TITUS
Lancelot und Ginover I: Prosalancelot
Part No. 96
Previous part

Page: (200) 
Sentence: 1317    Sie sprechen das ir des konig Bohorts kinde zu tode habent ge- schlagen und habent yn da fur gegeben zwen winde an einer silberinn ketten.
Sentence: 1318    Ir gesahent auch nye volck das also zorniclichen keine und das sich als gern reche als sie dethen.
Sentence: 1319    Als schier als sie mich sahen, da lieffen sie off mich mit yren wapen und wollten mich han getötet; ee dann ich icht wiedder sie spreche, da hetten sie mir dry wunden durch den ruck geworffen mit yren meßern, das ich wol weiß das ich dotwunt bin.« Da Claudas das erhort, da sprang er off und hieß im bald das schwert reichen und synen helm und synen schilt, und hieß sin ritter das sie sich bald bereyten.
Sentence: 1320    Da sprach er, das alle Ist horten:
Sentence: 1321    »Owe konigrich von Bonewig und von Galle, wie groß leyt ist mir von uch komen!
Sentence: 1322    Nu weiß ich wol das er groß affenheit und groß unselikeit und groß arbeit understet der den andern enterbet und ußer sim lande vertribet.
Sentence: 1323    Ich weiß das wo] das er nymer keins tages noch keins nachtes sicherlichen schlaffen mag.
Sentence: 1324    Ich laß stan die großen sunde die er da mit begeet.
Sentence: 1325    Er hatt auch wenig getruwer hilff in dem lande das er zu unrecht bezwungen hatt.
Sentence: 1326    Das ist auch werlich war das die natur den man wiset was er zu recht thun sol, und wiset yn das er synen rechten herren vor allen andern herren habe.
Sentence: 1327    Darumb ist er blint und unversunnen, der werltlichen eren zu viel begeret, die so unlang gewern mag, und synen fliß darzu keret wie er ander lút enterbe und vertribe; der beladet sichselbs beide, mit großen sunden und lebet tag und nacht mit großen angsten und mit großen sorgen.
Sentence: 1328    Wann es mag kein größer ru\v gesin oder in des mannes hercz komen dann das yn ein ander enterbet und vertribet.
Sentence: 1329    Und ob er einen getruwen frunt verlüset, das ist mere schad und großer ruwe, das bin ich hut an dißem tag wol geware worden.« Der konig Claudas gurt sin schwert umb und saczt sin helm off syn heubt und dete zwey pfert schnelliclich bringen.
Sentence: 1330    Er hett ein roßbare thun bringen, da wolt er synen sun off gefuret hann.
Sentence: 1331    Er deth die pfert bringen und deth synen sun daroff machen zu furen, wann er yn hinder im nicht wolt laßen.
Sentence: 1332    Er saß off syn best roß, das was herlich verdeckt mit guten coverturn, und reyt vor zu der porten uß und der synen sun mit im furen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.