TITUS
Lancelot und Ginover I: Prosalancelot
Part No. 15
Previous part

Page: (38) 
Sentence: 176    Koment herre zu mir, ich wil uch offgeben alles das lant von Bonewig, als ich uch gelobet han, biß an das in den Wúnstungen begriffen ist!
Sentence: 177    Das enwil ich nymand off zu lehen geben.
Sentence: 178    Mogent ir uch des erweren des uch Banin angesprochen hatt, so wil ich das ir myn man werdent und thúnt mir myn recht da von.
Sentence: 179    Mag ers aber off uch bewern, ich gelob im alles das lant uffzugeben, das er myn getruwer man da von werde.« Alsus gab Claudas dem truchseßen das lant uff von Bonewig, das er synen eydt nit wolt brechen den er gethan hatt; auch gedacht er wol das ers nit lang solt behalten, wann er wúst Banin stolcz und kúne und auch getruw.
Sentence: 180    Was sol des me?
Sentence: 181    An dem vierden tag kamen sie zuhauff zu fechtenne in eyn wieß in dem land zu Bonewig zwúschen Loire und Arsie.
Sentence: 182    An derselben stat schlug Banin dem truchseßen das heubet abe.
Sentence: 183    Da bott Claudas im das lant offzugeben zu lehen und zu erbe.
Sentence: 184    Da sprach Banin:
Sentence: 185    »Herre, ich nim es off also das es myn sy als lang als ich wil und nit lenger, wann myn gemut ist also das ich mit uch nit wil verliben, und bitt uch urlobs vor allen uwern mannen.
Sentence: 186    Wann gott sy es gelobet, ich han geendet das ich von uch kein lant enpfahen wil, were es auch das best lant das ye wart, da ir mich mit mochtet gezwungen.
Sentence: 187    Ich enmocht uch dann auch underwilen gemögen als mir fuget, wann myn hercz, das mich meystert, sagt mir also, und ob gott wil, ich wil es auch also vollenbringen nach myner macht.« Da Banin hinweg fur, das was Claudas vil zorn, wann er stunt sere darnach mit allem synem fliß das er mit im verliben were, wann er engesah nye so getrúwen ritter mit synen augen.
Sentence: 188    - Alhie laßen wir die rede von Banin und von hern Claudas verliben und sprechen fúrter von dem konig Ban und von der koniginne sim wybe, des wir lang geschwiegen hann.
Sentence: 189    Nu sollen wir sagen wie im geschah.
Sentence: 190    Diße rede spricht das der konig Ban ist off eynen hohen felß gegangen zu sehen syne burgk die im so lieb was; und der tag begunde sere zu lúchten, so sah er die mure wiß blicken und den hohen thurn und das lant allumb.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.