TITUS
Lancelot und Ginover I: Prosalancelot
Part No. 142
Previous part

Page: (292) 
Sentence: 1998    Rytent hinweg und hutent uch so ir best mögent, ir solt es wol bedorffenl« Sie saßen off und ritten hinweg mit großen engsten, wann sie wol wißen das sie die stat nicht lang enmochten behalten mit Claudasen.
Sentence: 1999    Sie kamen unfro, und des wart Phariens geware, und wundert yn sere was sie vernomen heten.
Sentence: 2000    Er fragt sie was mere sie vernomen hetten von Claudasen.
Sentence: 2001    Sie sprachen:
Sentence: 2002    »Böse mere!« »Wie?« sprach er.
Sentence: 2003    »Er wil uns dheynen frieden geben«, sprachen sie, »wir geben im dann Lambegusen uwern nefen, synen willen mit im zu thun.« »Wes sint ir dann zu rate worden?« sprach Phariens.
Sentence: 2004    »Wes?« sprach Leonces von Paeme, »den rat wil ich nymmer gegeben, das so gut ritter und also getruwer als Lambegus ist úmmer in synen gewalt kum, ich erkenne yn so ungetruw und so schalckecht.« Phariens fraget alles das volck was sie darzu rieten das yn Claudas enbotten hett.
Sentence: 2005    Sie sprachen, sie wolten anders nicht dann als Leonces von Paerne gesprochen hett, sie wolten ir stat behalten so sie lengst mochten.
Sentence: 2006    So sie die stat nicht lenger behalten mochten, so wolten sie zu feld geen und mit im stryten in des almechtigen gottes namen.
Sentence: 2007    »Das ist beßser«, sprachen sie, »dann das wir eynen getruwen man verrietten, der uns so zu maniger stunt so getruwelich hat geholffen.« Phariens wart sere fro da er dißen rat hort, und sprach das sie getrúwiclich gesprochen heten und wol.
Sentence: 2008    Sie schieden, und menglich ging zu syner herberge.
Sentence: 2009    Phariens und sin nefe gingen zu dem thurne.
Sentence: 2010    Da die beid entwapent wurden, da ging Phariens oben off den thorn und sah zu eyner zinnen uß das meiste here das ye wart, und das felt was alles mit lúten bedeckt.
Sentence: 2011    Er gedacht in synem herczen das die von der stat wiedder das starck here nicht gestan mochten, wann die stat nicht viel spise enhett gegen dem volck das darinn was.
Sentence: 2012    Er begunde hercziclich zu weynen und zu suffczen mit dem herczen.
Sentence: 2013    Underdes kam syn nefe Lambegus zu im gende.
Sentence: 2014    Er was so unfro das er nicht enwust wo er was.
Sentence: 2015    Das verstunt syn nefe und ging so schone das er syn nicht geware wart.
Sentence: 2016    Er stunt und hort wie sin öheim sprach:
Sentence: 2017    »Hey liebe statt, die manigen tag mit großen eren gestanden hatt, zu dir hört manig getruwe man!

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.