TITUS
Lancelot und Ginover I: Prosalancelot
Part No. 89
Previous part

Page: (186) 
Sentence: 1207    Und weren sie alle also gewesen die mit im waren, sie hetten zwenczig warb als vil lut bestanden als Phariens mit im hett.
Sentence: 1208    Wie kranck syn hilft was, nochdann hett er sich unberaten die kint wiedder zu gebene, so das man im darumb laster spreche.
Sentence: 1209    Solt ers wiedder geben, das wolt er also thun das ers ere her.
Sentence: 1210    Da mante er Phariens das er gedecht an den eydt den er im geschworn hett da er syn man wart, das er zu im köme als er schuldig were zu sym herren zu komen.
Sentence: 1211    »Herre, herre«, sprach Phariens, »ir teidinget alles vergebens, ir mußt uns die kint heruß geben, es sy uch lieb oder leyt!
Sentence: 1212    So rat ich uch das ir sie mit gút wiedder gebent ee mit ubel.
Sentence: 1213    Als ir sie wiedder gegeben hant, so enfindet ir nymant der wiedder uch sy under uns allen, wir helffen uch alle mit lip und mit gut.
Sentence: 1214    Enthunt ir des nit, so muß hie groß schad geschehen beyderhalb und groß mort.
Sentence: 1215    Als diß alles geschehen ist, so mußent ir uns doch die kint wiedder geben, oder ir mußet dot verliben, wann wir des zu radt sint worden das wir alle ee lieber sterben dann wir unser rechten herren vor unsern augen laßen döten.« »Nu thunt allesampt darumb was ir gethun mögent, die kint enwerdent uch nymer wiedder, ir engewinnent mirs mit gewalt an, und wil ich sehen was ir darzu thunt!« Als schier als Claudas das wort gesprach, da was der stryt erhaben vor dem pallast starck und bitter; mit bogen und mit armbrusten und mit schlingen flugen die steyn und die pfile von den bogen und von den armbrusten als dick als der regen vellet.
Sentence: 1216    Claudas wert sich sere und sin volck, und hetten alle die fenster von dem pallast wol beseczt mit rittern und mit scharianten.
Sentence: 1217    Die ußen waren die begunden fure mit den schlingen off den pallast zu werffen.
Sentence: 1218    Da das Claudas gesach, da wagt ers als ein kúne ritter:
Sentence: 1219    er warff die thúr off und sprang under sie und nam die helenbarten mit beiden handen und gab da mit große schleg und starcke.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.