TITUS
Lancelot und Ginover I: Prosalancelot
Part No. 95
Previous part

Page: (198) 
Sentence: 1300    das wind waren gewesen das wurden kint, und das kint waren gewesen das wurden wind, - da das Phariens ersah, da erschrack er fast sere und alle die im thurn waren.
Sentence: 1301    Diß geschah da die jungfrauw des ersten nachtes mit den kinden zu herberg kam und den kinden zu eßsen solt geben; da wiedder der sie ir zaubery das man die kint wol bekant, also der man auch die winde zu Gaune in dem thorne.
Sentence: 1302    Zu derselben stunt da wurden alle die in dem thorn waren by Phariens so zornig das sie nit wusten was sie thun solten, und Phariens selber allermeist.
Sentence: 1303    Sie rieffen alle mit eyner stym das sie Claudas allererst wolten döten.
Sentence: 1304    Phariens wart ser unfro umb syne herren, die wonde er verlorn han, da aller syn trost anstunt und da er den lip so sere umb gewaget hett, die er auch so lang gezogen het und gehalten.
Sentence: 1305    Er wond das sie Claudas getötet hett und das er yn die wind fur die kint gegeben hett, und wart so leidig das es groß wunder was das im sin hertz nicht enbrach.
Sentence: 1306    Er want sin hend und schlug sie zuhaug, er rauffte sin bar uß hantvöllig, er reiß sin cleider und warff sie von im, er zurkramp synen halß und sin anczlit, das das blut off die erden tropffete.
Sentence: 1307    Er rieff so sere das es wunder was, und erbarmte alle die so sere die es horten, das sie hercziclichen mit im begunden zu weynen, als ob yn vatter und mutter uge legen.
Sentence: 1308    Phariens und alle die mit im waren machten großen jamer, das Claudas und die mit im waren horten das geschrey und das hantschlagen das sie machten.
Sentence: 1309    Claudas hieß warten was das were.
Sentence: 1310    Man saget im das es were in dem großen thurne.
Sentence: 1311    Er sante dar, zu erfarne was es were.
Sentence: 1312    Der bott kam zuhant wiedder lauffen was er úmmer mocht, wann Phariens lut hetten nach im gerant mit glenen und mit gerauften schwerten und hetten yn gern dot geschlagen, und hetten im dry wunden mit spiczen meßsern geworffen, dieff und groß.
Sentence: 1313    Claudas wart sere erfert und fragt was im were und were yn also hett gewunt.
Sentence: 1314    Der knap hett sere geblut und het gelaufen das er kam geettemen kunt und kam ein wort gesprach.
Sentence: 1315    »Ay«, sprach er, »edler lieber herre, siczent off uwer beste roß und fliehent!
Sentence: 1316    Hie komet das gröst here das in der welt wesen mag, und wil uch allen zu stucken hauwen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.