TITUS
Lancelot und Ginover I: Prosalancelot
Part No. 50
Previous part

Page: (108) 
Sentence: 643    Er was auch so sinnig und so wise sittherre das er zehenjerig wart, das man nicht kund geprufen ob er keyn schalcklich kintheit beginge dann alle gilt und hubsche kintheit.
Sentence: 644    Hette er auch keynes guten dinges gedacht zu thun, da von enkunde man yn nicht licht entwen den, er vollekeme es ye, und des enließ er durch synes meyster noch durch nymans willen.
Sentence: 645    Er kam so ferre einstags das er und syn meisterschafft wurden jagende ein rech in dem walde, und volgeten so ferre das sin geselschafft sich verhindert, und Lancelot und sin meister volgten furbas, wann sie baß geritten waren dann die andern.
Sentence: 646    Uber ein kurcz wil darnach vil syn meister und sin pfert, so das syn pfert den hals brach.
Sentence: 647    Lancelot volget fúrter, so das er sich nie umb sah, und ervolget das rech und schoß es zu tode an eim holen wege, und erbeißet von sim pferde und band das rech hinder sich und saß wiedder off und nam synen bracken an synen arm und furt yn vor im off sym pferde, wann er dem rech ferrer gevolget hett dann keyn bunt den er hett.
Sentence: 648    Er kert wiedder und reyt zu synen gesellen die hinder im bliben waren, und begegent im ein man zu fuß, der leite ein pfert an syner hant, das sere múde was.
Sentence: 649    Der was ein wolgethan knapp, und sprangk im der bart allererste Er enhett nit me an dann eyn rock und sin kapp off synen hals geschlagen, syn sporn an synen fußen warn alle blutig, wann er hett das pfert sere gehauwen.
Sentence: 650    Er ilte sere und zuwet im wenig.
Sentence: 651    Da er das kint sah, da schampt er sich sere und begund hart jemerlichen weynen.
Sentence: 652    Das kint beyt syn und fragt yn were er were und war er wolt so bald.
Sentence: 653    Der knapp sah wol das das kint ein edelman was, und antwurt im alsus:
Sentence: 654    »Lieber juncker, das uch got ere, nit enruchet wer ich sy!
Sentence: 655    Ich bin unselig und arm gnug und werden noch armer in dißen drien tagen, got enberat mich nochanders dann ich mich versich.
Sentence: 656    Ich han dick bas nach mym willen gewesen dann ich nu sy.
Sentence: 657    Wie arm ich nu sy, myn vatter und myn mutter waren doch fry lut, darumb dut mir myn ungemach wirs dann eim andern manne.« Der knapp erbarmt sere Lanceloten und sprach zu im:
Sentence: 658    »Ir sint ein edelman.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.