TITUS
Lancelot und Ginover I: Prosalancelot
Part No. 147
Previous part

Page: (302) 
Sentence: 2082    Ich seh es gern, wolt es gott, das secze gott an mynen lip und an myne sele, das ich nye keyn ding so sere begeret als dynen dort.« Claudas begund sere lachen und nam yn mit dem kien.
Sentence: 2083    »Herr Lambegus«, sprach er, »der uch zu gesellen hatt der mag sich eines dinges wol rumen:
Sentence: 2084    das er ein den kúnsten ritter zu gesellen hatt der hut von synem bette offgestunt und der ein freischlich hercz in synem libe hatt.
Sentence: 2085    Du wurdest werlich ein frumme ritter, soltestu din recht lebtag leben.
Sentence: 2086    Nymer enmuß mir gott helffen«, sprach er, »ob ich dich wolt han geslagen umb alle die welt.
Sentence: 2087    Nochdann han ich hut gesehen die stunde, hett ich dich gehabt, ich enhett umb alle die welt nit gelaßen, ich hett dich dot geslagen.
Sentence: 2088    Seh, nu wer mirs leyt umb die großen truwe die du hast gethan, das du dich wolltest laßen döten, ander litt von dem dot zu erlösen.
Sentence: 2089    Und wolte ich dich döten, ich múst es laßen durch dines guten öheims willen, wann ich wol gleub das er mich von dem tode hatt erlöst.« Claudas hieß zuhant reichen ein herlich par cleyder und hieß sie Lambegus anthun.
Sentence: 2090    Er enwolt sie nve angethun umb alles das yn Claudas gebitten kunde und geflehen.
Sentence: 2091    Er bat Lambegusen das er mit im beliebe.
Sentence: 2092    Er sprach:
Sentence: 2093    »Des enmag ich nit gethun; es ist kein man in dißer welt mit dem ich bliben woll oder sin man woll werden, es sv dann das myn öheim zu allererst syn man werde.« Claudas sant zuhant nach Pharien, und der bott fand yn ußerhalb der pforten halten gewapent, und hett synen helm off sym heubt und wartet ob Claudas synen nefen zu tod hett geschlagen, das er zuhant were geritten da ern wúst und her yn dot geslagen.
Sentence: 2094    Phariens vernam das Claudas nach im hett gesant, und reyt zu im.
Sentence: 2095    Claudas sprach:
Sentence: 2096    »Herre Phariens, nu han ich uch ein wenig uwers dinstes vergolten den ir durch mich gethan hant.
Sentence: 2097    Ich han uwern nefen lebende gelaßen, der durch sterbens willen zu mir komen was, und han yn durch uwern willen laßen leben und auch durch synselbs byderbkeit.
Sentence: 2098    So helff mir gott«, sprach er, »alles das golt von der welt enhett ich hut am morgen fur synen lip nicht genomen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.