TITUS
Lancelot und Ginover I: Prosalancelot
Part No. 152
Previous part

Page: (312) 
Sentence: 2158    Sie waren beid sere zu ungemach, umb das sie nicht enwústen ob sie gemehelich oder ungemehelich weren, ob sie dot weren oder lebendig.
Sentence: 2159    Des wart der kinde mutter so kranck das sie nicht me enmocht von großem zorn und von großem jamer den sie machten.
Sentence: 2160    Nochdann enließ sies darumb nicht, sie ging alle nacht zu metten als lang als sie gan mocht.
Sentence: 2161    Sie was fast geistlich und diende gott gern.
Sentence: 2162    Nochdann,was die konigin von Bonewig ir schwester zehen mal geistlicher.
Sentence: 2163    Sie trug nacht und tag ein herin hemd ane off ir hut und darob ein wiß hemd klein.
Sentence: 2164    Sie wart nie so siech das sie ye me geße dann zu einem mal des tages.
Sentence: 2165    Es was nye dheyn nacht, sie stünde zwier off und sprech ir gebett, vor metten zu eim mal und nach metten zu eim mal.
Sentence: 2166    Diß dethe sie on ein liecht, umb das sie wolt das es nyman enwúst.
Sentence: 2167    Sie aß im convent und schlieff mit der samenung.
Sentence: 2168    Sie ward nye so wol geschucht, sie tret winter und summer mit bloßen fußen off die erden.
Sentence: 2169    Sie hielt im orden wol von sprechen innewendig des closters und ußerhalb.
Sentence: 2170    Es geschach dick im jare das sie nicht me aß dann krut zu eim male in dem tag; manch tag was auch das sie nichts nit aß.
Sentence: 2171    Sie was dick so müd von singen und von betten, von wachen und von fasten, das sie nicht me enmocht; so lag sie dann nyder und rüst sich oft ir elenbogen und off ir bloße knye.
Sentence: 2172    Sie hort dick der engel gesang durch eins cappellanes munt, der allweg dry in dem closter waren.
Sentence: 2173    Diß was der koniginn leben von Bonewig, alldiewil das sie lebte biß an ir ende.
Sentence: 2174    Unser herre gott der ir so groß gnade das sie nye so viel gerasten kunt, sie were doch alweg feißt und schön under yren augen und alweg rot als ein rose.
Sentence: 2175    Ir schwester koniginn Evaine was allweg kranck, mager und bleich, sither das sie gefreist das ir kint verloren waren und hinweg gefúret, das nymant enwust wo sie waren.
Sentence: 2176    Da wart sie so kranck das sie nye von irm bette kam.
Sentence: 2177    Sie batt allwegen unsern herren gott das sie múst gewar werden, ee dann sie stuͦrbe, ob ir kint lebendig weren oder dot.
Sentence: 2178    Sie lag zu eim mal alsus in irm gebet, und wart ir ir geist uß irm lib gezuckt, und ducht sie wie sie einen ferren wegk wurd gefúret in eim ende von eim dicken walde.
Sentence: 2179    Da stund ein schön baumgarte, der breyt und lang was.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.