TITUS
Lancelot und Ginover I: Prosalancelot
Part No. 145
Previous part

Page: (298) 
Sentence: 2043    »Wir wollen«, sprach er, »das irs off den heiligen schwert vor uwern hochsten barunen.« »Das wil ich thun«, sprach er, »ir solt mir allesampt swern das myn suͦn dot bleib on uwern ratt.« »Das sollen wir gern thún«, sprach Leonces.
Sentence: 2044    Claudas gab des Leonces sin trúwe, des nehsten tages vollezukommen.
Sentence: 2045    Also der im Leonces die synen.
Sentence: 2046    Des andern tages frü wurden die eyde beydenthalben gethan, und Claudas wurden sin gefangen wiedder.
Sentence: 2047    Der fried wart also gemacht.
Sentence: 2048    Phariens kam zu synem nefen und sagt es im:
Sentence: 2049    »Vil lieber nefe Lambegus, ir farent in uwern dort.
Sentence: 2050    Ir solt ersameclicher ersterben dann ye keyn ritter erstarb, ich wil das ir uwere bicht thút ee dann ir zu Claudas fart.« »Warumb?« sprach Lambegus, »forchtent ir das er mich dot schlage?« »Ich weiß wol«, sprach Phariens, »das ir dem tode nit mögent entfarn.« »So helff mir gott«, sprach Lambegus, »ich han wenig angst das er mich töde slage als lang als er weiß das ir einen schilt getragen mögent; das ich mich in mynes totfindes hend muß geben, das dut mir vil wirs dann die forcht des todes.
Sentence: 2051    Wann ist es uch lieb und radent irs, so wil ich myn bicht thun; wiedder uwern willen wil ich dheynerley ding thun.« Er ging zu dem bischoff der statt und der im syn bicht als verre als er gedencken kunt.
Sentence: 2052    Darnach hieß er syn wapen bringen.
Sentence: 2053    »Lieber nefe«, sprach Phariens, »ir bedörffent ir nicht, ir múßent gnad bitten.« »Nymer enhelff mir got ob ich yn úmmer gnad bitte, wann ich sin gestern dheyn gnad hett gehabt, ob ich syn gewalt hett gewunnen.
Sentence: 2054    Ob got wil, ich engefar nymer nacket fur keinen guten man als ein bube, so mochten sie wol wenen das ich verurteilt were als ein diep den man zu tode furen sol.
Sentence: 2055    Ich wil ryten zu im als ein ritter, mynen helm off mym heubt haltende und myn glenen an myner hant, mynen schilt an myneni halß.
Sentence: 2056    Wann ich zu im kum, so wil ich im myne wapen offgeben one wiedderrede.« Man bracht im syne wapen.
Sentence: 2057    Da er gewapent wart und bereyt, man bracht im syn roß.
Sentence: 2058    Er segente sich und saß daroff und bevalh sie allesament gott.
Sentence: 2059    Er reit hinweg und macht groß freud und gestat nicht das ymant mit im ritte.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.