TITUS
Lancelot und Ginover I: Prosalancelot
Part No. 92
Previous part

Page: (192) 
Sentence: 1251    Phariens nefe ging zu Claudas, wann er in der welt keynen man so sere haßt.
Sentence: 1252    Claudas sah das er zu im wolt, er wúst auch wol das er yn sere haßet.
Sentence: 1253    Er was groß und starck und wol gemacht, wann das er sich sere verblutet hett.
Sentence: 1254    Er ging gegen sym fynde da ern komen sah, und gedacht wie im lieber were, ob er sterben solte, das er ersam tot verlibe dann er keyn geberd macht oder die glich thete lasterlich zu fliehen.
Sentence: 1255    Sie kamen beyd zuhaug und underslugen sich so sere off jhene helm das die schwert in ir beyden köpffen besuffen.
Sentence: 1256    Wie Claudas wunt were und sich verblut her, er schlug doch Phariens nefen, das er mit beiden henden off ihen erden schlug und viel fur syn füß.
Sentence: 1257    Claudas sprang zu im und brach im den helm abe und gedacht das er im den halß wolt abschlagen.
Sentence: 1258    Das sah Phariens und brach durch jhens volck mit sym roß, das starck und gut was, und schlug eim ritter (der Claudas wolt helffen sim nefen das heubt abschlagen) mit dem schwert das heubt von einander biß off den halß, das er fur Claudas fuß dot viel; und darnach gab er Claudas einen schlag, das er wedder hort noch sah und viel mit knyen und mit henden off die erde.
Sentence: 1259    Und syn nefe ergreiff yn mit den armen und warff yn under sich und wolt im das schwert durch den lip gestochen hann.
Sentence: 1260    Da wer Claudas tot, wann das Phariens erbeizet und halff im das yne syn nefe nicht erstach.
Sentence: 1261    Da sprach Phariens zu sym neven ob er den besten ritter döten wolt der in der welt lebte, »al her er mir alles das genomen das in der welt ich han, nochdann wil ich yn vor dem tode beschútten wo ich mag, wann alle die welt mocht so hohen princen und so guten ritter nicht vergelten ob er alhie tot verlibe.
Sentence: 1262    Er enwart auch nye ein frummer man, der anders mannes nöten nicht gedecht, ob er im ye keyn lieb gethete, und diende im wiedder als viel.« »Wie«, sprach er, »wolt ir dann den man beschútten der uns so großen schaden gethon hatt, und wolt vor unsern augen unser gerecht herren beyd döten?

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.