TITUS
Lancelot und Ginover I: Prosalancelot
Part No. 150
Previous part

Page: (308) 
Sentence: 2135    Nochdann enwolt er nicht laßen, er lieff zu Pharien sym meister und ergreiff yn zwuschen syn arme, wann es yn syn jungfrauw hieß.
Sentence: 2136    Phariens wip die was im wilkomen, wann sie im und synem bruder viel eren und gutes hett gethan.
Sentence: 2137    Er verweiß Pharien das er zu im nicht komen was als Lambegus zu Bohorten.
Sentence: 2138    »Herre Phariens«, sprach er, »das ir zu mir sint komen, des endarff ich uch nymer danck wißen, wann Bohort mag synen meister wol lieb han, er kam zu im und trost yn da er groß ungemach hett und großen ruwen.
Sentence: 2139    Ich hett uch úmmer da laßen ligen ec dann ich uch enbotten hett, enhets myn frauw nit gethan; ich wil úmmer me gern uwer meysterschafft enberen.
Sentence: 2140    « Die jungfrau, die yn so sere mynnet, sprach, sie wolt nit das er zu synem meister also spreche.
Sentence: 2141    »Und gehör ichs ummer men von uwerm munde«, sprach sie, »so enwil ich uch nymer me lieb han noch fruntschafft thun; wann thút alles das das uwer meister gebutet, ir mögent es wol mit eren thun!« sprach sie.
Sentence: 2142    Phariens wart zornig und unfro und antwurt im gezogenlicher dann im zu mut was:
Sentence: 2143    »Herre«, sprach er, »ich bin wol schuldig zu vertragen alles das ir zu mir sprechent, es sy gut oder böse, wann ir noch jung sint.
Sentence: 2144    Wann by den truwen die ich uch schuldig bin, wand wert ir als alt als Lambegus myn nefe, ir hettet uch des zu spat bedacht.
Sentence: 2145    Es wißen viel guter lút was ich sitt han geduldet umb uwer lant zu befrieden und uwer lút, die alle dot weren und vertriben, und enwere myn heubt alleyn.« »Ir hant yn wol geholffen«, sprach Lyonel, »das Claudas dot were, hettent ir im nicht geholffen.« »Also wolt ich im morn thun«, sprach Phariens, »solt ichs im mit also gutem rechten thun als ich da deth.« »Neyn herre«, sprach der knappe der sie dar geleitet hett, »ir solt uwerm meister zu recht nit sprechen das er nicht gern enhörei Ich weiß wol werlich das er ein der getruwest man ist und der best ritter ist der ye schilt umb synen hals getet.
Sentence: 2146    Stünde er alhie vor uch niht, so wolt ich me sagen dann ich daling gethu:

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.