    daz ist ir erst geslehte:   so si gant uz ir neste,
Verse: 3    so gent si alle in antreide   unde tragent chorn unde andir getraide.
Verse: 4    ist daz in vor ir loche andir Ameizze begegenent,   swie si itel gen, des chornes, si in niht nement.

Verse: V2    116,2 Daz: mit Initiale M.; oz M.
Verse: V3    116,3 antreite M.
Verse: V4    116,4 Kadenz ausgeglichen Pretzel

Paragraph: 2  
Strophe: 117  
Verse: 1    So netaten niht die funf magede,   die des oles niht habeden,
Verse: 2    also chom der brutgoum:   die tumben magete sprachen im
Verse: 3    zuo den mageden wisen:   "gebet uns iures oles also lise,
Verse: 4    unsiriu lieht erloscen sint",   doch gaben si in sin niht.

Verse: V1    117,1 habeten M.
Verse: V2    117,2 brotgom M.; spache (!) M.; Reimpunkt nicht nach im, aber nach zuo (3a) M.
Verse: V4    117,4 unsirsv (!) M.

Paragraph: 3  
Strophe: 118  
Verse: 1    Do der brutgoum chom,    do leitot man die wisen in
Verse: 2    unde lie die tumben   niht dar in dar under.

Verse: V1    118,1 brotgom M.
Verse: V2    118,2 undir M.

Paragraph: 4  
Strophe: 119  
Verse: 1    Daz andir geslehte   der Ameizzen merchet rehte.
Verse: 2    so si ir chorn zesamen bringent,   gelich enzwei si ez teilent,
Verse: 3    daz ez vor fiuhte niht erchime   noch in dem wintir hungers tot iht beliben.

Verse: V2    119,2 So: mit Initiale M.
Verse: V3    119,3 be/libe M.

Paragraph: 5  
Strophe: 120  
Verse: 1    Also sol der mennisce tuon:   er sol die scrift alter e teilon,
Manuscript Page: 96r_(Ka._96)  
Verse: 2    daz er zerehte wizze die gewarheit   geistlicher unde weritlicher gewonheit.
Verse: 3    geistlichiu dinch sol er da von   von werltlichen sundiron,
Verse: 4    daz er an dem suonstage   die verdamenunge iht verdienet habe.

Verse: V2a    120,2a unter 2a ein Bild M.
Verse: V3    120,3 geistilichiv (!) M.; werltlichen (!) M.


Paragraph: 6  
Strophe: 121  
Verse: 1    Sanctus Paulus sprichet: "ewa si ist geistlich,   si ist niht vleisclich."
Verse: 2    abir chut er: "swer die ewa nach den buochen vernimet,   den selben si erslehet.
Verse: 3    swer si geistlichen vernimit,   si erchuchet in, wande si im wol zimit."

Verse: V1    121,1 ueleischlich M.
Verse: V2    121,2 chut (u aus o korr.) M.; uernime ? M.; ersleht M.
Verse: V3    121,3 uernimt M.

Paragraph: 7  
Strophe: 122  
Verse: 1    Die wenigen Juden dahten an die scrift,   si vernamen si gotlichen niht.
Verse: 2    von diu chriuzzeten si ir herren,   den waltunden Christ der eren.
Verse: 3    dannan werdent si verlorn,   von ir tumpheit vluren si daz chorn.

Verse: V1    122,1 Die (!) M.
Verse: V2    122,2 chrozzeten M.

Paragraph: 8  
Strophe: 123  
Verse: 1    Du gotes man, nim dine gerten,   scone du si scinte,
Verse: 2    also Jacob tet,   in daz wazzir lege si gescelt,
Verse: 3    slaz diniu scaf geistlich wuochir bringen   unde dem werltlichen entrinnen.

Verse: V2    123,2 gezelt M.
Verse: V3    123,3 werltlichen (!) M.

Paragraph: 9  
Strophe: 124  
Verse: 1    Vernemet, geistlichiu liute, disiu dinch:   die abir ungeloubich sint,
Verse: 2    furnamens die nemegen   ez rehte vernemen.

Verse: V1    124,1 lote M.
Verse: V2    124,2 furnames M.

Paragraph: 10  
Strophe: 125  
Verse: 1    Nu horet abir ze rehte    der Ameizzen geslehte.
Verse: 2    so si in dem arne an den achir gat,   so smechit si, wa diu gerste stat.
Verse: 3    hin unde her si sinnet,   unz si den weizze vindet.
Verse: 4    so vert si uf den haim enbor   unde nimit und treit ze loche daz chorn.

Verse: V2    125,2 So: mit Initiale M.
Verse: V4    125,4 of M.

Paragraph: 11  
Strophe: 126  
Verse: 1    Gersta ist tumbes vihes fuore,   guot man sol die gersten niht ruoren,
Verse: 2    wan si bezeichent tumbir liute lere:   von den vliuset maniger die sele.

Verse: V2    126,2 lote M.


Paragraph: 12  
Strophe: 127  
Manuscript Page: 96v_(Ka._97)  
Verse: 1    Man sol miden die lere,    die gezelt habent dise irrære:
Verse: 2    Arrius, Sabellius,   Marcedonius, Manicheus,
Verse: 3    Novicianus, Montanus, Valentinus,   Basiles, Macedonius, Fortinus
Verse: 4    unde andir irrære,   wande unreht was ir lere.
Verse: 5    ir lere diu was lugelich   unde ist widirwartich
Verse: 6    rehtir warheite:   ich meine die waren gotheite.

Verse: V127,2-3  alle Namen mit Initiale, nach jedem Reimpunkt M.
Verse: V2-3  alle Namen mit Initiale, nach jedem Reimpunkt M.
Verse: V127,4    127,4 Vnde: mit Initiale M.



Next part


This text is part of the TITUS edition of Physiologus: Millstaetter Handschrift (Verse arrangement).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.