TITUS
Physiologus: Millstaetter Handschrift (Verse arrangement)
Part No. 21
Previous part

Chapter: 19   Link to Physiol2 Link to Physiol1
Der Adler


Paragraph: 1  
Strophe: 130  
Manuscript Page: 97r_(Ka._98)  
Verse: 1    In dem zehenzegistem salme sculen wir nemen war,   daz des mannes jugent sich iteniwe sam des Arn.
Verse: 2    ez zelt Phisiologus   des Aren geslehte sus.
Verse: 3    so der Ar alt wirdet, so swærent im die vederen,   dei ougen im tunchelent.
Verse: 4    so suochet er an den stunden   einen chochen brunnen
Verse: 5    unde vliuget von dem brunnen   uf zuo dem sunnen.
Verse: 6    da brennet er sine vedere,   in den brunne vellet er nidere,
Verse: 7    der im da zuo ist worden chunt,   daz tuot er danne dri stunt.
Verse: 8    so wirt er gejunget   unde darnach gesehent.

Verse: V1    130,1 zehengistem M., verb. von Karajan
Verse: V2    130,2 Ez: mit Initiale M.
Verse: V3    130,3 So: mit Initiale
Verse: V4    130,4 So: mit Initiale M.
Verse: V5    130,5 of M.
Verse: V7    130,7 diritenstunt M., verb. von Karajan

Paragraph: 2  
Strophe: 131  
Verse: 1    Also sol der mennisc sich ahten,   er si Jude oder unsir herren geslehte,
Verse: 2    der die alten sunde treit tougen   unde dem betunchilt sint sines herzen ougen.
Verse: 3    der denche, wie min trohtin sprach:   "nieman der mach
Verse: 4    ze gotes riche chomen,   er enwerde zwir geboren,
Verse: 5    werltlichen unde geistlichen,   daz ist in der heiligen touffe."
Verse: 6    so er wirt getouffet,   also der Are ist er gejunget.

Verse: V3    131,3 Nieman: mit lnitiale M.
Verse: V4    131,4 geborn M.
Verse: V5    131,5 werltlichen (!) M.
Verse: V6    131,6 So: mit Initiale M.

Paragraph: 3  
Strophe: 132  
Verse: 1    Von dem Aren sprichet sus   Sanctus Augustinus:
Verse: 2    "So der Ar alt wirt,   der obir snabil im wehsit
Verse: 3    unde wirt im also lanch,   daz er niht gezzen mach."

Verse: V2    132,2 So: mit lnitiale M.; wirt (!) M.

Paragraph: 4  
Strophe: 133  
Verse: 1    So vert er ze einem steine,   den snabil brichet er abe chleine
Verse: 2    unde izzet danne wenich ode vil,   solange also got wil.


Paragraph: 5  
Strophe: 134  
Verse: 1    So unsir sunte uns ubir wahsent,   die des Aren snabil bezeichent,
Verse: 2    so sculen wir suochen den stein,   den heiligen Christ rein,
Verse: 3    daz er unsir sunde an uns iht suoche   unde niwe uns mit der heiligen touffe,
Manuscript Page: 97v_(Ka._99)  
Verse: 4    daz wir daz heilige wizzot   nemen, so wir ligen tot.

Paragraph: 6  
Strophe: 135  
Verse: 1    Jeronimus zelt:   "so der Ar wirdet alt,
Verse: 2    so vliuget er an der stunt   uf in den luft.
Verse: 3    sine gevider er brennet,   in sin nest er wider vellet.
Verse: 4    sine jungen in ziehent,   unz er vedir als e gewinnet."

Verse: V2    135,2 of M.

Paragraph: 7  
Strophe: 136  
Verse: 1    So sculen wir gebrennet werden allermeiste   mit den genaden des heiligen geistes,
Verse: 2    daz unsir sunde muozzen dorren,   uns wir ewichlichen geiteniwet werden.

Verse: V1    136,1 gei/geistes (!) M.



Next part


This text is part of the TITUS edition of Physiologus: Millstaetter Handschrift (Verse arrangement).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.