TITUS
Lancelot und Ginover I: Prosalancelot
Part No. 144
Previous part

Page: (296) 
Sentence: 2033    Darumb weiß ich wol das ir ungern dethent des ir laster hettent oder schande, darumb wil ichs thun.« »Viel lieber nefe«, sprach Phariens, »ich wil nu wol glauben das ir zu dem konig Claudas wollent farn, das ist mir beide, lieb und leyt.
Sentence: 2034    Es ist mir darumb leyt das ich wol weiß das uch vor dem tode nymant beschutten mag, es ist mir lieb darumb das nye kein ritter als ersam dot verleib als ir.
Sentence: 2035    Ir solt das volck alles von dißem land mit uwerm tode erlösen, vil lieber nefe!« Lambegus ging zu den barunen von dem land und fraget sie und sprach also:
Sentence: 2036    »Ob ir mich Claudas gebent«, sprach er, »wie solt ir des sicher syn das ir rechten fried habent und sin fruntschafft?« »Warumb sprechent ir das?« sprachen sie.
Sentence: 2037    »Darumb«, sprach er, »mögent ir des fried sicher syn, so ist der rat aller geendet; ich bin des zu rat worden, wann ir des sicher sint, das ich mich in des konig Claudas gefengniß wil geben.« Sie begunden all weynen und sprachen das das nymer geschehe das er durch yren willen stürbe, so gut ritter so er were.
Sentence: 2038    »Ir mogent noch geleben, das uch groß ere gesdüc,ht«, sprachen sie.
Sentence: 2039    »Neyn«, sprach er, »das solt ir nit sprechen, das möcht mir nymant wiedderraten, ich muß e zu Claudas fam, ich han keyn angst das er mich döte; in syner gefengniß muß ich ein wil wesen, biß mir got hilffet das ich daruß komen.« »Wir wollens uch nymer geraten«, sprachen sie.
Sentence: 2040    »Gefriesch Phariens uwer öheim das uch Claudas hett, er schlüg alle die zu tot die an dem rat wern gewesen.« »Ir endörffent von synentwegen keyn angst haben, ich bin von im herre zu uch komen!« Sie santen zuhant nach Pharien und sagten im wie sin nefe thun wolt.
Sentence: 2041    »In truwen«, sprach er, »hatt ers guten willen, so enwil ichs im nymer wiedderraten, wann er nymer mit größern eren mocht dot bliben.« Da das die barunen von dem land horten, sie santen zuhant Leoncen von Paerne zu dem konig Claudas, zu vernemen wie sie konig Claudas sicher wolt thun, ob Lambegus in syn gefengniß keine, das er sie nymer me geurloget.
Sentence: 2042    Leonces reyt hinweg und fraget Claudasen; und Claudas sprach, alles das sie vorsprechen das wolt er alles thun hinach.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.