TITUS
Lancelot und Ginover I: Prosalancelot
Part No. 51
Previous part

Page: (110) 
Sentence: 659    Ir solt dheynen schaden weynen der uch mag geschehen, es were dann das uch ein frunt dot were, oder das uch unrecht were geschehen oder laster des ir uch nit kunnent erweren.
Sentence: 660    Ich sag uch furware das keyn edelman verzwiveln sol umb eynen cleynen schaden, des er sich darnach mag erkobern.
Sentence: 661    Verluset er das er nit wiedder mag erkobern, so ist wol billich das er unfro sy.« Da wunderte den knappen sere der rede, were das kint mocht syn das also wißlich redete und als jung was, und antworte dem kinde:
Sentence: 662    »Werlich lieber juncker, ich weyn nit umb schacz noch umb lant das ich verlorn han, ich weyn das ich morn frú solt syn in konig Claudas hofe; da han ich eynen ritter besprochen von morde, der mir mynen patten ermordet off synem bette, des ist gut wil das es geschah.
Sentence: 663    Ich wil uch sagen warumb er ermordet wart:
Sentence: 664    er hett ein schön wip, und der ritter wart sie mynnende, und daten beydu so vil zuhauff das er ermordet wart eins nachtes off sym bette.
Sentence: 665    Nechten da ich wonde dannen ryten, da der er mir lagen an eyner wegscheiden by eim busch, und ich wart bestanden, und wart mir myn pfert under mir zu tode geschlagen.
Sentence: 666    Gott halff mir das ich dannen kam mit synen gnaden.
Sentence: 667    Da kam ich zu eim mynem frunde, der gab mir diß pfert, das vergelt im gott!
Sentence: 668    Ich han es aber so sere verrieten das es mir noch nymand me n6cz ist umb den dot zu suchen und myn ere zu behalten.
Sentence: 669    Auch bin ich unfro umb myn frunt, die wurden zu tode erschlagen und wurden wunt da ich bestanden wart.
Sentence: 670    Anderhalb bin ich ruwig das ich zu mym tag nicht bezitt enkomen mag zu des konig Claudas hof.
Sentence: 671    Mocht ich bezite sin komen, ich wönde mit gottes hilff mynes leydes ein teil gerochen han.
Sentence: 672    Nu muß ich geuneret bliben, wann ich dar nit bezytt komen mag.« Da sprach Lancelot:

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.