TITUS
Lancelot und Ginover I: Prosalancelot
Part No. 91
Previous part

Page: (190) 
Sentence: 1235    Der ritter was starck und bleib steen und sprang von im einhalb abe und ließ yn farn.
Sentence: 1236    Von dem großen schlag den Claudas in dem backen hett was er so von imselber komen das er nicht enwúst wo er was, und von dem stich den er durch die schultern hett, wann im der schafft noch in dem libe stecket den er durch die schultern hett, das man yn beyde, hindann und fornan, mocht sehen.
Sentence: 1237    Er hett anders menge wunden und qwetschung, da er mit steynen geworfen wart und mit pfilen geschossen, die als dick off yn flugen als der schne von dem hymmel.
Sentence: 1238    Meniger schoß von ferre der im ungem so by komen were das er yn mocht han erlanget mit der helnbarten.
Sentence: 1239    Da Claudas gut wil also gestanden hett, da kam einer off eim starcken roß gerant und stach Claudas off syn brüst mit einer glenen, das sie alle zurstüb und Claudas zuhant in onmacht viel; und Phariens nefe lieff zu im und hub im den halßberg off und wolt yn durch den lip gestochen han.
Sentence: 1240    Da das syn ritter sahen die in dem pallast waren, da sprungen sie yren herren zu beschutten und trieben die mit gewalt von im die ob im stunden ußer der porten und von der brucken, und huben yren herren off.
Sentence: 1241    Er was aber also sere geqwetschet das er kam gesteen mocht.
Sentence: 1242    Da begunden sie all umb yn freischlich zu stryten, und wart der stritt so groß das man nicht anders mocht gehörn dann groß schleg mit schwerten und mit helenbarten uff die schild und off die helm.
Sentence: 1243    Claudas wart dick nider under des pferdes fuß geschlagen, und sin lut huben yn als dick wiedder off.
Sentence: 1244    Der stryt wert hart lang.
Sentence: 1245    Da sah Phariens das sich Claudas lút und erselb sere werten und großen schaden daten.
Sentence: 1246    Da nam er das roß mit den sporn, gnung ritter und burger volgeten im, und reit da er den stryt allerdickest sah, und facht als ein helt.
Sentence: 1247    Da das Claudas ersah, da gewann er wiedder hercz und krafft.
Sentence: 1248    Er hett sich sere vermüt und was sere kranck worden; des enacht er alles nicht da er Phariens sah, wann er im gern zu were.
Sentence: 1249    Er begund freischlich schlagen und streyt so sere das im alle die den prise gaben die yn mit den augen sahen.
Sentence: 1250    Und Phariens sprach selber das der konig geunert múst syn der als gut ritter were mit untruwen und mit falsch und mit schalckeit die er da mit hett.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.